stotram (6) Ganesha Ashtottarashatanama Stotram

शिवपार्वतीसंवादेश्रीशिव उवाचकाश्यां तु बहवो विघ्नाः काशीवासवियोजकाः ।तच्छान्त्यर्थं दुण्ढिराजः पूजनीयः प्रयत्नतः ॥ ५०॥

śivapārvatīsaṃvādeśrīśiva uvācakāśyāṃ tu bahavo vighnāḥ kāśīvāsaviyojakāḥ |tacchāntyarthaṃ duṇḍhirājaḥ pūjanīyaḥ prayatnataḥ || 50||

अष्टोत्तरशतं दिव्यैर्गणेशस्यैव नामभिः ।कर्तव्यमतियत्नेन नवदूर्वाङ्कुरार्पणम् ॥ ५१॥

aṣṭottaraśataṃ divyairgaṇeśasyaiva nāmabhiḥ |kartavyamatiyatnena navadūrvāṅkurārpaṇam || 51||

हिरण्मयतनुं शुद्धं सर्वार्तिहरमव्ययम् ।वरदं गणपं ध्यात्वा पूजा कार्या प्रयत्नतः ॥ ५२॥

hiraṇmayatanuṃ śuddhaṃ sarvārtiharamavyayam |varadaṃ gaṇapaṃ dhyātvā pūjā kāryā prayatnataḥ || 52||

ऋषिर्विघ्नेश इत्यादिनाम्नां सर्वेश्वरः शिवः ।देवता विघ्नराजोऽत्र छन्दोऽनुष्टुप् शुभप्रदम् ॥ ५३॥

ṛṣirvighneśa ityādināmnāṃ sarveśvaraḥ śivaḥ |devatā vighnarājo'tra chando'nuṣṭup śubhapradam || 53||

सर्वप्रत्यूहशमनं फलं शक्तिः सुधात्मिका ।कीलकं गणनाथस्य पूजा कार्येति कामदा ॥ ५४॥

sarvapratyūhaśamanaṃ phalaṃ śaktiḥ sudhātmikā |kīlakaṃ gaṇanāthasya pūjā kāryeti kāmadā || 54||

अथ नामावलिः ।ॐ विघ्नेशो विश्ववरदो विश्वचक्षुर्जगत्पतिः । (विश्ववदनो)हिरण्यरूपः सर्वात्मा ज्ञानरूपो जगन्मयः ॥ ५५॥

atha nāmāvaliḥ |oṃ vighneśo viśvavarado viśvacakṣurjagatpatiḥ | (viśvavadano)hiraṇyarūpaḥ sarvātmā jñānarūpo jaganmayaḥ || 55||

सर्वज्ञः सर्वगः शान्तो गजास्यो विगतज्वरः ।विश्वमूर्तिरमेयात्मा विश्वाधारः सनातनः ॥ ५६॥

sarvajñaḥ sarvagaḥ śānto gajāsyo vigatajvaraḥ |viśvamūrtirameyātmā viśvādhāraḥ sanātanaḥ || 56||

सामगानप्रियो मन्त्री सत्त्वाधारः सुराधिपः ।समस्तसाक्षी निर्द्वन्द्वो निर्लिप्तोऽमोघविक्रमः ॥ ५७॥

sāmagānapriyo mantrī sattvādhāraḥ surādhipaḥ |samastasākṣī nirdvandvo nirlipto'moghavikramaḥ || 57||

नियतो निर्मलः पुण्यकामदः कान्तिदः कविः ॥ ५८॥

niyato nirmalaḥ puṇyakāmadaḥ kāntidaḥ kaviḥ || 58||

कामरूपी कामवेषो कमलाक्षः कलाधरः ।सुमुखः सर्वदः शुद्धो मूषिकाधिपवाहनः ॥ ५९॥ (सुमुखः सर्वदः)

kāmarūpī kāmaveṣo kamalākṣaḥ kalādharaḥ |sumukhaḥ sarvadaḥ śuddho mūṣikādhipavāhanaḥ || 59|| (sumukhaḥ sarvadaḥ)

दीर्घतुण्डघनुः श्रीमाननन्तो मोहवर्जितः ।वक्रतुण्डः शूर्पकर्णो परमं पावनेश्वरः ॥ ६०॥ (पवनः पावनो वरः)

dīrghatuṇḍaghanuḥ śrīmānananto mohavarjitaḥ |vakratuṇḍaḥ śūrpakarṇo paramaṃ pāvaneśvaraḥ || 60|| (pavanaḥ pāvano varaḥ)

