प्रत्यङ्गिराकवचम् सर्वार्थसाधकम् Shri Pratyangira Sharvarthasadhaka Khavacham

देव्युवाच ।भगवन् सर्वधर्मज्ञ सर्वशास्त्रार्थपारग ।देव्याः प्रत्यङ्गिरायाश्च कवचं यत्प्रकाशितम् ॥ १॥

devyuvāca |bhagavan sarvadharmajña sarvaśāstrārthapāraga |devyāḥ pratyaṅgirāyāśca kavacaṃ yatprakāśitam || 1||

सर्वार्थसाधनं नाम कथयस्व मयि प्रभो ।भैरव उवाच ।शृणु देवि प्रवक्ष्यामि कवचं परमाद्भुतम् ॥ २॥

sarvārthasādhanaṃ nāma kathayasva mayi prabho |bhairava uvāca |śṛṇu devi pravakṣyāmi kavacaṃ paramādbhutam || 2||

सर्वार्थसाधनं नाम त्रैलोक्ये चाऽतिदुर्लभम् ।सर्वसिद्धिमयं देवि सर्वैश्वर्यप्रदायकम् ॥ ३॥

sarvārthasādhanaṃ nāma trailokye cā'tidurlabham |sarvasiddhimayaṃ devi sarvaiśvaryapradāyakam || 3||

पठनाच्छ्र्वणान्मर्त्यस्त्रैलोक्यैश्वर्यभाग्भवेत् ।सर्वार्थसाधकस्याऽस्य कवचस्य ऋषिः शिवः ॥ ४॥

paṭhanācchrvaṇānmartyastrailokyaiśvaryabhāgbhavet |sarvārthasādhakasyā'sya kavacasya ṛṣiḥ śivaḥ || 4||

छन्दो विराट् पराशक्तिर्जगद्धात्री च देवता ।धर्माऽर्थकाममोक्षेषु विनियोगः प्रकीर्तितः ॥ ५॥

chando virāṭ parāśaktirjagaddhātrī ca devatā |dharmā'rthakāmamokṣeṣu viniyogaḥ prakīrtitaḥ || 5||

विनियोगःॐ श्रीसर्वार्थसाधककवचस्य शिव ऋषिः ।विराट् छन्दः । श्रीमत्प्रत्यङ्गिरा देवता । ऐं बीजम् । ह्रीं शक्तिः ।श्रीं कीलकं श्रीसदाशिवदेवता प्रीत्यर्थे पाठे विनियोगः ॥ॐ प्रणवं मे शिरः पातु वाग्भवं च ललाटकम् ।ह्रीं पातु दक्षनेत्रं मे लक्ष्मीर्वाम सुरेश्वरी ॥ १॥

viniyogaḥoṃ śrīsarvārthasādhakakavacasya śiva ṛṣiḥ |virāṭ chandaḥ | śrīmatpratyaṅgirā devatā | aiṃ bījam | hrīṃ śaktiḥ |śrīṃ kīlakaṃ śrīsadāśivadevatā prītyarthe pāṭhe viniyogaḥ ||oṃ praṇavaṃ me śiraḥ pātu vāgbhavaṃ ca lalāṭakam |hrīṃ pātu dakṣanetraṃ me lakṣmīrvāma sureśvarī || 1||

प्रत्यङ्गिरा दक्षकर्ण वामे कामेश्वरी तथा ।लक्ष्मीः प्राणं सदा पातु वदनं पातु केशवः ॥ २॥

pratyaṅgirā dakṣakarṇa vāme kāmeśvarī tathā |lakṣmīḥ prāṇaṃ sadā pātu vadanaṃ pātu keśavaḥ || 2||

गौरी तु रसनां पातु कण्ठं पातु महेश्वरः ।स्कन्धदेशं रतिः पातु भुजौ तु मकरध्वजः ॥ ३॥

gaurī tu rasanāṃ pātu kaṇṭhaṃ pātu maheśvaraḥ |skandhadeśaṃ ratiḥ pātu bhujau tu makaradhvajaḥ || 3||

शङ्खनिधिः करौ पातु वक्षः पद्मनिधिस्तथा ।ब्राह्मी मध्यं सदा पातु नाभिं पातु महेश्वरी ॥ ४॥

śaṅkhanidhiḥ karau pātu vakṣaḥ padmanidhistathā |brāhmī madhyaṃ sadā pātu nābhiṃ pātu maheśvarī || 4||

कौमारी पृष्ठदेशं तु गुह्यं रक्षतु वैष्णवी ।वाराही च कटिम्पातु चैन्द्री पातु पदद्वयम् ॥ ५॥

kaumārī pṛṣṭhadeśaṃ tu guhyaṃ rakṣatu vaiṣṇavī |vārāhī ca kaṭimpātu caindrī pātu padadvayam || 5||

