सीताकृपाकटाक्षस्तोत्रम् Shri Sitakripakataksha Stotram

मुनीन्द्रवृन्दवन्दिते त्रिलोकशोकहारिणिप्रसन्नवक्त्रपङ्कजे निकुञ्जभूविलासिनि ।विदेहभूपनन्दिनि नृपेन्द्रसूनुसङ्गतेकदा करिष्यसीह मां कृपाकटाक्षभाजनम् ॥ १॥

munīndravṛndavandite trilokaśokahāriṇiprasannavaktrapaṅkaje nikuñjabhūvilāsini |videhabhūpanandini nṛpendrasūnusaṅgatekadā kariṣyasīha māṃ kṛpākaṭākṣabhājanam || 1||

अशोकवृक्षवल्लरीवितानमण्डपस्थितेप्रवालजालपल्लवप्रभारुणाङ्घ्रिकोमले ।वराभयस्फुरत्करे प्रभूतसम्पदालयेकदा करिष्यसीह मां कृपाकटाक्षभाजनम् ॥ २॥

aśokavṛkṣavallarīvitānamaṇḍapasthitepravālajālapallavaprabhāruṇāṅghrikomale |varābhayasphuratkare prabhūtasampadālayekadā kariṣyasīha māṃ kṛpākaṭākṣabhājanam || 2||

तडित्सुवर्ण चम्पक प्रदीप्त गौरविग्रहेमुखप्रभापरास्त कोटि शारदेन्दु मण्डले ।विचित्र चित्र सञ्चरच्चकोर शाव लोचनेकदा करिष्यसीह मां कृपाकटाक्षभाजनम् ॥ ३॥

taḍitsuvarṇa campaka pradīpta gauravigrahemukhaprabhāparāsta koṭi śāradendu maṇḍale |vicitra citra sañcaraccakora śāva locanekadā kariṣyasīha māṃ kṛpākaṭākṣabhājanam || 3||

अनङ्गरङ्गमङ्गलप्रसङ्गभङ्गुरध्रुवां (भङ्गुरध्रुवां)सुविभ्रमस्तु सम्भ्रमद् दृगन्तबाणपातनैः ।निरन्तरं वशीकृतावधेशभूपनन्दनेकदा करिष्यसीह मां कृपाकटाक्षभाजनम् ॥ ४॥

anaṅgaraṅgamaṅgalaprasaṅgabhaṅguradhruvāṃ (bhaṅguradhruvāṃ)suvibhramastu sambhramad dṛgantabāṇapātanaiḥ |nirantaraṃ vaśīkṛtāvadheśabhūpanandanekadā kariṣyasīha māṃ kṛpākaṭākṣabhājanam || 4||

मदोन्मदादियौवने प्रमोदमानमण्डितेप्रियानुरागरञ्जिते कलाविलासपण्डिते ।अनन्यधन्यकुञ्जराजि कामकेलिकोविदेकदा करिष्यसीह मां कृपाकटाक्षभाजनम् ॥ ५॥

madonmadādiyauvane pramodamānamaṇḍitepriyānurāgarañjite kalāvilāsapaṇḍite |ananyadhanyakuñjarāji kāmakelikovidekadā kariṣyasīha māṃ kṛpākaṭākṣabhājanam || 5||

विशेषहावभाव धीरहीरहारभूषितेप्रभूतशात कुम्भकुम्भ कुम्भि कुम्भ सुस्तनि ।प्रशस्तमन्दहास्यचूर्णपूर्णसौख्यसागरेकदा करिष्यसीह मां कृपाकटाक्षभाजनम् ॥ ६॥

viśeṣahāvabhāva dhīrahīrahārabhūṣiteprabhūtaśāta kumbhakumbha kumbhi kumbha sustani |praśastamandahāsyacūrṇapūrṇasaukhyasāgarekadā kariṣyasīha māṃ kṛpākaṭākṣabhājanam || 6||

मृणालबालवल्लरी तरङ्गरङ्गदोलितेलताग्रलास्यलोलनीललोचनाविलोकने ।ललल्लुलन् मिलन्मनोजमुग्धमोहमाश्रयेकदा करिष्यसीह मां कृपाकटाक्षभाजनम् ॥ ७॥

mṛṇālabālavallarī taraṅgaraṅgadolitelatāgralāsyalolanīlalocanāvilokane |lalallulan milanmanojamugdhamohamāśrayekadā kariṣyasīha māṃ kṛpākaṭākṣabhājanam || 7||

सुवर्णमालिकाञ्चिते त्रिरेखकम्बुकण्ठकेत्रिसूत्रमङ्गलीगुणत्रिरत्नदूरदीप्यते ।सलोलनीलकुन्तले प्रसूनगुच्छगुम्फितेकदा करिष्यसीह मां कृपाकटाक्षभाजनम् ॥ ८॥

suvarṇamālikāñcite trirekhakambukaṇṭhaketrisūtramaṅgalīguṇatriratnadūradīpyate |salolanīlakuntale prasūnagucchagumphitekadā kariṣyasīha māṃ kṛpākaṭākṣabhājanam || 8||

