भगवतीपद्यपुष्पाञ्जलिस्तोत्रं वा महिषासुरमर्दिनिस्तोत्रम् Bhagavatipadyapushpanjalistotra Mahishasuramardini Stotra

श्री भगवत्यै नमः ॥भगवति भगवत्पदपङ्कजं भ्रमरभूतसुरासुरसेवितम् ।सुजनमानसहंसपरिस्तुतं कमलयाऽमलया निभृतं भजे ॥ १॥

śrī bhagavatyai namaḥ ||bhagavati bhagavatpadapaṅkajaṃ bhramarabhūtasurāsurasevitam |sujanamānasahaṃsaparistutaṃ kamalayā'malayā nibhṛtaṃ bhaje || 1||

ते उभे अभिवन्देऽहं विघ्नेशकुलदैवते ।नरनागाननस्त्वेको नरसिंह नमोऽस्तुते ॥ २॥

te ubhe abhivande'haṃ vighneśakuladaivate |naranāgānanastveko narasiṃha namo'stute || 2||

हरिगुरुपदपद्मं शुद्धपद्मेऽनुरागाद्विगतपरमभागे सन्निधायादरेण ।तदनुचरि करोमि प्रीतये भक्तिभाजांभगवति पदपद्मे पद्यपुष्पाञ्जलिं ते ॥ ३॥

harigurupadapadmaṃ śuddhapadme'nurāgādvigataparamabhāge sannidhāyādareṇa |tadanucari karomi prītaye bhaktibhājāṃbhagavati padapadme padyapuṣpāñjaliṃ te || 3||

केनैते रचिताः कुतो न निहिताः शुम्भादयो दुर्मदाःकेनैते तव पालिता इति हि तत् प्रश्ने किमाचक्ष्महे ।ब्रह्माद्या अपि शङ्किताः स्वविषये यस्याः प्रसादावधिप्रीता सा महिषासुरप्रमथिनी च्छिन्द्यादवद्यानि मे ॥ ४॥

kenaite racitāḥ kuto na nihitāḥ śumbhādayo durmadāḥkenaite tava pālitā iti hi tat praśne kimācakṣmahe |brahmādyā api śaṅkitāḥ svaviṣaye yasyāḥ prasādāvadhiprītā sā mahiṣāsurapramathinī cchindyādavadyāni me || 4||

पातु श्रीस्तु चतुर्भुजा किमु चतुर्बाहोर्महौजान्भुजान्धत्तेऽष्टादशधा हि कारणगुणाः कार्ये गुणारम्भकाः ।सत्यं दिक्पतिदन्तिसङ्ख्यभुजभृच्छम्भुः स्वय्म्भूः स्वयंधामैकप्रतिपत्तये किमथवा पातुं दशाष्टौ दिशः ॥ ५॥

pātu śrīstu caturbhujā kimu caturbāhormahaujānbhujāndhatte'ṣṭādaśadhā hi kāraṇaguṇāḥ kārye guṇārambhakāḥ |satyaṃ dikpatidantisaṅkhyabhujabhṛcchambhuḥ svaymbhūḥ svayaṃdhāmaikapratipattaye kimathavā pātuṃ daśāṣṭau diśaḥ || 5||

प्रीत्याऽष्टादशसंमितेषु युगपद्द्वीपेषु दातुं वरान्त्रातुं वा भयतो बिभर्षि भगवत्यष्टादशैतान् भुजान् ।यद्वाऽष्टादशधा भुजांस्तु बिभृतः काली सरस्वत्युभेमीलित्वैकमिहानयोः प्रथयितुं सा त्वं रमे रक्ष माम् ॥ ६॥

prītyā'ṣṭādaśasaṃmiteṣu yugapaddvīpeṣu dātuṃ varāntrātuṃ vā bhayato bibharṣi bhagavatyaṣṭādaśaitān bhujān |yadvā'ṣṭādaśadhā bhujāṃstu bibhṛtaḥ kālī sarasvatyubhemīlitvaikamihānayoḥ prathayituṃ sā tvaṃ rame rakṣa mām || 6||

