योनिस्तवराजः Shri Yoni Stavarajah

अथ योनिध्यानम् ।अतिसुललितगात्रां हास्यवक्त्रां त्रिनेत्रांजितजलदसुकान्तिं पट्टवस्त्रप्रकाशाम् ।अभयवरकराढ्यां रत्नभूषातिभव्यांसुरतरुतलपीठ रत्नसिंहासनस्थाम् ॥ १॥

atha yonidhyānam |atisulalitagātrāṃ hāsyavaktrāṃ trinetrāṃjitajaladasukāntiṃ paṭṭavastraprakāśām |abhayavarakarāḍhyāṃ ratnabhūṣātibhavyāṃsuratarutalapīṭha ratnasiṃhāsanasthām || 1||

हरिहरविधिवन्द्यां बुद्धिशुद्धिस्वरूपांमदनरससमाक्तां कामिनीं कामदात्रीम् ।निखिलजनविलासोद्दामरूपां भवानींकलिकलुषनिहन्त्रीं योनिरूपां भजामि ॥ २॥

hariharavidhivandyāṃ buddhiśuddhisvarūpāṃmadanarasasamāktāṃ kāminīṃ kāmadātrīm |nikhilajanavilāsoddāmarūpāṃ bhavānīṃkalikaluṣanihantrīṃ yonirūpāṃ bhajāmi || 2||

श्रीदेव्युवाचभगवान् सर्वधर्मज्ञ कुलशास्त्रार्थपारग ।सर्वं मे कथितं नाथ न त्वेकं परमेश्वर ॥ १॥

śrīdevyuvācabhagavān sarvadharmajña kulaśāstrārthapāraga |sarvaṃ me kathitaṃ nātha na tvekaṃ parameśvara || 1||

श्रीयोनेः स्तवराजं हि तथा कवचमुत्तमम् ।श्रोतुमिच्छामि सर्वज्ञ यदि तेऽस्ति कृपा मयि ॥ २॥

śrīyoneḥ stavarājaṃ hi tathā kavacamuttamam |śrotumicchāmi sarvajña yadi te'sti kṛpā mayi || 2||

सारभूतं महादेव निगमान्तर्गतं हर ।यदि न कथ्यते देव प्राणत्यागं करोम्यहम् ॥ ३॥

sārabhūtaṃ mahādeva nigamāntargataṃ hara |yadi na kathyate deva prāṇatyāgaṃ karomyaham || 3||

दिवानिशि महाभाग ममाश्रुः पतितं भवेत् ।अतस्तद् देवदेवेश कथ्यतां मे दयानिधे ॥ ४॥

divāniśi mahābhāga mamāśruḥ patitaṃ bhavet |atastad devadeveśa kathyatāṃ me dayānidhe || 4||

श्रीमहादेव उवाच ।शृणु पार्वति वक्ष्यामि देहत्यागं कथं कुरु ।अत्यन्तगोपनीयं हि निगमे कथितं पुरा ॥ ५॥

śrīmahādeva uvāca |śṛṇu pārvati vakṣyāmi dehatyāgaṃ kathaṃ kuru |atyantagopanīyaṃ hi nigame kathitaṃ purā || 5||

ब्रह्माविष्णुग्रहादीनां न मया कथितं पुरा ।अकथ्यं परमेशानि इदानीं कि करोमि ते ॥ ६॥

brahmāviṣṇugrahādīnāṃ na mayā kathitaṃ purā |akathyaṃ parameśāni idānīṃ ki karomi te || 6||

तव स्नेहेन बद्धोऽहं कथयामि तव प्रिये ।मातर्देवि महाभागे यदि कस्मै प्रकाश्यते ।शपथं कुरु मे दुर्गे यदि त्वं मत्प्रिया स्मृता ॥ ७॥

tava snehena baddho'haṃ kathayāmi tava priye |mātardevi mahābhāge yadi kasmai prakāśyate |śapathaṃ kuru me durge yadi tvaṃ matpriyā smṛtā || 7||

ब्रह्मा यदि चतुर्वक्त्रैः पञ्चवक्त्रैः सदाशिवः ।वर्णितुं स्तवराजञ्च न शक्नोति कदाचन ।सम्यग् वक्तुं न शक्नोमि संक्षेपात् कथयामि ते ॥ ८॥

brahmā yadi caturvaktraiḥ pañcavaktraiḥ sadāśivaḥ |varṇituṃ stavarājañca na śaknoti kadācana |samyag vaktuṃ na śaknomi saṃkṣepāt kathayāmi te || 8||

श्री महादेव उवाच ।अस्य श्री योनिस्तवराजस्य कुलाचार्यऋषिः कौलिकछन्दः ।श्रीयोनिरूपा दशविद्यात्मिका देवता सर्वसाधने विनियोगः ॥ॐ योनिरूपे महामाये सर्वसम्पत्प्रदे शुभे ।कृपया सर्वसिद्धिं मे देहि देवि जगन्मयि ॥ १॥

