उच्छिष्टगणपतिसहस्रनामस्तोत्रम् १ Shri Uchchishtaganapati Sahasranama Stotram

श्रीगणेशाय नमः ।श्रीभैरव उवाच ।शृणु देवि रहस्यं मे यत्पुरा सूचितं मया ।तव भक्त्या गणेशस्य वक्ष्ये नामसहस्रकम् ॥ १॥

śrīgaṇeśāya namaḥ |śrībhairava uvāca |śṛṇu devi rahasyaṃ me yatpurā sūcitaṃ mayā |tava bhaktyā gaṇeśasya vakṣye nāmasahasrakam || 1||

श्रीदेव्युवाच ।ॐ भगवन्गणनाथस्य उच्छिष्टस्य महात्मनः ।श्रोतुं नाम सहस्रं मे हृदयं प्रोत्सुकायते ॥ २॥

śrīdevyuvāca |oṃ bhagavangaṇanāthasya ucchiṣṭasya mahātmanaḥ |śrotuṃ nāma sahasraṃ me hṛdayaṃ protsukāyate || 2||

श्रीभैरव उवाच ।प्राङ्मुखे त्रिपुरानाथे जाता विघ्नकुलाः शिवे ।मोहने मुच्यते चेतस्तैः सर्वैर्बलदर्पितैः ॥ ३॥

śrībhairava uvāca |prāṅmukhe tripurānāthe jātā vighnakulāḥ śive |mohane mucyate cetastaiḥ sarvairbaladarpitaiḥ || 3||

तदा प्रभुं गणाध्यक्षं स्तुत्वा नामसहस्रकैः ।विघ्ना दूरात्पलायन्ते कालरुद्रादिव प्रजाः ॥ ४॥

tadā prabhuṃ gaṇādhyakṣaṃ stutvā nāmasahasrakaiḥ |vighnā dūrātpalāyante kālarudrādiva prajāḥ || 4||

तस्यानुग्रहतो देवि जातोऽहं त्रिपुरान्तकः ।तमद्यापि गणेशानं स्तौमि नामसहस्रकैः ॥ ५॥

tasyānugrahato devi jāto'haṃ tripurāntakaḥ |tamadyāpi gaṇeśānaṃ staumi nāmasahasrakaiḥ || 5||

तदद्य तव भक्त्याहं साधकानां हिताय च ।महागणपतेर्वक्ष्ये दिव्यं नामसहस्रकम् ॥ ६॥

tadadya tava bhaktyāhaṃ sādhakānāṃ hitāya ca |mahāgaṇapatervakṣye divyaṃ nāmasahasrakam || 6||

ॐ अस्य श्रीउच्छिष्टगणेशसहस्रनामस्तोत्रमन्त्रस्य श्रीभैरव ऋषिः ।गायत्री छन्दः । श्रीमहागणपतिर्देवता ।गं बीजम् । ह्रीं शक्तिः । कुरुकुरु कीलकम् ।मम धर्मार्थकाममोक्षार्थे जपे विनियोगः ॥ॐ ह्रीं श्रीं क्लीं गणाध्यक्षो ग्लौं गँ गणपतिर्गुणी ।गुणाढ्यो निर्गुणो गोप्ता गजवक्त्रो विभावसुः ॥ ७॥

oṃ asya śrīucchiṣṭagaṇeśasahasranāmastotramantrasya śrībhairava ṛṣiḥ |gāyatrī chandaḥ | śrīmahāgaṇapatirdevatā |gaṃ bījam | hrīṃ śaktiḥ | kurukuru kīlakam |mama dharmārthakāmamokṣārthe jape viniyogaḥ ||oṃ hrīṃ śrīṃ klīṃ gaṇādhyakṣo glauṃ gam̐ gaṇapatirguṇī |guṇāḍhyo nirguṇo goptā gajavaktro vibhāvasuḥ || 7||

विश्वेश्वरो विभादीप्तो दीपनो धीवरो धनी ।सदाशान्तो जगत्त्राता विश्वावर्तो विभाकरः ॥ ८॥

viśveśvaro vibhādīpto dīpano dhīvaro dhanī |sadāśānto jagattrātā viśvāvarto vibhākaraḥ || 8||

विश्रम्भी विजयो वैद्यो वारान्निधिरनुत्तमः ।अणिमाविभवः श्रेष्ठो ज्येष्ठो गाथाप्रियो गुरुः ॥ ९॥

viśrambhī vijayo vaidyo vārānnidhiranuttamaḥ |aṇimāvibhavaḥ śreṣṭho jyeṣṭho gāthāpriyo guruḥ || 9||

सृष्टिकर्ता जगद्धर्ता विश्वभर्ता जगन्निधिः ।पतिः पीतविभूषाङ्को रक्ताक्षो लोहिताम्बरः ॥ १०॥

sṛṣṭikartā jagaddhartā viśvabhartā jagannidhiḥ |patiḥ pītavibhūṣāṅko raktākṣo lohitāmbaraḥ || 10||

विरूपाक्षो विमानस्थो विनीतः सदस्यः सुखी । (विनयः सात्वतः)सुरूपः सात्त्विकः सत्यः शुद्धः शङ्करनन्दनः ॥ ११॥

virūpākṣo vimānastho vinītaḥ sadasyaḥ sukhī | (vinayaḥ sātvataḥ)surūpaḥ sāttvikaḥ satyaḥ śuddhaḥ śaṅkaranandanaḥ || 11||

नन्दीश्वरो जयानन्दी वन्द्यः स्तुत्यो विचक्षणः ।दैत्यमर्द्दी सदाक्षीबो मदिरारुणलोचनः ॥ १२॥

nandīśvaro jayānandī vandyaḥ stutyo vicakṣaṇaḥ |daityamarddī sadākṣībo madirāruṇalocanaḥ || 12||

सारात्मा विश्वसारश्च विश्वसारो विलेपनः ।परं ब्रह्म परं ज्योतिः साक्षी त्र्यक्षो विकत्थनः ॥ १३॥

sārātmā viśvasāraśca viśvasāro vilepanaḥ |paraṃ brahma paraṃ jyotiḥ sākṣī tryakṣo vikatthanaḥ || 13||

विश्वेश्वरो वीरहर्ता सौभाग्यो भाग्यवर्द्धनः ।भृङ्गिरिटी भृङ्गमाली भृङ्गकूजितनादितः ॥ १४॥

viśveśvaro vīrahartā saubhāgyo bhāgyavarddhanaḥ |bhṛṅgiriṭī bhṛṅgamālī bhṛṅgakūjitanāditaḥ || 14||

विनर्तको विनीतोऽपि विनतानन्दनार्चितः ।वैनतेयो विनम्राङ्गो विश्वनायकनायकः ॥ १५॥

vinartako vinīto'pi vinatānandanārcitaḥ |vainateyo vinamrāṅgo viśvanāyakanāyakaḥ || 15||

