मङ्गलनायिकाष्टकम् Shri Mangalanayika Ashtakam

अम्बामम्बुजधारिणीं सुरनुतामर्धेन्दुभूषोज्ज्वलांआधारादि समस्तपीठनिलयामम्भोजमध्यस्थिताम् ।नित्यं सज्जनवन्द्यमानचरणां नीलालकश्रोणितांश्रीमन्मङ्गलनायिकां भगवतीं ताम्रातटस्थां भजे ॥ १॥

ambāmambujadhāriṇīṃ suranutāmardhendubhūṣojjvalāṃādhārādi samastapīṭhanilayāmambhojamadhyasthitām |nityaṃ sajjanavandyamānacaraṇāṃ nīlālakaśroṇitāṃśrīmanmaṅgalanāyikāṃ bhagavatīṃ tāmrātaṭasthāṃ bhaje || 1||

आद्यामागमशास्त्ररत्नविनुतामार्यां परां देवतांआनन्दाम्बुधिवासिनीं परशिवामानन्दपूर्णाननाम् ।आब्रह्मादि पिपीलिकान्तजननीमाखण्डालाद्यर्चितांश्रीमन्मङ्गलनायिकां भगवतीं ताम्रातटस्थां भजे ॥ २॥

ādyāmāgamaśāstraratnavinutāmāryāṃ parāṃ devatāṃānandāmbudhivāsinīṃ paraśivāmānandapūrṇānanām |ābrahmādi pipīlikāntajananīmākhaṇḍālādyarcitāṃśrīmanmaṅgalanāyikāṃ bhagavatīṃ tāmrātaṭasthāṃ bhaje || 2||

इन्द्राण्यादि समस्तशक्तिसहितामिन्दीवरश्यामलांइन्द्रोपेन्द्रवरप्रदामिननुतामिष्टार्थसिद्धिप्रदाम् ।ईकाराक्षररूपिणीं गिरिसुतामीकारवर्णात्मिकांश्रीमन्मङ्गलनायिकां भगवतीं ताम्रातटस्थां भजे ॥ ३॥

indrāṇyādi samastaśaktisahitāmindīvaraśyāmalāṃindropendravarapradāminanutāmiṣṭārthasiddhipradām |īkārākṣararūpiṇīṃ girisutāmīkāravarṇātmikāṃśrīmanmaṅgalanāyikāṃ bhagavatīṃ tāmrātaṭasthāṃ bhaje || 3||

उद्यद्भानुसहस्रकोटिसदृशीं केयूरहारोज्ज्वलांऊर्ध्वस्वन्मणिमेखलां त्रिनयनामूष्मापहारोज्ज्वलाम् ।ऊहापोहविवेकवाद्यनिलयामूढ्याणपीठस्थितांश्रीमन्मङ्गलनायिकां भगवतीं ताम्रातटस्थां भजे ॥ ४॥

udyadbhānusahasrakoṭisadṛśīṃ keyūrahārojjvalāṃūrdhvasvanmaṇimekhalāṃ trinayanāmūṣmāpahārojjvalām |ūhāpohavivekavādyanilayāmūḍhyāṇapīṭhasthitāṃśrīmanmaṅgalanāyikāṃ bhagavatīṃ tāmrātaṭasthāṃ bhaje || 4||

ऋक्षाधीशकलान्वितामृतुनुतामृद्।ह्ध्यादिसंसेवितांनृणानां पापविमोचिनीं शुभकरीं वृत्रारिसंसेविताम् ।लिङ्गाराधनतत्परां भयहारां क्लीङ्कारपीठस्थितांश्रीमन्मङ्गलनायिकां भगवतीं ताम्रातटस्थां भजे ॥ ५॥

ṛkṣādhīśakalānvitāmṛtunutāmṛd|hdhyādisaṃsevitāṃnṛṇānāṃ pāpavimocinīṃ śubhakarīṃ vṛtrārisaṃsevitām |liṅgārādhanatatparāṃ bhayahārāṃ klīṅkārapīṭhasthitāṃśrīmanmaṅgalanāyikāṃ bhagavatīṃ tāmrātaṭasthāṃ bhaje || 5||