śrī mahādeva uvāca |asya śrī yonistavarājasya kulācāryaṛṣiḥ kaulikachandaḥ |śrīyonirūpā daśavidyātmikā devatā sarvasādhane viniyogaḥ ||oṃ yonirūpe mahāmāye sarvasampatprade śubhe |kṛpayā sarvasiddhiṃ me dehi devi jaganmayi || 1||

सर्वस्वरूपे सर्वेशे सर्वशक्ति समन्विते ।कृपया सर्वसिद्धिं मे देहि देवि जगन्मयि ॥ २॥

sarvasvarūpe sarveśe sarvaśakti samanvite |kṛpayā sarvasiddhiṃ me dehi devi jaganmayi || 2||

महाघोरे महाकालि कुलाचारप्रिये सदा ।कृपया सर्वसिद्धिं मे देहि देवि जगन्मयि ॥ ३॥

mahāghore mahākāli kulācārapriye sadā |kṛpayā sarvasiddhiṃ me dehi devi jaganmayi || 3||

घोरदंष्ट्रे चोग्रतारे सर्वशत्रुविनाशिनि ॥कृपया सर्वसिद्धिं मे देहि देवि जगन्मयि ॥ ४॥

ghoradaṃṣṭre cogratāre sarvaśatruvināśini ||kṛpayā sarvasiddhiṃ me dehi devi jaganmayi || 4||

योनिरूपा महाविद्ये सर्वदा मोक्षदायिनी ।कृपया सर्वसिद्धिं मे देहि देवि जगन्मयि ॥ ५॥

yonirūpā mahāvidye sarvadā mokṣadāyinī |kṛpayā sarvasiddhiṃ me dehi devi jaganmayi || 5||

जगद्धात्रि महाविद्ये जगदुद्धारकारिणि ।कृपया सर्वसिद्धिं मे देहि देवि जगन्मयि ॥ ६॥

jagaddhātri mahāvidye jagaduddhārakāriṇi |kṛpayā sarvasiddhiṃ me dehi devi jaganmayi || 6||

जगद्धात्रि महामाये योनिरूपे सनातनि ।कृपया सर्वसिद्धिं मे देहि देवि जगन्मयि ॥ ७॥

jagaddhātri mahāmāye yonirūpe sanātani |kṛpayā sarvasiddhiṃ me dehi devi jaganmayi || 7||

जय देवि जगन्मातः सृष्टिस्थित्यन्तकारिणी ।कृपया सर्वसिद्धिं मे देहि देवि जगन्मयि ॥ ८॥

jaya devi jaganmātaḥ sṛṣṭisthityantakāriṇī |kṛpayā sarvasiddhiṃ me dehi devi jaganmayi || 8||

सिद्धिदात्रि महामाये सर्वसिद्धिप्रदायिनि ।कृपया सर्वसिद्धिं में देहि देवि जगन्मयि ॥ ९॥

siddhidātri mahāmāye sarvasiddhipradāyini |kṛpayā sarvasiddhiṃ meṃ dehi devi jaganmayi || 9||

महालक्ष्मि महादेवि महामोक्षप्रदायिनि ।कृपया सर्वसिद्धिं मे देहि देवि जगन्मयि ॥ १०॥

mahālakṣmi mahādevi mahāmokṣapradāyini |kṛpayā sarvasiddhiṃ me dehi devi jaganmayi || 10||

गौरी लक्ष्मीश्च मातङ्गी दुर्गा च नवचण्डिका ।बगलामुखी भुवनेशी भैरवी च तथा प्रिये ।छिन्नमस्ता च काली च योनिरुपा सनातनी ।कृपया सर्वसिद्धिं मे देहि देवि जगन्मयि ॥ ११॥

gaurī lakṣmīśca mātaṅgī durgā ca navacaṇḍikā |bagalāmukhī bhuvaneśī bhairavī ca tathā priye |chinnamastā ca kālī ca yonirupā sanātanī |kṛpayā sarvasiddhiṃ me dehi devi jaganmayi || 11||

काली कपालिनी कुल्ला कुरुकुल्ला विरोधिनी ।नायिका विप्रचित्ताद्या अन्या या नायिका स्मृताः ।वसन्ति योनिमाश्रित्य ताभ्योऽपीह नमो नमः ॥ १२॥

kālī kapālinī kullā kurukullā virodhinī |nāyikā vipracittādyā anyā yā nāyikā smṛtāḥ |vasanti yonimāśritya tābhyo'pīha namo namaḥ || 12||

अणिमाद्यष्टसिद्धिश्च वसत्यस्याः समीपतः ।नमस्तेऽस्तु नमस्तेऽस्तु योगमोक्षप्रदायिनि ॥ १३॥

aṇimādyaṣṭasiddhiśca vasatyasyāḥ samīpataḥ |namaste'stu namaste'stu yogamokṣapradāyini || 13||

