ज्वालामुखीसहस्रनामस्तोत्रम् Shri Jvalamukhi Sahasranamastotram

श्रीभैरव्युवाच ।भगवन् सर्वधर्मज्ञ देवानामभयङ्कर ।पुरा मे यत् त्वया प्रोक्तं वरं कैलाससानुतः ॥ १॥

śrībhairavyuvāca |bhagavan sarvadharmajña devānāmabhayaṅkara |purā me yat tvayā proktaṃ varaṃ kailāsasānutaḥ || 1||

कृपया परया नाथ तं मे दातुं क्षमो भव ।श्रीभैरव उवाच ।सत्यमेतत् त्वया प्रोक्तं वरं वरय पार्वति ॥ २॥

kṛpayā parayā nātha taṃ me dātuṃ kṣamo bhava |śrībhairava uvāca |satyametat tvayā proktaṃ varaṃ varaya pārvati || 2||

तं प्रयच्छामि संसिद्ध्यै मनसा यदभीप्सितम् ।श्रीभैरव्युवाच ।ज्वालामुख्यास्त्वया देव सहस्राणि च तत्त्वतः ॥ ३॥

taṃ prayacchāmi saṃsiddhyai manasā yadabhīpsitam |śrībhairavyuvāca |jvālāmukhyāstvayā deva sahasrāṇi ca tattvataḥ || 3||

प्रोक्तानि ब्रूहि मे भक्त्या यदि मे त्वत्कृपा भवेत् ।श्रीभैरव उवाच ।प्रवक्ष्यामि महादेवि ज्वालानामानि तत्त्वतः ॥ ४॥

proktāni brūhi me bhaktyā yadi me tvatkṛpā bhavet |śrībhairava uvāca |pravakṣyāmi mahādevi jvālānāmāni tattvataḥ || 4||

सहस्राणि कलौ नॄणां वरदानि यथेप्सितम् ।अभक्ताय न दातव्यं दुष्टायासाधकाय च ॥ ५॥

sahasrāṇi kalau nṝṇāṃ varadāni yathepsitam |abhaktāya na dātavyaṃ duṣṭāyāsādhakāya ca || 5||

या सा ज्वालामुखी देवी त्रैलोक्यजननी स्मृता ।तस्या नामानि वक्ष्यामि दुर्लभानि जगत्त्रये ॥ ६॥

yā sā jvālāmukhī devī trailokyajananī smṛtā |tasyā nāmāni vakṣyāmi durlabhāni jagattraye || 6||

विना नित्यबलिं स्तोत्रं न रक्ष्यं साधकोत्तमैः ।दुर्भिक्षे शत्रुभीतौ च मारणे स्तम्भने पठेत् ॥ ७॥

vinā nityabaliṃ stotraṃ na rakṣyaṃ sādhakottamaiḥ |durbhikṣe śatrubhītau ca māraṇe stambhane paṭhet || 7||

सहस्राख्यं स्तवं देव्याः सद्यः सिद्धिर्भविष्यति ।विना गन्धाक्षतैः पुष्पैर्धूपैर्दीपैर्विना बलिम् ॥ ८॥

sahasrākhyaṃ stavaṃ devyāḥ sadyaḥ siddhirbhaviṣyati |vinā gandhākṣataiḥ puṣpairdhūpairdīpairvinā balim || 8||

न रक्ष्यं साधकेनैव देवीनामसहस्रकम् ।दत्त्वा बलिं पठेद्देव्या मन्त्री नामसहस्रकम् ।देवि सत्यं मया प्रोक्तं सिद्धिहानिस्ततोऽन्यथा ॥ ९॥

na rakṣyaṃ sādhakenaiva devīnāmasahasrakam |dattvā baliṃ paṭheddevyā mantrī nāmasahasrakam |devi satyaṃ mayā proktaṃ siddhihānistato'nyathā || 9||