छन्दः ॥अयि गिरिनन्दिनि नन्दितमेदिनि विश्वविनोदिनि नन्दनुते (नन्दिनुते)गिरिवरविन्ध्यशिरोधिनिवासिनि विष्णुविलासिनि जिष्णुनुते ।भगवति हे शितिकण्ठकुटुम्बिनि भूरिकुटुम्बिनि भूरिकृतेजय जय हे महिषासुरमर्दिनि रम्यकपर्दिनि शैलसुते ॥ १॥ ॥ ७॥

chandaḥ ||ayi girinandini nanditamedini viśvavinodini nandanute (nandinute)girivaravindhyaśirodhinivāsini viṣṇuvilāsini jiṣṇunute |bhagavati he śitikaṇṭhakuṭumbini bhūrikuṭumbini bhūrikṛtejaya jaya he mahiṣāsuramardini ramyakapardini śailasute || 1|| || 7||

सुरवरवर्षिणि दुर्धरधर्षिणि दुर्मुखमर्षिणि हर्षरतेत्रिभुवनपोषिणि शङ्करतोषिणि किल्बिषमोषिणि घोषरते ।दनुजनिरोषिणि दितिसुतरोषिणि दुर्मदशोषिणि सिन्धुसुतेजय जय हे महिषासुरमर्दिनि रम्यकपर्दिनि शैलसुते ॥ २॥ ॥ ८॥

suravaravarṣiṇi durdharadharṣiṇi durmukhamarṣiṇi harṣaratetribhuvanapoṣiṇi śaṅkaratoṣiṇi kilbiṣamoṣiṇi ghoṣarate |danujaniroṣiṇi ditisutaroṣiṇi durmadaśoṣiṇi sindhusutejaya jaya he mahiṣāsuramardini ramyakapardini śailasute || 2|| || 8||

अयि जगदम्ब मदम्ब कदम्बवनप्रियवासिनि हासरतेशिखरिशिरोमणितुङ्गहिमालयशृङ्गनिजालयमध्यगते ।मधुमधुरे मधुकैटभगञ्जिनि कैटभभञ्जिनि रासरतेजय जय हे महिषासुरमर्दिनि रम्यकपर्दिनि शैलसुते ॥ ३॥ ॥ ९॥

ayi jagadamba madamba kadambavanapriyavāsini hāsarateśikhariśiromaṇituṅgahimālayaśṛṅganijālayamadhyagate |madhumadhure madhukaiṭabhagañjini kaiṭabhabhañjini rāsaratejaya jaya he mahiṣāsuramardini ramyakapardini śailasute || 3|| || 9||

अयि शतखण्डविखण्डितरुण्डवितुण्डितशुण्डगजाधिपतेरिपुगजगण्डविदारणचण्डपराक्रमशुण्ड मृगाधिपते । (क्रमशौण्ड)निजभुजदण्डनिपातितखण्डविपातितमुण्डभटाधिपते (निपातितचण्ड)जय जय हे महिषासुरमर्दिनि रम्यकपर्दिनि शैलसुते ॥ ४॥ ॥ १०॥

ayi śatakhaṇḍavikhaṇḍitaruṇḍavituṇḍitaśuṇḍagajādhipateripugajagaṇḍavidāraṇacaṇḍaparākramaśuṇḍa mṛgādhipate | (kramaśauṇḍa)nijabhujadaṇḍanipātitakhaṇḍavipātitamuṇḍabhaṭādhipate (nipātitacaṇḍa)jaya jaya he mahiṣāsuramardini ramyakapardini śailasute || 4|| || 10||

अयि रणदुर्मदशत्रुवधोदितदुर्धरनिर्जरशक्तिभृतेचतुरविचारधुरीणमहाशिवदूतकृतप्रमथाधिपते । (महाशय)दुरितदुरीहदुराशयदुर्मतिदानवदूतकृतान्तमतेजय जय हे महिषासुरमर्दिनि रम्यकपर्दिनि शैलसुते ॥ ५॥ ॥ ११॥

ayi raṇadurmadaśatruvadhoditadurdharanirjaraśaktibhṛtecaturavicāradhurīṇamahāśivadūtakṛtapramathādhipate | (mahāśaya)duritadurīhadurāśayadurmatidānavadūtakṛtāntamatejaya jaya he mahiṣāsuramardini ramyakapardini śailasute || 5|| || 11||