योगीशो योगवन्द्याङ्घ्रिरुमाजनुरयापहः ।एकदन्तो महाग्रीवः शरण्यः सिद्धसेवितः ॥ ६१॥

yogīśo yogavandyāṅghrirumājanurayāpahaḥ |ekadanto mahāgrīvaḥ śaraṇyaḥ siddhasevitaḥ || 61||

सिद्धिदः करुणासिन्धुः भगवान् भव्यविग्रहः ।विकटः कपिलो ढुण्ढिरुग्रो भीमोदरः शुभः ॥ ६२॥ (भीमोदरः)

siddhidaḥ karuṇāsindhuḥ bhagavān bhavyavigrahaḥ |vikaṭaḥ kapilo ḍhuṇḍhirugro bhīmodaraḥ śubhaḥ || 62|| (bhīmodaraḥ)

गणाध्यक्षो गणाराध्यो गणेशो गणनायकः ।ज्योतिःस्वरूपो भूतात्मा धूमकेतुरनाकुलः ॥ ६३॥

gaṇādhyakṣo gaṇārādhyo gaṇeśo gaṇanāyakaḥ |jyotiḥsvarūpo bhūtātmā dhūmaketuranākulaḥ || 63||

कुमारगुरुरानन्दो हेरम्बो वेदसंस्तुतः ।नागोपवीती दुर्धर्षो बालदूर्वाङ्कुरप्रियः ॥ ६४॥

kumāragururānando herambo vedasaṃstutaḥ |nāgopavītī durdharṣo bāladūrvāṅkurapriyaḥ || 64||

भालचन्द्रो विश्वधामा शिवपुत्रो विनायकः ।लीलावलम्बितवपुः पूर्णः परमसुन्दरः ॥ ६५॥

bhālacandro viśvadhāmā śivaputro vināyakaḥ |līlāvalambitavapuḥ pūrṇaḥ paramasundaraḥ || 65||

विघ्नान्धकारमार्ताण्डो विघ्नारण्यदवानलः ।सिन्धूरवदनो नित्यो प्रभुः प्रथमपूजितः ॥ ६६॥ (विष्णुः प्रमथपूजितः)

vighnāndhakāramārtāṇḍo vighnāraṇyadavānalaḥ |sindhūravadano nityo prabhuḥ prathamapūjitaḥ || 66|| (viṣṇuḥ pramathapūjitaḥ)

शरण्यदिव्यपादाब्जो भक्तमन्दारभूरुहः ।रत्नसिह्मासनासीनो मणिकुण्डलमण्डितः ॥ ६७॥

śaraṇyadivyapādābjo bhaktamandārabhūruhaḥ |ratnasihmāsanāsīno maṇikuṇḍalamaṇḍitaḥ || 67||

भक्तकल्याणदोऽमेयः कल्याणगुणसंश्रयः ।एतानि दिव्यनामानि गणेशस्य महात्मनः ॥ ६८॥

bhaktakalyāṇado'meyaḥ kalyāṇaguṇasaṃśrayaḥ |etāni divyanāmāni gaṇeśasya mahātmanaḥ || 68||

पठनीयानि यत्नेन सर्वथा सर्वदेहिभिः । (सर्वदा)नाम्नामेकैकमेतेषां सर्वसिद्धिप्रदायकम् ॥ ६९॥

paṭhanīyāni yatnena sarvathā sarvadehibhiḥ | (sarvadā)nāmnāmekaikameteṣāṃ sarvasiddhipradāyakam || 69||

अथ उपदेशःसर्वविघ्नेश नाम्नां तु फलं वक्तुं न शक्यते ।एकैकमेव तन्नाम दिव्यं जप्त्वा मुनीश्वराः ॥ ७०॥

atha upadeśaḥsarvavighneśa nāmnāṃ tu phalaṃ vaktuṃ na śakyate |ekaikameva tannāma divyaṃ japtvā munīśvarāḥ || 70||

प्रत्यूहमात्ररहितास्तिष्ठन्ति शिवपूजकाः ।दूर्वायुग्मानि सङ्गृह्य नूतनान्यतियत्नतः ॥ ७१॥

pratyūhamātrarahitāstiṣṭhanti śivapūjakāḥ |dūrvāyugmāni saṅgṛhya nūtanānyatiyatnataḥ || 71||

पूजनीयो गणाध्यक्षो नाम्नामेकैकसङ्ख्यया ।नभस्यशुक्लपक्षस्य चतुर्थ्यां विधिपूर्वकम् ॥ ७२॥

pūjanīyo gaṇādhyakṣo nāmnāmekaikasaṅkhyayā |nabhasyaśuklapakṣasya caturthyāṃ vidhipūrvakam || 72||