अस्य श्रीज्वालामुखीसहस्रनामस्तवस्य भैरव ऋषिः\,अनुष्टुप् छन्दः\, श्रीज्वालामुखी देवता\, ह्रीं बीजं\, श्रीं शक्तिः\,ॐ कीलकं पाठे विनियोगः ।॥ अङ्गन्यासः ॥भैरवऋषये नमः शिरसि । अनुष्टुप्छन्दसे नमो मुखे ।श्रीज्वालामुखीदेवतायै नमो हृदि ।ह्रीं बीजाय नमो नाभौ । श्रीं शक्तये नमो गुह्ये ।ॐ कीलकाय नमः पादयोः । विनियोगाय नमः सर्वाङ्गेषु ।ॐ ह्यामिति षड् दीर्घयुक्तमायया करषडङ्गानि विधाय ध्यायेत् ॥॥ ध्यानम् ॥उद्यच्चन्द्रमरीचिसन्निभमुखीमेकादशाराब्जगांपाशाम्भोजवराभयान् करतलैः सम्बिभ्रतीं सादरात् ।अग्नीन्द्वर्कविलोचनां शशिकलाचूडां त्रिवर्गोज्ज्वलांप्रेतस्थां ज्वलदग्निमण्डलशिखां ज्वालामुखीं नौम्यहम् ॥ॐ ह्रीं ज्वालामुखी जैत्री श्रीञ्ज्योत्स्ना जयदा जया ।औदुम्बरा महानीला शुक्रलुप्ता शची श्रुतिः ॥ १॥

asya śrījvālāmukhīsahasranāmastavasya bhairava ṛṣiḥ\,anuṣṭup chandaḥ\, śrījvālāmukhī devatā\, hrīṃ bījaṃ\, śrīṃ śaktiḥ\,oṃ kīlakaṃ pāṭhe viniyogaḥ ||| aṅganyāsaḥ ||bhairavaṛṣaye namaḥ śirasi | anuṣṭupchandase namo mukhe |śrījvālāmukhīdevatāyai namo hṛdi |hrīṃ bījāya namo nābhau | śrīṃ śaktaye namo guhye |oṃ kīlakāya namaḥ pādayoḥ | viniyogāya namaḥ sarvāṅgeṣu |oṃ hyāmiti ṣaḍ dīrghayuktamāyayā karaṣaḍaṅgāni vidhāya dhyāyet |||| dhyānam ||udyaccandramarīcisannibhamukhīmekādaśārābjagāṃpāśāmbhojavarābhayān karatalaiḥ sambibhratīṃ sādarāt |agnīndvarkavilocanāṃ śaśikalācūḍāṃ trivargojjvalāṃpretasthāṃ jvaladagnimaṇḍalaśikhāṃ jvālāmukhīṃ naumyaham ||oṃ hrīṃ jvālāmukhī jaitrī śrīñjyotsnā jayadā jayā |audumbarā mahānīlā śukraluptā śacī śrutiḥ || 1||

स्मयदा स्मयहर्त्री च स्मरशत्रुप्रियङ्करी ।मानदा मोहिनी मत्ता माया बाला बलन्धरा ॥ २॥

smayadā smayahartrī ca smaraśatrupriyaṅkarī |mānadā mohinī mattā māyā bālā balandharā || 2||

भगरूपा भगावासा भीरुण्डा भयघातिनी ।भीतिर्भयानकास्या च भ्रूः सुभ्रूः सुखिनी सती ॥ ३॥

bhagarūpā bhagāvāsā bhīruṇḍā bhayaghātinī |bhītirbhayānakāsyā ca bhrūḥ subhrūḥ sukhinī satī || 3||

शूलिनी शूलहस्ता च शूलिवामाङ्गवासिनी ।शशाङ्कजननी शीता शीतला शारिका शिवा ॥ ४॥

śūlinī śūlahastā ca śūlivāmāṅgavāsinī |śaśāṅkajananī śītā śītalā śārikā śivā || 4||

स्रुचिका मधुमन्मान्या त्रिवर्गफलदायिनी ।त्रेता त्रिलोचना दुर्गा दुर्गमा दुर्गतिर्गतिः ॥ ५॥

srucikā madhumanmānyā trivargaphaladāyinī |tretā trilocanā durgā durgamā durgatirgatiḥ || 5||