अयि शरणागतवैरिवधूवरवीरवराभयदायकरे (दायिकरे)त्रिभुवनमस्तकशूलविरोधिशिरोधिकृतामलशूलकरे ।दुमिदुमितामरदुन्दुभिनादमहोमुखरीकृततिग्मकरे (धिमिधिमितामर, मुहुर्मुखरीकृतदिङ्निकरे)जय जय हे महिषासुरमर्दिनि रम्यकपर्दिनि शैलसुते ॥ ६॥ ॥ १२॥

ayi śaraṇāgatavairivadhūvaravīravarābhayadāyakare (dāyikare)tribhuvanamastakaśūlavirodhiśirodhikṛtāmalaśūlakare |dumidumitāmaradundubhinādamahomukharīkṛtatigmakare (dhimidhimitāmara, muhurmukharīkṛtadiṅnikare)jaya jaya he mahiṣāsuramardini ramyakapardini śailasute || 6|| || 12||

अयि निजहुँकृतिमात्रनिराकृतधूम्रविलोचनधूम्रशतेसमरविशोषितशोणितबीजसमुद्भवशोणितबीजलते । (बीजत ते)शिवशिव शुम्भनिशुम्भमहाहवतर्पितभूतपिशाचरतेजय जय हे महिषासुरमर्दिनि रम्यकपर्दिनि शैलसुते ॥ ७॥ ॥ १३॥

ayi nijahum̐kṛtimātranirākṛtadhūmravilocanadhūmraśatesamaraviśoṣitaśoṇitabījasamudbhavaśoṇitabījalate | (bījata te)śivaśiva śumbhaniśumbhamahāhavatarpitabhūtapiśācaratejaya jaya he mahiṣāsuramardini ramyakapardini śailasute || 7|| || 13||

धनुरनुषङ्गरणक्षणसङ्गपरिस्फुरदङ्गनटत्कटकेकनकपिशङ्गपृषत्कनिषङ्गरसद्भटशृङ्गहतावटुके ।कृतचतुरङ्गबलक्षितिरङ्गघटद्बहुरङ्गरटद्बटुकेजय जय हे महिषासुरमर्दिनि रम्यकपर्दिनि शैलसुते ॥ ८॥ ॥ १४॥

dhanuranuṣaṅgaraṇakṣaṇasaṅgaparisphuradaṅganaṭatkaṭakekanakapiśaṅgapṛṣatkaniṣaṅgarasadbhaṭaśṛṅgahatāvaṭuke |kṛtacaturaṅgabalakṣitiraṅgaghaṭadbahuraṅgaraṭadbaṭukejaya jaya he mahiṣāsuramardini ramyakapardini śailasute || 8|| || 14||

सुरललनाततथेयितथेयितथाभिनयोत्तरनृत्यरते (कृताभिन)हासविलासहुलासमयि प्रणतार्तजनेऽमितप्रेमभरे ।(कृतकुकुथः कुकुथो गडदादिकतालकुतूहलगानरते)धिमिकिटधिक्कटधिकटधिमिध्वनिधीरमृदङ्गनिनादरतेजय जय हे महिषासुरमर्दिनि रम्यकपर्दिनि शैलसुते ॥ ९॥ ॥ १५॥

suralalanātatatheyitatheyitathābhinayottaranṛtyarate (kṛtābhina)hāsavilāsahulāsamayi praṇatārtajane'mitapremabhare |(kṛtakukuthaḥ kukutho gaḍadādikatālakutūhalagānarate)dhimikiṭadhikkaṭadhikaṭadhimidhvanidhīramṛdaṅganinādaratejaya jaya he mahiṣāsuramardini ramyakapardini śailasute || 9|| || 15||

