राकिणीकेशवसहस्रनामस्तोत्रम् Shri Rakinikeshava Sahasranama Stotram

श्रीगणेशाय नमः ।आनन्दभैरवी उवाच ।कथयामि महाकाल परमाद्भुतसाधनम् ।कुण्डलीरूपिणी देवी राकिण्याः कुलवल्लभ ॥ १॥

śrīgaṇeśāya namaḥ |ānandabhairavī uvāca |kathayāmi mahākāla paramādbhutasādhanam |kuṇḍalīrūpiṇī devī rākiṇyāḥ kulavallabha || 1||

मानसं द्रव्यमानीय चाथवा बाह्यद्रव्यकम् ।अनष्टहृष्टचित्तश्च पूजयेत् सावधानतः ॥ २॥

mānasaṃ dravyamānīya cāthavā bāhyadravyakam |anaṣṭahṛṣṭacittaśca pūjayet sāvadhānataḥ || 2||

भक्त्या जपेन्मूलमन्त्रं मानसं सर्वमेव च ।पूजयित्वा ततो जप्त्वा होमं कुर्यात् परामृतैः ॥ ३॥

bhaktyā japenmūlamantraṃ mānasaṃ sarvameva ca |pūjayitvā tato japtvā homaṃ kuryāt parāmṛtaiḥ || 3||

समासैः पक्वनैवेद्यैः सुगन्धिकुसुमैस्तथा ।स्वयम्भूकुसुमैनीत्यमर्घ्यं कृत्त्वा निवेदयेत् ॥ ४॥

samāsaiḥ pakvanaivedyaiḥ sugandhikusumaistathā |svayambhūkusumainītyamarghyaṃ kṛttvā nivedayet || 4||

सुमुखं पूजयेन्नित्यं मधुमांसेन शङ्कर ।हुत्वा हुत्वा पुनर्हुत्वा प्राणवाय्वग्निसङ्गमैः ॥ ५॥

sumukhaṃ pūjayennityaṃ madhumāṃsena śaṅkara |hutvā hutvā punarhutvā prāṇavāyvagnisaṅgamaiḥ || 5||

भ्रामयित्त्वा मनो बाह्ये स्थापयित्त्वा पुनः पुनः ।पुनरागम्यगमनं कारयित्त्वा सुमङ्गलम् ॥ ६॥

bhrāmayittvā mano bāhye sthāpayittvā punaḥ punaḥ |punarāgamyagamanaṃ kārayittvā sumaṅgalam || 6||

वाचयित्त्वा सुवाणीभिर्याचयित्त्वा सवापिकम् ।तर्पणं चाभिषेकञ्च केवलासवमिश्रितैः ॥ ७॥

vācayittvā suvāṇībhiryācayittvā savāpikam |tarpaṇaṃ cābhiṣekañca kevalāsavamiśritaiḥ || 7||

मांसैर्मुद्रादिभिर्मत्स्यैः सारद्रव्यैः सपिष्टकैः ।घृतादिसुफलैर्वापि यद् यदायाति कौलिके ॥ ८॥

māṃsairmudrādibhirmatsyaiḥ sāradravyaiḥ sapiṣṭakaiḥ |ghṛtādisuphalairvāpi yad yadāyāti kaulike || 8||

अचलां भक्तिमाप्नोति विश्वामित्रो यथा वशी ।तत्तद्द्रव्यैः साधकेन्द्रो नित्यं सन्तर्प्य सञ्जपेत् ॥ ९॥

acalāṃ bhaktimāpnoti viśvāmitro yathā vaśī |tattaddravyaiḥ sādhakendro nityaṃ santarpya sañjapet || 9||

