गङ्गाष्टकम् Gangashtakam

न शक्तास्त्वां स्तोतुं विधिहरिहरा जह्नतनयेगुणोत्कर्षाख्यानं त्वयि न घटते निर्गुणपदे ।अतस्ते संस्तुत्यै कृतमतिरहं देवि सुधियांविनिन्द्यो यद्वेदाश्चकितमभिगायन्ति भवतीम् ॥ १॥

na śaktāstvāṃ stotuṃ vidhihariharā jahnatanayeguṇotkarṣākhyānaṃ tvayi na ghaṭate nirguṇapade |ataste saṃstutyai kṛtamatirahaṃ devi sudhiyāṃvinindyo yadvedāścakitamabhigāyanti bhavatīm || 1||

तथाऽपि त्वां पापः पतितजनतोद्धारनिपुणेप्रवृत्तोऽहं स्तोतुं प्रकृतिचलया बालकधिया ।अतो दृष्टोत्साहे भवति भवभारैकदहनेमयि स्तुत्ये गङ्गे कुरु परकृपां पर्वतसुते ॥ २॥

tathā'pi tvāṃ pāpaḥ patitajanatoddhāranipuṇepravṛtto'haṃ stotuṃ prakṛticalayā bālakadhiyā |ato dṛṣṭotsāhe bhavati bhavabhāraikadahanemayi stutye gaṅge kuru parakṛpāṃ parvatasute || 2||

न संसारे तावत्कलुषमिह यावत्तव पयोदहत्यार्ये सद्यो दहन इव शुष्कं तृणचयम् ।पलायन्ते दृष्ट्वा तव परिचरानन्तकजनायथा वन्या वाऽन्ये वनपतिभयाद् वामनमृगाः ॥ ३॥

na saṃsāre tāvatkaluṣamiha yāvattava payodahatyārye sadyo dahana iva śuṣkaṃ tṛṇacayam |palāyante dṛṣṭvā tava paricarānantakajanāyathā vanyā vā'nye vanapatibhayād vāmanamṛgāḥ || 3||

जना ये ते मातर्निधनसमये तोयकणिकांमुखे कृत्वा प्राणाञ्जहति सुरसङ्घैरनुवृता ।विमाने क्रीडन्तोऽमरपतिपदं यान्ति नियतंकथा तेषां का वा जननि तव तीरे निवसताम् ॥ ४॥

janā ye te mātarnidhanasamaye toyakaṇikāṃmukhe kṛtvā prāṇāñjahati surasaṅghairanuvṛtā |vimāne krīḍanto'marapatipadaṃ yānti niyataṃkathā teṣāṃ kā vā janani tava tīre nivasatām || 4||

शिवः सर्वाराध्यो जननि विषतापोपशमनंचरीकर्तुं गङ्गे कलिकलुषभङ्गे पशुपतिः ।जटायां सन्धत्त ललितलहरीं त्वां सुरनदीत्वदन्या का वन्द्या परममहिता वा त्रिभुवने ॥ ५॥

śivaḥ sarvārādhyo janani viṣatāpopaśamanaṃcarīkartuṃ gaṅge kalikaluṣabhaṅge paśupatiḥ |jaṭāyāṃ sandhatta lalitalaharīṃ tvāṃ suranadītvadanyā kā vandyā paramamahitā vā tribhuvane || 5||

जनस्तावन्मातर्दुरितभयतो बिभ्यति सृतौन यावत्त्वत्तीरं नयनपथमायाति विमलम् ।यदाप्तं त्वत्तीरं तदनु दुरितानां न गणनाततो गङ्गे! वन्द्या मुनिसमुदयास्त्वां न जहति ॥ ६॥

janastāvanmātarduritabhayato bibhyati sṛtauna yāvattvattīraṃ nayanapathamāyāti vimalam |yadāptaṃ tvattīraṃ tadanu duritānāṃ na gaṇanātato gaṅge! vandyā munisamudayāstvāṃ na jahati || 6||

नमामि त्वां गङ्गे श्रुतिवनविहारैकनिपुणेजगन्मातर्मातस्त्रिपुरहरसेव्ये विधिनुते ।त्वमेवाद्या दुर्गा जनहितकृते त्वं द्रवमयीस्वयं जाता देवि त्वमसि परमं ब्रह्म विदितम् ॥ ७॥

namāmi tvāṃ gaṅge śrutivanavihāraikanipuṇejaganmātarmātastripuraharasevye vidhinute |tvamevādyā durgā janahitakṛte tvaṃ dravamayīsvayaṃ jātā devi tvamasi paramaṃ brahma viditam || 7||

कदा गङ्गे रम्ये तटमधिवसस्ते शिवनुतेशिवे दुर्गे मातः सकलफलदे देवदयिते ।परेशे सर्वेशे श्रुतिशतनुते दक्षतनयेसदाऽहं सञ्जल्पन्निमिषमिव नेष्यामि दिवसान् ॥ ८॥

kadā gaṅge ramye taṭamadhivasaste śivanuteśive durge mātaḥ sakalaphalade devadayite |pareśe sarveśe śrutiśatanute dakṣatanayesadā'haṃ sañjalpannimiṣamiva neṣyāmi divasān || 8||

गङ्गाष्टकमिदं पुण्यं प्रभाते यः पठेच्छुचिः ।सर्वाभीष्टं ततस्तस्मै ददाति सुरनिम्नगा ॥ ९॥

gaṅgāṣṭakamidaṃ puṇyaṃ prabhāte yaḥ paṭhecchuciḥ |sarvābhīṣṭaṃ tatastasmai dadāti suranimnagā || 9||

इति स्वामिश्रीमदनन्तानन्दसरस्वतीविरचितं गङ्गाष्टकं सम्पूर्णम् ।

iti svāmiśrīmadanantānandasarasvatīviracitaṃ gaṅgāṣṭakaṃ sampūrṇam |