वक्रतुण्डेशकुण्डे तु स्नानं कृत्वा प्रयत्नतः ।वक्रतुण्डेशमाराध्य सर्वाभीष्टप्रदायकम् ॥ ७३॥

vakratuṇḍeśakuṇḍe tu snānaṃ kṛtvā prayatnataḥ |vakratuṇḍeśamārādhya sarvābhīṣṭapradāyakam || 73||

ध्यायेदघहरं शुद्धकाञ्चनाभमनामयम् ।ततः पूजां यथाशास्त्रं कृत्वा दूर्वाङ्कुरैर्नवः ॥ ७४॥

dhyāyedaghaharaṃ śuddhakāñcanābhamanāmayam |tataḥ pūjāṃ yathāśāstraṃ kṛtvā dūrvāṅkurairnavaḥ || 74||

पूजा कार्या विशेषेण नामोच्चारणपूर्वकम् ।ततश्च मोदकैदिव्यैः सुगन्धिघृतपाचितैः ॥ ७५॥

pūjā kāryā viśeṣeṇa nāmoccāraṇapūrvakam |tataśca modakaidivyaiḥ sugandhighṛtapācitaiḥ || 75||

नैवेद्यं कल्पयेद्दिव्यंः गणेशाय शुभावहम् ।अन्यैश्च परमान्नाद्यैर्भक्ष्यैर्भोज्यैर्मनोहरैः ॥ ७६॥

naivedyaṃ kalpayeddivyaṃḥ gaṇeśāya śubhāvaham |anyaiśca paramānnādyairbhakṣyairbhojyairmanoharaiḥ || 76||

तोषणीयः प्रयत्नेन वक्रतुण्डविनायकः ।प्रदक्षिणनमस्कारैर्दिव्यैस्तन्नामसङ्ख्यया ॥ ७७॥

toṣaṇīyaḥ prayatnena vakratuṇḍavināyakaḥ |pradakṣiṇanamaskārairdivyaistannāmasaṅkhyayā || 77||

कर्तव्या नियतं शुद्धैर्मौनव्रतपरायणः ।ततः सन्तर्प्य विधिच्छैवान्ब्राह्मणसम्भावान् ॥ ७८॥ (ब्राह्मणसत्तमान्)

kartavyā niyataṃ śuddhairmaunavrataparāyaṇaḥ |tataḥ santarpya vidhicchaivānbrāhmaṇasambhāvān || 78|| (brāhmaṇasattamān)

पुनरभ्यर्च्य विघ्नेशमिमं मन्त्रमुदीरयेत् ॥ ७९॥

punarabhyarcya vighneśamimaṃ mantramudīrayet || 79||

अथ मन्त्रःवक्रतुण्ड सुराराध्य सूर्यकोटिसमप्रभ ।निर्विघ्नेनैव सततं काशीवासं प्रयच्छ मे ॥ ८०॥

atha mantraḥvakratuṇḍa surārādhya sūryakoṭisamaprabha |nirvighnenaiva satataṃ kāśīvāsaṃ prayaccha me || 80||

इति सम्प्रार्थ्य विधिवत्पूजां कृत्वा पुनर्मुदा ।नमस्कृत्वा प्रसाद्यैनं गच्छेड्ढुण्ढिविनायकम् ॥ ८१॥

iti samprārthya vidhivatpūjāṃ kṛtvā punarmudā |namaskṛtvā prasādyainaṃ gaccheḍḍhuṇḍhivināyakam || 81||

ढुण्ढिराजार्चनं सम्यक्कर्तव्यं विधिपूर्वकम् ।तत्रैवार्चाविशेषेण पूजां कृत्वा ततः परम् ॥ ८२॥

ḍhuṇḍhirājārcanaṃ samyakkartavyaṃ vidhipūrvakam |tatraivārcāviśeṣeṇa pūjāṃ kṛtvā tataḥ param || 82||

॥ इति शिवरहस्यान्तर्गते गणेशाष्टोत्तरशतनामस्तोत्रं सम्पूर्णम् ॥॥ श्रीशिवरहस्यम् । उग्राख्यः सप्तमांशः । अध्यायः १२ । ५०८२॥

|| iti śivarahasyāntargate gaṇeśāṣṭottaraśatanāmastotraṃ sampūrṇam |||| śrīśivarahasyam | ugrākhyaḥ saptamāṃśaḥ | adhyāyaḥ 12 | 5082||

– ॥ श्रीशिवरहस्यम् ।उग्राख्यः सप्तमांशः ।अध्यायः १२ ।५०-८२॥

– || śrīśivarahasyam |ugrākhyaḥ saptamāṃśaḥ |adhyāyaḥ 12 | 50-82||