गणेशलीलास्तुतिः २ Ganesha Lila Shtutih 2

ॐलाक्षासिन्दूरवर्णं सुरवरनमितं मोदकैर्मोदितास्यंहस्ते दन्तं ददानं हिमकरसदृशं तेजसोग्रं त्रिनेत्रम् ।दक्षे रत्नाक्षसूत्रं वरपरशुधरं साखु सिंहासनस्थंगाङ्गेयं रौद्रमूर्तिं त्रिपुरवधकरं विघ्नभक्षं नमामि ॥ १॥

oṃlākṣāsindūravarṇaṃ suravaranamitaṃ modakairmoditāsyaṃhaste dantaṃ dadānaṃ himakarasadṛśaṃ tejasograṃ trinetram |dakṣe ratnākṣasūtraṃ varaparaśudharaṃ sākhu siṃhāsanasthaṃgāṅgeyaṃ raudramūrtiṃ tripuravadhakaraṃ vighnabhakṣaṃ namāmi || 1||

गौरीपुत्रं त्रिनेत्रं गजमुखसहितं नागयज्ञोपवीतंपद्माक्षं सर्वभक्षं सकलजनप्रियं सर्वगन्धर्वपूज्यम् ।सम्पूर्णभालचन्द्रं वरदमतिबलं हन्तृकं चासुराणांहेरम्बमादिदेवं गणपतिममलं सिद्धिदातारमीडे ॥ २॥

gaurīputraṃ trinetraṃ gajamukhasahitaṃ nāgayajñopavītaṃpadmākṣaṃ sarvabhakṣaṃ sakalajanapriyaṃ sarvagandharvapūjyam |sampūrṇabhālacandraṃ varadamatibalaṃ hantṛkaṃ cāsurāṇāṃherambamādidevaṃ gaṇapatimamalaṃ siddhidātāramīḍe || 2||

यं ब्रह्म वेदान्तविदो वदन्ति परं प्रधानं पुरुषं तथान्ये ।विश्वोद्गतेः कारणमीश्वरं वा तस्मै नमो विघ्नविनाशकाय ॥ ३॥

yaṃ brahma vedāntavido vadanti paraṃ pradhānaṃ puruṣaṃ tathānye |viśvodgateḥ kāraṇamīśvaraṃ vā tasmai namo vighnavināśakāya || 3||

गजवदनमचिन्त्यं तीक्ष्णदन्तं त्रिनेत्रंबृहदुदरमनन्तं दन्तमाले ददानम् ।परशुचषकपद्मद्वन्द्वहस्तारविन्दंहरियुगलनिविष्टं श्रीगणेशं भजामि ॥ ४॥

gajavadanamacintyaṃ tīkṣṇadantaṃ trinetraṃbṛhadudaramanantaṃ dantamāle dadānam |paraśucaṣakapadmadvandvahastāravindaṃhariyugalaniviṣṭaṃ śrīgaṇeśaṃ bhajāmi || 4||

अभयवरदपाणिं लाड्डूपात्रं सुदन्तंनरपतिजपमालां नागपाशाङ्कुशं च ।कनकमयविचित्रं मुद्गरं पाणिपद्मेपरशुमपि वहन्तं विघ्नराजं नमामि ॥ ५॥

abhayavaradapāṇiṃ lāḍḍūpātraṃ sudantaṃnarapatijapamālāṃ nāgapāśāṅkuśaṃ ca |kanakamayavicitraṃ mudgaraṃ pāṇipadmeparaśumapi vahantaṃ vighnarājaṃ namāmi || 5||

विघ्नेशं विश्ववन्द्यं सुविपुलयशसं लोकरक्षाप्रदक्षंसाक्षात्सर्वापदासु प्रशमनसुमतिं पार्वतीप्राणसूनुम् ।प्रायः सर्वासुरेन्द्रैः ससुरमुनिगणैः साधकैः पूज्यमानंकारुण्येनान्तरायामितभयशमनं विघ्नराजं नमामि ॥ ६॥

vighneśaṃ viśvavandyaṃ suvipulayaśasaṃ lokarakṣāpradakṣaṃsākṣātsarvāpadāsu praśamanasumatiṃ pārvatīprāṇasūnum |prāyaḥ sarvāsurendraiḥ sasuramunigaṇaiḥ sādhakaiḥ pūjyamānaṃkāruṇyenāntarāyāmitabhayaśamanaṃ vighnarājaṃ namāmi || 6||