विराटको विराटश्च विदग्धो विधुरात्मभूः ।पुष्पदन्तः पुष्पहारी पुष्पमालाविभूषणः ॥ १६॥

virāṭako virāṭaśca vidagdho vidhurātmabhūḥ |puṣpadantaḥ puṣpahārī puṣpamālāvibhūṣaṇaḥ || 16||

पुष्पेषुमथनः पुष्टो विवर्तः कर्तरीकरः ।अन्त्योऽन्तकश्चित्तगणाश्चित्तचिन्तापहारकः ॥ १७॥

puṣpeṣumathanaḥ puṣṭo vivartaḥ kartarīkaraḥ |antyo'ntakaścittagaṇāścittacintāpahārakaḥ || 17||

अचिन्त्योऽचिन्त्यरूपश्च चन्दनाकुलमुण्डकः ।लोहितो लिपितो लुप्तो लोहिताक्षो विलोभकः ॥ १८॥

acintyo'cintyarūpaśca candanākulamuṇḍakaḥ |lohito lipito lupto lohitākṣo vilobhakaḥ || 18||

लब्धाशयो लोभरतो लोभदोऽलङ्घ्यगर्धकः ।सुन्दरः सुन्दरीपुत्रः समस्तासुरघातकः ॥ १९॥

labdhāśayo lobharato lobhado'laṅghyagardhakaḥ |sundaraḥ sundarīputraḥ samastāsuraghātakaḥ || 19||

नूपुराढ्यो विभवेन्द्रो नरनारायणो रविः ।विचारो वान्तदो वाग्मी वितर्की विजयीश्वरः ॥ २०॥

nūpurāḍhyo vibhavendro naranārāyaṇo raviḥ |vicāro vāntado vāgmī vitarkī vijayīśvaraḥ || 20||

सुप्तो बुद्धः सदारूपः सुखदः सुखसेवितः ।विकर्तनो वियच्चारी विनटो नटनर्तकः ॥ २१॥

supto buddhaḥ sadārūpaḥ sukhadaḥ sukhasevitaḥ |vikartano viyaccārī vinaṭo naṭanartakaḥ || 21||

नटो नाट्यप्रियो नादोऽनन्तोऽनन्तगुणात्मकः ।गङ्गाजलपानप्रियो गङ्गातीरविहारकृत् ॥ २२॥

naṭo nāṭyapriyo nādo'nanto'nantaguṇātmakaḥ |gaṅgājalapānapriyo gaṅgātīravihārakṛt || 22||

गङ्गाप्रियो गङ्गजश्च वाहनादिपुरःसरः ।गन्धमादनसंवासो गन्धमादनकेलिकृत् ॥ २३॥

gaṅgāpriyo gaṅgajaśca vāhanādipuraḥsaraḥ |gandhamādanasaṃvāso gandhamādanakelikṛt || 23||

गन्धानुलिप्तपूर्वाङ्गः सर्वदेवस्मरः सदा ।गणगन्धर्वराजेशो गणगन्धर्वसेवितः ॥ २४॥

gandhānuliptapūrvāṅgaḥ sarvadevasmaraḥ sadā |gaṇagandharvarājeśo gaṇagandharvasevitaḥ || 24||

गन्धर्वपूजितो नित्यं सर्वरोगविनाशकः ।गन्धर्वगणसंसेव्यो गन्धर्ववरदायकः ॥ २५॥

gandharvapūjito nityaṃ sarvarogavināśakaḥ |gandharvagaṇasaṃsevyo gandharvavaradāyakaḥ || 25||

गन्धर्वो गन्धमातङ्गो गन्धर्वकुलदैवतः ।गन्धर्वगर्वसंवेगो गन्धर्ववरदायकः ॥ २६॥

gandharvo gandhamātaṅgo gandharvakuladaivataḥ |gandharvagarvasaṃvego gandharvavaradāyakaḥ || 26||

गन्धर्वप्रबलार्तिघ्नो गन्धर्वगणसंयुतः ।गन्धर्वादिगुणानन्दो नन्दोऽनन्तगुणात्मकः ॥ २७॥

gandharvaprabalārtighno gandharvagaṇasaṃyutaḥ |gandharvādiguṇānando nando'nantaguṇātmakaḥ || 27||

विश्वमूर्तिर्विश्वधाता विनतास्यो विनर्तकः ।करालः कामदः कान्तः कमनीयः कलानिधिः ॥ २८॥

viśvamūrtirviśvadhātā vinatāsyo vinartakaḥ |karālaḥ kāmadaḥ kāntaḥ kamanīyaḥ kalānidhiḥ || 28||

कारुण्यरूपः कुटिलः कुलाचारी कुलेश्वरः ।विकरालो रणश्रेष्ठः संहारो हारभूषणः ॥ २९॥

kāruṇyarūpaḥ kuṭilaḥ kulācārī kuleśvaraḥ |vikarālo raṇaśreṣṭhaḥ saṃhāro hārabhūṣaṇaḥ || 29||

उरुरम्यमुखो रक्तो देवतादयितौरसः ।महाकालो महादंष्ट्रो महोरगभयानकः ॥ ३०॥

ururamyamukho rakto devatādayitaurasaḥ |mahākālo mahādaṃṣṭro mahoragabhayānakaḥ || 30||

उन्मत्तरूपः कालाग्निरग्निसूर्येन्दुलोचनः ।सितास्यः सितमाल्यश्च सितदन्तः सितांशुमान् ॥ ३१॥

unmattarūpaḥ kālāgniragnisūryendulocanaḥ |sitāsyaḥ sitamālyaśca sitadantaḥ sitāṃśumān || 31||

असितात्मा भैरवेशो भाग्यवान्भगवान्भवः ।गर्भात्मजो भगावासो भगदो भगवर्द्धनः ॥ ३२॥

asitātmā bhairaveśo bhāgyavānbhagavānbhavaḥ |garbhātmajo bhagāvāso bhagado bhagavarddhanaḥ || 32||

शुभङ्करः शुचिः शान्तः श्रेष्ठः श्रव्यः शचीपतिः ।वेदाद्यो वेदकर्ता च वेदवेद्यः सनातनः ॥ ३३॥

śubhaṅkaraḥ śuciḥ śāntaḥ śreṣṭhaḥ śravyaḥ śacīpatiḥ |vedādyo vedakartā ca vedavedyaḥ sanātanaḥ || 33||

विद्याप्रदो वेदरसो वैदिको वेदपारगः ।वेदध्वनिरतो वीरो वेदविद्यागमोऽर्थवित् ॥ ३४॥

vidyāprado vedaraso vaidiko vedapāragaḥ |vedadhvanirato vīro vedavidyāgamo'rthavit || 34||

तत्त्वज्ञः सर्वगः साधुः सदयः सदसन्मयः ।शिवङ्करः शिवसुतः शिवानन्दविवर्द्धनः ॥ ३५॥

tattvajñaḥ sarvagaḥ sādhuḥ sadayaḥ sadasanmayaḥ |śivaṅkaraḥ śivasutaḥ śivānandavivarddhanaḥ || 35||