नितम्बबिम्बलम्बमानपुष्पमेखलागुणेप्रशस्तरत्नकिङ्किणीकलापमध्यमञ्जुले ।करीन्द्रशुण्डदण्डिकावरोहशोभगौरकेकदा करिष्यसीह मां कृपाकटाक्षभाजनम् ॥ ९॥

nitambabimbalambamānapuṣpamekhalāguṇepraśastaratnakiṅkiṇīkalāpamadhyamañjule |karīndraśuṇḍadaṇḍikāvarohaśobhagaurakekadā kariṣyasīha māṃ kṛpākaṭākṣabhājanam || 9||

अनेकमन्त्रनादमञ्जुनूपुरारवस्खलेसुराजराजहंसवंशनिःक्वणातिगौरवे ।विलोलहेमवल्लरीविडम्बिचारुचङ्क्रमेकदा करिष्यसीह मां कृपाकटाक्षभाजनम् ॥ १०॥

anekamantranādamañjunūpurāravaskhalesurājarājahaṃsavaṃśaniḥkvaṇātigaurave |vilolahemavallarīviḍambicārucaṅkramekadā kariṣyasīha māṃ kṛpākaṭākṣabhājanam || 10||

अनन्तकोटिविष्णुलोकनम्रपद्मजार्चितेहिमाद्रिजापुलोमजाविरञ्चिजावरप्रदे ।अपारसिद्धिवृद्धिदिग्धसत्पदाङ्गुलीनखेकदा करिष्यसीह मां कृपाकटाक्षभाजनम् ॥ ११॥

anantakoṭiviṣṇulokanamrapadmajārcitehimādrijāpulomajāvirañcijāvaraprade |apārasiddhivṛddhidigdhasatpadāṅgulīnakhekadā kariṣyasīha māṃ kṛpākaṭākṣabhājanam || 11||

मखेश्वरी क्रियेश्वरी स्वधेश्वरी सुरेश्वरीत्रिवेदभारतीश्वरी प्रमाणशासनेश्वरी ।रमेश्वरी क्षमेश्वरी प्रमोदकाननेश्वरीकदा करिष्यसीह मां कृपाकटाक्षभाजनम् ॥ १२॥

makheśvarī kriyeśvarī svadheśvarī sureśvarītrivedabhāratīśvarī pramāṇaśāsaneśvarī |rameśvarī kṣameśvarī pramodakānaneśvarīkadā kariṣyasīha māṃ kṛpākaṭākṣabhājanam || 12||

इतीदमद्भुतस्तवं निशम्य भूमिनन्दिनीकरोति सन्ततं जनं कृपाकटाक्षभाजनम् ।भवत्यनेकसञ्चितं त्रिरूपकर्मनाशनंलभेत्तथा नरेन्द्रसूनु मन्दिरप्रवेशनम् ॥ १३॥

itīdamadbhutastavaṃ niśamya bhūminandinīkaroti santataṃ janaṃ kṛpākaṭākṣabhājanam |bhavatyanekasañcitaṃ trirūpakarmanāśanaṃlabhettathā narendrasūnu mandirapraveśanam || 13||

राकायां च नवम्यां च दशम्यां च विशुद्धधीः ।एकादश्यां त्रयोदश्यां यः पठेत्साधकः सुधीः ॥ १४॥

rākāyāṃ ca navamyāṃ ca daśamyāṃ ca viśuddhadhīḥ |ekādaśyāṃ trayodaśyāṃ yaḥ paṭhetsādhakaḥ sudhīḥ || 14||

यं यं कामयते कामं तं तं प्राप्नोति साधकः ।सीताकृपाकटाक्षेण भक्तिः स्यात्प्रेमलक्षणा ॥ १५॥

yaṃ yaṃ kāmayate kāmaṃ taṃ taṃ prāpnoti sādhakaḥ |sītākṛpākaṭākṣeṇa bhaktiḥ syātpremalakṣaṇā || 15||

उरुदघ्ने नाभिदघ्ने हृदघ्ने कण्ठदघ्नके ।सीताकुण्डे जले स्थित्वा यः पठेत्साधकः सतम् ॥ १६॥

urudaghne nābhidaghne hṛdaghne kaṇṭhadaghnake |sītākuṇḍe jale sthitvā yaḥ paṭhetsādhakaḥ satam || 16||

तस्यसर्वार्थसिद्धिः स्यात् वाक्यसामर्थ्यमेव च ।ऐश्वर्यं च लभेत्साक्षात् दृशापश्यतिजानकीम् ॥ १७॥

tasyasarvārthasiddhiḥ syāt vākyasāmarthyameva ca |aiśvaryaṃ ca labhetsākṣāt dṛśāpaśyatijānakīm || 17||

तेन सा तत्क्षणादेव तुष्टा दत्ते महावरम् ।तेन पश्यति नेत्राभ्यां तत्प्रियं श्यामसुन्दरम् ॥ १८॥

tena sā tatkṣaṇādeva tuṣṭā datte mahāvaram |tena paśyati netrābhyāṃ tatpriyaṃ śyāmasundaram || 18||

नित्य लीला प्रवेशं च ददाति श्रीरघूत्तमः ।अतः परतरं प्रार्थ्यं वैष्णवानां न विद्यते ॥ १९॥

nitya līlā praveśaṃ ca dadāti śrīraghūttamaḥ |ataḥ parataraṃ prārthyaṃ vaiṣṇavānāṃ na vidyate || 19||

इति श्रीसीताकृपाकटाक्षस्तोत्रं सम्पूर्णम् ।

iti śrīsītākṛpākaṭākṣastotraṃ sampūrṇam |