मातृस्तवः Shri Matri Stava

चाञ्चल्यारणलोचनाञ्चितकृपाचन्द्रार्कचूडामणिंचारुस्मेरमुखीं चराचरजगत्संरक्षणीं तत्पदाम् ।चञ्चच्चम्पकनासिकाग्रविलसन्मुक्तामणीरञ्जितांश्रीशैलस्थलवावासिनीं भगवतीं श्रीमातरं भावये ॥ १॥

cāñcalyāraṇalocanāñcitakṛpācandrārkacūḍāmaṇiṃcārusmeramukhīṃ carācarajagatsaṃrakṣaṇīṃ tatpadām |cañcaccampakanāsikāgravilasanmuktāmaṇīrañjitāṃśrīśailasthalavāvāsinīṃ bhagavatīṃ śrīmātaraṃ bhāvaye || 1||

कस्तूरीतिलकाञ्चितेन्दुविलसत्प्रोद्भासिभालस्थलीकर्पूरद्रवमिश्रचूर्णखदिरां मेदोलसद्द्वीपिकाम् ।लोलापाङ्गतरङ्गितैरधिकृपासारैर्नतानन्दिनींश्रीशैलस्थलवासिनीं भगवतीं श्रीमातरं भावये ॥ २॥

kastūrītilakāñcitenduvilasatprodbhāsibhālasthalīkarpūradravamiśracūrṇakhadirāṃ medolasaddvīpikām |lolāpāṅgataraṅgitairadhikṛpāsārairnatānandinīṃśrīśailasthalavāsinīṃ bhagavatīṃ śrīmātaraṃ bhāvaye || 2||

राजन्मत्तमरालमन्दगमनां राजीवपत्रेक्षणांराजीवप्रभवादिदेवमकुटीराजत्पदाम्भोरुहाम् ।राजीवायतमन्दमण्डितरुचां राजाधिराजेश्वरीश्रीशैलस्थलवासिनीं भगवतीं श्रीमातरं भावये ॥ ३॥

rājanmattamarālamandagamanāṃ rājīvapatrekṣaṇāṃrājīvaprabhavādidevamakuṭīrājatpadāmbhoruhām |rājīvāyatamandamaṇḍitarucāṃ rājādhirājeśvarīśrīśailasthalavāsinīṃ bhagavatīṃ śrīmātaraṃ bhāvaye || 3||

षट्ताराङ्गणदीपिकां शिवसतीं षड्वैरिवर्गापहांषटचक्रान्तरसंस्थितां वरसुधां षड्योगिनीवेष्टिताम् ।षट्चक्राञ्चितपादुकाञ्चितपदां षड्भावगां षोडशींश्रीशैलस्थलवासिनीं भगवतीं श्रीमातरं भावये ॥ ४॥

ṣaṭtārāṅgaṇadīpikāṃ śivasatīṃ ṣaḍvairivargāpahāṃṣaṭacakrāntarasaṃsthitāṃ varasudhāṃ ṣaḍyoginīveṣṭitām |ṣaṭcakrāñcitapādukāñcitapadāṃ ṣaḍbhāvagāṃ ṣoḍaśīṃśrīśailasthalavāsinīṃ bhagavatīṃ śrīmātaraṃ bhāvaye || 4||

श्रीनाथात् कृतपालितत्रिभुवनां श्रीचक्रसञ्चारिणींज्ञानासक्तमनोजयौवनलसद्गन्धर्वकन्याकृता(ति)म् ।दीनानामतिवेगभाग्यजननीं दिव्याम्बरालङ्कृतांश्रीशैलस्थलवासिनीं भगवतीं श्रीमातरं भावये ॥ ५॥

śrīnāthāt kṛtapālitatribhuvanāṃ śrīcakrasañcāriṇīṃjñānāsaktamanojayauvanalasadgandharvakanyākṛtā(ti)m |dīnānāmativegabhāgyajananīṃ divyāmbarālaṅkṛtāṃśrīśailasthalavāsinīṃ bhagavatīṃ śrīmātaraṃ bhāvaye || 5||

लावण्याधिकभूषिताङ्गलतिकां लाक्षारसद्राविणींसेवायातसमस्तदेववनितां सीमन्तभूषान्विताम् ।भावोल्लासवशीकृतप्रियतमां भण्डासुरच्छेदिनीश्रीशैलस्थलवासिनीं भगवतीं श्रीमातरं भावये ॥ ६॥

lāvaṇyādhikabhūṣitāṅgalatikāṃ lākṣārasadrāviṇīṃsevāyātasamastadevavanitāṃ sīmantabhūṣānvitām |bhāvollāsavaśīkṛtapriyatamāṃ bhaṇḍāsuracchedinīśrīśailasthalavāsinīṃ bhagavatīṃ śrīmātaraṃ bhāvaye || 6||

धन्य(स्सो)(स्तो) मविभावनीयचरितां धाराधरश्यामलांमुन्याराधनमेधिनीं शमवतां मुक्तिप्रदानव्रताम् ।कन्यापूजनसुप्रसन्नहृदयां काञ्चीलसन्मध्यमांश्रीशैलस्थलवासिनीं भगवतीं श्रीमातरं भावये ॥ ७॥

dhanya(sso)(sto) mavibhāvanīyacaritāṃ dhārādharaśyāmalāṃmunyārādhanamedhinīṃ śamavatāṃ muktipradānavratām |kanyāpūjanasuprasannahṛdayāṃ kāñcīlasanmadhyamāṃśrīśailasthalavāsinīṃ bhagavatīṃ śrīmātaraṃ bhāvaye || 7||

कर्पूरागरुकुङ्कुमाङ्कितकुचां कर्पूरवर्णस्थितामष्टोत्कृष्टसुकृष्टकर्मदहनां कामेश्वरीं कामिनीम् ।कामाक्षीं करुणारसार्द्रहृदयां कल्पान्तरस्थायिनींश्रीशैलस्थलवासिनीं भगवतीं श्रीमातरं भावये ॥ ८॥

karpūrāgarukuṅkumāṅkitakucāṃ karpūravarṇasthitāmaṣṭotkṛṣṭasukṛṣṭakarmadahanāṃ kāmeśvarīṃ kāminīm |kāmākṣīṃ karuṇārasārdrahṛdayāṃ kalpāntarasthāyinīṃśrīśailasthalavāsinīṃ bhagavatīṃ śrīmātaraṃ bhāvaye || 8||

गायत्रीं गरुडध्वजां गगनगां गान्धर्वगानप्रियांगम्भीरां गजगामिनीं गिरिसुतां गन्धाक्षतालङ्कृताम् ।गङ्गागौतमगर्गसन्नुतपदां गां गौतमीं गोमतींश्रीशैलस्थलवासिनीं भगवतीं श्रीमातरं भावये ॥ ९॥

gāyatrīṃ garuḍadhvajāṃ gaganagāṃ gāndharvagānapriyāṃgambhīrāṃ gajagāminīṃ girisutāṃ gandhākṣatālaṅkṛtām |gaṅgāgautamagargasannutapadāṃ gāṃ gautamīṃ gomatīṃśrīśailasthalavāsinīṃ bhagavatīṃ śrīmātaraṃ bhāvaye || 9||

इति श्रीमातृस्तवः सम्पूर्णः ।

iti śrīmātṛstavaḥ sampūrṇaḥ |