मङ्गलाम्बाष्टकम् Shri Mangala Ambashtakam

श्री कुम्भघोण नगराम्बुधिचन्द्रकान्तेश्री कुम्भनाथहृदयाम्बुजभानुकान्ते ।श्रीमद्गजाननकुमारसवित्रि सौम्येश्रीमङ्गलाम्ब मयि देहि कृपाकटाक्षम् ॥ १॥

śrī kumbhaghoṇa nagarāmbudhicandrakānteśrī kumbhanāthahṛdayāmbujabhānukānte |śrīmadgajānanakumārasavitri saumyeśrīmaṅgalāmba mayi dehi kṛpākaṭākṣam || 1||

स्वर्णाचलाकलितकार्मुकचित्तगेहेस्वर्णप्रदाननिरते नमतां नराणाम् ।स्वर्गौकसामपि कृपापरधूतभीतेश्रीमङ्गलाम्ब मयि देहि कृपाकटाक्षम् ॥ २॥

svarṇācalākalitakārmukacittagehesvarṇapradānanirate namatāṃ narāṇām |svargaukasāmapi kṛpāparadhūtabhīteśrīmaṅgalāmba mayi dehi kṛpākaṭākṣam || 2||

मन्दारमूलविलसन्मणिमण्टपस्थेमन्मानसाम्बुरुहमन्थरमत्तभृङ्गि ।मन्दस्मिताञ्चितमनोज्ञमुखारविन्देश्रीमङ्गलाम्ब मयि देहि कृपाकटाक्षम् ॥ ३॥

mandāramūlavilasanmaṇimaṇṭapasthemanmānasāmburuhamantharamattabhṛṅgi |mandasmitāñcitamanojñamukhāravindeśrīmaṅgalāmba mayi dehi kṛpākaṭākṣam || 3||

कर्णावलम्बिमणिकुण्डलमण्डितास्येस्वर्णोपवीतरुचिरम्यभुजान्तराले ।पर्णाम्बुमूलपवनाशिमुनीन्द्रमान्येश्रीमङ्गलाम्ब मयि देहि कृपाकटाक्षम् ॥ ४॥

karṇāvalambimaṇikuṇḍalamaṇḍitāsyesvarṇopavītaruciramyabhujāntarāle |parṇāmbumūlapavanāśimunīndramānyeśrīmaṅgalāmba mayi dehi kṛpākaṭākṣam || 4||

अम्ब त्वदीयमुखचन्द्रजचन्द्रिकाप्तंअम्भोधितुल्यमतिवेलमिदं पुरं नः ।यद्वै विदुः किल पुरामुपमानमेकंश्रीमङ्गलाम्ब मयि देहि कृपाकटाक्षम् ॥ ५॥

amba tvadīyamukhacandrajacandrikāptaṃambhodhitulyamativelamidaṃ puraṃ naḥ |yadvai viduḥ kila purāmupamānamekaṃśrīmaṅgalāmba mayi dehi kṛpākaṭākṣam || 5||

श्रीमन्त्रपीठनिलयेऽम्ब महातिमायेचिन्तामणे श्रितपदां पुरुषार्थदाने ।सच्चित्सुखैकघनरूपिणि सर्वमातःश्रीमङ्गलाम्ब मयि देहि कृपाकटाक्षम् ॥ ६॥

śrīmantrapīṭhanilaye'mba mahātimāyecintāmaṇe śritapadāṃ puruṣārthadāne |saccitsukhaikaghanarūpiṇi sarvamātaḥśrīmaṅgalāmba mayi dehi kṛpākaṭākṣam || 6||

लीला तवेयमखिलाखिललोकमालाबालास्तवाम्ब निखिला जगतां च पालाः ।मूलादिवाकलयितुं तव कोऽपि नालंश्रीमङ्गलाम्ब मयि देहि कृपाकटाक्षम् ॥ ७॥

līlā taveyamakhilākhilalokamālābālāstavāmba nikhilā jagatāṃ ca pālāḥ |mūlādivākalayituṃ tava ko'pi nālaṃśrīmaṅgalāmba mayi dehi kṛpākaṭākṣam || 7||

स्रष्टा सृजत्यखिलमम्ब तवाज्ञयैवयुक्तस्तदेव परिपाति च वारिजाक्षः ।अन्ते हरत्यपि हरस्त्वदनुज्ञयैवश्रीमङ्गलाम्ब मयि देहि कृपाकटाक्षम् ॥ ८॥

sraṣṭā sṛjatyakhilamamba tavājñayaivayuktastadeva paripāti ca vārijākṣaḥ |ante haratyapi harastvadanujñayaivaśrīmaṅgalāmba mayi dehi kṛpākaṭākṣam || 8||

नारायणाख्यकविगीतमिदं च गीतंश्रीमङ्गलाष्टकमहो भुवि ये पठन्ति ।तेषां समृद्धिमतुलामिह देहि मातःश्रीमङ्गलाम्ब मयि देहि कृपाकटाक्षम् ॥ ९॥

nārāyaṇākhyakavigītamidaṃ ca gītaṃśrīmaṅgalāṣṭakamaho bhuvi ye paṭhanti |teṣāṃ samṛddhimatulāmiha dehi mātaḥśrīmaṅgalāmba mayi dehi kṛpākaṭākṣam || 9||

मङ्गलाम्बाष्टकमिदं नारायणमुखोद्गतम् ।पठतां शृण्वतां चापि मङ्गलं स्यात् पदे पदे ॥ १०॥

maṅgalāmbāṣṭakamidaṃ nārāyaṇamukhodgatam |paṭhatāṃ śṛṇvatāṃ cāpi maṅgalaṃ syāt pade pade || 10||

इति श्रीमङ्गलाम्बाष्टकं सम्पूर्णम् ।

iti śrīmaṅgalāmbāṣṭakaṃ sampūrṇam |