जय जय जप्यजये जयशब्दपरस्तुतितत्परविश्वनुतेझणझणझिञ्झिमिझङ्कृतनूपुरसिञ्जितमोहितभूतपते । (झिङ्कृत))नटितनटार्धनटीनटनायकनाटितनाट्यसुगानरतेजय जय हे महिषासुरमर्दिनि रम्यकपर्दिनि शैलसुते ॥ १०॥ ॥ १६॥

jaya jaya japyajaye jayaśabdaparastutitatparaviśvanutejhaṇajhaṇajhiñjhimijhaṅkṛtanūpurasiñjitamohitabhūtapate | (jhiṅkṛta))naṭitanaṭārdhanaṭīnaṭanāyakanāṭitanāṭyasugānaratejaya jaya he mahiṣāsuramardini ramyakapardini śailasute || 10|| || 16||

अयि सुमनःसुमनः सुमनः सुमनः सुमनोहरकान्तियुतेश्रितरजनीरजनीरजनीरजनीरजनीकरवक्त्रवृते ।सुनयनविभ्रमरभ्रमरभ्रमरभ्रमरभ्रमराधिपतेजय जय हे महिषासुरमर्दिनि रम्यकपर्दिनि शैलसुते ॥ ११॥ ॥ १७॥

ayi sumanaḥsumanaḥ sumanaḥ sumanaḥ sumanoharakāntiyuteśritarajanīrajanīrajanīrajanīrajanīkaravaktravṛte |sunayanavibhramarabhramarabhramarabhramarabhramarādhipatejaya jaya he mahiṣāsuramardini ramyakapardini śailasute || 11|| || 17||

सहितमहाहवमल्लमतल्लिकमल्लितरल्लकमल्लरते (महितमहा, तल्लिकवल्लित)विरचितवल्लिकपल्लिकमल्लिकझिल्लिकभिल्लिकवर्गवृते ।सितकृतफुल्लसमुल्लसितारुणतल्लजपल्लवसल्ललिते (पल्लववल्ललिते)जय जय हे महिषासुरमर्दिनि रम्यकपर्दिनि शैलसुते ॥ १२॥ ॥ १८॥

sahitamahāhavamallamatallikamallitarallakamallarate (mahitamahā, tallikavallita)viracitavallikapallikamallikajhillikabhillikavargavṛte |sitakṛtaphullasamullasitāruṇatallajapallavasallalite (pallavavallalite)jaya jaya he mahiṣāsuramardini ramyakapardini śailasute || 12|| || 18||

अविरलगण्डगलन्मदमेदुरमत्तमतङ्गजराजपतेत्रिभुवनभूषणभूतकलानिधिरूपपयोनिधिराजसुते ।अयि सुदतीजनलालसमानसमोहनमन्मथराजसुतेजय जय हे महिषासुरमर्दिनि रम्यकपर्दिनि शैलसुते ॥ १३॥ ॥ १९॥

aviralagaṇḍagalanmadameduramattamataṅgajarājapatetribhuvanabhūṣaṇabhūtakalānidhirūpapayonidhirājasute |ayi sudatījanalālasamānasamohanamanmatharājasutejaya jaya he mahiṣāsuramardini ramyakapardini śailasute || 13|| || 19||

कमलदलामलकोमलकान्तिकलाकलितामलभाललते (भालतले)सकलविलासकलानिलयक्रमकेलिचलत्कलहंसकुले ।अलिकुलसङ्कुलकुवलयमण्डलमौलिमिलद्बकुलालिकुले (कुन्तलमण्डल)जय जय हे महिषासुरमर्दिनि रम्यकपर्दिनि शैलसुते ॥ १४॥ ॥ २०॥

kamaladalāmalakomalakāntikalākalitāmalabhālalate (bhālatale)sakalavilāsakalānilayakramakelicalatkalahaṃsakule |alikulasaṅkulakuvalayamaṇḍalamaulimiladbakulālikule (kuntalamaṇḍala)jaya jaya he mahiṣāsuramardini ramyakapardini śailasute || 14|| || 20||