शैत्यः श्वेतः शतमुखी मुग्धो मोदकभूषणः ।देवो दिनकरो धीरो धृतिमान्द्युतिमान्धवः ॥ ३६॥

śaityaḥ śvetaḥ śatamukhī mugdho modakabhūṣaṇaḥ |devo dinakaro dhīro dhṛtimāndyutimāndhavaḥ || 36||

शुद्धात्मा शुद्धमतिमाञ्छुद्धदीप्तिः शुचिव्रतः ।शरण्यः शौनकः शूरः शरदम्भोजधारकः ॥ ३७॥

śuddhātmā śuddhamatimāñchuddhadīptiḥ śucivrataḥ |śaraṇyaḥ śaunakaḥ śūraḥ śaradambhojadhārakaḥ || 37||

दारकः शिखिवाहेष्टः सितः शङ्करवल्लभः ।शङ्करो निर्भयो नित्यो लयकृल्लास्यतत्परः ॥ ३८॥

dārakaḥ śikhivāheṣṭaḥ sitaḥ śaṅkaravallabhaḥ |śaṅkaro nirbhayo nityo layakṛllāsyatatparaḥ || 38||

लूतो लीलारसोल्लासी विलासी विभ्रमो भ्रमः ।भ्रमणः शशिभृत्सूर्यः शनिर्धरणिनन्दनः ॥ ३९॥

lūto līlārasollāsī vilāsī vibhramo bhramaḥ |bhramaṇaḥ śaśibhṛtsūryaḥ śanirdharaṇinandanaḥ || 39||

बुधो विबुधसेव्यश्च बुधराजो बलंधरः ।जीवो जीवप्रदो जेता स्तुत्यो नित्यो रतिप्रियः ॥ ४०॥

budho vibudhasevyaśca budharājo balaṃdharaḥ |jīvo jīvaprado jetā stutyo nityo ratipriyaḥ || 40||

जनको जनमार्गज्ञो जनरक्षणतत्परः ।जनानां प्रदाता च जनकाह्लादकारकः ॥ ४१॥

janako janamārgajño janarakṣaṇatatparaḥ |janānāṃ pradātā ca janakāhlādakārakaḥ || 41||

विबुधो बुधमान्यश्च जैनमार्गनिवर्तकः ।गच्छो गणपतिर्गच्छनायको गच्छगर्वहा ॥ ४२॥

vibudho budhamānyaśca jainamārganivartakaḥ |gaccho gaṇapatirgacchanāyako gacchagarvahā || 42||

गच्छराजोथ गच्छेशो गच्छराजनमस्कृतः ।गच्छप्रियो गच्छगुरुर्गच्छत्राकृद्यमातुरः ॥ ४३॥

gaccharājotha gaccheśo gaccharājanamaskṛtaḥ |gacchapriyo gacchagururgacchatrākṛdyamāturaḥ || 43||

गच्छप्रभुर्गच्छचरो गच्छप्रियकृतोद्यमः ।गच्छगीतगुणो गर्तो मर्यादाप्रतिपालकः ॥ ४४॥

gacchaprabhurgacchacaro gacchapriyakṛtodyamaḥ |gacchagītaguṇo garto maryādāpratipālakaḥ || 44||

गीर्वाणागमसारस्य गर्भो गीर्वाणदेवता ।गौरीसुतो गुरुवरो गौराङ्गो गणपूजितः ॥ ४५॥

gīrvāṇāgamasārasya garbho gīrvāṇadevatā |gaurīsuto guruvaro gaurāṅgo gaṇapūjitaḥ || 45||

परम्पदं परन्धाम परमात्मा कविः कुजः ।राहुर्दैत्यशिरश्छेदी केतुः कनककुण्डलः ॥ ४६॥

parampadaṃ parandhāma paramātmā kaviḥ kujaḥ |rāhurdaityaśiraśchedī ketuḥ kanakakuṇḍalaḥ || 46||

ग्रहेन्द्रो ग्रहितो ग्राह्योऽग्रणीर्घुर्घुरनादितः ।पर्जन्यः पीवरः पत्री पीनवक्षाः पराक्रमी ॥ ४७॥

grahendro grahito grāhyo'graṇīrghurghuranāditaḥ |parjanyaḥ pīvaraḥ patrī pīnavakṣāḥ parākramī || 47||

वनेचरो वनस्पतिर्वनवासी स्मरोपमः ।पुण्यः पूतः पवित्रश्च परात्मा पूर्णाविग्रहः ॥ ४८॥

vanecaro vanaspatirvanavāsī smaropamaḥ |puṇyaḥ pūtaḥ pavitraśca parātmā pūrṇāvigrahaḥ || 48||

पूर्णेन्दुसुकलाकारो मन्त्रपूर्णमनोरथः ।युगात्मा युगकृद्यज्वा याज्ञिको यज्ञवत्सलः ॥ ४९॥

pūrṇendusukalākāro mantrapūrṇamanorathaḥ |yugātmā yugakṛdyajvā yājñiko yajñavatsalaḥ || 49||

यशस्यो यजमानेष्टो वज्रभृद्वज्रपञ्जरः ।मणिभद्रो मणिमयो मान्यो मीनध्वजाश्रितः ॥ ५०॥

yaśasyo yajamāneṣṭo vajrabhṛdvajrapañjaraḥ |maṇibhadro maṇimayo mānyo mīnadhvajāśritaḥ || 50||

मीनध्वजो मनोहारी योगिनां योगवर्धनः ।द्रष्टा स्रष्टा तपस्वी च विग्रही तापसप्रियः ॥ ५१॥

mīnadhvajo manohārī yogināṃ yogavardhanaḥ |draṣṭā sraṣṭā tapasvī ca vigrahī tāpasapriyaḥ || 51||

तपोमयस्तपोमूर्तिस्तपनश्च तपोधनः ।सम्पत्तिसदनाकारः सम्पत्तिसुखदायकः ॥ ५२॥

tapomayastapomūrtistapanaśca tapodhanaḥ |sampattisadanākāraḥ sampattisukhadāyakaḥ || 52||

सम्पत्तिसुखकर्ता च सम्पत्तिसुभगाननः ।सम्पत्तिशुभदो नित्यसम्पत्तिश्च यशोधनः ॥ ५३॥

sampattisukhakartā ca sampattisubhagānanaḥ |sampattiśubhado nityasampattiśca yaśodhanaḥ || 53||

रुचको मेचकस्तुष्टः प्रभुस्तोमरघातकः ।दण्डी चण्डांशुरव्यक्तः कमण्डलुधरोऽनघः ॥ ५४॥

rucako mecakastuṣṭaḥ prabhustomaraghātakaḥ |daṇḍī caṇḍāṃśuravyaktaḥ kamaṇḍaludharo'naghaḥ || 54||

