योनिकवचम् Shri Yoni Kavacham

श्रीगणेशाय नमः । श्रीसरस्वत्यै नमः ।श्रीउमामहेश्वराभ्यां नमः ।अथ योनिकवचं प्रारम्भः ।श्रीदेव्युवाचभगवन् श्रोतुमिच्छामि कवचं परमाद्भुतम् ।इदानीं देवदेवेश कवचं सर्वसिद्धिदम् ॥ १॥

śrīgaṇeśāya namaḥ | śrīsarasvatyai namaḥ |śrīumāmaheśvarābhyāṃ namaḥ |atha yonikavacaṃ prārambhaḥ |śrīdevyuvācabhagavan śrotumicchāmi kavacaṃ paramādbhutam |idānīṃ devadeveśa kavacaṃ sarvasiddhidam || 1||

महादेव उवाचशृणु देवि प्रवक्ष्यामि अतिगुह्यतमं प्रिये ।यस्मै कस्मै न दातव्यं दातव्यं निष्फलं भवेत् ॥ २॥

mahādeva uvācaśṛṇu devi pravakṣyāmi atiguhyatamaṃ priye |yasmai kasmai na dātavyaṃ dātavyaṃ niṣphalaṃ bhavet || 2||

विनियोगःअस्य श्रीयोनीकवचस्य गुप्त ऋषिः,कुलटा छन्दः, राजविघ्नोत्पातविनाशे (पाठे) विनियोगः ।ह्रीं योनिर्मे सदा पातु स्वाहा विघ्नविनाशिनी ।शत्रुनाशात्मिका योनिः सदा मां पातु सागरे ॥ ३॥

viniyogaḥasya śrīyonīkavacasya gupta ṛṣiḥ,kulaṭā chandaḥ, rājavighnotpātavināśe (pāṭhe) viniyogaḥ |hrīṃ yonirme sadā pātu svāhā vighnavināśinī |śatrunāśātmikā yoniḥ sadā māṃ pātu sāgare || 3||

ब्रह्मात्मिका महायोनिः सर्वान् कामान् प्ररक्षतु ।राजद्वारे महाघोरे क्लीं योनिः सर्वदाऽवतु ॥ ४॥

brahmātmikā mahāyoniḥ sarvān kāmān prarakṣatu |rājadvāre mahāghore klīṃ yoniḥ sarvadā'vatu || 4||

हूमात्मिका सदा देवी योनिरूपा जगन्मयी ।सर्वाङ्गं पातु मां नित्यं सभायां राजवेश्मनि ॥ ५॥

hūmātmikā sadā devī yonirūpā jaganmayī |sarvāṅgaṃ pātu māṃ nityaṃ sabhāyāṃ rājaveśmani || 5||

वेदात्मिका सदा योनिर्वेदरूपा सरस्वती ।कीर्तिं श्रीं कान्तिमारोग्यं पुत्रपौत्रादिकं तथा ॥ ६॥

vedātmikā sadā yonirvedarūpā sarasvatī |kīrtiṃ śrīṃ kāntimārogyaṃ putrapautrādikaṃ tathā || 6||

रक्ष रक्ष महायोने सर्वसिद्धिप्रदायिनि ।रजोयोगात्मिका योनिः सर्वत्र मां सदाऽवतु ॥ ७॥

rakṣa rakṣa mahāyone sarvasiddhipradāyini |rajoyogātmikā yoniḥ sarvatra māṃ sadā'vatu || 7||

फलश्रुतिः ।इति ते कथितं देवि कवचं सर्वसिद्धिदम् ।त्रिसन्ध्यं यः पठेन्नित्यं राजोपद्रवनाशकृत् ॥ ८॥

phalaśrutiḥ |iti te kathitaṃ devi kavacaṃ sarvasiddhidam |trisandhyaṃ yaḥ paṭhennityaṃ rājopadravanāśakṛt || 8||

सभायां वाक्पतिश्चैव राजवेश्मनि राजवत् ।सर्वत्र जयमाप्नोति कवचस्य जपेन हि ॥ ९॥

sabhāyāṃ vākpatiścaiva rājaveśmani rājavat |sarvatra jayamāpnoti kavacasya japena hi || 9||

श्रीयोन्याः सङ्गमे देवि पठेदेवमनन्यधीः ।स एव सर्वसिद्धीशो नात्र कार्या विचारणा ॥ १०॥

śrīyonyāḥ saṅgame devi paṭhedevamananyadhīḥ |sa eva sarvasiddhīśo nātra kāryā vicāraṇā || 10||

मातृकाक्षरसम्पुटं कृत्वा यदि पठेन्नरः ।भुञ्जते विपुलान् भोगान् दुर्गया सह मोदते ॥ ११॥

mātṛkākṣarasampuṭaṃ kṛtvā yadi paṭhennaraḥ |bhuñjate vipulān bhogān durgayā saha modate || 11||

इति गुह्यतमं देवि सर्वधर्मोत्तमोत्तमम् ।भूर्जे वा ताडिपत्रे वा लिखित्वा धारयेद्यदि ॥ १२॥

iti guhyatamaṃ devi sarvadharmottamottamam |bhūrje vā tāḍipatre vā likhitvā dhārayedyadi || 12||

हरिचन्दनमिश्रेण रोचना कुङ्कुमेन च ।शिखायामथवा कण्ठे शिवः सोऽपि न संशयः ॥ १३॥

haricandanamiśreṇa rocanā kuṅkumena ca |śikhāyāmathavā kaṇṭhe śivaḥ so'pi na saṃśayaḥ || 13||

शरत्काले महाष्टम्यां नवम्यां कुलसुन्दरि ।पूजाकाले पठेदेतत् जयी नित्यं न संशयः ॥ १४॥

śaratkāle mahāṣṭamyāṃ navamyāṃ kulasundari |pūjākāle paṭhedetat jayī nityaṃ na saṃśayaḥ || 14||

॥ इति शक्तिकागमसर्वस्वे हरगौरीसंवादे श्रीयोनिकवचं सम्पूर्णम् ॥

|| iti śaktikāgamasarvasve haragaurīsaṃvāde śrīyonikavacaṃ sampūrṇam ||