एनःकूटविनाशिनीं विधिनुतामेणाङ्कचूडप्रियांएलाचम्पकपुष्पगन्धिचिकुरामेकातपत्रोज्वलाम् ।ऐकाराम्बुजपीठमध्यनिलयामैन्द्रादिलोकप्रदांश्रीमन्मङ्गलनायिकां भगवतीं ताम्रातटस्थां भजे ॥ ६॥

enaḥkūṭavināśinīṃ vidhinutāmeṇāṅkacūḍapriyāṃelācampakapuṣpagandhicikurāmekātapatrojvalām |aikārāmbujapīṭhamadhyanilayāmaindrādilokapradāṃśrīmanmaṅgalanāyikāṃ bhagavatīṃ tāmrātaṭasthāṃ bhaje || 6||

ओघैरप्सरसां सदा परिवृतामोघत्रयाराधितांओजोवर्द्धनतत्परां शिवपरामोङ्कारमन्त्रोज्ज्वलाम् ।औदार्याकरपादपद्मयुगलामौत्सुख्यदात्रीं परांश्रीमन्मङ्गलनायिकां भगवतीं ताम्रातटस्थां भजे ॥ ७॥

oghairapsarasāṃ sadā parivṛtāmoghatrayārādhitāṃojovarddhanatatparāṃ śivaparāmoṅkāramantrojjvalām |audāryākarapādapadmayugalāmautsukhyadātrīṃ parāṃśrīmanmaṅgalanāyikāṃ bhagavatīṃ tāmrātaṭasthāṃ bhaje || 7||

अर्काम्भोरुहवैरिवह्निनयनामक्षीणसौभाग्यदांअङ्गाकल्पितरत्नभूषणयुतामण्डौघसंसेविताम् ।आज्ञाचक्रनिवासिनीं झलझलन्मञ्जीरपादाम्बुजांश्रीमन्मङ्गलनायिकां भगवतीं ताम्रातटस्थां भजे ॥ ८॥

arkāmbhoruhavairivahninayanāmakṣīṇasaubhāgyadāṃaṅgākalpitaratnabhūṣaṇayutāmaṇḍaughasaṃsevitām |ājñācakranivāsinīṃ jhalajhalanmañjīrapādāmbujāṃśrīmanmaṅgalanāyikāṃ bhagavatīṃ tāmrātaṭasthāṃ bhaje || 8||

श्रीमङ्गलाम्बा परदैवतं नः श्रीमङ्गलाम्बा परं धनं नः ।श्रीमङ्गलाम्बा कुलदैवतं नः श्रीमङ्गलाम्बा परमा गतिर्नः ॥अज्ञानिना मया दोषानशेषान्विहितान्शिवे ।क्षमस्व त्वं क्षमस्व त्वं शैलराजसुतेऽम्बिके ॥यत्रैव यत्रैव मनो मदीयं तत्रैव तत्रैव तव स्वरूपम् ।यत्रैव यत्रैव शिरो मदीयं तत्रैव तत्रैव पदद्वयं ते ॥इति श्रीमङ्गलनायिकाष्टकं सम्पूर्णम् ।इन् टिरुनेल्वेईइ, आ षैन्त् (णमे ऊन्क्नोव्न्) ४थ्

śrīmaṅgalāmbā paradaivataṃ naḥ śrīmaṅgalāmbā paraṃ dhanaṃ naḥ |śrīmaṅgalāmbā kuladaivataṃ naḥ śrīmaṅgalāmbā paramā gatirnaḥ ||ajñāninā mayā doṣānaśeṣānvihitānśive |kṣamasva tvaṃ kṣamasva tvaṃ śailarājasute'mbike ||yatraiva yatraiva mano madīyaṃ tatraiva tatraiva tava svarūpam |yatraiva yatraiva śiro madīyaṃ tatraiva tatraiva padadvayaṃ te ||iti śrīmaṅgalanāyikāṣṭakaṃ sampūrṇam |in ṭirunelveīi, ā ṣaint (ṇame ūnknovn) 4th