गणेशाष्टकम् ५ गणेशनामाष्टकम् Shri Ganeshashtakam By Shri Vishnu

गणेशनामाष्टकम्, गणेशस्तोत्रम्नामाष्टकस्तोत्रम् चश्रीविष्णुरुवाच ।गणेशमेकदन्तञ्च हेरम्बं विघ्ननायकम् ।लम्बोदरं शूर्पकर्णं गजवक्त्रं गुहाग्रजम् ॥नामाष्टकार्थं पुत्रस्य शृणु मातर्हरप्रिये ।स्तोत्राणां सारभूतं च सर्वविघ्नहरं परम् ॥ज्ञानार्थवाचको गश्च णश्च निर्वाणवाचकः ।तयोरीशं परं ब्रह्म गणेशं प्रणमाम्यहम् ॥ १॥

gaṇeśanāmāṣṭakam, gaṇeśastotramnāmāṣṭakastotram caśrīviṣṇuruvāca |gaṇeśamekadantañca herambaṃ vighnanāyakam |lambodaraṃ śūrpakarṇaṃ gajavaktraṃ guhāgrajam ||nāmāṣṭakārthaṃ putrasya śṛṇu mātarharapriye |stotrāṇāṃ sārabhūtaṃ ca sarvavighnaharaṃ param ||jñānārthavācako gaśca ṇaśca nirvāṇavācakaḥ |tayorīśaṃ paraṃ brahma gaṇeśaṃ praṇamāmyaham || 1||

एकशब्दः प्रधानार्थो दन्तश्च बलवाचकः ।बलं प्रधानं सर्वस्मादेकदन्तं नमाम्यहम् ॥ २॥

ekaśabdaḥ pradhānārtho dantaśca balavācakaḥ |balaṃ pradhānaṃ sarvasmādekadantaṃ namāmyaham || 2||

दीनार्थवाचको हेश्च रम्बः पालकवाचकः ।पालकं दीनलोकानां हेरम्बं प्रणमाम्यहम् ॥ ३॥ (परिपालकं तं दीनानां)

dīnārthavācako heśca rambaḥ pālakavācakaḥ |pālakaṃ dīnalokānāṃ herambaṃ praṇamāmyaham || 3|| (paripālakaṃ taṃ dīnānāṃ)

विपत्तिवाचको विघ्नो नायकः खण्डनार्थकः ।विपत्खण्डनकारन्तं प्रणमे विघ्ननायकम् ॥ ४॥ (नमामि)

vipattivācako vighno nāyakaḥ khaṇḍanārthakaḥ |vipatkhaṇḍanakārantaṃ praṇame vighnanāyakam || 4|| (namāmi)

विष्णुदत्तैश्च नैवेद्यैर्यस्य लम्बं पुरोदरम् । (लम्बोदरं पुरा)पित्रा दत्तैश्च विविधैर्वन्दे लम्बोदरञ्च तम् ॥ ५॥

viṣṇudattaiśca naivedyairyasya lambaṃ purodaram | (lambodaraṃ purā)pitrā dattaiśca vividhairvande lambodarañca tam || 5||

शूर्पाकारौ च यत्कर्णौ विघ्नवारणकारकौ । (विघ्नवारणकारणौ)सम्पदौ ज्ञानरूपौ च शूर्पकर्णं नमाम्यहम् ॥ ६॥ (सम्पदास्फालरूपौ)

śūrpākārau ca yatkarṇau vighnavāraṇakārakau | (vighnavāraṇakāraṇau)sampadau jñānarūpau ca śūrpakarṇaṃ namāmyaham || 6|| (sampadāsphālarūpau)

विष्णुप्रसादं मुनिना दत्तं यन्मूर्ध्नि पुष्पकम् ।(विष्णुप्रसादपुष्पञ्च यन्मूर्ध्नि मुनिदत्तकम् ।)तद्गजेन्द्रमुखं कान्तं गजवक्त्रं नमाम्यहम् ॥ ७॥ (तद्गजेन्द्रवक्त्रयुक्तं)

viṣṇuprasādaṃ muninā dattaṃ yanmūrdhni puṣpakam |(viṣṇuprasādapuṣpañca yanmūrdhni munidattakam |)tadgajendramukhaṃ kāntaṃ gajavaktraṃ namāmyaham || 7|| (tadgajendravaktrayuktaṃ)

गुहस्याग्रे च जातोऽयमाविर्भूतो हरालये । (हरगृहे)वन्दे गुहाग्रजं देवं सर्वदेवाग्रपूजितम् ॥ ८॥

guhasyāgre ca jāto'yamāvirbhūto harālaye | (haragṛhe)vande guhāgrajaṃ devaṃ sarvadevāgrapūjitam || 8||

एतन्नामाष्टकं दुर्गे नानाशक्तियुतं परम् ।पुत्रस्य पश्य वेदे च तदा कोपं वृथा कुरु ॥एतन्नामाष्टकं स्तोत्रं नामार्थसंयुतं शुभम् । (नामार्थसहितं)त्रिसन्ध्यं यः पठेन्नित्यं स सुखी सर्वतो जयी ॥ततो विघ्नाः पलायन्ते वैनतेयाद्यथोरगाः ।गणेश्वरप्रसादेन महाज्ञानी भवेद्ध्रुवम् ॥पुत्रार्थीं लभते पुत्रं भार्यार्थीं विपुलां स्त्रियाम् । (कुशलां स्त्रियाम्)महाजडः कवीन्द्रश्च विद्यावांश्च भवेद्ध्रुवम् ॥इति ब्रह्मवैवर्ते महाम्पुराणे तृतीये गणपतिखण्डेनारदनारायणसंवादे विष्णुपदिष्टं गणेशनामाष्टकंस्तोत्रं सम्पूर्णम् ॥(पुत्रनामाष्टकम्)ब्रह्मवैवर्तपुराण । गणपतिखण्ड । अध्याय ४४/८५९८॥ब्रह्मवैवर्तपुराण । गणपतिखण्ड । अध्याय ४४/८५-९८॥गणेश, एकदन्त, हेरम्ब, विघ्ननायक,लम्बोदर, शूर्पकर्ण, गजवक्त्रं, गुहाग्रजणा

etannāmāṣṭakaṃ durge nānāśaktiyutaṃ param |putrasya paśya vede ca tadā kopaṃ vṛthā kuru ||etannāmāṣṭakaṃ stotraṃ nāmārthasaṃyutaṃ śubham | (nāmārthasahitaṃ)trisandhyaṃ yaḥ paṭhennityaṃ sa sukhī sarvato jayī ||tato vighnāḥ palāyante vainateyādyathoragāḥ |gaṇeśvaraprasādena mahājñānī bhaveddhruvam ||putrārthīṃ labhate putraṃ bhāryārthīṃ vipulāṃ striyām | (kuśalāṃ striyām)mahājaḍaḥ kavīndraśca vidyāvāṃśca bhaveddhruvam ||iti brahmavaivarte mahāmpurāṇe tṛtīye gaṇapatikhaṇḍenāradanārāyaṇasaṃvāde viṣṇupadiṣṭaṃ gaṇeśanāmāṣṭakaṃstotraṃ sampūrṇam ||(putranāmāṣṭakam)brahmavaivartapurāṇa | gaṇapatikhaṇḍa | adhyāya 44/8598||brahmavaivartapurāṇa | gaṇapatikhaṇḍa | adhyāya 44/85-98||gaṇeśa, ekadanta, heramba, vighnanāyaka,lambodara, śūrpakarṇa, gajavaktraṃ, guhāgrajaṇā