दुर्गा नक्षत्रमालिकास्तुतिः अथवा दुर्गास्तवं Shridurga Nakshatramalika Stutih Or Durgastavam

॥ अथ श्रीदुर्गा नक्षत्रमालिका स्तुतिः ॥॥ ॐ श्री गणेशाय नमः ॥विराटनगरं रम्यं गच्छमानो युधिष्ठिरः ।अस्तुवन् मनसा देवीं दुर्गां त्रिभुवनेश्वरीम् ॥ १॥

|| atha śrīdurgā nakṣatramālikā stutiḥ |||| oṃ śrī gaṇeśāya namaḥ ||virāṭanagaraṃ ramyaṃ gacchamāno yudhiṣṭhiraḥ |astuvan manasā devīṃ durgāṃ tribhuvaneśvarīm || 1||

यशोदागर्भसम्भूतां नारायणवरप्रियाम् ।नन्दगोपकुलेजातां मङ्गळ्यां कुलवर्धनीम् ॥ २॥

yaśodāgarbhasambhūtāṃ nārāyaṇavarapriyām |nandagopakulejātāṃ maṅgaḷyāṃ kulavardhanīm || 2||

कंसविद्रावणकरीमसुराणां क्षयं करीम् ।शिलातटविनिक्षिप्तामाकाशं प्रतिगामिनीम् ॥ ३॥

kaṃsavidrāvaṇakarīmasurāṇāṃ kṣayaṃ karīm |śilātaṭavinikṣiptāmākāśaṃ pratigāminīm || 3||

वासुदेवस्य भगिनीं दिव्यमाल्य विभूषिताम् ।दिव्याम्बरधरां देवीं खद्गखेटकधारिणीम् ॥ ४॥

vāsudevasya bhaginīṃ divyamālya vibhūṣitām |divyāmbaradharāṃ devīṃ khadgakheṭakadhāriṇīm || 4||

भारावतरणे पुण्ये ये स्मरन्ति सदाशिवाम् ।तान्वै तारयसे पापात् पङ्केगामिव दुर्बलाम् ॥ ५॥

bhārāvataraṇe puṇye ye smaranti sadāśivām |tānvai tārayase pāpāt paṅkegāmiva durbalām || 5||

स्तोतुं प्रचक्रमे भूयः विविधैः स्तोत्रसम्भवैः ।आमन्त्र्य दर्शनाकाङ्क्षी राजा देवीं सहानुजः ॥ ६॥

stotuṃ pracakrame bhūyaḥ vividhaiḥ stotrasambhavaiḥ |āmantrya darśanākāṅkṣī rājā devīṃ sahānujaḥ || 6||

नमोऽस्तु वरदे कृष्णे कुमारि ब्रह्मचारिणि ।बालार्क सदृशाकारे पूर्णचन्द्रनिभानने ॥ ७॥

namo'stu varade kṛṣṇe kumāri brahmacāriṇi |bālārka sadṛśākāre pūrṇacandranibhānane || 7||

चतुर्भुजे चतुर्वक्त्रे पीनश्रोणिपयोधरे ।मयूरपिञ्छवलये केयूराङ्गदधारिणि ॥ ८॥

caturbhuje caturvaktre pīnaśroṇipayodhare |mayūrapiñchavalaye keyūrāṅgadadhāriṇi || 8||

भासि देवि यथा पद्मा नारायणपरिग्रहः ।स्वरूपं ब्रह्मचर्यं च विशदं तव खेचरि ॥ ९॥

bhāsi devi yathā padmā nārāyaṇaparigrahaḥ |svarūpaṃ brahmacaryaṃ ca viśadaṃ tava khecari || 9||

कृष्णच्छविसमा कृष्णा सङ्कर्षणसमानना ।बिभ्रती विपुलौ बाहु शक्रध्वजसमुछ्रयौ ॥ १०॥

kṛṣṇacchavisamā kṛṣṇā saṅkarṣaṇasamānanā |bibhratī vipulau bāhu śakradhvajasamuchrayau || 10||

पात्री च पङ्कजी कण्ठी स्त्री विशुद्धा च या भुवि ।पाशं धनुर्महाचक्रं विविधान्यायुधानि च ॥ ११॥

pātrī ca paṅkajī kaṇṭhī strī viśuddhā ca yā bhuvi |pāśaṃ dhanurmahācakraṃ vividhānyāyudhāni ca || 11||

कुण्डलाभ्यां सुपूर्णाभ्यां कर्णाभ्यां च विभूषिता ।चन्द्रविस्पार्धिना देवि मुकेन त्वं विराजसे ॥ १२॥

kuṇḍalābhyāṃ supūrṇābhyāṃ karṇābhyāṃ ca vibhūṣitā |candravispārdhinā devi mukena tvaṃ virājase || 12||