ॐ महाकाल कृष्णेन्द्र नीलमणिनिभ राकिणीवल्लभ कुण्डलीमहावीर राकिणी कैवल्यमोक्षदात्र्यै नमः ॥क्रां कौं क्रं क्रं क्लीं श्रीं रां रीं रूं रें रैं रों रौं र रः स्वाहा ॥परमवैष्णवो महाभैरवी महाविष्णुः कुलदेवता परजननिष्फलपुरुषोत्तम वासुदेव हृषीकेशकेशव नारायण दामोदर पञ्चचूडचतुर्भुजशङ्खचक्रगदाधर राकिणी सूक्ष्मा कुलकुण्डली राधिकाबाह्यदेवता श्री श्रीविद्याचैतन्यानन्दमयी विश्वव्यापिका जगन्मोहिनीमूलात् प्रगच्छन्ती षडाधारभेदिनी षड्दलाकार प्रकाशिनी मनोभवामांस मांसरुधिरादिशरीरपरिवारादिकं पालय पालय गोपय गोपयस्थापय स्थापय शत्रून् घातय घातय हौं हौं स्थों इस हसकलहीं सकल ह्रीं श्रीं जुहोमि नमो नमः स्वाहा ॥एतन्मन्त्रं पाठित्त्वा च तर्पणञ्च समाचरेत् ।तर्पणान्ते चाभिषेकं सदा कुर्याच्च तान्त्रिकः ॥ १०॥

oṃ mahākāla kṛṣṇendra nīlamaṇinibha rākiṇīvallabha kuṇḍalīmahāvīra rākiṇī kaivalyamokṣadātryai namaḥ ||krāṃ kauṃ kraṃ kraṃ klīṃ śrīṃ rāṃ rīṃ rūṃ reṃ raiṃ roṃ rauṃ ra raḥ svāhā ||paramavaiṣṇavo mahābhairavī mahāviṣṇuḥ kuladevatā parajananiṣphalapuruṣottama vāsudeva hṛṣīkeśakeśava nārāyaṇa dāmodara pañcacūḍacaturbhujaśaṅkhacakragadādhara rākiṇī sūkṣmā kulakuṇḍalī rādhikābāhyadevatā śrī śrīvidyācaitanyānandamayī viśvavyāpikā jaganmohinīmūlāt pragacchantī ṣaḍādhārabhedinī ṣaḍdalākāra prakāśinī manobhavāmāṃsa māṃsarudhirādiśarīraparivārādikaṃ pālaya pālaya gopaya gopayasthāpaya sthāpaya śatrūn ghātaya ghātaya hauṃ hauṃ sthoṃ isa hasakalahīṃ sakala hrīṃ śrīṃ juhomi namo namaḥ svāhā ||etanmantraṃ pāṭhittvā ca tarpaṇañca samācaret |tarpaṇānte cābhiṣekaṃ sadā kuryācca tāntrikaḥ || 10||

मूलान्ते चाभिषिञ्चामि नमः स्वाहा पदं ततः ।ततो हि प्रणमेद्भक्त्या अष्टाङ्गनतिभिः प्रभो ॥ ११॥

mūlānte cābhiṣiñcāmi namaḥ svāhā padaṃ tataḥ |tato hi praṇamedbhaktyā aṣṭāṅganatibhiḥ prabho || 11||

सहस्रनाम्ना स्तवनमष्टोत्तरसमन्वितम् ।अर्धाङ्ग राकिणीयुक्तं राकिणीकेशवस्तवम् ॥ १२॥

sahasranāmnā stavanamaṣṭottarasamanvitam |ardhāṅga rākiṇīyuktaṃ rākiṇīkeśavastavam || 12||

शृणु तं सकलं नाथ यत्र श्रद्धा सदा तव ।श्रवणार्थं बहूक्तं तत् कृपया ते वदाम्यह ॥ १३॥

śṛṇu taṃ sakalaṃ nātha yatra śraddhā sadā tava |śravaṇārthaṃ bahūktaṃ tat kṛpayā te vadāmyaha || 13||

एतत् श्रवणमात्रेण सर्वपापक्षयो भवेत् ।राकिणीसङ्गमं नाथ स्तवनं नाम पावनम् ॥ १४॥

etat śravaṇamātreṇa sarvapāpakṣayo bhavet |rākiṇīsaṅgamaṃ nātha stavanaṃ nāma pāvanam || 14||

ये पठन्ति श्रद्धया चाश्रद्धया वा पुनः पुनः ।तस्य सर्वः पापराशिः क्षयं याति क्षणादिह ॥ १५॥

ye paṭhanti śraddhayā cāśraddhayā vā punaḥ punaḥ |tasya sarvaḥ pāparāśiḥ kṣayaṃ yāti kṣaṇādiha || 15||