कामी कर्मरतः कालः कोलः क्रन्दितदिक्तटः ।भ्रामको जातिपूज्यश्च जाड्यहा जडसूदनः ॥ ५५॥

kāmī karmarataḥ kālaḥ kolaḥ kranditadiktaṭaḥ |bhrāmako jātipūjyaśca jāḍyahā jaḍasūdanaḥ || 55||

जालन्धरो जगद्वासी हास्यकृद्गहनो गुहः ।हविष्मान्हव्यवाहाक्षो हाटको हाटकाङ्गदः ॥ ५६॥

jālandharo jagadvāsī hāsyakṛdgahano guhaḥ |haviṣmānhavyavāhākṣo hāṭako hāṭakāṅgadaḥ || 56||

सुमेरुर्हिमवान्होता हरपुत्रो हलङ्कषः ।हालाप्रियो हृदाशान्तः कान्ताहृदयपोषणः ॥ ५७॥

sumerurhimavānhotā haraputro halaṅkaṣaḥ |hālāpriyo hṛdāśāntaḥ kāntāhṛdayapoṣaṇaḥ || 57||

शोषणः क्लेशहा क्रूरः कठोरः कठिनाकृतिः ।कुबेरो धीमयो ध्याता ध्येयो धीमान्दयानिधिः ॥ ५८॥

śoṣaṇaḥ kleśahā krūraḥ kaṭhoraḥ kaṭhinākṛtiḥ |kubero dhīmayo dhyātā dhyeyo dhīmāndayānidhiḥ || 58||

दविष्ठो दमनो हृष्टो दाता त्राता पितासमः ।निर्गतो नैगमोऽगम्यो निर्जयो जटिलोऽजरः ॥ ५९॥

daviṣṭho damano hṛṣṭo dātā trātā pitāsamaḥ |nirgato naigamo'gamyo nirjayo jaṭilo'jaraḥ || 59||

जनजीवो जितारातिर्जगद्व्यापी जगन्मयः ।चामीकरनिभो नाभ्यो नलिनायतलोचनः ॥ ६०॥

janajīvo jitārātirjagadvyāpī jaganmayaḥ |cāmīkaranibho nābhyo nalināyatalocanaḥ || 60||

रोचनो मोचको मन्त्री मन्त्रकोटिसमाश्रितः ।पञ्चभूतात्मकः पञ्चसायकः पञ्चवक्त्रकः ॥ ६१॥

rocano mocako mantrī mantrakoṭisamāśritaḥ |pañcabhūtātmakaḥ pañcasāyakaḥ pañcavaktrakaḥ || 61||

पञ्चमः पश्चिमः पूर्वः पूर्णः कीर्णालकः कुणिः ।कठोरहृदयो ग्रीवालङ्कृतो ललिताशयः ॥ ६२॥

pañcamaḥ paścimaḥ pūrvaḥ pūrṇaḥ kīrṇālakaḥ kuṇiḥ |kaṭhorahṛdayo grīvālaṅkṛto lalitāśayaḥ || 62||

लोलचित्तो बृहन्नासो मासपक्षर्तुरूपवान् ।ध्रुवो द्रुतगतिर्बन्धो धर्मी नाकिप्रियोऽनलः ॥ ६३॥

lolacitto bṛhannāso māsapakṣarturūpavān |dhruvo drutagatirbandho dharmī nākipriyo'nalaḥ || 63||

अङ्गुल्यग्रस्थभुवनो भुवनैकमलापहः ।सागरः स्वर्गतिः स्वक्षः सानन्दः साधुपूजितः ॥ ६४॥

aṅgulyagrasthabhuvano bhuvanaikamalāpahaḥ |sāgaraḥ svargatiḥ svakṣaḥ sānandaḥ sādhupūjitaḥ || 64||

सतीपतिः समरसः सनकः सरलः सरः ।सुरप्रियो वसुमतिर्वासवो वसुपूजितः ॥ ६५॥

satīpatiḥ samarasaḥ sanakaḥ saralaḥ saraḥ |surapriyo vasumatirvāsavo vasupūjitaḥ || 65||

वित्तदो वित्तनाथश्च धनिनां धनदायकः ।राजीवनयनः स्मार्तः स्मृतिदः कृत्तिकाम्बरः ॥ ६६॥

vittado vittanāthaśca dhanināṃ dhanadāyakaḥ |rājīvanayanaḥ smārtaḥ smṛtidaḥ kṛttikāmbaraḥ || 66||

अश्विनोऽश्वमुखः शुभ्रो भरणो भरणीप्रियः ।कृत्तिकासनकः कोलो रोहिणीरमणोपमः ॥ ६७॥

aśvino'śvamukhaḥ śubhro bharaṇo bharaṇīpriyaḥ |kṛttikāsanakaḥ kolo rohiṇīramaṇopamaḥ || 67||

रौहिणेयप्रेमकरी रोहिणीमोहनो मृगः ।मृगराजो मृगशिरा माधवो मधुरध्वनिः ॥ ६८॥

rauhiṇeyapremakarī rohiṇīmohano mṛgaḥ |mṛgarājo mṛgaśirā mādhavo madhuradhvaniḥ || 68||

आर्द्राननो महाबुद्धिर्महोरगविभूषणः ।भ्रूक्षेपदत्तविभवो भ्रूकरालः पुनर्मयः ॥ ६९॥

ārdrānano mahābuddhirmahoragavibhūṣaṇaḥ |bhrūkṣepadattavibhavo bhrūkarālaḥ punarmayaḥ || 69||

पुनर्देव: पुनर्जेता पुनर्जीवः पुनर्वसुः ।तिमिरास्तिमिकेतुश्च तितिषासुरघातनः ॥ ७०॥

punardeva: punarjetā punarjīvaḥ punarvasuḥ |timirāstimiketuśca titiṣāsuraghātanaḥ || 70||

तिष्यस्तुलाधरो जृम्भो विश्लेषाश्लेषदानराट् ।मानदो माधवो माधो वाचालो मघवोपमः ॥ ७१॥

tiṣyastulādharo jṛmbho viśleṣāśleṣadānarāṭ |mānado mādhavo mādho vācālo maghavopamaḥ || 71||

मध्यो मघाप्रियो मेघो महाशुण्डो महाभुजः ।पूर्वफाल्गुनिकः स्फीत फल्गुरुत्तरफाल्गुनः ॥ ७२॥

madhyo maghāpriyo megho mahāśuṇḍo mahābhujaḥ |pūrvaphālgunikaḥ sphīta phalguruttaraphālgunaḥ || 72||

फेनिलो ब्रह्मदो ब्रह्मा सप्ततन्तुसमाश्रयः ।घोणाहस्तश्चतुर्हस्तो हस्तिवक्त्रो हलायुधः ॥ ७३॥

phenilo brahmado brahmā saptatantusamāśrayaḥ |ghoṇāhastaścaturhasto hastivaktro halāyudhaḥ || 73||