मुकुटेन विचित्रेण केशबन्धेन शोभिना ।भुजङ्गाऽभोगवासेन श्रोणिसूत्रेण राजता ॥ १३॥

mukuṭena vicitreṇa keśabandhena śobhinā |bhujaṅgā'bhogavāsena śroṇisūtreṇa rājatā || 13||

विभ्राजसे च बद्धेन भोगेनेवेह मन्थरः ।ध्वजेन शिखिपिञ्छानामुछ्रितेन विराजसे ॥ १४॥

vibhrājase ca baddhena bhogeneveha mantharaḥ |dhvajena śikhipiñchānāmuchritena virājase || 14||

कौमारं व्रतमास्थाय त्रिदिवं पावितं त्वया ।तेन त्वं स्तूयसे देवि त्रिदशैः पूज्यसेऽपि च ॥ १५॥

kaumāraṃ vratamāsthāya tridivaṃ pāvitaṃ tvayā |tena tvaṃ stūyase devi tridaśaiḥ pūjyase'pi ca || 15||

त्रैलोक्य रक्षणार्थाय महिषासुर घातिनि ।प्रसन्ना मे सुरश्रेष्ठे दयां कुरु शिवा भव ॥ १६॥

trailokya rakṣaṇārthāya mahiṣāsura ghātini |prasannā me suraśreṣṭhe dayāṃ kuru śivā bhava || 16||

जया त्वं विजया चैव सङ्ग्रामे च जयप्रदा ।ममापि विजयं देहि वरदा त्वं च साम्प्रतम् ॥ १७॥

jayā tvaṃ vijayā caiva saṅgrāme ca jayapradā |mamāpi vijayaṃ dehi varadā tvaṃ ca sāmpratam || 17||

विन्ध्ये चैव नगश्रेष्ठे तवस्थानं हि शाश्वतम् ।कालि कालि महाकालि शीधुमांस पशुप्रिये ॥ १८॥

vindhye caiva nagaśreṣṭhe tavasthānaṃ hi śāśvatam |kāli kāli mahākāli śīdhumāṃsa paśupriye || 18||

कृतानुयात्रा भूतैस्त्वं वरदा कामचारिणि ।भारावतारे ये च त्वां संस्मरिष्यन्ति मानवाः ॥ १९॥

kṛtānuyātrā bhūtaistvaṃ varadā kāmacāriṇi |bhārāvatāre ye ca tvāṃ saṃsmariṣyanti mānavāḥ || 19||

प्रणमन्ति च ये त्वां हि प्रयाणे तु नरा भुवि ।न तेषां दुर्लभं किञ्चित् पुत्रतो धनतोऽपि वा ॥ २०॥

praṇamanti ca ye tvāṃ hi prayāṇe tu narā bhuvi |na teṣāṃ durlabhaṃ kiñcit putrato dhanato'pi vā || 20||

दुर्गात्तारयसे दुर्गे तत्त्वं दुर्गा स्मृता जनैः ।कान्तारेष्ववसन्नानां मग्नानां च महार्णवे ॥ २१॥

durgāttārayase durge tattvaṃ durgā smṛtā janaiḥ |kāntāreṣvavasannānāṃ magnānāṃ ca mahārṇave || 21||

(दस्युभिर्वा निरुद्धानां त्वं गतिः परमा नृणाम् ।)जलप्रतरणे चैव कान्तारेषु अवटेषु च ।ये स्मरन्ति महादेवीं न च सीदन्ति ते नराः ॥ २२॥

(dasyubhirvā niruddhānāṃ tvaṃ gatiḥ paramā nṛṇām |)jalaprataraṇe caiva kāntāreṣu avaṭeṣu ca |ye smaranti mahādevīṃ na ca sīdanti te narāḥ || 22||

त्वं कीर्तिः श्रीः धृतिः सिद्धिः ह्रीः विद्या सन्ततिर्मतिः ।सन्ध्या रात्रिः प्रभा निद्रा ज्योत्स्ना कान्तिः क्षमा दया ॥ २३॥

tvaṃ kīrtiḥ śrīḥ dhṛtiḥ siddhiḥ hrīḥ vidyā santatirmatiḥ |sandhyā rātriḥ prabhā nidrā jyotsnā kāntiḥ kṣamā dayā || 23||

नृणां च बन्धनं मोहं पुत्रनाशं धनक्षयम् ।व्याधिं मृत्युं भयं चैव पूजिता नाशयिष्यसि ॥ २४॥

nṛṇāṃ ca bandhanaṃ mohaṃ putranāśaṃ dhanakṣayam |vyādhiṃ mṛtyuṃ bhayaṃ caiva pūjitā nāśayiṣyasi || 24||

सोऽहं राज्यात्परिभ्रष्टः शरणं त्वां प्रपन्नवान् ।प्रणतश्च यथा मूर्ध्ना तव देवि सुरेश्वरि ॥ २५॥

so'haṃ rājyātparibhraṣṭaḥ śaraṇaṃ tvāṃ prapannavān |praṇataśca yathā mūrdhnā tava devi sureśvari || 25||