उच्चैर्ब्रह्माण्डखण्डद्वितय सहचरं कुम्भयुग्मं दधानःप्रेङ्खन्नागारि पक्षप्रतिभटविकट श्रोत्रतालाभिरामः ।देव्याः शम्भोरपत्यं भुजगपतितनुस्पर्धि वर्धिष्णुहस्तस्त्रैलोक्याश्चर्यमूर्तिः स भवतु सततं भूतये कुञ्जरास्यः ॥ ७॥

uccairbrahmāṇḍakhaṇḍadvitaya sahacaraṃ kumbhayugmaṃ dadhānaḥpreṅkhannāgāri pakṣapratibhaṭavikaṭa śrotratālābhirāmaḥ |devyāḥ śambhorapatyaṃ bhujagapatitanuspardhi vardhiṣṇuhastastrailokyāścaryamūrtiḥ sa bhavatu satataṃ bhūtaye kuñjarāsyaḥ || 7||

नमो नमो गजेन्द्राय एकदन्तधराय च ।नमः ईश्वरपुत्राय गणेशाय नमो नमः ॥ ८॥

namo namo gajendrāya ekadantadharāya ca |namaḥ īśvaraputrāya gaṇeśāya namo namaḥ || 8||

माता यस्य उमादेवी पिता यस्य महेश्वरः ।मूषको वाहनं यस्य स नः पायाद्गणाधिपः ॥ ९॥

mātā yasya umādevī pitā yasya maheśvaraḥ |mūṣako vāhanaṃ yasya sa naḥ pāyādgaṇādhipaḥ || 9||

वन्दे वराभयपिनाककपालखड्गखट्वाङ्गदन्तमुसलाब्जकरं त्रिनेत्रम् ।भीमं जटामुकुटिनं कमलासनस्थं काश्मीरवासममलं गणराजमाद्यम् ॥ १०॥

vande varābhayapinākakapālakhaḍgakhaṭvāṅgadantamusalābjakaraṃ trinetram |bhīmaṃ jaṭāmukuṭinaṃ kamalāsanasthaṃ kāśmīravāsamamalaṃ gaṇarājamādyam || 10||

रक्ताङ्गरागं परश्वक्षमालासुदन्तपाणिं सितलड्डूपात्रम् ।गजाननं सिंहरथाधिरूढं गणेश्वरं विघ्नहरं नमामि ॥ ११॥

raktāṅgarāgaṃ paraśvakṣamālāsudantapāṇiṃ sitalaḍḍūpātram |gajānanaṃ siṃharathādhirūḍhaṃ gaṇeśvaraṃ vighnaharaṃ namāmi || 11||

संसिद्।ह्ध्यर्थनमत्सुरासुरमिलन्मौलिस्थितप्रोल्लसत्सद्रत्न प्रभव प्रकृष्ट विभव प्रेङ्खन्मयूखोज्ज्वलत् ।श्रेयो विघ्नमहाभयप्रशमने दिव्यं यदेकौषधंभूयान्नो द्विरदाननाङ्घ्रिकमलद्वन्द्वं तदिष्टाप्तये ॥ १२॥

saṃsid|hdhyarthanamatsurāsuramilanmaulisthitaprollasatsadratna prabhava prakṛṣṭa vibhava preṅkhanmayūkhojjvalat |śreyo vighnamahābhayapraśamane divyaṃ yadekauṣadhaṃbhūyānno dviradānanāṅghrikamaladvandvaṃ tadiṣṭāptaye || 12||

बिभ्रत्पञ्चमुखानि योयमुदितः स्वातन्त्र्यमात्रात्मनाशक्तेर्वैभवतः परप्रतिहतद्वैताख्यविघ्नव्ययः ।एकीभूतमुखः सकारणगणानुकारिणा तेजसादेवःसंप्रति भासतां मयि यथा तत्त्वं गणाधीश्वरः ॥ १३॥

bibhratpañcamukhāni yoyamuditaḥ svātantryamātrātmanāśaktervaibhavataḥ parapratihatadvaitākhyavighnavyayaḥ |ekībhūtamukhaḥ sakāraṇagaṇānukāriṇā tejasādevaḥsaṃprati bhāsatāṃ mayi yathā tattvaṃ gaṇādhīśvaraḥ || 13||