काले काले महावीरो भवत्येव हि योगिराट् ।संसारोत्तारणे युक्तो महाबलपराक्रमः ॥ १६॥

kāle kāle mahāvīro bhavatyeva hi yogirāṭ |saṃsārottāraṇe yukto mahābalaparākramaḥ || 16||

अस्य श्रीमहदानन्द कुलमङ्गल कालसुन्दरकृष्णमुकुन्दनारायणराकिणीकुलकुण्डलिनीमिलनसर्वसाधननिष्फलायपरमोक्षाय नित्यसुखाय योगसिद्धयेऽष्टोत्तरसहस्रनामस्तोत्रस्यगणेशकुलगणाधिपतिः ऋषिर्बृहतीच्छन्दः श्रीमत्कृष्णमहाकालपुरुषोत्तमकुलकुण्डलिनी राधाराकिणीदेवताषड्दलाधारादिप्रकाश षट्पद्मसिद्धयर्थे जपे विनियोगः ॥अथ सहस्रनामस्तोत्रम् ।ॐ श्रीकृष्णो महामाया यादवो देवराकिणी ।गोविन्दो विश्वजननी महाविष्णुर्महेश्वरी ॥ १७॥

asya śrīmahadānanda kulamaṅgala kālasundarakṛṣṇamukundanārāyaṇarākiṇīkulakuṇḍalinīmilanasarvasādhananiṣphalāyaparamokṣāya nityasukhāya yogasiddhaye'ṣṭottarasahasranāmastotrasyagaṇeśakulagaṇādhipatiḥ ṛṣirbṛhatīcchandaḥ śrīmatkṛṣṇamahākālapuruṣottamakulakuṇḍalinī rādhārākiṇīdevatāṣaḍdalādhārādiprakāśa ṣaṭpadmasiddhayarthe jape viniyogaḥ ||atha sahasranāmastotram |oṃ śrīkṛṣṇo mahāmāyā yādavo devarākiṇī |govindo viśvajananī mahāviṣṇurmaheśvarī || 17||

मुकुन्दो मालती माला विमला विमलाकृतिः ।रमानाथो महादेवी महायोगी प्रभावती ॥ १८॥

mukundo mālatī mālā vimalā vimalākṛtiḥ |ramānātho mahādevī mahāyogī prabhāvatī || 18||

वैकुण्ठो देवजननी दहनो दहनप्रिया ।दैत्यारिर्दैत्यमथिनी मुनीशो मौनभाविता ॥ १९॥

vaikuṇṭho devajananī dahano dahanapriyā |daityārirdaityamathinī munīśo maunabhāvitā || 19||

नारायणो जयकला करुणो करुणामयी ।हृषीकेशः कौशिकी च केशवः केशिघातिनी ॥ २०॥

nārāyaṇo jayakalā karuṇo karuṇāmayī |hṛṣīkeśaḥ kauśikī ca keśavaḥ keśighātinī || 20||

किशोरापि कैशोरी महाकाली महाकला ।महायज्ञो यज्ञहर्त्री दक्षेशो दक्षकन्यका ॥ २१॥

kiśorāpi kaiśorī mahākālī mahākalā |mahāyajño yajñahartrī dakṣeśo dakṣakanyakā || 21||

महाबली महाबाला बालको देवबालिका ।चक्रधारी चक्रकरा चक्राङ्गः चक्रमदीका ॥ २२॥

mahābalī mahābālā bālako devabālikā |cakradhārī cakrakarā cakrāṅgaḥ cakramadīkā || 22||

अमरो युवती भीमो भया देवो दिविस्थिता ।श्रीकरो वेशदा वैद्यो गुणा योगी कुलस्थिता ॥ २३॥

amaro yuvatī bhīmo bhayā devo divisthitā |śrīkaro veśadā vaidyo guṇā yogī kulasthitā || 23||

समयज्ञो मानसज्ञा क्रियाविज्ञः क्रियान्विता ।अक्षरो वनमाला च कालरूपी कुलाक्षरा ॥ २४॥

samayajño mānasajñā kriyāvijñaḥ kriyānvitā |akṣaro vanamālā ca kālarūpī kulākṣarā || 24||

