जानकीसहस्रनामस्तोत्रम् २ Shri Zanaki Shahasranamastotram

सिद्धेश्वरीतन्त्रोक्तंश्रीलक्ष्मण उवाच ।देवदेव जगन्नाथ ! कथयस्व महाप्रभो ।नाम्नां सहस्रं जानक्याः श्रोतुमिच्छामि तत्त्वतः ॥श्रीराम उवाच ।कथयामि भवत्प्रीत्या शृणु लक्ष्मण ! भक्तितः ।यत् पठित्वाथ श्रुत्वा वा सर्वान् कामानवाप्नुयात् ॥अस्य श्रीजानकीदेव्याः सहस्रनामस्तोत्रस्य वसिष्ठ ऋषिः,वागीश्वरी देवता, अनुष्टुप्छन्दः, सर्वकामार्थसिद्ध्यर्थे जपे विनियोगः ।ॐ जानकी कमला विद्या सिद्धविद्या क्षमात्मजा ।निर्मला भावनी भव्या सर्वमङ्गलरूपिणी ॥ १॥

siddheśvarītantroktaṃśrīlakṣmaṇa uvāca |devadeva jagannātha ! kathayasva mahāprabho |nāmnāṃ sahasraṃ jānakyāḥ śrotumicchāmi tattvataḥ ||śrīrāma uvāca |kathayāmi bhavatprītyā śṛṇu lakṣmaṇa ! bhaktitaḥ |yat paṭhitvātha śrutvā vā sarvān kāmānavāpnuyāt ||asya śrījānakīdevyāḥ sahasranāmastotrasya vasiṣṭha ṛṣiḥ,vāgīśvarī devatā, anuṣṭupchandaḥ, sarvakāmārthasiddhyarthe jape viniyogaḥ |oṃ jānakī kamalā vidyā siddhavidyā kṣamātmajā |nirmalā bhāvanī bhavyā sarvamaṅgalarūpiṇī || 1||

कौलिनी कुलजा कान्ता अपर्णा भक्तवत्सला ।सुकेशी चारुनेत्रा च देवदानवसेविता ॥ २॥

kaulinī kulajā kāntā aparṇā bhaktavatsalā |sukeśī cārunetrā ca devadānavasevitā || 2||

अतिगुप्ता सरोजाक्षी सकला सर्वरूपिणी ।भक्तिवश्या महोग्रा च सर्वतन्त्रविशारदा ॥ ३॥

atiguptā sarojākṣī sakalā sarvarūpiṇī |bhaktivaśyā mahogrā ca sarvatantraviśāradā || 3||

धरात्मजा महामाया शब्दरूपा महोत्सवा ।कामा च रमणीभद्रा यज्ञोत्सवविभूषिता ॥ ४॥

dharātmajā mahāmāyā śabdarūpā mahotsavā |kāmā ca ramaṇībhadrā yajñotsavavibhūṣitā || 4||

चन्द्रवक्त्रा चकोराक्षी चारुनेत्रा सुलोचना ।रघुनाथप्रिया देवी शारदा कुलभूषिता ॥ ५॥

candravaktrā cakorākṣī cārunetrā sulocanā |raghunāthapriyā devī śāradā kulabhūṣitā || 5||

कुलनाथा च दिव्या च श्रीमती विश्वरूपिणी ।रामप्रिया राममता रामगोप्या च मुक्तिदा ॥ ६॥

kulanāthā ca divyā ca śrīmatī viśvarūpiṇī |rāmapriyā rāmamatā rāmagopyā ca muktidā || 6||

चतुर्वर्गप्रदा सौख्या सर्वपापविनाशिनी ।वाराही वारुणी विद्या महाविद्या महेश्वरी ॥ ७॥

caturvargapradā saukhyā sarvapāpavināśinī |vārāhī vāruṇī vidyā mahāvidyā maheśvarī || 7||

सती सत्यवती धूम्रा धवला धर्मरूपिणी ।धर्मनिष्ठा धर्ममयी धर्मी धर्मनिषेविता ॥ ८॥

satī satyavatī dhūmrā dhavalā dharmarūpiṇī |dharmaniṣṭhā dharmamayī dharmī dharmaniṣevitā || 8||

बालिका युवती वृद्धा नित्या नित्यमयी तथा ।गायत्री वेदमाता च सर्वसङ्कटतारिणी ॥ ९॥

bālikā yuvatī vṛddhā nityā nityamayī tathā |gāyatrī vedamātā ca sarvasaṅkaṭatāriṇī || 9||

हिरण्या कनका रक्ता भद्रा नीलसरस्वती ।इन्द्रा चेन्दुस्वरूपा च दिव्याम्बरविभूषणा ॥ १०॥

hiraṇyā kanakā raktā bhadrā nīlasarasvatī |indrā cendusvarūpā ca divyāmbaravibhūṣaṇā || 10||

जगन्माता जगद्धात्री जननी सर्वरूपिणी ।पत्नी चामरकेशी च कुन्ददन्ता सुनासिका ॥ ११॥

jaganmātā jagaddhātrī jananī sarvarūpiṇī |patnī cāmarakeśī ca kundadantā sunāsikā || 11||

कुन्दोत्सवा कुन्दप्रिया कुन्दपुष्पमयी तथा ।आग्नेयी वायवी ज्येष्ठा वारुणी वरुणप्रिया ॥ १२॥

kundotsavā kundapriyā kundapuṣpamayī tathā |āgneyī vāyavī jyeṣṭhā vāruṇī varuṇapriyā || 12||

सर्वदिग्वर्णिता विश्वा सर्वेषामुपकारिणी ।बुद्धिर्मेधा प्रिया शक्तिस्तुष्टिः पुष्टिर्धृति क्षमा ॥ १३॥

sarvadigvarṇitā viśvā sarveṣāmupakāriṇī |buddhirmedhā priyā śaktistuṣṭiḥ puṣṭirdhṛti kṣamā || 13||