पूता प्लुतिर्विमर्शा च सृष्टिकर्त्री सुखावहा ।सुखदा सर्वमध्यस्था लोकमाता महेश्वरी ॥ ६॥

pūtā plutirvimarśā ca sṛṣṭikartrī sukhāvahā |sukhadā sarvamadhyasthā lokamātā maheśvarī || 6||

लोकेष्टा वरदा स्तुत्या स्तुतिर्द्रुतगतिर्नुतिः ।नयदा नयनेत्रा च नवग्रहनिषेविता ॥ ७॥

lokeṣṭā varadā stutyā stutirdrutagatirnutiḥ |nayadā nayanetrā ca navagrahaniṣevitā || 7||

अम्बा वरूथिनी वीरजननी वीरसुन्दरी ।वीरसूर्वारुणी वार्ता वराऽभयकरा वधूः ॥ ८॥

ambā varūthinī vīrajananī vīrasundarī |vīrasūrvāruṇī vārtā varā'bhayakarā vadhūḥ || 8||

वानीरतलगा वाम्या वामाचारफलप्रदा ।वीरा शौर्यकरी शान्ता शार्दूलत्वक् च शर्वरी ॥ ९॥

vānīratalagā vāmyā vāmācāraphalapradā |vīrā śauryakarī śāntā śārdūlatvak ca śarvarī || 9||

शलभी शास्त्रमर्यादा शिवदा शम्बरान्तका ।शम्बरारिप्रिया शम्भुकान्ता शशिनिभानना ॥ १०॥

śalabhī śāstramaryādā śivadā śambarāntakā |śambarāripriyā śambhukāntā śaśinibhānanā || 10||

शस्त्रायुधधरा शान्तिर्ज्योतिर्दीप्तिर्जगत्प्रिया ।जगती जित्वरा जारी मार्जारी पशुपालिनी (१००) ॥ ११॥

śastrāyudhadharā śāntirjyotirdīptirjagatpriyā |jagatī jitvarā jārī mārjārī paśupālinī (100) || 11||

मेरुमध्यगता मैत्री मुसलायुधधारिणी ।मान्या मन्त्रेष्टदा माध्वी माध्वीरसविघूर्णिता ॥ १२॥

merumadhyagatā maitrī musalāyudhadhāriṇī |mānyā mantreṣṭadā mādhvī mādhvīrasavighūrṇitā || 12||

मोदकाहारमत्ता च मत्तमातङ्गगामिनी ।महेश्वरप्रियोन्मत्ता दार्वी दैत्यविमर्दिनी ॥ १३॥ वर् महेश्वरप्रियोन्नत्ता

modakāhāramattā ca mattamātaṅgagāminī |maheśvarapriyonmattā dārvī daityavimardinī || 13|| var maheśvarapriyonnattā

देवेष्टा साधकेष्टा च साध्वी सर्वत्रगाऽसमा ।सन्तानकतरुश्छायासन्तुष्टाऽध्वश्रमापहा ॥ १४॥

deveṣṭā sādhakeṣṭā ca sādhvī sarvatragā'samā |santānakataruśchāyāsantuṣṭā'dhvaśramāpahā || 14||

शारदा शरदब्जाक्षी वरदाब्जनिभानना । वर् वरदाऽब्जनिभाननानम्राङ्गी कर्कशाङ्गी च वज्राङ्गी वज्रधारिणी ॥ १५॥

śāradā śaradabjākṣī varadābjanibhānanā | var varadā'bjanibhānanānamrāṅgī karkaśāṅgī ca vajrāṅgī vajradhāriṇī || 15||

वज्रेष्टा वज्रकङ्काला वानरीं वायुवेगिनी ।वराकी कुलका काम्या कुलेष्टा कुलकामिनी ॥ १६॥

vajreṣṭā vajrakaṅkālā vānarīṃ vāyuveginī |varākī kulakā kāmyā kuleṣṭā kulakāminī || 16||