चित्राम्बरोऽर्चितपदः स्वस्तिदः स्वस्तिविग्रहः ।विशाखः शिखिसेव्यश्च शिखिध्वजसहोदरः ॥ ७४॥

citrāmbaro'rcitapadaḥ svastidaḥ svastivigrahaḥ |viśākhaḥ śikhisevyaśca śikhidhvajasahodaraḥ || 74||

अणुरेणूत्करः स्फारो रुरुरेणुसुतो नरः ।अनुराधाप्रियो राधः श्रीमाञ्छुक्लः शुचिस्मितः ॥ ७५॥

aṇureṇūtkaraḥ sphāro rurureṇusuto naraḥ |anurādhāpriyo rādhaḥ śrīmāñchuklaḥ śucismitaḥ || 75||

ज्येष्ठः श्रेष्ठार्चितपदो मूलं च त्रिजगद्गुरुः ।शुचिश्चैव पूर्वाषाढश्चोत्तराषाढ ईश्वरः ॥ ७६॥

jyeṣṭhaḥ śreṣṭhārcitapado mūlaṃ ca trijagadguruḥ |śuciścaiva pūrvāṣāḍhaścottarāṣāḍha īśvaraḥ || 76||

श्रव्योऽभिजिदनन्तात्मा श्रवो वेपितदानवः ।श्रावणः श्रवणः श्रोता धनी धन्यो धनिष्ठकः ॥ ७७॥

śravyo'bhijidanantātmā śravo vepitadānavaḥ |śrāvaṇaḥ śravaṇaḥ śrotā dhanī dhanyo dhaniṣṭhakaḥ || 77||

शातातपः शातकुम्भः शरज्ज्योतिः शताभिषक् ।पूर्वाभाद्रपदो भद्रश्चोत्तराभाद्रपादितः ॥ ७८॥

śātātapaḥ śātakumbhaḥ śarajjyotiḥ śatābhiṣak |pūrvābhādrapado bhadraścottarābhādrapāditaḥ || 78||

रेणुकातनयो रामो रेवतीरमणो रमी ।आश्वयुक्कार्तिकेयेष्टो मार्गशीर्षो मृगोत्तमः ॥ ७९॥

reṇukātanayo rāmo revatīramaṇo ramī |āśvayukkārtikeyeṣṭo mārgaśīrṣo mṛgottamaḥ || 79||

पौषेश्वरः फाल्गुनात्मा वसन्तश्चैत्रको मधुः ।राज्यदोऽभिजिदात्मीयस्तारेशस्तारकद्युतिः ॥ ८०॥

pauṣeśvaraḥ phālgunātmā vasantaścaitrako madhuḥ |rājyado'bhijidātmīyastāreśastārakadyutiḥ || 80||

प्रतीतः प्रोर्जितः प्रीतः परमः परमो हितः ।परहा पञ्चभूः पञ्चवायुपूज्यः परिग्रहः ॥ ८१॥

pratītaḥ prorjitaḥ prītaḥ paramaḥ paramo hitaḥ |parahā pañcabhūḥ pañcavāyupūjyaḥ parigrahaḥ || 81||

पुराणागमविद्योगी महिषो रासभोऽग्रजः ।ग्रहो मेषो वृषो मन्दो मन्मथो मिथुनाकृतिः ॥ ८२॥

purāṇāgamavidyogī mahiṣo rāsabho'grajaḥ |graho meṣo vṛṣo mando manmatho mithunākṛtiḥ || 82||

कल्पभृत्कटको दीपो मर्कटः कर्कटो घृणिः ।कुक्कुटो वनजो हंसः परमहंसः सृगालकः ॥ ८३॥

kalpabhṛtkaṭako dīpo markaṭaḥ karkaṭo ghṛṇiḥ |kukkuṭo vanajo haṃsaḥ paramahaṃsaḥ sṛgālakaḥ || 83||

सिंहः सिंहासनाभूष्यो मद्गुर्मूषकवाहनः ।पुत्रदो नरकत्राता कन्याप्रीतः कुलोद्वहः ॥ ८४॥

siṃhaḥ siṃhāsanābhūṣyo madgurmūṣakavāhanaḥ |putrado narakatrātā kanyāprītaḥ kulodvahaḥ || 84||

अतुल्यरूपो बलदस्तुल्यभृत्तुल्यसाक्षिकः ।अलिश्चापधरो धन्वी कच्छपो मकरो मणिः ॥ ८५॥

atulyarūpo baladastulyabhṛttulyasākṣikaḥ |aliścāpadharo dhanvī kacchapo makaro maṇiḥ || 85||

कुम्भभृत्कलशः कुब्जो मीनमांससुतर्पितः ।राशिताराग्रहमयस्तिथिरूपो जगद्विभुः ॥ ८६॥

kumbhabhṛtkalaśaḥ kubjo mīnamāṃsasutarpitaḥ |rāśitārāgrahamayastithirūpo jagadvibhuḥ || 86||

प्रतापी प्रतिपत्प्रेयोऽद्वितीयोऽद्वैतनिश्चितः ।त्रिरूपश्च तृतीयाग्निस्त्रयीरूपस्त्रयीतनुः ॥ ८७॥

pratāpī pratipatpreyo'dvitīyo'dvaitaniścitaḥ |trirūpaśca tṛtīyāgnistrayīrūpastrayītanuḥ || 87||

चतुर्थीवल्लभो देवो परागः पञ्चमीश्वरः ।षड्रसास्वादविज्ञानः षष्ठी षष्टिकवत्सलः ॥ ८८॥

caturthīvallabho devo parāgaḥ pañcamīśvaraḥ |ṣaḍrasāsvādavijñānaḥ ṣaṣṭhī ṣaṣṭikavatsalaḥ || 88||

सप्तार्णवगतिः सारः सप्तमीश्वर रोहितः ।अष्टमीनन्दनोत्तंसो नवमीभक्तिभावितः ॥ ८९॥

saptārṇavagatiḥ sāraḥ saptamīśvara rohitaḥ |aṣṭamīnandanottaṃso navamībhaktibhāvitaḥ || 89||

दशदिक्पतिपूज्यश्च दशमीद्रुहिणो द्रुतः ।एकादशात्मगणपो द्वादशीयुगचर्चितः ॥ ९०॥

daśadikpatipūjyaśca daśamīdruhiṇo drutaḥ |ekādaśātmagaṇapo dvādaśīyugacarcitaḥ || 90||

त्रयोदशमणिस्तुत्यश्चतुर्दशस्वरप्रियः ।चतुर्दशेन्द्रसंस्तुत्यः पूर्णिमानन्दविग्रहः ॥ ९१॥

trayodaśamaṇistutyaścaturdaśasvarapriyaḥ |caturdaśendrasaṃstutyaḥ pūrṇimānandavigrahaḥ || 91||