अबला निश्चला लक्ष्मीः श्रद्धा पन्नगशायिनी ।अनन्ता महती चिन्ता ह्यचिन्त्या चिन्मयी स्मृता ॥ १४॥

abalā niścalā lakṣmīḥ śraddhā pannagaśāyinī |anantā mahatī cintā hyacintyā cinmayī smṛtā || 14||

रजोमयी ब्रह्मरूपा विष्णुमाया महेश्वरी ।सर्वतीर्थमयी देवी दैत्यदानवनाशिनी ॥ १५॥

rajomayī brahmarūpā viṣṇumāyā maheśvarī |sarvatīrthamayī devī daityadānavanāśinī || 15||

विरूपा विश्वरूपा च मृडानी मृडवल्लभा ।कोटिचन्द्रप्रतीकाशा कोटिसूर्य्यसमप्रभा ॥ १६॥

virūpā viśvarūpā ca mṛḍānī mṛḍavallabhā |koṭicandrapratīkāśā koṭisūryyasamaprabhā || 16||

नदमध्या नदभवा नदोद्भूता नदाक्षिका ।मन्त्ररूपा मन्त्रभवा यन्त्रमन्त्रमयी तथा ॥ १७॥

nadamadhyā nadabhavā nadodbhūtā nadākṣikā |mantrarūpā mantrabhavā yantramantramayī tathā || 17||

द्विपदा त्रिपदा गोत्रा चतुर्वणा च त्र्यक्षरी ।वरेषु र्गोपिता गुप्ता अरण्यस्थिरनायिका ॥ १८॥

dvipadā tripadā gotrā caturvaṇā ca tryakṣarī |vareṣu rgopitā guptā araṇyasthiranāyikā || 18||

स्थिरा च तीर्थरूपा च वेगिनी वेगरूपिणी ।वेगात्मिका वेगधरा काश्यपी कमलेक्षणा ॥ १९॥

sthirā ca tīrtharūpā ca veginī vegarūpiṇī |vegātmikā vegadharā kāśyapī kamalekṣaṇā || 19||

शक्तिरूपा शक्तिधरा शक्ताशक्तविभेदका ।गुणागुणमयी गम्या निर्गुणा सद्गुणान्विता ॥ २०॥

śaktirūpā śaktidharā śaktāśaktavibhedakā |guṇāguṇamayī gamyā nirguṇā sadguṇānvitā || 20||

गन्धर्वसेविता नन्दी पूर्णब्रह्मस्वरूपिणी ।कात्यायनी जगद्धात्री स्थितिसंहारकारिणी ॥ २१॥

gandharvasevitā nandī pūrṇabrahmasvarūpiṇī |kātyāyanī jagaddhātrī sthitisaṃhārakāriṇī || 21||

रामजाया च मातङ्गी सुतुङ्गा कदलीप्रिया ।प्रीतिमनाः प्रीतिदात्री षड्वर्णशीर्षभञ्जिका ॥ २२॥

rāmajāyā ca mātaṅgī sutuṅgā kadalīpriyā |prītimanāḥ prītidātrī ṣaḍvarṇaśīrṣabhañjikā || 22||

वेणुकान्ता वेणुभवा वीणावाद्या च शोभना ।खण्डचन्द्रा पूर्णचन्द्रा सकला निष्कला तथा ॥ २३॥

veṇukāntā veṇubhavā vīṇāvādyā ca śobhanā |khaṇḍacandrā pūrṇacandrā sakalā niṣkalā tathā || 23||

तेजस्का मुखरा सौम्या निःशब्दा शब्दरूपिणी ।सिन्दूरारुणरक्ता च सिन्दूरारुणभूषिता ॥ २४॥

tejaskā mukharā saumyā niḥśabdā śabdarūpiṇī |sindūrāruṇaraktā ca sindūrāruṇabhūṣitā || 24||

मेघस्वना च मेघा च बाहुदण्डविशोभिता ।जयध्वनि र्निघोरा च खर्खरा खगरूपिणी ॥ २५॥

meghasvanā ca meghā ca bāhudaṇḍaviśobhitā |jayadhvani rnighorā ca kharkharā khagarūpiṇī || 25||

खगाख्या खगमान्या च तडिद्रूपा तडित्प्रभा ।वज्ररूपा वज्रमयी वज्रतन्त्रा च विद्रुमा ॥ २६॥

khagākhyā khagamānyā ca taḍidrūpā taḍitprabhā |vajrarūpā vajramayī vajratantrā ca vidrumā || 26||

कादम्बिनी रता रत्या चञ्चला विमला ध्रुवा ।अस्त्ररूपा शस्त्ररूपा ह्यणिमा ध्रुवमण्डला ॥ २७॥

kādambinī ratā ratyā cañcalā vimalā dhruvā |astrarūpā śastrarūpā hyaṇimā dhruvamaṇḍalā || 27||

तर्कविद्या वेदविद्या ज्योतिर्विद्या विशारदा ।काली कल्पकला साध्या पाण्डुरूपा पराक्रमा ॥ २८॥

tarkavidyā vedavidyā jyotirvidyā viśāradā |kālī kalpakalā sādhyā pāṇḍurūpā parākramā || 28||

नागकन्या नागमाता नागपत्नी फणात्मिका ।शची सत्यकला निद्रा सुनिद्रा च सुचेतना ॥ २९॥

nāgakanyā nāgamātā nāgapatnī phaṇātmikā |śacī satyakalā nidrā sunidrā ca sucetanā || 29||

सुशीला खर्वरूपा च खर्वजङ्घा करात्मिका ।दीर्घजङ्घा दीर्घरवा दीर्घनासा सुकर्णिका ॥ ३०॥

suśīlā kharvarūpā ca kharvajaṅghā karātmikā |dīrghajaṅghā dīrgharavā dīrghanāsā sukarṇikā || 30||

