त्रैलोक्यमोहनकवचम् गणपतेः Ganapati Trailokya Mohana Kavacham

श्री गणेशाय नमः ।नमस्तस्मै गणेशाय सर्वविघ्नविनाशिने ।कार्यारम्भेषु सर्वेषु पूज्यते यः सुरैरपि ॥ १॥

śrī gaṇeśāya namaḥ |namastasmai gaṇeśāya sarvavighnavināśine |kāryārambheṣu sarveṣu pūjyate yaḥ surairapi || 1||

श्रीमन्महागणपतेः कवचस्य ऋषिः शिवः ।गणपतिर्देवता च गायत्री छन्दः एव च ।धर्मार्थकाममोक्षेषु विनियोगः प्रकीर्तितः ।शक्तिः स्वाहा ग्लौँ बीजं विनियोगस्य कीर्तितः ॥अथ न्यासः ।ॐ श्रीँ ह्रीँ क्लीँ अङ्गुष्ठाभ्यां नमः ।ग्लौँ गँ गणपतये तर्जनीभ्यां नमः ।वरवरद मध्यमाभ्यां नमः ।सर्वजनं मे अनामिकाभ्यां नमः ।वशमानय कनिष्ठिकाभ्यां नमः ।स्वाहा करतलकरपृष्ठाभ्यां नमः ।एवं हृदयादि न्यासः ॥ध्यानंहस्तीन्द्राननमिन्दुचूडमरुणच्छायं त्रिनेत्रं रसादाश्लिष्टं प्रियया सपद्मकरया स्वाङ्कस्थया सन्ततम् ।बीजापूरगदाधनुस्त्रिशिखयुक् चक्राब्जपाशोत्पलव्रीह्यग्रस्वविषाणरत्नकलशान् हस्तैर्वहन्तं भजे ।अथ कवचम् ।ॐ ब्रह्मबीजं शिरः पातु केवलं मुक्तिदायकम् ।श्रीँ बीजमक्षिणी पातु सर्वसिद्धिसमर्पकम् ॥ १॥

śrīmanmahāgaṇapateḥ kavacasya ṛṣiḥ śivaḥ |gaṇapatirdevatā ca gāyatrī chandaḥ eva ca |dharmārthakāmamokṣeṣu viniyogaḥ prakīrtitaḥ |śaktiḥ svāhā glaum̐ bījaṃ viniyogasya kīrtitaḥ ||atha nyāsaḥ |oṃ śrīm̐ hrīm̐ klīm̐ aṅguṣṭhābhyāṃ namaḥ |glaum̐ gam̐ gaṇapataye tarjanībhyāṃ namaḥ |varavarada madhyamābhyāṃ namaḥ |sarvajanaṃ me anāmikābhyāṃ namaḥ |vaśamānaya kaniṣṭhikābhyāṃ namaḥ |svāhā karatalakarapṛṣṭhābhyāṃ namaḥ |evaṃ hṛdayādi nyāsaḥ ||dhyānaṃhastīndrānanaminducūḍamaruṇacchāyaṃ trinetraṃ rasādāśliṣṭaṃ priyayā sapadmakarayā svāṅkasthayā santatam |bījāpūragadādhanustriśikhayuk cakrābjapāśotpalavrīhyagrasvaviṣāṇaratnakalaśān hastairvahantaṃ bhaje |atha kavacam |oṃ brahmabījaṃ śiraḥ pātu kevalaṃ muktidāyakam |śrīm̐ bījamakṣiṇī pātu sarvasiddhisamarpakam || 1||

हृल्लेखा श्रोत्रयोः पातु सर्वशत्रुविनाशिनी ।कामबीजं कपोलौ च सर्वदुष्टनिवारणम् ॥ २॥

hṛllekhā śrotrayoḥ pātu sarvaśatruvināśinī |kāmabījaṃ kapolau ca sarvaduṣṭanivāraṇam || 2||