दर्शदर्शो दर्शनश्च वानप्रस्थो महेश्वरः ।मौर्वी मधुरवाङ्मूलमूर्तिमान्मेघवाहनः ॥ ९२॥

darśadarśo darśanaśca vānaprastho maheśvaraḥ |maurvī madhuravāṅmūlamūrtimānmeghavāhanaḥ || 92||

महागजो जितक्रोधो जितशत्रुर्जयाश्रयः ।रौद्रो रुद्रप्रियो रुद्रो रुद्रपुत्रोऽघनाशनः ॥ ९३॥

mahāgajo jitakrodho jitaśatrurjayāśrayaḥ |raudro rudrapriyo rudro rudraputro'ghanāśanaḥ || 93||

भवप्रियो भवानीष्टो भारभृद्भूतभावनः ।गान्धर्वकुशलोऽकुण्ठो वैकुण्ठो विष्टरश्रवाः ॥ ९४॥

bhavapriyo bhavānīṣṭo bhārabhṛdbhūtabhāvanaḥ |gāndharvakuśalo'kuṇṭho vaikuṇṭho viṣṭaraśravāḥ || 94||

वृत्रहा विघ्नहा सीरः समस्तदुःखतापहा ।मञ्जुरो मार्जरो मत्तो दुर्गापुत्रो दुरालसः ॥ ९५॥

vṛtrahā vighnahā sīraḥ samastaduḥkhatāpahā |mañjuro mārjaro matto durgāputro durālasaḥ || 95||

अनन्तचित्सुधाधारो वीरो वीर्यैकसाधकः ।भास्वन्मुकुटमाणिक्यः कूजत्किङ्किंणिजालकः ॥ ९६॥

anantacitsudhādhāro vīro vīryaikasādhakaḥ |bhāsvanmukuṭamāṇikyaḥ kūjatkiṅkiṃṇijālakaḥ || 96||

शुण्डाधारी तुण्डचलः कुण्डली मुण्डमालकः ।पद्माक्षः पद्महस्तश्च पद्मनाभसमर्चितः ॥ ९७॥

śuṇḍādhārī tuṇḍacalaḥ kuṇḍalī muṇḍamālakaḥ |padmākṣaḥ padmahastaśca padmanābhasamarcitaḥ || 97||

उद्धृताधरदन्ताढ्यो मालाभूषणभूषितः ।मारदो वारणो लोलश्रवणः शूर्पकर्णकः ॥ ९८॥

uddhṛtādharadantāḍhyo mālābhūṣaṇabhūṣitaḥ |mārado vāraṇo lolaśravaṇaḥ śūrpakarṇakaḥ || 98||

बृहदुल्लासनासाढ्यो व्याप्तत्रैलोक्यमण्डलः ।रत्नमण्डलमध्यस्थः कृशानुरूपशीलकः ॥ ९९॥

bṛhadullāsanāsāḍhyo vyāptatrailokyamaṇḍalaḥ |ratnamaṇḍalamadhyasthaḥ kṛśānurūpaśīlakaḥ || 99||

बृहत्कर्णाञ्चलोद्भूतवायुवीजितदिक्तटः ।बृहदास्यरवाक्रान्तभीतब्रह्माण्डभाण्डकः ॥ १००॥

bṛhatkarṇāñcalodbhūtavāyuvījitadiktaṭaḥ |bṛhadāsyaravākrāntabhītabrahmāṇḍabhāṇḍakaḥ || 100||

बृहत्पादसमाक्रान्तसप्तपातालदीपितः ।बृहद्दन्तकृतात्युग्ररणानन्दरसालसः ॥ १०१॥

bṛhatpādasamākrāntasaptapātāladīpitaḥ |bṛhaddantakṛtātyugraraṇānandarasālasaḥ || 101||

बृहद्धस्तधृताशेषायुधनिर्जितदानवः ।स्फूरत्सिन्दूरवदनः स्फुरत्तेजोऽग्निलोचनः ॥ १०२॥

bṛhaddhastadhṛtāśeṣāyudhanirjitadānavaḥ |sphūratsindūravadanaḥ sphurattejo'gnilocanaḥ || 102||

उद्दीपितमणिस्फूर्जन्नूपुरध्वनिनादितः ।चलत्तोयप्रवाहाढ्यो नदीजलकणाकरः ॥ १०३॥

uddīpitamaṇisphūrjannūpuradhvanināditaḥ |calattoyapravāhāḍhyo nadījalakaṇākaraḥ || 103||

भ्रमत्कुञ्जरसङ्घातवन्दिताङ्घ्रिसरोरुहः ।ब्रह्माच्युतमहारुद्रपुरस्सरसुरार्चितः ॥ १०४॥

bhramatkuñjarasaṅghātavanditāṅghrisaroruhaḥ |brahmācyutamahārudrapurassarasurārcitaḥ || 104||

अशेषशेषप्रभृतिव्यालजालोपसेवितः ।गर्जत्पञ्चाननारावव्याप्ताकाशधरातलः ॥ १०५॥

aśeṣaśeṣaprabhṛtivyālajālopasevitaḥ |garjatpañcānanārāvavyāptākāśadharātalaḥ || 105||

हाहाहूहूगतात्युग्रस्वरविभ्रान्तमानसः ।पञ्चाशद्वर्णबीजाख्यमन्त्रमन्त्रितविग्रहः ॥ १०६॥

hāhāhūhūgatātyugrasvaravibhrāntamānasaḥ |pañcāśadvarṇabījākhyamantramantritavigrahaḥ || 106||

वेदान्तशास्त्रपीयूषधाराऽऽप्लावितभूतलः ।शङ्खध्वनिसमाक्रान्तपातालादिनभस्तलः ॥ १०७॥

vedāntaśāstrapīyūṣadhārā''plāvitabhūtalaḥ |śaṅkhadhvanisamākrāntapātālādinabhastalaḥ || 107||

चिन्तामणिर्महामल्लो बल्लहस्तो बलिः कविः ।कृतत्रेतायुगोल्लासभासमानजगत्त्रयः ॥ १०८॥

cintāmaṇirmahāmallo ballahasto baliḥ kaviḥ |kṛtatretāyugollāsabhāsamānajagattrayaḥ || 108||

द्वापरः परलोकैकः कर्मध्वान्तसुधाकरः ।सुधाऽऽसिक्तवपुर्व्यासो ब्रह्माण्डादिकबाहुकः ॥ १०९॥

dvāparaḥ paralokaikaḥ karmadhvāntasudhākaraḥ |sudhā''siktavapurvyāso brahmāṇḍādikabāhukaḥ || 109||

अकारादिक्षकारान्तवर्णपङ्क्तिसमुज्ज्वलः ।अकाराकारप्रोद्गीतताननादनिनादितः ॥ ११०॥

akārādikṣakārāntavarṇapaṅktisamujjvalaḥ |akārākāraprodgītatānanādanināditaḥ || 110||