कर्णेनपूजिताऽछिन्ना छिन्ना छिन्नमयी तथा ।आपदा पादपापादा ज्ञानाज्ञानपरायणा ॥ ३१॥

karṇenapūjitā'chinnā chinnā chinnamayī tathā |āpadā pādapāpādā jñānājñānaparāyaṇā || 31||

गौरी पद्मा च कल्याणी उर्वशी ध्वजरूपिणी ।पताकी केतकी चूर्णा दृढव्रतपरायणा ॥ ३२॥

gaurī padmā ca kalyāṇī urvaśī dhvajarūpiṇī |patākī ketakī cūrṇā dṛḍhavrataparāyaṇā || 32||

तिलोत्तमा रोहिणी च बदरी कविमामिनी ।मघा च भरणी पूर्वा पराऽपूर्वा च पूर्विका ॥ ३३॥

tilottamā rohiṇī ca badarī kavimāminī |maghā ca bharaṇī pūrvā parā'pūrvā ca pūrvikā || 33||

अपर्विका अपूर्वा च अपूर्वफलभूषिता ।शङ्खिनी शङ्खहस्ता च चित्रहस्ता सुकोमला ॥ ३४॥

aparvikā apūrvā ca apūrvaphalabhūṣitā |śaṅkhinī śaṅkhahastā ca citrahastā sukomalā || 34||

कोमला पत्ररूपा च गान्धारी चपला कला ।रुक्मिणी रुक्मरूपा च क्षुधा तृष्णा जरातुरा ॥ ३५॥

komalā patrarūpā ca gāndhārī capalā kalā |rukmiṇī rukmarūpā ca kṣudhā tṛṣṇā jarāturā || 35||

अचिन्त्या चिन्तिता चिन्ता मनोज्ञा मनसिस्थिता ।अञ्जना त्वाजना व्यञ्जा व्यञ्जनीया जरार्पिता ॥ ३६॥

acintyā cintitā cintā manojñā manasisthitā |añjanā tvājanā vyañjā vyañjanīyā jarārpitā || 36||

अजरा निर्जरा जीर्णा जीर्णार्पितविभाविनी ।कूर्मरूपा सूकरी च हरिणी मृगरूपिणी ॥ ३७॥

ajarā nirjarā jīrṇā jīrṇārpitavibhāvinī |kūrmarūpā sūkarī ca hariṇī mṛgarūpiṇī || 37||

कस्तूरी मृगनाभिः च कर्पूरागरुकुङ्कुमा ।रघुदेवरता शक्ता रघुदेवरतिप्रिया ॥ ३८॥

kastūrī mṛganābhiḥ ca karpūrāgarukuṅkumā |raghudevaratā śaktā raghudevaratipriyā || 38||

पौरन्दरी तथा विष्णोर्जाया माहेश्वरी वरा ।सर्वेषाञ्जननी नित्या चार्वङ्गी जनकात्मजा ॥ ३९॥

paurandarī tathā viṣṇorjāyā māheśvarī varā |sarveṣāñjananī nityā cārvaṅgī janakātmajā || 39||

महाधीरा महामाया महामोहा महोत्सवा ।वैकुण्ठनाथपत्नी च विमलारुणरूपिणी ॥ ४०॥

mahādhīrā mahāmāyā mahāmohā mahotsavā |vaikuṇṭhanāthapatnī ca vimalāruṇarūpiṇī || 40||

भागीरथी मनोबुद्धिर्नित्यानन्दमयी सहा ।महाव्याधिहरा भीमा सर्वरोगापहारिणी ॥ ४१॥

bhāgīrathī manobuddhirnityānandamayī sahā |mahāvyādhiharā bhīmā sarvarogāpahāriṇī || 41||

शङ्खिनी चक्रिणी धात्री हस्तेपुस्तकधारिणी ।सम्पदा च सदाचारा द्रौपदी द्रुपदात्मिका ॥ ४२॥

śaṅkhinī cakriṇī dhātrī hastepustakadhāriṇī |sampadā ca sadācārā draupadī drupadātmikā || 42||

सतांसृष्टिकरी सौम्या दैत्यानां क्षयकारिणी ।दरैत्यप्राणहरा धात्री दयामोदरसप्रिया ॥ ४३॥

satāṃsṛṣṭikarī saumyā daityānāṃ kṣayakāriṇī |daraityaprāṇaharā dhātrī dayāmodarasapriyā || 43||

क्षान्तिः क्षेमङ्करी बुद्धिर्भारती भयनाशिनी ।तरणिस्तरुणी तीक्ष्णा तीक्ष्णदैत्यविनाशिनी ॥ ४४॥

kṣāntiḥ kṣemaṅkarī buddhirbhāratī bhayanāśinī |taraṇistaruṇī tīkṣṇā tīkṣṇadaityavināśinī || 44||

दात्री दानपरा दान्ता दुष्टदैत्यविनाशिनी ।क्रिया क्रियावती हृष्टा तुष्टा पुष्टा तथोर्वशी ।वेदमना वेदकन्या वेदमान्या पुलोमजा ॥ ४५॥

dātrī dānaparā dāntā duṣṭadaityavināśinī |kriyā kriyāvatī hṛṣṭā tuṣṭā puṣṭā tathorvaśī |vedamanā vedakanyā vedamānyā pulomajā || 45||

सुखिनी सुखदात्री च सर्वसौख्यविवर्धिनी ।शीला शीलवती सूक्ष्मा सूक्ष्मासूक्ष्मवरप्रदा ॥ ४६॥

sukhinī sukhadātrī ca sarvasaukhyavivardhinī |śīlā śīlavatī sūkṣmā sūkṣmāsūkṣmavarapradā || 46||

वरेण्या वरदा वाणी ज्ञानिनी ज्ञानदात्मजा ।भृगुवंशसमुद्भूता भार्गवी भृगुवल्लभा ॥ ४७॥

vareṇyā varadā vāṇī jñāninī jñānadātmajā |bhṛguvaṃśasamudbhūtā bhārgavī bhṛguvallabhā || 47||