ग्लौँ गँ च गणपतये वाचं पातु विनायकः ।वरबीजं तथा जिह्वां वरदं हस्तयोस्तथा ॥ ३॥

glaum̐ gam̐ ca gaṇapataye vācaṃ pātu vināyakaḥ |varabījaṃ tathā jihvāṃ varadaṃ hastayostathā || 3||

सर्वजनं मे च बाहुद्वयं कण्ठं गणेश्वरः ।वशं मे पातु हृदयं पातु सिद्धीश्वरस्तथा ॥ ४॥

sarvajanaṃ me ca bāhudvayaṃ kaṇṭhaṃ gaṇeśvaraḥ |vaśaṃ me pātu hṛdayaṃ pātu siddhīśvarastathā || 4||

नाभिमानय मे पातु सर्वसिद्धिविनायकः ।जङ्घयोर्गुल्फयोः स्वाहा सर्वाङ्गं विघ्ननायकः ॥ ५॥

nābhimānaya me pātu sarvasiddhivināyakaḥ |jaṅghayorgulphayoḥ svāhā sarvāṅgaṃ vighnanāyakaḥ || 5||

गणपतिस्त्वग्रतः पातु गणेशः पृष्ठतस्तथा ।दक्षिणे सिद्धिदः पातु वामे विश्वार्तिहारकः ॥ ६॥

gaṇapatistvagrataḥ pātu gaṇeśaḥ pṛṣṭhatastathā |dakṣiṇe siddhidaḥ pātu vāme viśvārtihārakaḥ || 6||

दुर्जयो रक्षतु प्राच्यामाग्नेय्यां गणपस्तथा ।दक्षिणस्यां गिरिजजो नैरृत्यां शम्भुनन्दनः ॥ ७॥

durjayo rakṣatu prācyāmāgneyyāṃ gaṇapastathā |dakṣiṇasyāṃ girijajo nairṛtyāṃ śambhunandanaḥ || 7||

प्रतीच्यां स्थाणुजः पातु वायव्यामाखुवाहनः ।कौबेर्यामीश्वरः पातु ईशान्यामीश्वरात्मजः ॥ ८॥

pratīcyāṃ sthāṇujaḥ pātu vāyavyāmākhuvāhanaḥ |kauberyāmīśvaraḥ pātu īśānyāmīśvarātmajaḥ || 8||

अधो गणपतिः पातु ऊर्धं पातु विनायकः ।एताभ्यो दशदिग्भ्यस्तु पातु नित्यं गणेश्वरः ॥ ९॥

adho gaṇapatiḥ pātu ūrdhaṃ pātu vināyakaḥ |etābhyo daśadigbhyastu pātu nityaṃ gaṇeśvaraḥ || 9||

इदं कवचमाहाम्यं न देयं यस्यकस्यचित् ।यस्य स्मरणमात्रेण मृत्योर्मृत्युभवेत्स्वयम् ॥ १०॥

idaṃ kavacamāhāmyaṃ na deyaṃ yasyakasyacit |yasya smaraṇamātreṇa mṛtyormṛtyubhavetsvayam || 10||

इतीदं कथितं देवि ब्रह्मविद्याकलेवरम् ।त्रैलोक्यमोहनं नाम कवचं ब्रह्मरूपकम् ॥ ११॥

itīdaṃ kathitaṃ devi brahmavidyākalevaram |trailokyamohanaṃ nāma kavacaṃ brahmarūpakam || 11||

सप्तकोटिमहामन्त्रास्तत्रादौ कथिताः प्रिये ।महागणपतेर्यद्दिव्यं कवचं मन्मुखोदितम् ॥ १२॥

saptakoṭimahāmantrāstatrādau kathitāḥ priye |mahāgaṇapateryaddivyaṃ kavacaṃ manmukhoditam || 12||