भार्यां रक्षतु चामुण्डा लक्ष्मी रक्षतु पुत्रकान् ।इन्द्रः पूर्वे सदा पातु आग्नेय्यां अग्निदेवता ॥ ६॥

bhāryāṃ rakṣatu cāmuṇḍā lakṣmī rakṣatu putrakān |indraḥ pūrve sadā pātu āgneyyāṃ agnidevatā || 6||

याम्ये यमः सदा पातु नैरृत्यां निरृतिस्तथा ।पश्चिमे वरुणः पातु वायव्यां वायुदेवता ॥ ७॥

yāmye yamaḥ sadā pātu nairṛtyāṃ nirṛtistathā |paścime varuṇaḥ pātu vāyavyāṃ vāyudevatā || 7||

सौम्यां सोमः सदा पातु चैशान्यामीश्वरो विभुः ।ऊर्ध्वं प्रजापतिः पातु ह्यधश्चाऽनन्तदेवता ॥ ८॥

saumyāṃ somaḥ sadā pātu caiśānyāmīśvaro vibhuḥ |ūrdhvaṃ prajāpatiḥ pātu hyadhaścā'nantadevatā || 8||

राजद्वारे श्मशाने तु अरण्ये प्रान्तरे तथा ।जले स्थले चाऽन्तरिक्षे शत्रूणां निग्रहे तथा ॥ ९॥

rājadvāre śmaśāne tu araṇye prāntare tathā |jale sthale cā'ntarikṣe śatrūṇāṃ nigrahe tathā || 9||

एताभिः सहिता देवी चतुर्बीजा महेश्वरी ।प्रत्यङ्गिरा महाशक्तिः सर्वत्र मां सदाऽवतु ॥ १०॥

etābhiḥ sahitā devī caturbījā maheśvarī |pratyaṅgirā mahāśaktiḥ sarvatra māṃ sadā'vatu || 10||

फलश्रुतिः ।इति ते कथितं देवि सारात्सारं परात्परम् ।सर्वार्थसाधनं नाम कवचं परमाद्भुतम् ॥ १॥

phalaśrutiḥ |iti te kathitaṃ devi sārātsāraṃ parātparam |sarvārthasādhanaṃ nāma kavacaṃ paramādbhutam || 1||

अस्याऽपि पठनात्सद्यः कुबेरोऽपि धनेश्वरः ।इन्द्राद्याः सकला देवाः धारणात्पठनाद्यतः ॥ २॥

asyā'pi paṭhanātsadyaḥ kubero'pi dhaneśvaraḥ |indrādyāḥ sakalā devāḥ dhāraṇātpaṭhanādyataḥ || 2||

सर्वसिद्धीश्वरो सन्तः सर्वैश्वर्यमवाप्नुयुः ।प्रीतिमन्येऽन्यतः कृत्वा कमला निश्चला गृहे ॥ ३॥

sarvasiddhīśvaro santaḥ sarvaiśvaryamavāpnuyuḥ |prītimanye'nyataḥ kṛtvā kamalā niścalā gṛhe || 3||

वाणी च निवसेद्वक्त्रे सत्यं सत्यं न संशयः ।यो धारयति पुण्यात्मा सर्वार्थसाधनाभिधम् ॥ ४॥

vāṇī ca nivasedvaktre satyaṃ satyaṃ na saṃśayaḥ |yo dhārayati puṇyātmā sarvārthasādhanābhidham || 4||

कवचं परमं पुण्यं सोऽपि पुण्यवतां वरः ।सर्वैश्वर्ययुतो भूत्वा त्रैलोक्यविजयी भवेत् ॥ ५॥

kavacaṃ paramaṃ puṇyaṃ so'pi puṇyavatāṃ varaḥ |sarvaiśvaryayuto bhūtvā trailokyavijayī bhavet || 5||

पुरुषो दक्षिणे बाहौ नारी वामभुजे तथा ।बहुपुत्रवती भूयाद्वन्ध्याऽपि लभते सुतम् ॥ ६॥

puruṣo dakṣiṇe bāhau nārī vāmabhuje tathā |bahuputravatī bhūyādvandhyā'pi labhate sutam || 6||

ब्रह्मास्त्रादीनि शस्त्राणि नैव कृन्तन्ति तत्तनुम् ।एतत्कवचमज्ञात्वा यो जपेत्परमेश्वरीम् ॥ ७॥

brahmāstrādīni śastrāṇi naiva kṛntanti tattanum |etatkavacamajñātvā yo japetparameśvarīm || 7||

दारिद्र्यं परमं प्राप्य सोऽचिरान्मृत्युमाप्नुयात् ॥श्री रुद्रयामल तन्त्रे पञ्चाङ्गखण्डे प्रत्यङ्गिरायाःसर्वार्थसाधनं नामकं कवचं परिपूर्णम् ॥

dāridryaṃ paramaṃ prāpya so'cirānmṛtyumāpnuyāt ||śrī rudrayāmala tantre pañcāṅgakhaṇḍe pratyaṅgirāyāḥsarvārthasādhanaṃ nāmakaṃ kavacaṃ paripūrṇam ||