रक्ताम्बरधरा रामा रमणी सुरनायिका ।मोक्षदा शिवदा श्यामा योगध्यानपरायणा ॥ ४८॥

raktāmbaradharā rāmā ramaṇī suranāyikā |mokṣadā śivadā śyāmā yogadhyānaparāyaṇā || 48||

योगेश्वरी योगरूपा योगनिद्रा कृशोदरी ।अम्बा जाम्बवती चैव सत्यभामा मनोरथा ॥ ४९॥

yogeśvarī yogarūpā yoganidrā kṛśodarī |ambā jāmbavatī caiva satyabhāmā manorathā || 49||

रौद्रा रौद्रस्वना रौद्री रौद्रदैत्यविनाशिनी ।कुमारी कौशिकी काली कामदैत्यविनाशिनी ॥ ५०॥

raudrā raudrasvanā raudrī raudradaityavināśinī |kumārī kauśikī kālī kāmadaityavināśinī || 50||

रामपत्नी रामरता रामजाया महोदरी ।विष्णुपत्नी विष्णुभवा विष्णुजाया च शूलिनी ॥ ५१॥

rāmapatnī rāmaratā rāmajāyā mahodarī |viṣṇupatnī viṣṇubhavā viṣṇujāyā ca śūlinī || 51||

मदनान्तक कान्ता च मदनान्तकवल्लभा ।भूतभव्यभवस्पृष्टा पावनी परिपालिनी ॥ ५२॥

madanāntaka kāntā ca madanāntakavallabhā |bhūtabhavyabhavaspṛṣṭā pāvanī paripālinī || 52||

अदृश्या व्यक्तरूपा च दृश्या श्रेष्ठा प्रवर्द्धिनी ।अपान्निधिसमुद्भूता धारिणी च प्रतिष्ठिता ॥ ५३॥

adṛśyā vyaktarūpā ca dṛśyā śreṣṭhā pravarddhinī |apānnidhisamudbhūtā dhāriṇī ca pratiṣṭhitā || 53||

अच्युता चाच्युतप्राणा प्राणदा वासवेश्वरी ।उत्तरा क्षोभणा क्षेमा श्रीगर्भा परमेश्वरी ॥ ५४॥

acyutā cācyutaprāṇā prāṇadā vāsaveśvarī |uttarā kṣobhaṇā kṣemā śrīgarbhā parameśvarī || 54||

वरदा पुष्टिदेहा च कामिनी कञ्जलोचना ।शरण्या वरदा प्रीता प्रीत्यानानन्दस्वरूपिणी ॥ ५५॥

varadā puṣṭidehā ca kāminī kañjalocanā |śaraṇyā varadā prītā prītyānānandasvarūpiṇī || 55||

पताकिनी दयारम्भा सुरम्या च सुरेश्वरी ।श्रीमती च शिवा नन्दा त्रिशक्तिर्मोक्षदायिनी ॥ ५६॥

patākinī dayārambhā suramyā ca sureśvarī |śrīmatī ca śivā nandā triśaktirmokṣadāyinī || 56||

परापरकला कान्ता शिशिराचलकन्यका ।दक्षा भगवती धेनुः कामधेनुः कलावती ॥ ५७॥

parāparakalā kāntā śiśirācalakanyakā |dakṣā bhagavatī dhenuḥ kāmadhenuḥ kalāvatī || 57||

सुरमान्या सुरश्रेष्ठा श्रेष्ठा प्राणेश्वरी स्थिरा ।वज्रायुधा व्रजहस्ता चण्डी चण्डपराक्रमा ॥ ५८॥

suramānyā suraśreṣṭhā śreṣṭhā prāṇeśvarī sthirā |vajrāyudhā vrajahastā caṇḍī caṇḍaparākramā || 58||

तमोघ्नी ध्वान्तसंहन्त्री प्रयतात्मा पतिव्रता ।गौरी सुवर्णवर्णा च स्थितिसंहारकारिणी ॥ ५९॥

tamoghnī dhvāntasaṃhantrī prayatātmā pativratā |gaurī suvarṇavarṇā ca sthitisaṃhārakāriṇī || 59||

मेधाविनी महावीर्या हंसी संसारतारिणी ।एकानेका महेज्या च सर्वलोकप्रकाशिनी ॥ ६०॥

medhāvinī mahāvīryā haṃsī saṃsāratāriṇī |ekānekā mahejyā ca sarvalokaprakāśinī || 60||

षट्चक्रभेदिनी वामा कार्यस्था कार्यरञ्जिता ।प्रणता प्राणिनामार्तिहारिणी दैत्यनाशिनी ॥ ६१॥

ṣaṭcakrabhedinī vāmā kāryasthā kāryarañjitā |praṇatā prāṇināmārtihāriṇī daityanāśinī || 61||

अजा च बहुवर्णा च पुरुषार्थप्रवर्तिनी ।गणिता गुणसम्पन्ना नगजा खगवाहिनी ॥ ६२॥

ajā ca bahuvarṇā ca puruṣārthapravartinī |gaṇitā guṇasampannā nagajā khagavāhinī || 62||

रक्ता नीला सिता श्यामा कृष्णा बभ्रुश्च कर्बुरा ।क्षुधा तृष्णा जरा वृद्धा तरुणी करुणालया ॥ ६३॥

raktā nīlā sitā śyāmā kṛṣṇā babhruśca karburā |kṣudhā tṛṣṇā jarā vṛddhā taruṇī karuṇālayā || 63||

चन्द्रानना महोष्ठी च चारुमूर्द्धजशोभिता ।कला काष्ठा मुहूर्ता च निमेषा कालरूपिणी ॥ ६४॥

candrānanā mahoṣṭhī ca cārumūrddhajaśobhitā |kalā kāṣṭhā muhūrtā ca nimeṣā kālarūpiṇī || 64||

मानिनी माधवी मान्या माननीया महागुणा ।सुवर्णवसना नाशा चक्षुस्पर्शवती रसा ॥ ६५॥

māninī mādhavī mānyā mānanīyā mahāguṇā |suvarṇavasanā nāśā cakṣusparśavatī rasā || 65||