त्राहि मां पद्मपत्राक्षि सत्ये सत्या भवस्व नः ।शरणं भव मे दुर्गे शरण्ये भक्तवत्सले ॥ २६॥

trāhi māṃ padmapatrākṣi satye satyā bhavasva naḥ |śaraṇaṃ bhava me durge śaraṇye bhaktavatsale || 26||

एवं स्तुता हि सा देवी दर्शयामास पाण्डवम् ।उपगम्य तु राजानमिदं वचनमब्रवीत् ॥ २७॥

evaṃ stutā hi sā devī darśayāmāsa pāṇḍavam |upagamya tu rājānamidaṃ vacanamabravīt || 27||

शृणु राजन् महाबाहो मदीयं वचनं प्रभो ।भविष्यति अचिरादेव सङ्ग्रामे विजयस्तव ॥ २८॥

śṛṇu rājan mahābāho madīyaṃ vacanaṃ prabho |bhaviṣyati acirādeva saṅgrāme vijayastava || 28||

मम प्रसादात् निर्जित्य हत्वा कौरव वाहिनीम् ।राज्यं निष्कण्टकं कृत्वा भोक्ष्यसे मेदिनीं पुनः ॥ २९॥

mama prasādāt nirjitya hatvā kaurava vāhinīm |rājyaṃ niṣkaṇṭakaṃ kṛtvā bhokṣyase medinīṃ punaḥ || 29||

भ्रातृभिः सहितो राजन् प्रीतिं यास्यसि पुष्कलाम् ।मत्प्रसादाच्च ते सौख्यमारोग्यं च भविष्यति ॥ ३०॥

bhrātṛbhiḥ sahito rājan prītiṃ yāsyasi puṣkalām |matprasādācca te saukhyamārogyaṃ ca bhaviṣyati || 30||

ये च सङ्कीर्तयिष्यन्ति लोके विगतकल्मषाः ।तेषां तुष्टा प्रदास्यामि राज्यमायुः वपुः सुतम् ॥ ३१॥

ye ca saṅkīrtayiṣyanti loke vigatakalmaṣāḥ |teṣāṃ tuṣṭā pradāsyāmi rājyamāyuḥ vapuḥ sutam || 31||

प्रवासे नगरे वापि सङ्ग्रामे शतृसङ्कटे ।अटव्यां दुर्गकान्तारे सागरे गहने गिरौ ॥ ३२॥

pravāse nagare vāpi saṅgrāme śatṛsaṅkaṭe |aṭavyāṃ durgakāntāre sāgare gahane girau || 32||

ये स्मरिष्यन्ति मां राजन् यथाहं भवता स्मृता ।न तेषां दुर्लभं किञ्चित् अस्मिन् लोके भविष्यति ॥ ३३॥

ye smariṣyanti māṃ rājan yathāhaṃ bhavatā smṛtā |na teṣāṃ durlabhaṃ kiñcit asmin loke bhaviṣyati || 33||

इदं स्तोत्रवरं भक्त्या शृणुयात् वा फठेत वा ।तस्य सर्वाणि कार्याणि सिद्धिं यास्यन्ति पाण्डवाः ॥ ३४॥

idaṃ stotravaraṃ bhaktyā śṛṇuyāt vā phaṭheta vā |tasya sarvāṇi kāryāṇi siddhiṃ yāsyanti pāṇḍavāḥ || 34||

मत्प्रसादाच्च वस्सर्वान् विराटनगरे स्थितान् ।न प्रज्ञास्यन्ति कुरवः नरा वा तन्निवासिनः ॥ ३५॥

matprasādācca vassarvān virāṭanagare sthitān |na prajñāsyanti kuravaḥ narā vā tannivāsinaḥ || 35||

इत्युक्त्वा वरदा देवी युधिष्ठिरमरिन्दमम् ।रक्षां कृत्वा च पाण्डूनां तत्रैवान्तरधीयत ॥ ३६॥

ityuktvā varadā devī yudhiṣṭhiramarindamam |rakṣāṃ kṛtvā ca pāṇḍūnāṃ tatraivāntaradhīyata || 36||

इति श्रीदुर्गा नक्षत्रमालिकास्तुतिः समाप्ता ।एवंइति श्रीमन्महाभारते विराटपर्वणि पाण्डवप्रवेशपर्वणिअष्टमोऽध्यायान्तर्गतं युधिष्ठिरकृतं श्रीदुर्गास्तवं सम्पूर्णम् ।॥ ॐ तत्सत्॥ंअहभरत सोउथेर्न् रेचेन्सिओन्।

iti śrīdurgā nakṣatramālikāstutiḥ samāptā |evaṃiti śrīmanmahābhārate virāṭaparvaṇi pāṇḍavapraveśaparvaṇiaṣṭamo'dhyāyāntargataṃ yudhiṣṭhirakṛtaṃ śrīdurgāstavaṃ sampūrṇam ||| oṃ tatsat||ṃahabharata southern recension|