हस्तीन्द्राननमिन्दुचूडमरुणच्छायं त्रिनेत्रं रसादाश्लिष्टंप्रियया समपद्मद्यमकरया स्वाङ्कस्थया सन्ततम् ।बीजापूरगदाधनुस्त्रिशिखयुक्चक्राब्जपाशोत्पलव्रीह्यग्रस्थविषाणरत्न कलशान् हस्तैर्वहन्तं भजे ॥ १४॥

hastīndrānanaminducūḍamaruṇacchāyaṃ trinetraṃ rasādāśliṣṭaṃpriyayā samapadmadyamakarayā svāṅkasthayā santatam |bījāpūragadādhanustriśikhayukcakrābjapāśotpalavrīhyagrasthaviṣāṇaratna kalaśān hastairvahantaṃ bhaje || 14||

देव स्थूलतनुं गजेन्द्रवदनं लम्बोदर सुन्दरंविघ्नेशं मदगन्धलोलमधुपव्यालोलगण्डस्थलम् ।दन्ताघातविदारिताहितजनं सिन्दूरशोभाकरंवन्दे शैलसुतासुतं गणपतिं सिद्धिप्रदं कामदम् ॥ १५॥

deva sthūlatanuṃ gajendravadanaṃ lambodara sundaraṃvighneśaṃ madagandhalolamadhupavyālolagaṇḍasthalam |dantāghātavidāritāhitajanaṃ sindūraśobhākaraṃvande śailasutāsutaṃ gaṇapatiṃ siddhipradaṃ kāmadam || 15||

द्विचतुर्दशवर्णभूषिताङ्गं मुसलाम्भोजधरं महोपवीतम् ।द्विमृगाधिपगामिनं त्रिनेत्रं हरपुत्रं द्विरदाननं भजेऽहम् ॥ १६॥

dvicaturdaśavarṇabhūṣitāṅgaṃ musalāmbhojadharaṃ mahopavītam |dvimṛgādhipagāminaṃ trinetraṃ haraputraṃ dviradānanaṃ bhaje'ham || 16||

जटामुकुटमण्डितं त्रिनयनं भजे षड्भुजंसतीसरनिवासिनमसुरनाशनं लोहितम् ।वराभयपिनाकिनं त्वसिकपालभृच्छूलिनंगणैर्वृतगणेश्वरं कमलगं च मीमाकृतिम् ॥ १७॥

jaṭāmukuṭamaṇḍitaṃ trinayanaṃ bhaje ṣaḍbhujaṃsatīsaranivāsinamasuranāśanaṃ lohitam |varābhayapinākinaṃ tvasikapālabhṛcchūlinaṃgaṇairvṛtagaṇeśvaraṃ kamalagaṃ ca mīmākṛtim || 17||

गजाननं भूतगणाधिसेवितं कपित्थजाम्बूफलसारभक्षणम् ।उमापतेः शोकविनाशकारणं नमामि विश्वेश्वरमाशु सिद्धिदम् ॥ १८॥

gajānanaṃ bhūtagaṇādhisevitaṃ kapitthajāmbūphalasārabhakṣaṇam |umāpateḥ śokavināśakāraṇaṃ namāmi viśveśvaramāśu siddhidam || 18||

लम्बोदरैकवदनः कमलासनस्थश्चन्द्रार्धमौलिरमलो भुजगेन्द्रहारः ।भीमोऽष्टबाहुरुदितार्कमरीचिरष्टसिद्धिप्रदो भवतु वाञ्छितसिद्धिदोनः ॥ १९॥

lambodaraikavadanaḥ kamalāsanasthaścandrārdhamauliramalo bhujagendrahāraḥ |bhīmo'ṣṭabāhuruditārkamarīciraṣṭasiddhiprado bhavatu vāñchitasiddhidonaḥ || 19||

योऽभ्यर्चितः सुरगणैर्वरसिद्धिहेतोश्छेत्तंभयानि च करे परशुं दधानः ।देवः स शम्भुदयितापरिवर्धितश्रीर्विघ्नान्निवारयतु वारणराजवक्त्रः ॥ २०॥

yo'bhyarcitaḥ suragaṇairvarasiddhihetośchettaṃbhayāni ca kare paraśuṃ dadhānaḥ |devaḥ sa śambhudayitāparivardhitaśrīrvighnānnivārayatu vāraṇarājavaktraḥ || 20||

इति गणेशलीलास्तुतिः समाप्ता ।

iti gaṇeśalīlāstutiḥ samāptā |