गन्धप्रिया सुगन्धा च मनोज्ञा च मनोगता ।हस्ता ज्येष्ठा मघा पुष्या धनिष्ठा पूर्वफल्गुनी ॥ ६६॥

gandhapriyā sugandhā ca manojñā ca manogatā |hastā jyeṣṭhā maghā puṣyā dhaniṣṭhā pūrvaphalgunī || 66||

मृगनाभिर्मृगाक्षी च कर्पूरामोदधारिणी ।मधुश्रीर्माधवी वल्ली मधुमत्ता मदोद्धता ॥ ६७॥

mṛganābhirmṛgākṣī ca karpūrāmodadhāriṇī |madhuśrīrmādhavī vallī madhumattā madoddhatā || 67||

रेवती रमणी चित्रा चित्रहारविभूषणा ।रक्ताम्बरधरा क्षीणा रक्तपुष्पावतंसिनी ॥ ६८॥

revatī ramaṇī citrā citrahāravibhūṣaṇā |raktāmbaradharā kṣīṇā raktapuṣpāvataṃsinī || 68||

नवपुष्पात्मिका पुष्पा पुष्पस्रक्सुविभूषणा ।शुक्लाम्बरधरा धीरा महाश्वेता वसुप्रिया ॥ ६९॥

navapuṣpātmikā puṣpā puṣpasraksuvibhūṣaṇā |śuklāmbaradharā dhīrā mahāśvetā vasupriyā || 69||

नवपुष्पगृहोपेता नवपुष्पोपशोभिता ।चन्द्रिका चन्द्रकान्तिश्च सूर्यकान्तिर्निशाचरी ॥ ७०॥

navapuṣpagṛhopetā navapuṣpopaśobhitā |candrikā candrakāntiśca sūryakāntirniśācarī || 70||

विजया च जयन्ती च मोहिनी शत्रुनाशिनी ।लज्जा सरस्वती नन्दा दानवेन्द्रप्रमर्दिनी ॥ ७१॥

vijayā ca jayantī ca mohinī śatrunāśinī |lajjā sarasvatī nandā dānavendrapramardinī || 71||

चद्रमण्डलसङ्काशा ज्ञानानन्दप्रवर्द्धिनी ।रूपयौवनसम्पन्ना गुणशीलसमन्विता ॥ ७२॥

cadramaṇḍalasaṅkāśā jñānānandapravarddhinī |rūpayauvanasampannā guṇaśīlasamanvitā || 72||

सर्वैश्वर्यसमायुक्ता सर्वलावण्यशोभिता ।शीता शीतप्रिया स्वर्गा सकला वनदेवता ।गुरुरूपधरा गुर्वी कालमृत्युविनाशिनी ॥ ७३॥

sarvaiśvaryasamāyuktā sarvalāvaṇyaśobhitā |śītā śītapriyā svargā sakalā vanadevatā |gururūpadharā gurvī kālamṛtyuvināśinī || 73||

अणिमादिगुणोपेता महामारी च शान्तिदा ।चतुःसमुद्रशयना चतुर्वर्गफलप्रदा ॥ ७४॥

aṇimādiguṇopetā mahāmārī ca śāntidā |catuḥsamudraśayanā caturvargaphalapradā || 74||

सर्वकालोद्भवा प्रीता सर्वकालोद्भवोद्भवा ।अनादिनिधना पुष्टिर्वृक्षमध्यनिवासिनी ॥ ७५॥

sarvakālodbhavā prītā sarvakālodbhavodbhavā |anādinidhanā puṣṭirvṛkṣamadhyanivāsinī || 75||

सर्वचक्रेश्वरी सर्वा सर्वमन्त्रमयी सदा ।सहस्रनयना प्राणा सहस्रनयनप्रिया ॥ ७६॥

sarvacakreśvarī sarvā sarvamantramayī sadā |sahasranayanā prāṇā sahasranayanapriyā || 76||

सहस्रशीर्षा सुमना मन्दभा सर्वभञ्जिका ।गीतनृत्यप्रिया कामा सन्तुष्टिर्धनदा प्रदा ॥ ७७॥

sahasraśīrṣā sumanā mandabhā sarvabhañjikā |gītanṛtyapriyā kāmā santuṣṭirdhanadā pradā || 77||

मायाधरी मणिरता मणिसम्मानतत्परा ।माधवा नन्ददा मध्वी यशोदानन्दवर्द्धनी ॥ ७८॥

māyādharī maṇiratā maṇisammānatatparā |mādhavā nandadā madhvī yaśodānandavarddhanī || 78||

यज्ञप्रीता यज्ञमयी यज्ञकर्मविभूषणा ।राजा राजकुलेज्या च राजराजेश्वरी रमा ॥ ७९॥

yajñaprītā yajñamayī yajñakarmavibhūṣaṇā |rājā rājakulejyā ca rājarājeśvarī ramā || 79||

रमिणी रामिणी राका रामानन्दप्रदायिनी ।रजनीकरपूर्णास्या रक्तोत्पलविलोचना ॥ ८०॥

ramiṇī rāmiṇī rākā rāmānandapradāyinī |rajanīkarapūrṇāsyā raktotpalavilocanā || 80||

लाङ्गली प्रेमसन्तुष्टा लाङ्गलीप्रणयप्रिया ।लाक्षारुणा च ललना लीला लीलावती लया ॥ ८१॥

lāṅgalī premasantuṣṭā lāṅgalīpraṇayapriyā |lākṣāruṇā ca lalanā līlā līlāvatī layā || 81||

लङ्केश्वरगुणप्रीता लङ्केशवरदायिनी ॥ ८२॥

laṅkeśvaraguṇaprītā laṅkeśavaradāyinī || 82||

लवङ्गकुसुमप्रीता लवङ्गकुसुमप्रभा ।पुण्यदा पूर्णिमा पुण्या पुण्यकोटिफलप्रदा ॥ ८३॥

lavaṅgakusumaprītā lavaṅgakusumaprabhā |puṇyadā pūrṇimā puṇyā puṇyakoṭiphalapradā || 83||