इकारेकारमत्राढ्यमालाभ्रमणलालसः ।उकारोकारप्रोद्गारिघोरनागोपवीतकः ॥ १११॥

ikārekāramatrāḍhyamālābhramaṇalālasaḥ |ukārokāraprodgārighoranāgopavītakaḥ || 111||

ऋवर्णाङ्कितॠकारिपद्मद्वयसमुज्ज्वलः ।लृकारयुतलॄकारशङ्खपूर्णदिगन्तरः ॥ ११२॥

ṛvarṇāṅkitaṝkāripadmadvayasamujjvalaḥ |lṛkārayutalṝkāraśaṅkhapūrṇadigantaraḥ || 112||

एकारैककारगिरिजास्तनपानविचक्षणः ।ओकारौकारविश्वादिकृतसृष्टिक्रमालसः ॥ ११३॥

ekāraikakāragirijāstanapānavicakṣaṇaḥ |okāraukāraviśvādikṛtasṛṣṭikramālasaḥ || 113||

अंअःवर्णावलीव्याप्तपादादिशीर्षमण्डलः ।कर्णतालकृतात्युच्चैर्वायुवीजितनिर्जरः ॥ ११४॥

aṃaḥvarṇāvalīvyāptapādādiśīrṣamaṇḍalaḥ |karṇatālakṛtātyuccairvāyuvījitanirjaraḥ || 114||

खगेशध्वजरत्नाङ्ककिरीटारुणपादकः ।गर्विताशेषगन्धर्वगीततत्परश्रोत्रकः ॥ ११५॥

khageśadhvajaratnāṅkakirīṭāruṇapādakaḥ |garvitāśeṣagandharvagītatatparaśrotrakaḥ || 115||

घनवाहनवागीशपुरस्सरसुरार्चितः ।ङवर्णामृतधाराढ्यशोभमानैकदन्तकः ॥ ११६॥

ghanavāhanavāgīśapurassarasurārcitaḥ |ṅavarṇāmṛtadhārāḍhyaśobhamānaikadantakaḥ || 116||

चन्द्रकुङ्कुमजम्बाललिप्तसिन्दूरविग्रहः ।छत्रचामररत्नाढ्यमुकुटालङ्कृताननः ॥ ११७॥

candrakuṅkumajambālaliptasindūravigrahaḥ |chatracāmararatnāḍhyamukuṭālaṅkṛtānanaḥ || 117||

जटाबद्धमहानर्घमणिपङ्क्तिविराजितः ।झङ्कारिमधुपव्रातगाननादविनादितः ॥ ११८॥

jaṭābaddhamahānarghamaṇipaṅktivirājitaḥ |jhaṅkārimadhupavrātagānanādavināditaḥ || 118||

ञवर्णकृतसंहारदैत्यासृक्पर्णमुद्गरः ।टकाराख्याफलास्वादवेपिताशेषमूर्धजः ॥ ११९॥

ñavarṇakṛtasaṃhāradaityāsṛkparṇamudgaraḥ |ṭakārākhyāphalāsvādavepitāśeṣamūrdhajaḥ || 119||

ठकाराद्यडकाराङ्कढकारानन्दतोषितः ।णवर्णामृतपीयूषधाराधारसुधाकरः ॥ १२०॥

ṭhakārādyaḍakārāṅkaḍhakārānandatoṣitaḥ |ṇavarṇāmṛtapīyūṣadhārādhārasudhākaraḥ || 120||

ताम्रसिन्दूरपूजाढ्यललाटफलकच्छविः ।थकारधनपङ्क्त्यातिसन्तोषिताद्विजव्रजः ॥ १२१॥

tāmrasindūrapūjāḍhyalalāṭaphalakacchaviḥ |thakāradhanapaṅktyātisantoṣitādvijavrajaḥ || 121||

दयामृतहृदम्भोजधृतत्रैलोक्यमण्डलः ।धनदादिमहायक्षसंसेवितपदाम्बुजः ॥ १२२॥

dayāmṛtahṛdambhojadhṛtatrailokyamaṇḍalaḥ |dhanadādimahāyakṣasaṃsevitapadāmbujaḥ || 122||

नमिताशेषदेवौघकिरीटमणिरञ्जितः ।परवर्गापवर्गादिभोगेच्छेदनदक्षकः ॥ १२३॥

namitāśeṣadevaughakirīṭamaṇirañjitaḥ |paravargāpavargādibhogecchedanadakṣakaḥ || 123||

फणिचक्रसमाक्रान्तगलमण्डलमण्डितः ।बद्धभ्रूयुगभीमोग्रसन्तर्जितसुरासुरः ॥ १२४॥

phaṇicakrasamākrāntagalamaṇḍalamaṇḍitaḥ |baddhabhrūyugabhīmograsantarjitasurāsuraḥ || 124||

भवानीहृदयानन्दवर्द्धनैकनिशाकरः ।मदिराकलशस्फीतकरालैककराम्बुजः ॥ १२५॥

bhavānīhṛdayānandavarddhanaikaniśākaraḥ |madirākalaśasphītakarālaikakarāmbujaḥ || 125||

यज्ञान्तरायसङ्घातसज्जीकृतवरायुधः ।रत्नाकरसुताकान्तिक्रान्तिकीर्तिविवर्धनः ॥ १२६॥

yajñāntarāyasaṅghātasajjīkṛtavarāyudhaḥ |ratnākarasutākāntikrāntikīrtivivardhanaḥ || 126||

लम्बोदरमहाभीमवपुर्दीप्तकृतासुरः ।वरुणादिदिगीशानस्वर्चितार्चनचर्चितः ॥ १२७॥

lambodaramahābhīmavapurdīptakṛtāsuraḥ |varuṇādidigīśānasvarcitārcanacarcitaḥ || 127||

शङ्करैकप्रियप्रेमनयनान्दवर्द्धनः ।षोडशस्वरितालापगीतगानविचक्षणः ॥ १२८॥

śaṅkaraikapriyapremanayanāndavarddhanaḥ |ṣoḍaśasvaritālāpagītagānavicakṣaṇaḥ || 128||

समस्तदुर्गतिसरिन्नाथोत्तारणकोडुपः ।हरादिब्रह्मवैकुण्ठब्रह्मगीतादिपाठकः ॥ १२९॥

samastadurgatisarinnāthottāraṇakoḍupaḥ |harādibrahmavaikuṇṭhabrahmagītādipāṭhakaḥ || 129||

क्षमापूरितहृत्पद्मसंरक्षितचराचरः ।ताराङ्कमन्त्रवर्णैकविग्रहोज्ज्वलविग्रहः ॥ १३०॥

kṣamāpūritahṛtpadmasaṃrakṣitacarācaraḥ |tārāṅkamantravarṇaikavigrahojjvalavigrahaḥ || 130||