गुरुमभ्यर्च्य विधिवत्कवचं यः पठेद्यतः ।त्रिः सकृद्वा यथान्यासं सोऽपि पुण्ययुतो नरः ॥ १३॥

gurumabhyarcya vidhivatkavacaṃ yaḥ paṭhedyataḥ |triḥ sakṛdvā yathānyāsaṃ so'pi puṇyayuto naraḥ || 13||

देशिकः सर्वमन्त्रेषु ह्याधिकारी जपादिषु ।देवमभ्यर्च्य विधिवत्पुरश्चर्यां समाचरेत ॥ १४॥

deśikaḥ sarvamantreṣu hyādhikārī japādiṣu |devamabhyarcya vidhivatpuraścaryāṃ samācareta || 14||

अष्टोत्तरशतं जप्त्वा दशांशं हवनादिकम ।ततस्तु सिद्धकवचः पूर्णतामदनोपमः ॥ १५॥

aṣṭottaraśataṃ japtvā daśāṃśaṃ havanādikama |tatastu siddhakavacaḥ pūrṇatāmadanopamaḥ || 15||

मन्त्रसिद्धिर्भवेत्तस्य पुरश्चर्याविधानतः ।गद्यपद्यमयी वाणी तस्य वक्त्रात्प्रजापते ॥ १६॥

mantrasiddhirbhavettasya puraścaryāvidhānataḥ |gadyapadyamayī vāṇī tasya vaktrātprajāpate || 16||

वक्त्रे तस्य वसेद्वाणी कमला निश्चला गृहे ।पुष्पाञ्जल्यष्टकं दत्वा मूले नैव पठेत्सकृत् ॥ १७॥

vaktre tasya vasedvāṇī kamalā niścalā gṛhe |puṣpāñjalyaṣṭakaṃ datvā mūle naiva paṭhetsakṛt || 17||

अपि वर्षसहस्रायाः पूजायाः फलमाप्नुयात् ।विलिख्य भूर्जपत्रे तु स्वर्णस्थ धारयेद्यदि ॥ १८॥

api varṣasahasrāyāḥ pūjāyāḥ phalamāpnuyāt |vilikhya bhūrjapatre tu svarṇastha dhārayedyadi || 18||

कण्ठे वा दक्षिणे बाहौ सकुर्याद्दासवत् जगत् ।त्रैलोक्यं क्षोभवत्येव त्रैलोक्यविजयी भवेत् ॥ १९॥

kaṇṭhe vā dakṣiṇe bāhau sakuryāddāsavat jagat |trailokyaṃ kṣobhavatyeva trailokyavijayī bhavet || 19||

तद्गात्रं प्राप्य शस्त्राणि ब्रह्मास्त्रादीनि याति च ।मान्यानि कुसुमानीव सुखदानि भवन्ति हि ॥ २०॥

tadgātraṃ prāpya śastrāṇi brahmāstrādīni yāti ca |mānyāni kusumānīva sukhadāni bhavanti hi || 20||

स्पर्धान्निर्धूय भवने लक्ष्मीर्वाणी मुखे वसेत् ॥ २१॥

spardhānnirdhūya bhavane lakṣmīrvāṇī mukhe vaset || 21||

इदं कवचमज्ञात्वा यो जपेद्गणनायकम् ।न स सिद्धिमवाप्नोति मूढो वर्षशतैरपि ॥ २२॥

idaṃ kavacamajñātvā yo japedgaṇanāyakam |na sa siddhimavāpnoti mūḍho varṣaśatairapi || 22||

सर्वशत्रुक्षयकरं सर्वविघ्ननिवारणम् ।सर्वापत्त्येकशमनं सर्वमोक्षस्य हेतुकम् ॥ २३॥

sarvaśatrukṣayakaraṃ sarvavighnanivāraṇam |sarvāpattyekaśamanaṃ sarvamokṣasya hetukam || 23||

इति श्रीरुद्रयामले गणपतेः त्रैलोक्यमोहनकवचं सम्पूर्णम् ।

iti śrīrudrayāmale gaṇapateḥ trailokyamohanakavacaṃ sampūrṇam |