पुराणगोचरा पूर्णाऽपूर्वा प्रौढविनाशिनी ।प्रह्लादहृदयाह्लादगेहिनी पुण्यचारिणी ॥ ८४॥

purāṇagocarā pūrṇā'pūrvā prauḍhavināśinī |prahlādahṛdayāhlādagehinī puṇyacāriṇī || 84||

फलदात्री फलासक्ता फलदातृविभूषिता ।वाणी विलासकरिणी वराङ्गी च वरानना ॥ ८५॥

phaladātrī phalāsaktā phaladātṛvibhūṣitā |vāṇī vilāsakariṇī varāṅgī ca varānanā || 85||

विष्णोर्वक्षस्थलस्था च वाग्मती विन्ध्यगेहिनी ।धीरा धैर्यवती धृष्टा धवलाम्भोजसन्निभा ॥ ८६॥

viṣṇorvakṣasthalasthā ca vāgmatī vindhyagehinī |dhīrā dhairyavatī dhṛṣṭā dhavalāmbhojasannibhā || 86||

तन्त्रधारी तन्त्रतारी तन्त्रकारी भवातुरा ।तपस्या तालिनी तीर्णा दूर्वादलसुसेविता ॥ ८७॥

tantradhārī tantratārī tantrakārī bhavāturā |tapasyā tālinī tīrṇā dūrvādalasusevitā || 87||

कर्पूरपूरवदना कलानाथसमप्रभा ।कलाकेलिप्रियाकीर्णा कुञ्जरेश्वरगामिनी ॥ ८८॥

karpūrapūravadanā kalānāthasamaprabhā |kalākelipriyākīrṇā kuñjareśvaragāminī || 88||

खर्वा च खञ्जनद्वन्द्वलोचना रवभूषिता ।खद्योत इव दुर्लक्ष्या खद्योत इव चञ्चला ॥ ८९॥

kharvā ca khañjanadvandvalocanā ravabhūṣitā |khadyota iva durlakṣyā khadyota iva cañcalā || 89||

चलच्चकोरनयना चलत्खञ्जनलोचना ।चतुर्वेदमयी रूपा चतुर्वर्णमयी भृता ॥ ९०॥

calaccakoranayanā calatkhañjanalocanā |caturvedamayī rūpā caturvarṇamayī bhṛtā || 90||

जगन्नाथप्रिया जीवा जगन्नाथरता जया ।जामातृवरदा जम्भा यमलार्जुनधारिणी ॥ ९१॥

jagannāthapriyā jīvā jagannātharatā jayā |jāmātṛvaradā jambhā yamalārjunadhāriṇī || 91||

तपस्या तालिनी तीर्णा पूर्णानन्दमयी सदा ।तारस्वरेणसहिता तारस्वरविभूषिता ॥ ९२॥

tapasyā tālinī tīrṇā pūrṇānandamayī sadā |tārasvareṇasahitā tārasvaravibhūṣitā || 92||

वंशध्वजा वंशरूपा नन्दिनी कुलमध्यगा ।फट्कारप्रणया वृद्धा चित्रा पातकनाशिनी ॥ ९३॥

vaṃśadhvajā vaṃśarūpā nandinī kulamadhyagā |phaṭkārapraṇayā vṛddhā citrā pātakanāśinī || 93||

अधः स्थिता च पाताला अधोभुवनगामिनी ।अतला वितला तीर्णा सुतला नागशायिनी ॥ ९४॥

adhaḥ sthitā ca pātālā adhobhuvanagāminī |atalā vitalā tīrṇā sutalā nāgaśāyinī || 94||

द्विजिह्वा बहुजिह्वा च रसना सुरसेविता ।शून्या रण्या वरेण्या च वरिष्ठा च युगाम्बरा ॥ ९५॥

dvijihvā bahujihvā ca rasanā surasevitā |śūnyā raṇyā vareṇyā ca variṣṭhā ca yugāmbarā || 95||

प्रतिपर्वस्थिता देवी तिथिः स्वरविभूषिता ।प्रतिमा नवमी चैव युगाढ्या चक्ररूपिणी ॥ ९६॥

pratiparvasthitā devī tithiḥ svaravibhūṣitā |pratimā navamī caiva yugāḍhyā cakrarūpiṇī || 96||

वाहग्रस्ता वाहभरा वाहसूर्यसमन्विता ।चन्द्रज्योत्स्नामरा काम्या राकामृतचरा चरी ॥ ९७॥

vāhagrastā vāhabharā vāhasūryasamanvitā |candrajyotsnāmarā kāmyā rākāmṛtacarā carī || 97||

नागरी नागरा ज्येष्ठा नागराजसुता नगा ।नवीनेन्दुकला नन्दी नन्दिकेश्वरपूजिता ॥ ९८॥

nāgarī nāgarā jyeṣṭhā nāgarājasutā nagā |navīnendukalā nandī nandikeśvarapūjitā || 98||

नीरजाक्षी चञ्चलाक्षी नीरजद्वन्द्वलोचना ।नीरप्रसूर्नीरभवा नीरनिर्मलदेहिनी ॥ ९९॥

nīrajākṣī cañcalākṣī nīrajadvandvalocanā |nīraprasūrnīrabhavā nīranirmaladehinī || 99||

नवीनकेतकीकुन्द माकन्दस्रग्विभूषिता ।नायिकानन्दनिलया नायकानन्दकारिणी ॥ १००॥

navīnaketakīkunda mākandasragvibhūṣitā |nāyikānandanilayā nāyakānandakāriṇī || 100||

नर्मकर्मरता नित्या नर्मधर्मपरायणा ।नर्मप्रीता नर्मरता नर्मध्यानपरायणा ॥ १०१॥

narmakarmaratā nityā narmadharmaparāyaṇā |narmaprītā narmaratā narmadhyānaparāyaṇā || 101||

