गङ्गामङ्गलम् Gangamangalam

श्रीगणेशाय नमः ।हरिचरणचारिणी शिशिरगिरिदारिणी कलुषभरवारणतरङ्गानियतकलनादिनी विमलजलशालिनी तारिणी जयति भुवि गङ्गा ।नित्यमिह तापसा धर्मचितमानसाः स्नानविधिलब्धनवदेहाःकृतबहुलदुष्कृता अपि कलुषवर्जिता दधति मुदमाप्तसुरगेहाः ॥ १॥

śrīgaṇeśāya namaḥ |haricaraṇacāriṇī śiśiragiridāriṇī kaluṣabharavāraṇataraṅgāniyatakalanādinī vimalajalaśālinī tāriṇī jayati bhuvi gaṅgā |nityamiha tāpasā dharmacitamānasāḥ snānavidhilabdhanavadehāḥkṛtabahuladuṣkṛtā api kaluṣavarjitā dadhati mudamāptasuragehāḥ || 1||

पूततमसैकते धवलसिकतावृते योगिनो जपनियममग्नाःस्वनयननिमीलना गतविषयदर्शना ध्येयसुरसंस्मरणलग्नाः ।बन्धविनिवृत्तये हसितजलसञ्चये प्रतिदिवसमत्र समवेताःक्लेशशतमञ्जसा पुण्यचितचेतसा वृण्वते सम्मदमुपेताः ॥ २॥

pūtatamasaikate dhavalasikatāvṛte yogino japaniyamamagnāḥsvanayananimīlanā gataviṣayadarśanā dhyeyasurasaṃsmaraṇalagnāḥ |bandhavinivṛttaye hasitajalasañcaye pratidivasamatra samavetāḥkleśaśatamañjasā puṇyacitacetasā vṛṇvate sammadamupetāḥ || 2||

वणिगुचितकर्मणा तरणिशतशोभनासुमपकृतिमत्र भुवि धत्त्मकरवरवाहना जनपदहितैषणाव्याकुला सुकृतमपि दत्ते ।ऐहिकशुभाशमा परमपदवाञ्छया यामिमां श्रयति जनमालाजयति भयहारिका जहुमुनिदारिका सा चिरं विजितकलिकाला ॥ ३॥

vaṇigucitakarmaṇā taraṇiśataśobhanāsumapakṛtimatra bhuvi dhattmakaravaravāhanā janapadahitaiṣaṇāvyākulā sukṛtamapi datte |aihikaśubhāśamā paramapadavāñchayā yāmimāṃ śrayati janamālājayati bhayahārikā jahumunidārikā sā ciraṃ vijitakalikālā || 3||

त्रिभुवनमिदं यया धन्यमनुवृत्तया लोकयुगकुशलशतसृष्टयारोगगणनाशिनी पृष्टिपरिवेशिनी दशहरा शास्त्रविधिदृष्टया ।तीरतरुमजुला जलधिमभि चञ्चला सेयमहिमङ्गलतरङ्गागिरिशशिरसार्चिता सुरमनुजपूजिता पावनी जयति भुवि गङ्गा ॥ ४॥

tribhuvanamidaṃ yayā dhanyamanuvṛttayā lokayugakuśalaśatasṛṣṭayārogagaṇanāśinī pṛṣṭipariveśinī daśaharā śāstravidhidṛṣṭayā |tīratarumajulā jaladhimabhi cañcalā seyamahimaṅgalataraṅgāgiriśaśirasārcitā suramanujapūjitā pāvanī jayati bhuvi gaṅgā || 4||

ब्रह्माण्डोदरभेदनाद् भगवतः पादाङ्गुलीनां नखैःजातो यो विवरस्ततोर्चनजलस्रोतोऽवहद् वेगतः ।तस्माच्छम्भुशिरस्ततो हिमगिरिं तस्मादिदं भूतलंगङ्गागत्य पुनाति सर्वभुवनं श्रीभक्तिभागीरथी ॥ ५॥

brahmāṇḍodarabhedanād bhagavataḥ pādāṅgulīnāṃ nakhaiḥjāto yo vivarastatorcanajalasroto'vahad vegataḥ |tasmācchambhuśirastato himagiriṃ tasmādidaṃ bhūtalaṃgaṅgāgatya punāti sarvabhuvanaṃ śrībhaktibhāgīrathī || 5||

इति गङ्गामङ्गलं सम्पूर्णम् ।

iti gaṅgāmaṅgalaṃ sampūrṇam |