विशालाक्षो दीर्घनेत्रा जयदो जयवाहना ।शान्तः शान्तिकरी श्यामो विमलश्याम विग्रहा ॥ २५॥

viśālākṣo dīrghanetrā jayado jayavāhanā |śāntaḥ śāntikarī śyāmo vimalaśyāma vigrahā || 25||

कमलेशो महालक्ष्मी सत्यः साध्वी शिशुः प्रभा ।विद्युताकारवदनो विद्युत्पुञ्जनभोदया ॥ २६॥

kamaleśo mahālakṣmī satyaḥ sādhvī śiśuḥ prabhā |vidyutākāravadano vidyutpuñjanabhodayā || 26||

राधेश्वरो राकिणी च कुलदेवः कुलामरा ।दक्षिणो दक्षिणी श्रीदा क्रियादक्षो महालया ॥ २७॥

rādheśvaro rākiṇī ca kuladevaḥ kulāmarā |dakṣiṇo dakṣiṇī śrīdā kriyādakṣo mahālayā || 27||

वशिष्ठगमनो विद्या विद्येशो वाक्सरस्वती ।अतीन्द्रियो योगमाता रणेशी रणपण्डिता ॥ २८॥

vaśiṣṭhagamano vidyā vidyeśo vāksarasvatī |atīndriyo yogamātā raṇeśī raṇapaṇḍitā || 28||

कृतान्तको बालकृष्णा कमनीयः सुकामना ।अनन्तो अनन्तगुणदा वाणीनाथो विलक्षणा ॥ २९॥

kṛtāntako bālakṛṣṇā kamanīyaḥ sukāmanā |ananto anantaguṇadā vāṇīnātho vilakṣaṇā || 29||

गोपालो गोपवनिता गोगोप कुलात्मजा ।मौनी मौनकरोल्लासा मानवो मानवात्मजा ॥ ३०॥

gopālo gopavanitā gogopa kulātmajā |maunī maunakarollāsā mānavo mānavātmajā || 30||

सर्वाच्छिन्नो मोहिनी च मायी माया शरीरजा ।अक्षुण्णो वज्रदेहस्था गरुडस्थो हि गारुडी ॥ ३१॥

sarvācchinno mohinī ca māyī māyā śarīrajā |akṣuṇṇo vajradehasthā garuḍastho hi gāruḍī || 31||

सत्यप्रिया रुक्मिणी च सत्यप्राणोऽमृतापहा ।सत्यकर्मा सत्यभामा सत्यरूपी त्रिसत्यदा ॥ ३२॥

satyapriyā rukmiṇī ca satyaprāṇo'mṛtāpahā |satyakarmā satyabhāmā satyarūpī trisatyadā || 32||

शशीशो विधुवदना कृष्णवर्णो विशालधीः ।त्रिविक्रमो विक्रमस्था स्थितिमार्गः स्थितिप्रिया ॥ ३३॥

śaśīśo vidhuvadanā kṛṣṇavarṇo viśāladhīḥ |trivikramo vikramasthā sthitimārgaḥ sthitipriyā || 33||

श्रीमाधवो माधवी च मधुहा मधुसूदनी ।वैकुण्ठनाथो विकला विवेकस्थो विवेकिनी ॥ ३४॥

śrīmādhavo mādhavī ca madhuhā madhusūdanī |vaikuṇṭhanātho vikalā vivekastho vivekinī || 34||

विवादस्थो विवादेशी कुम्भकः कुम्भकारिका ।सुधापानः सुधारूपा सुवेशो देवमोहिनी ॥ ३५॥

vivādastho vivādeśī kumbhakaḥ kumbhakārikā |sudhāpānaḥ sudhārūpā suveśo devamohinī || 35||

प्रक्रियाधारको धन्या धन्यार्थो धन्यविग्रहा ।धरणीशो महानन्ता सानन्तो नन्दनप्रिया ॥ ३६॥

prakriyādhārako dhanyā dhanyārtho dhanyavigrahā |dharaṇīśo mahānantā sānanto nandanapriyā || 36||

प्रियो विप्रियहरा च विप्रपूज्यो द्विजप्रिया ।कान्तो विधुमुखी वेद्यो विद्या वागीश्वरोऽरुणा ॥ ३७॥

priyo vipriyaharā ca viprapūjyo dvijapriyā |kānto vidhumukhī vedyo vidyā vāgīśvaro'ruṇā || 37||