नर्मकर्मैकसहिता नर्मकर्मैकपालिका ।नवनारीगुणप्रीता नवनारीवरप्रदा ॥ १०२॥

narmakarmaikasahitā narmakarmaikapālikā |navanārīguṇaprītā navanārīvarapradā || 102||

नारायणप्रिया कान्ता निष्फला परमा कला ।नारायणप्रिया देवी नारायणसमन्विता ॥ १०३॥

nārāyaṇapriyā kāntā niṣphalā paramā kalā |nārāyaṇapriyā devī nārāyaṇasamanvitā || 103||

नारायणी समा युक्ता सत्यभामा दृढव्रता ।चतुःसागरमध्यस्था चतुःसागररूपिणी ॥ १०४॥

nārāyaṇī samā yuktā satyabhāmā dṛḍhavratā |catuḥsāgaramadhyasthā catuḥsāgararūpiṇī || 104||

वासुदेवरता विश्वा विज्ञा विज्ञानकारिणी ।वीणावती वलाकीर्णा बालपा पुष्परोहिता ॥ १०५॥

vāsudevaratā viśvā vijñā vijñānakāriṇī |vīṇāvatī valākīrṇā bālapā puṣparohitā || 105||

बलवी सुमतिर्वैद्या विद्याहारविभूषिता ।विद्यावती वैद्यपदा सीता वैवस्वता वलिः ॥ १०६॥

balavī sumatirvaidyā vidyāhāravibhūṣitā |vidyāvatī vaidyapadā sītā vaivasvatā valiḥ || 106||

भीतिहा भयदा भीतिरंशुजालसमप्रभा ।शर्वाणी सुमना सर्वा सुभद्रा भद्रिका तथा ॥ १०७॥

bhītihā bhayadā bhītiraṃśujālasamaprabhā |śarvāṇī sumanā sarvā subhadrā bhadrikā tathā || 107||

विनता शङ्करी शान्ता मानवी मानरूपिणी ।मनुध्याना मनुज्ञाना मानसी मनुचित्तगा ॥ १०८॥

vinatā śaṅkarī śāntā mānavī mānarūpiṇī |manudhyānā manujñānā mānasī manucittagā || 108||

सदागोप्या जपरता जपस्तुत्यादिभूषिता ।मरीची मारिची चैव हैमा हैमवती शिला ॥ १०९॥

sadāgopyā japaratā japastutyādibhūṣitā |marīcī māricī caiva haimā haimavatī śilā || 109||

सुगन्धा गन्धसहिता आयुष्यक्षयरूपिणी ।क्षीरसाक्षी क्षीरस्रवा क्षीरिका श्रीर्हरिप्रिया ॥ ११०॥

sugandhā gandhasahitā āyuṣyakṣayarūpiṇī |kṣīrasākṣī kṣīrasravā kṣīrikā śrīrharipriyā || 110||

बीजमयी बीजरूपा बीजोद्भवा च बीजिका ।द्वारा द्वारवती ध्वान्ता प्रचण्डा द्वारमालिनी ॥ १११॥

bījamayī bījarūpā bījodbhavā ca bījikā |dvārā dvāravatī dhvāntā pracaṇḍā dvāramālinī || 111||

कल्याणी कमला कारा कमली कालरूपिणी ।कामाक्षी कामदा काम्या कामना कामचारिणी ॥ ११२॥

kalyāṇī kamalā kārā kamalī kālarūpiṇī |kāmākṣī kāmadā kāmyā kāmanā kāmacāriṇī || 112||

कालरात्रिर्महाकाली कौलिनी कल्परूपिणी ।कुमारी करुणा कीर्त्तिः कलिकल्मषनाशिनी ॥ ११३॥

kālarātrirmahākālī kaulinī kalparūpiṇī |kumārī karuṇā kīrttiḥ kalikalmaṣanāśinī || 113||

कात्यायनी कलाधारी कौमुदी कमलप्रिया ।माहेश्वरी महामाया महातेजा महेश्वरी ॥ ११४॥

kātyāyanī kalādhārī kaumudī kamalapriyā |māheśvarī mahāmāyā mahātejā maheśvarī || 114||

महाज्योतिर्महामूर्तिर्महासुरविनाशिनी ॥ ११५॥

mahājyotirmahāmūrtirmahāsuravināśinī || 115||

महामाया महावीर्या महापातकनाशिनी ।महामखा मन्त्रमयी मणिपूरकवासिनी ॥ ११६॥

mahāmāyā mahāvīryā mahāpātakanāśinī |mahāmakhā mantramayī maṇipūrakavāsinī || 116||

मानसी मानदा मान्या मनश्चक्षुरगोचरा ।गण्या मता च गायत्री गन्धर्वगणसेविता ॥ ११७॥

mānasī mānadā mānyā manaścakṣuragocarā |gaṇyā matā ca gāyatrī gandharvagaṇasevitā || 117||

सिद्धा यज्ञप्रिया शक्तिर्यज्ञाङ्गी यज्ञवर्त्मिका ।यज्ञरूपा यज्ञभवा यज्ञी यज्ञकृतालया ॥ ११८॥

siddhā yajñapriyā śaktiryajñāṅgī yajñavartmikā |yajñarūpā yajñabhavā yajñī yajñakṛtālayā || 118||

जालन्धरी जगन्माता जातवेदा जगत्पिता ।जितेन्द्रिया जितक्रोधा जननी जयदायिनी ॥ ११९॥

jālandharī jaganmātā jātavedā jagatpitā |jitendriyā jitakrodhā jananī jayadāyinī || 119||

गङ्गा गोदावरी रेवा गौतमी च शतद्रुका ।सिन्धुर्मन्दाकिनी सिद्धा यमुना च सरस्वती ॥ १२०॥

gaṅgā godāvarī revā gautamī ca śatadrukā |sindhurmandākinī siddhā yamunā ca sarasvatī || 120||

