दुर्गासप्तश्लोकी Shridurgasaptashloki

। अथ सप्तश्लोकी दुर्गा ।शिव उवाचदेवि त्वं भक्तसुलभे सर्वकार्यविधायिनी ।कलौ हि कार्यसिद्ध्यर्थमुपायं ब्रूहि यत्नतः ॥देव्युवाचशृणु देव प्रवक्ष्यामि कलौ सर्वेष्टसाधनम् ।मया तवैव स्नेहेनाप्यम्बास्तुतिः प्रकाश्यते ॥ॐ अस्य श्रीदुर्गासप्तश्लोकीस्तोत्रमहामन्त्रस्य नारायण ऋषिः ।अनुष्टुभादीनि छन्दांसि । श्रीमहाकालीमहालक्ष्मीमहासरस्वत्यो देवताः ।श्रीदूर्गाप्रीत्यर्थं सप्तश्लोकी दुर्गापाठे विनियोगः ॥ज्ञानिनामपि चेतांसि देवी भगवती हि सा ।बलादाकृष्य मोहाय महामाया प्रयच्छति ॥ १॥

| atha saptaślokī durgā |śiva uvācadevi tvaṃ bhaktasulabhe sarvakāryavidhāyinī |kalau hi kāryasiddhyarthamupāyaṃ brūhi yatnataḥ ||devyuvācaśṛṇu deva pravakṣyāmi kalau sarveṣṭasādhanam |mayā tavaiva snehenāpyambāstutiḥ prakāśyate ||oṃ asya śrīdurgāsaptaślokīstotramahāmantrasya nārāyaṇa ṛṣiḥ |anuṣṭubhādīni chandāṃsi | śrīmahākālīmahālakṣmīmahāsarasvatyo devatāḥ |śrīdūrgāprītyarthaṃ saptaślokī durgāpāṭhe viniyogaḥ ||jñānināmapi cetāṃsi devī bhagavatī hi sā |balādākṛṣya mohāya mahāmāyā prayacchati || 1||

दुर्गे स्मृता हरसि भीतिमशेषजन्तोःस्वस्थैः स्मृता मतिमतीव शुभां ददासि ।दारिद्र्यदुःखभयहारिणि का त्वदन्यासर्वोपकारकरणाय सदाऽऽर्द्रचित्ता ॥ २॥

durge smṛtā harasi bhītimaśeṣajantoḥsvasthaiḥ smṛtā matimatīva śubhāṃ dadāsi |dāridryaduḥkhabhayahāriṇi kā tvadanyāsarvopakārakaraṇāya sadā''rdracittā || 2||

सर्वमङ्गलमाङ्गल्ये शिवे सर्वार्थसाधिके ।शरण्ये त्र्यम्बके गौरि नारायणि नमोऽस्तु ते ॥ ३॥

sarvamaṅgalamāṅgalye śive sarvārthasādhike |śaraṇye tryambake gauri nārāyaṇi namo'stu te || 3||

शरणागतदीनार्तपरित्राणपरायणे ।सर्वस्यार्तिहरे देवि नारायणि नमोऽस्तु ते ॥ ४॥

śaraṇāgatadīnārtaparitrāṇaparāyaṇe |sarvasyārtihare devi nārāyaṇi namo'stu te || 4||

सर्वस्वरूपे सर्वेशे सर्वशक्तिसमन्विते ।भयेभ्यस्त्राहि नो देवि दुर्गे देवि नमोऽस्तु ते ॥ ५॥

sarvasvarūpe sarveśe sarvaśaktisamanvite |bhayebhyastrāhi no devi durge devi namo'stu te || 5||

रोगानशेषानपहंसि तुष्टा रुष्टा तु कामान् सकलानभीष्टान् ।त्वामाश्रितानां न विपन्नराणां त्वामाश्रिता ह्याश्रयतां प्रयान्ति ॥ ६॥

rogānaśeṣānapahaṃsi tuṣṭā ruṣṭā tu kāmān sakalānabhīṣṭān |tvāmāśritānāṃ na vipannarāṇāṃ tvāmāśritā hyāśrayatāṃ prayānti || 6||

सर्वाबाधाप्रशमनं त्रैलोक्यस्याखिलेश्वरि ।एवमेव त्वया कार्यमस्मद्वैरि विनाशनम् ॥ ७॥

sarvābādhāpraśamanaṃ trailokyasyākhileśvari |evameva tvayā kāryamasmadvairi vināśanam || 7||

॥ इति दुर्गासप्तश्लोकी सम्पूर्णा ॥

|| iti durgāsaptaślokī sampūrṇā ||