करमुरलीरववीजितकूजितलज्जितकोकिलमञ्जुमतेमिलितमिलिन्दमनोहरगुञ्जितरञ्जितशैलनिकुञ्जगते । (मिलितपुलिन्द)निजगुणभूतमहाशबरीगणसद्गुणसम्भृतकेलितले (निजगण)वरिअतिओन् निजगणभूतमहाशबरीगणरङ्गणसम्भृतकेलिरतेजय जय हे महिषासुरमर्दिनि रम्यकपर्दिनि शैलसुते ॥ १५॥ ॥ २१॥

karamuralīravavījitakūjitalajjitakokilamañjumatemilitamilindamanoharaguñjitarañjitaśailanikuñjagate | (militapulinda)nijaguṇabhūtamahāśabarīgaṇasadguṇasambhṛtakelitale (nijagaṇa)variation nijagaṇabhūtamahāśabarīgaṇaraṅgaṇasambhṛtakeliratejaya jaya he mahiṣāsuramardini ramyakapardini śailasute || 15|| || 21||

कटितटपीतदुकूलविचित्रमयूखतिरस्कृतचन्द्ररुचे (चण्डरुचे)प्रणतसुरासुरमौलिमणिस्फुरदंशुलसन्नखचन्द्ररुचे ।जितकनकाचलमौलिपदोर्जितनिर्जरकुञ्जरकुम्भकुचे (मदोर्जित)जय जय हे महिषासुरमर्दिनि रम्यकपर्दिनि शैलसुते ॥ १६॥ ॥ २२॥

kaṭitaṭapītadukūlavicitramayūkhatiraskṛtacandraruce (caṇḍaruce)praṇatasurāsuramaulimaṇisphuradaṃśulasannakhacandraruce |jitakanakācalamaulipadorjitanirjarakuñjarakumbhakuce (madorjita)jaya jaya he mahiṣāsuramardini ramyakapardini śailasute || 16|| || 22||

विजितसहस्रकरैकसहस्रकरैकसहस्रकरैकनुतेकृतसुरतारकसङ्गरतारकसङ्गरतारकसूनुसुते ।सुरथसमाधिसमानसमाधिसमाधिसमाधिसुजातरतेजय जय हे महिषासुरमर्दिनि रम्यकपर्दिनि शैलसुते ॥ १७॥ ॥ २३॥)

vijitasahasrakaraikasahasrakaraikasahasrakaraikanutekṛtasuratārakasaṅgaratārakasaṅgaratārakasūnusute |surathasamādhisamānasamādhisamādhisamādhisujātaratejaya jaya he mahiṣāsuramardini ramyakapardini śailasute || 17|| || 23||)

पदकमलं करुणानिलये वरिवस्यति योऽनुदिनं सुशिवेअयि कमले कमलानिलये कमलानिलयः स कथं न भवेत् ।तव पदमेव परम्पदमेवनुशीलयतो मम किं न शिवे (परम्पदमित्यनुशीलयतो)जय जय हे महिषासुरमर्दिनि रम्यकपर्दिनि शैलसुते ॥ १८॥ ॥ २४॥

padakamalaṃ karuṇānilaye varivasyati yo'nudinaṃ suśiveayi kamale kamalānilaye kamalānilayaḥ sa kathaṃ na bhavet |tava padameva parampadamevanuśīlayato mama kiṃ na śive (parampadamityanuśīlayato)jaya jaya he mahiṣāsuramardini ramyakapardini śailasute || 18|| || 24||

कनकलसत्कलसिन्धुजलैरनुसिञ्चिनुते गुण रङ्गभुवं (षिञ्चति ते)भजति स किं न शचीकुचकुम्भतटीपरिरम्भसुखानुभवम् ।तव चरणं शरणं करवाणि नतामरवाणिनिवासि शिवंवरिअतिओन् मृडानि सदा मयि देहि शिवंजय जय हे महिषासुरमर्दिनि रम्यकपर्दिनि शैलसुते ॥ १९॥ ॥ २५॥

kanakalasatkalasindhujalairanusiñcinute guṇa raṅgabhuvaṃ (ṣiñcati te)bhajati sa kiṃ na śacīkucakumbhataṭīparirambhasukhānubhavam |tava caraṇaṃ śaraṇaṃ karavāṇi natāmaravāṇinivāsi śivaṃvariation mṛḍāni sadā mayi dehi śivaṃjaya jaya he mahiṣāsuramardini ramyakapardini śailasute || 19|| || 25||