चन्द्रभागा विपाशा च गण्डकी विन्ध्यवासिनी ।नर्मदा कद्रु कावेरी अहल्या चम्पकावती ॥ १२१॥

candrabhāgā vipāśā ca gaṇḍakī vindhyavāsinī |narmadā kadru kāverī ahalyā campakāvatī || 121||

अयोध्या मथुरा माया काशी काञ्ची ह्यवन्तिका ।द्वारावती च तीर्थेशा महाकिल्बिषनाशिनी ॥ १२२॥

ayodhyā mathurā māyā kāśī kāñcī hyavantikā |dvārāvatī ca tīrtheśā mahākilbiṣanāśinī || 122||

वैष्णवी विष्णुरूपा च विष्णुमाया स्वरूपिणी ।शिवेश्वरी शिवा राधा भवानी भवमोचनी ॥ १२३॥

vaiṣṇavī viṣṇurūpā ca viṣṇumāyā svarūpiṇī |śiveśvarī śivā rādhā bhavānī bhavamocanī || 123||

हल्लोत्खातसमुद्भूता रत्नभूता धनेश्वरी ।हृद्या विद्याप्रदात्री च कुशमाता परेश्वरी ॥ १२४॥

hallotkhātasamudbhūtā ratnabhūtā dhaneśvarī |hṛdyā vidyāpradātrī ca kuśamātā pareśvarī || 124||

लवमाता सौम्यमूर्त्तिः शर्वा सर्वानुशासनी ।कमला विष्णुवन्द्या च मान्या सुनयनात्मजा ॥ १२५॥

lavamātā saumyamūrttiḥ śarvā sarvānuśāsanī |kamalā viṣṇuvandyā ca mānyā sunayanātmajā || 125||

रामेशी रामरमणी रामरामा रमेश्वरी ।वैदेही मैथिली सिद्धा मिथिलाभूमिजा तथा ॥ १२६॥

rāmeśī rāmaramaṇī rāmarāmā rameśvarī |vaidehī maithilī siddhā mithilābhūmijā tathā || 126||

सुफला चर्चिता वन्द्या दशाननविनाशिनी ।दण्डा दण्डप्रिया चैव दण्डकारण्यवासिनी ॥ १२७॥

suphalā carcitā vandyā daśānanavināśinī |daṇḍā daṇḍapriyā caiva daṇḍakāraṇyavāsinī || 127||

लक्ष्मणाराधिता शान्ता कान्ता भरतवन्दिता ।शत्रुघ्नपूजिता कान्तिः हनुमद्वन्दिता वरा ॥ १२८॥

lakṣmaṇārādhitā śāntā kāntā bharatavanditā |śatrughnapūjitā kāntiḥ hanumadvanditā varā || 128||

महोग्रा च महासेना माहेशी मैथिलात्मजा ।साकेतेशा जनाराध्या धनेशी धनदा शुभा ॥ १२९॥

mahogrā ca mahāsenā māheśī maithilātmajā |sāketeśā janārādhyā dhaneśī dhanadā śubhā || 129||

॥ फलश्रुतिः ॥पुण्यं सहस्रनामेदं जानक्या भुवि दुर्लभम् ।यः पठेत् प्रातरुत्थाय शुचिर्भूत्वा समाहितः ॥ १३०॥

|| phalaśrutiḥ ||puṇyaṃ sahasranāmedaṃ jānakyā bhuvi durlabham |yaḥ paṭhet prātarutthāya śucirbhūtvā samāhitaḥ || 130||

यश्चापि शृणुयान्नित्यं नरो निश्चलमानसः ।एककालं द्विकालं च त्रिकालं श्रद्धयान्वितः ॥ १३१॥

yaścāpi śṛṇuyānnityaṃ naro niścalamānasaḥ |ekakālaṃ dvikālaṃ ca trikālaṃ śraddhayānvitaḥ || 131||

सर्वपापविनिर्मुक्तो धनधान्यसुतान्वितः ।तेजस्वी बलवान् शूरः शोकरोगविवर्जितः ॥ १३२॥

sarvapāpavinirmukto dhanadhānyasutānvitaḥ |tejasvī balavān śūraḥ śokarogavivarjitaḥ || 132||

यशस्वी कीर्तिमान् धन्यः सुभगो लोकपूजितः ।रूपवान् गुणसम्पन्नः प्रभावीर्यसमन्वितः ॥ १३३॥

yaśasvī kīrtimān dhanyaḥ subhago lokapūjitaḥ |rūpavān guṇasampannaḥ prabhāvīryasamanvitaḥ || 133||

श्रेयांसि लभते नित्यं निश्चलां च शुभां श्रियम् ।सर्वदुःखविनिर्मुक्तो लोभक्रोधविवर्जितः ॥ १३४॥

śreyāṃsi labhate nityaṃ niścalāṃ ca śubhāṃ śriyam |sarvaduḥkhavinirmukto lobhakrodhavivarjitaḥ || 134||

विद्यानां पारगो विप्रः, क्षत्रियो विजयी भवेत् ।वैश्यस्तु धनलाभाढ्यः शूद्रस्तत्सुखमश्नुते ॥ १३५॥

vidyānāṃ pārago vipraḥ, kṣatriyo vijayī bhavet |vaiśyastu dhanalābhāḍhyaḥ śūdrastatsukhamaśnute || 135||

पुत्रार्थी लभते पुत्रं धनार्थी लभते धनम् ।इष्टकामांस्तु कामार्थी धर्मार्थी धर्ममक्षयम् ॥ १३६॥

putrārthī labhate putraṃ dhanārthī labhate dhanam |iṣṭakāmāṃstu kāmārthī dharmārthī dharmamakṣayam || 136||

॥ इति श्रीसिद्धेश्वरीतन्त्रे जानकीसहस्रनामस्तोत्रं सम्पूर्णम् ॥

|| iti śrīsiddheśvarītantre jānakīsahasranāmastotraṃ sampūrṇam ||