सर्वशक्तिमये देवि सर्वकल्मषनाशिनि ।हे योने! हर विघ्नं मे सर्वसिद्धिं प्रयच्छ मे ॥ १४॥

sarvaśaktimaye devi sarvakalmaṣanāśini |he yone! hara vighnaṃ me sarvasiddhiṃ prayaccha me || 14||

आधारभूते सर्वेषा पूजकानां प्रियंवदे ।स्वर्गपाताल वासिन्ये योनये च नमो नमः ॥ १५॥

ādhārabhūte sarveṣā pūjakānāṃ priyaṃvade |svargapātāla vāsinye yonaye ca namo namaḥ || 15||

विष्णुसिद्धिप्रदे देवि शिवसिद्धिप्रदायिनी ।ब्रह्मसिद्धिप्रदे देवि रामचन्द्रस्य सिद्धिये ।शक्रादीनाञ्च सर्वेषां सिद्धिदायै नमो नमः ॥ १६॥

viṣṇusiddhiprade devi śivasiddhipradāyinī |brahmasiddhiprade devi rāmacandrasya siddhiye |śakrādīnāñca sarveṣāṃ siddhidāyai namo namaḥ || 16||

फलश्रुतिः ।इति ते कथितं देवि सर्वसिद्धिप्रदायकम् ।स्तोत्र योनेर्महेशानि प्रकाशयामि ते प्रिये ॥ १॥

phalaśrutiḥ |iti te kathitaṃ devi sarvasiddhipradāyakam |stotra yonermaheśāni prakāśayāmi te priye || 1||

सर्वसिद्धिप्रदं स्तोत्रं यः पठेत् कौलिकः प्रिये ।लिखित्वा पुस्तके देवि रक्तद्रव्यैश्च सुन्दरि ॥ २॥

sarvasiddhipradaṃ stotraṃ yaḥ paṭhet kaulikaḥ priye |likhitvā pustake devi raktadravyaiśca sundari || 2||

तस्यासाध्यानि कर्माणि वश्यादीनि कुलेश्वरि ।नास्ति नास्ति पुनर्नास्ति नास्त्येव भुवनत्रये ।यः पठेत् प्रातरुत्थाय गाणपत्यं लभेन्नरः ॥ ३॥

tasyāsādhyāni karmāṇi vaśyādīni kuleśvari |nāsti nāsti punarnāsti nāstyeva bhuvanatraye |yaḥ paṭhet prātarutthāya gāṇapatyaṃ labhennaraḥ || 3||

रात्रौ कान्तासमायोगे यः पठेत् साधकोत्तमः ।स्तवेनानेन संस्तुत्य साधकः किं न साधयेत् ॥ ४॥

rātrau kāntāsamāyoge yaḥ paṭhet sādhakottamaḥ |stavenānena saṃstutya sādhakaḥ kiṃ na sādhayet || 4||

सालङ्कृतां स्वकान्ताञ्च लीलाहावविभूषिताम् ।रक्तवस्त्रपरीधानां कृत्वा सम्पूज्य साधकः ।भोजयित्वा ततो देवि स्वयं भुञ्जीत तत्परः ॥ ५॥

sālaṅkṛtāṃ svakāntāñca līlāhāvavibhūṣitām |raktavastraparīdhānāṃ kṛtvā sampūjya sādhakaḥ |bhojayitvā tato devi svayaṃ bhuñjīta tatparaḥ || 5||

मत्स्यमांसादिकान् भुक्त्वा क्रोडे कृत्वा स्वयोषितम् ।रात्रौ यदि जपेन्मन्त्रं सा दुर्गा स सदाशिवः ।भवत्येव न सन्देहो मम वक्त्राद्विनिर्गतम् ॥ ६॥

matsyamāṃsādikān bhuktvā kroḍe kṛtvā svayoṣitam |rātrau yadi japenmantraṃ sā durgā sa sadāśivaḥ |bhavatyeva na sandeho mama vaktrādvinirgatam || 6||

येन दत्तं मयि स्तोत्रं स एव मद्गुरुः स्मृतेः ।तस्यैव यदि भक्तिः स्यात् स भवेज्जगदीश्वरः ॥ ७॥

yena dattaṃ mayi stotraṃ sa eva madguruḥ smṛteḥ |tasyaiva yadi bhaktiḥ syāt sa bhavejjagadīśvaraḥ || 7||

नमोस्तु स्तवराजाय नमः स्तवप्रकाशिने ।यत्रास्ते स्तवराजोऽयं तत्रास्ते श्रीसदाशिवः ॥ ८॥

namostu stavarājāya namaḥ stavaprakāśine |yatrāste stavarājo'yaṃ tatrāste śrīsadāśivaḥ || 8||

इति शक्तिकागमसर्वस्वे हरपार्वतीसंवादे श्रीयोनिस्तवराजः समाप्तः ।षोउर्चे- षक्ति आगम

iti śaktikāgamasarvasve harapārvatīsaṃvāde śrīyonistavarājaḥ samāptaḥ |ṣource- ṣakti āgama