तव विमलेन्दुकुलं वदनेन्दुमलं सकलं ननु कूलयते (कलयन्ननु)किमु पुरुहूतपुरीन्दुमुखीसुमुखीभिरसौ विमुखीक्रियते ।मम तु मतं शिवनामधने भवतीकृपया किमुत क्रियते (किमु न क्रियते)जय जय हे महिषासुरमर्दिनि रम्यकपर्दिनि शैलसुते ॥ २०॥ ॥ २६॥

tava vimalendukulaṃ vadanendumalaṃ sakalaṃ nanu kūlayate (kalayannanu)kimu puruhūtapurīndumukhīsumukhībhirasau vimukhīkriyate |mama tu mataṃ śivanāmadhane bhavatīkṛpayā kimuta kriyate (kimu na kriyate)jaya jaya he mahiṣāsuramardini ramyakapardini śailasute || 20|| || 26||

अयि मयि दीनदयालुतया कृपयैव त्वया भवितव्यमुमेअयि जगतो जननी कृपयासि यथासि तथाऽनुमितासि रते । (रमे ।)यदुचितमत्र भवत्युररीकुरुतादुरुतापमपाकुरुते (तापमपाकुरु मे)जय जय हे महिषासुरमर्दिनि रम्यकपर्दिनि शैलसुते ॥ २१॥ ॥ २७॥

ayi mayi dīnadayālutayā kṛpayaiva tvayā bhavitavyamumeayi jagato jananī kṛpayāsi yathāsi tathā'numitāsi rate | (rame |)yaducitamatra bhavatyurarīkurutādurutāpamapākurute (tāpamapākuru me)jaya jaya he mahiṣāsuramardini ramyakapardini śailasute || 21|| || 27||

स्तुतिमितस्तिमितः सुसमाधिना नियमतोऽयमतोऽनुदिनं पठेत् ।परमया रमयापि निषेव्यते परिजनोऽरिजनोऽपि च तं भजेत् ॥ २८॥

stutimitastimitaḥ susamādhinā niyamato'yamato'nudinaṃ paṭhet |paramayā ramayāpi niṣevyate parijano'rijano'pi ca taṃ bhajet || 28||

रमयति किल कर्षस्तेषु चित्तं नराणामवरजवरयस्माद्रामकृष्णः कवीनाम् ।अकृत सुकृतिगम्यं रम्यपद्यैकहर्म्यं स्तवनमवनहेतुं प्रीतये विश्वमातुः ॥ २९॥

ramayati kila karṣasteṣu cittaṃ narāṇāmavarajavarayasmādrāmakṛṣṇaḥ kavīnām |akṛta sukṛtigamyaṃ ramyapadyaikaharmyaṃ stavanamavanahetuṃ prītaye viśvamātuḥ || 29||

इन्दुरम्यो मुहुर्बिन्दुरम्यो मुहुर्बिन्दुरम्यो यतः साऽनवद्यं स्मृतः ।श्रीपतेः सूनूना कारितो योऽधुना विश्वमातुः पदे पद्यपुष्पाञ्जलिः ॥ ३०॥

induramyo muhurbinduramyo muhurbinduramyo yataḥ sā'navadyaṃ smṛtaḥ |śrīpateḥ sūnūnā kārito yo'dhunā viśvamātuḥ pade padyapuṣpāñjaliḥ || 30||

इति श्रीभगवतीपद्यपुष्पाञ्जलिस्तोत्रं सम्पूर्णम्॥ऱमक्रिश्न ख़वि

iti śrībhagavatīpadyapuṣpāñjalistotraṃ sampūrṇam||ramakriśna ख़vi