विनायकस्तुतिः (वराहपुराणान्तर्गता) Shri Vinayaka Stuti

देवा ऊचुःनमस्ते गजवक्त्राय नमस्ते गणनायक ।विनायक नमस्तेऽस्तु नमस्ते चण्डविक्रम ॥ १॥

devā ūcuḥnamaste gajavaktrāya namaste gaṇanāyaka |vināyaka namaste'stu namaste caṇḍavikrama || 1||

नमोऽस्तु ते विघ्नहर्त्रे नमस्ते सर्पमेखल ।नमस्ते रुद्रवक्त्रोत्थ प्रलम्बजठराश्रित ॥ २॥

namo'stu te vighnahartre namaste sarpamekhala |namaste rudravaktrottha pralambajaṭharāśrita || 2||

सर्वदेवनमस्कारादविघ्नं कुरु सर्वदा ॥ ३॥

sarvadevanamaskārādavighnaṃ kuru sarvadā || 3||

॥ फलश्रुतिः ॥एवं स्तुतस्तदा देवैर्महात्मा गणनायकः ।अभिषिक्तस्तु रुद्रेण सोमायाऽपत्यताङ्गतः ॥ ४॥

|| phalaśrutiḥ ||evaṃ stutastadā devairmahātmā gaṇanāyakaḥ |abhiṣiktastu rudreṇa somāyā'patyatāṅgataḥ || 4||

एतच्चतुर्थ्यां सम्पन्नं गणाध्यक्षस्य पार्थिवः ।यतस्ततोऽयं महतिं तिथीनां परमा तिथिः ॥ ५॥

etaccaturthyāṃ sampannaṃ gaṇādhyakṣasya pārthivaḥ |yatastato'yaṃ mahatiṃ tithīnāṃ paramā tithiḥ || 5||

एतस्यां यस्तिलान् भुक्त्वा भक्त्या गणपतिं नृप ।आराधयति तस्याशु तुष्यते नाऽत्र संशयः ॥ ६॥

etasyāṃ yastilān bhuktvā bhaktyā gaṇapatiṃ nṛpa |ārādhayati tasyāśu tuṣyate nā'tra saṃśayaḥ || 6||

यश्चैतत्पठते स्तोत्रं यश्चैतच्छृणुयात्सदा ।न तस्य विघ्ना जायन्ते न पापं सर्वथा नृप ॥ ७॥

yaścaitatpaṭhate stotraṃ yaścaitacchṛṇuyātsadā |na tasya vighnā jāyante na pāpaṃ sarvathā nṛpa || 7||

॥ इति श्रीवाराहमहापुराणे विनायकोत्पत्तिर्नामत्रयोविंशोऽध्याये श्रीविनायकस्तुतिः समाप्ता ॥

|| iti śrīvārāhamahāpurāṇe vināyakotpattirnāmatrayoviṃśo'dhyāye śrīvināyakastutiḥ samāptā ||