अकामी कामरहिता कम्रो विलचरप्रिया ।पुण्डरीको विकुण्डस्था वैकुण्ठो बालभाविनी ॥ ३८॥

akāmī kāmarahitā kamro vilacarapriyā |puṇḍarīko vikuṇḍasthā vaikuṇṭho bālabhāvinī || 38||

पद्मनेत्र पद्ममाला पद्महस्तोऽम्बुजानना ।पद्मनाभिः पद्मनेत्रा पद्मस्थः पद्मवाहना ॥ ३९॥

padmanetra padmamālā padmahasto'mbujānanā |padmanābhiḥ padmanetrā padmasthaḥ padmavāhanā || 39||

वासुदेवो बृहद्गर्भा महामानी महाञ्जना ।कारुण्यो बालगर्भा च आकाशस्थो विभाण्डजा ॥ ४०॥

vāsudevo bṛhadgarbhā mahāmānī mahāñjanā |kāruṇyo bālagarbhā ca ākāśastho vibhāṇḍajā || 40||

तेजोराशिस्तैजसी च भयाच्छन्नो भयप्रदा ।उपेन्द्रो वर्णजालस्था स्वतन्त्रस्थो विमानगा ॥ ४१॥

tejorāśistaijasī ca bhayācchanno bhayapradā |upendro varṇajālasthā svatantrastho vimānagā || 41||

नगेन्द्रस्थो नागिनी च नगेशो नागनन्दिनी ।सार्वभौमो महाकाली नगेन्द्रः नन्दिनीसुता ॥ ४२॥

nagendrastho nāginī ca nageśo nāganandinī |sārvabhaumo mahākālī nagendraḥ nandinīsutā || 42||

कामदेवाश्रयो माया मित्रस्थो मित्रवासना ।मानभङ्गकरो रावा वारणारिप्रियः प्रिया ॥ ४३॥

kāmadevāśrayo māyā mitrastho mitravāsanā |mānabhaṅgakaro rāvā vāraṇāripriyaḥ priyā || 43||

रिपुहा राकिणी माता सुमित्रो मित्ररक्षिका ।कालान्त कलहा देवी पीतवासाम्बरप्रिया ॥ ४४॥

ripuhā rākiṇī mātā sumitro mitrarakṣikā |kālānta kalahā devī pītavāsāmbarapriyā || 44||

पापहर्ता पापहन्त्री निष्पापः पापनाशिनी ।परानन्दप्रियो मीना मीनरूपी मलापहा ॥ ४५॥

pāpahartā pāpahantrī niṣpāpaḥ pāpanāśinī |parānandapriyo mīnā mīnarūpī malāpahā || 45||

इन्द्रनीलमणिश्यामो महेन्द्रो नीलरूपिणी ।नीलकण्ठप्रियो दुर्गा दुर्गादुर्गतिनाशिनी ॥ ४६॥

indranīlamaṇiśyāmo mahendro nīlarūpiṇī |nīlakaṇṭhapriyo durgā durgādurgatināśinī || 46||

त्रिकोणमन्दिरश्रीदो विमाया मन्दिरस्थिता ।मकरन्दरसोल्लासो मकरन्दरसप्रिया ॥ ४७॥

trikoṇamandiraśrīdo vimāyā mandirasthitā |makarandarasollāso makarandarasapriyā || 47||

दारुणारिनिहन्ता च दारुणारिविनाशिनी ।कलिकालकुलाचारः कलिकालफलावहा ॥ ४८॥

dāruṇārinihantā ca dāruṇārivināśinī |kalikālakulācāraḥ kalikālaphalāvahā || 48||

कालक्षेत्रस्थितो रौद्री व्रतस्थो व्रतधारिणी ।विशालाक्षो विशालास्या चमत्कारो करोद्यमा ॥ ४९॥

kālakṣetrasthito raudrī vratastho vratadhāriṇī |viśālākṣo viśālāsyā camatkāro karodyamā || 49||

लकारस्थो लाकिनी च लाङ्गली लोलयान्विता ।नाकस्थो नाकपदका नाकाक्षो नाकरक्षका ॥ ५०॥

lakārastho lākinī ca lāṅgalī lolayānvitā |nākastho nākapadakā nākākṣo nākarakṣakā || 50||