अकारादिक्षकारान्तविद्याभूषितविग्रहः ।ॐ श्रीविनायको ॐ ह्रीं विघ्नाध्यक्षो गणाधिपः ॥ १३१॥

akārādikṣakārāntavidyābhūṣitavigrahaḥ |oṃ śrīvināyako oṃ hrīṃ vighnādhyakṣo gaṇādhipaḥ || 131||

हेरम्बो मोदकाहारो वक्रतुण्डो विधिः स्मृतः ।वेदान्तगीतो विद्यार्थिसिद्धमन्त्रः षडक्षरः ॥ १३२॥

herambo modakāhāro vakratuṇḍo vidhiḥ smṛtaḥ |vedāntagīto vidyārthisiddhamantraḥ ṣaḍakṣaraḥ || 132||

गणेशो वरदो देवो द्वादशाक्षरमन्त्रितः ।सप्तकोटिमहामन्त्रमन्त्रिताशेषविग्रहः ॥ १३३॥

gaṇeśo varado devo dvādaśākṣaramantritaḥ |saptakoṭimahāmantramantritāśeṣavigrahaḥ || 133||

गाङ्गेयो गणसेव्यश्च ॐ श्रीद्वैमातुरः शिवः ।ॐ ह्रीं श्रीं क्लीं ग्लौं गँ देवो महागणपतिः प्रभुः ॥ १३४॥

gāṅgeyo gaṇasevyaśca oṃ śrīdvaimāturaḥ śivaḥ |oṃ hrīṃ śrīṃ klīṃ glauṃ gam̐ devo mahāgaṇapatiḥ prabhuḥ || 134||

इदं नामसहस्रं तु महागणपतेः स्मृतम् ।गुह्यं गोप्यतमं सिद्धं सर्वतन्त्रेषु गोपितम् ॥ १३५॥

idaṃ nāmasahasraṃ tu mahāgaṇapateḥ smṛtam |guhyaṃ gopyatamaṃ siddhaṃ sarvatantreṣu gopitam || 135||

सर्वमन्त्रमयं दिव्यं सर्वविघ्नविनाशनम् ।ग्रहतारामयं राशिवर्णपङ्क्तिसमन्वितम् ॥ १३६॥

sarvamantramayaṃ divyaṃ sarvavighnavināśanam |grahatārāmayaṃ rāśivarṇapaṅktisamanvitam || 136||

सर्वाविद्यामयं ब्रह्मसाधनं साधकप्रियम् ।गणेशस्य च सर्वस्वं रहस्यं त्रिदिवौकसाम् ॥ १३७॥

sarvāvidyāmayaṃ brahmasādhanaṃ sādhakapriyam |gaṇeśasya ca sarvasvaṃ rahasyaṃ tridivaukasām || 137||

यथेष्टफलदं लोके मनोरथप्रपूरणम् ।अष्टसिद्धिमयं श्रेष्ठं साधकानां जयप्रदम् ॥ १३८॥

yatheṣṭaphaladaṃ loke manorathaprapūraṇam |aṣṭasiddhimayaṃ śreṣṭhaṃ sādhakānāṃ jayapradam || 138||

विनार्चनं विना होमं विनान्यासं विना जपम् ।अणिमाद्यष्टसिद्धीनां साधनं स्मृतिमात्रतः ॥ १३९॥

vinārcanaṃ vinā homaṃ vinānyāsaṃ vinā japam |aṇimādyaṣṭasiddhīnāṃ sādhanaṃ smṛtimātrataḥ || 139||

चतुर्थ्यामर्धरात्रे तु पठेन्मन्त्री चतुष्पथे ।लिखेद्भूर्जे महादेवि ! पुण्यं नामसहस्रकम् ॥ १४०॥

caturthyāmardharātre tu paṭhenmantrī catuṣpathe |likhedbhūrje mahādevi ! puṇyaṃ nāmasahasrakam || 140||

धारयेत्तं चतुर्दश्यां मध्याह्ने मूर्ध्नि वा भुजे ।योषिद्वामकरे चैव पुरुषो दक्षिणे भुजे ॥ १४१॥

dhārayettaṃ caturdaśyāṃ madhyāhne mūrdhni vā bhuje |yoṣidvāmakare caiva puruṣo dakṣiṇe bhuje || 141||

स्तम्भयेदपि ब्रह्माणं मोहयेदपि शङ्करम् ।वशयेदपि त्रैलोक्यं मारयेदखिलान् रिपून् ॥ १४२॥

stambhayedapi brahmāṇaṃ mohayedapi śaṅkaram |vaśayedapi trailokyaṃ mārayedakhilān ripūn || 142||

उच्चाटयेच्च गीर्वाणं शमयेच्च धनञ्जयम् ।वन्ध्या पुत्रं लभेच्छीघ्रं निर्धनो धनमाप्नुयात् ॥ १४३॥

uccāṭayecca gīrvāṇaṃ śamayecca dhanañjayam |vandhyā putraṃ labhecchīghraṃ nirdhano dhanamāpnuyāt || 143||

त्रिवारं यः पठेद्रात्रौ गणेशस्य पुरः शिवे ।नग्नः शक्तियुतो देवि भुक्त्वा भोगान्यथेप्सितान् ॥ १४४॥

trivāraṃ yaḥ paṭhedrātrau gaṇeśasya puraḥ śive |nagnaḥ śaktiyuto devi bhuktvā bhogānyathepsitān || 144||

प्रत्यक्षवरदं पश्येद्गणेशं साधकोत्तमः ।य इदं पठते नाम्नां सहस्रं भक्तिपूर्वकम् ॥ १४५॥

pratyakṣavaradaṃ paśyedgaṇeśaṃ sādhakottamaḥ |ya idaṃ paṭhate nāmnāṃ sahasraṃ bhaktipūrvakam || 145||

तस्य वित्तादिविभवोदारायुः सम्पदः सदा ।रणे राजमये द्यूते पठेन्नामसहस्रकम् ॥ १४६॥

tasya vittādivibhavodārāyuḥ sampadaḥ sadā |raṇe rājamaye dyūte paṭhennāmasahasrakam || 146||

सर्वत्र जयमाप्नोति गणेशस्य प्रसादतः ॥ १४७॥

sarvatra jayamāpnoti gaṇeśasya prasādataḥ || 147||

इतीदं पुण्यसर्वस्वं मन्त्रनामसहस्रकम् ।महागणपतेः पुण्यं गोपनीयं स्वयोनिवत् ॥ १४७॥

itīdaṃ puṇyasarvasvaṃ mantranāmasahasrakam |mahāgaṇapateḥ puṇyaṃ gopanīyaṃ svayonivat || 147||

॥ इति श्रीरुद्रयामलतन्त्रेश्रीमदुच्छिष्टगणेशसहस्रनामस्तोत्रं सम्पूर्णम् ॥

|| iti śrīrudrayāmalatantreśrīmaducchiṣṭagaṇeśasahasranāmastotraṃ sampūrṇam ||