कुन्ता कामेश्वरी क्रूरा कुल्या कामान्तकारिणी ।कुन्ती कुन्तधरा कुब्जा कष्टहा वगलामुखी ॥ १७॥

kuntā kāmeśvarī krūrā kulyā kāmāntakāriṇī |kuntī kuntadharā kubjā kaṣṭahā vagalāmukhī || 17||

मृडानी मधुरा मूका प्रमत्ता बैन्दवेश्वरी ।कुमारी कुलजाऽकामा कूवरी नडकूबरी ॥ १८॥ वर् कूबरी

mṛḍānī madhurā mūkā pramattā baindaveśvarī |kumārī kulajā'kāmā kūvarī naḍakūbarī || 18|| var kūbarī

नगेश्वरी नगावासा नगपुत्री नगारिहा ।नागकन्या कुहूः कुण्ठी करुणा कृपयान्विता ॥ १९॥

nageśvarī nagāvāsā nagaputrī nagārihā |nāgakanyā kuhūḥ kuṇṭhī karuṇā kṛpayānvitā || 19||

ककारवर्णरूपाढ्या ह्रीर्लञ्जा श्रीः शुभाशुभा ।खेचरी खगपत्री च खगनेत्रा खगेश्वरी ॥ २०॥

kakāravarṇarūpāḍhyā hrīrlañjā śrīḥ śubhāśubhā |khecarī khagapatrī ca khaganetrā khageśvarī || 20||

खाता खनित्री खस्था च जप्या जाप्याऽजरा धुतिः ।जगती जन्मदा जम्भी जम्बुवृक्षतलस्थिता ॥ २१॥

khātā khanitrī khasthā ca japyā jāpyā'jarā dhutiḥ |jagatī janmadā jambhī jambuvṛkṣatalasthitā || 21||

जाम्बूनदप्रिया सत्या सात्त्विकी सत्त्ववर्जिताम् ।सर्वमाता समालोका लोकाख्यातिर्लयात्मिका ॥ २२॥ वर् लोका ख्यातिर्लयात्मिका

jāmbūnadapriyā satyā sāttvikī sattvavarjitām |sarvamātā samālokā lokākhyātirlayātmikā || 22|| var lokā khyātirlayātmikā

लूता लता रतिर्लज्जा वाजिगा (२००) वारुणी वशा । वर् लतारतिर्लज्जाकुटिला कुत्सिता ब्राह्मी ब्रह्मणि । ब्रह्मदायिनी ॥ २३॥

lūtā latā ratirlajjā vājigā (200) vāruṇī vaśā | var latāratirlajjākuṭilā kutsitā brāhmī brahmaṇi | brahmadāyinī || 23||

व्रतेष्टा वाजिनी वस्तिर्वामनेत्रा वशङ्करी ।शङ्करी शङ्करेष्टा च शशाङ्ककृतशेखरा ॥ २४॥

vrateṣṭā vājinī vastirvāmanetrā vaśaṅkarī |śaṅkarī śaṅkareṣṭā ca śaśāṅkakṛtaśekharā || 24||

कुम्भेश्वरी कुरुघ्नी च पाण्डवेष्टा परात्परा ।महिषासुरसंहर्त्री माननीया मनुप्रिया ॥ २५॥

kumbheśvarī kurughnī ca pāṇḍaveṣṭā parātparā |mahiṣāsurasaṃhartrī mānanīyā manupriyā || 25||

दषिणा दक्षजा दक्षा द्राक्षा दूती द्युतिर्धरा ।धर्मदा धर्मराजेष्टा धर्मस्था धर्मपालिनी ॥ २६॥

daṣiṇā dakṣajā dakṣā drākṣā dūtī dyutirdharā |dharmadā dharmarājeṣṭā dharmasthā dharmapālinī || 26||

धनदा धनिका धर्म्या पताका पार्वती प्रजा ।प्रजावती पुरी प्रज्ञा पूः पुत्री पत्रिवाहिनी ॥ २७॥

dhanadā dhanikā dharmyā patākā pārvatī prajā |prajāvatī purī prajñā pūḥ putrī patrivāhinī || 27||

पत्रिहस्ता च मातङ्गी पत्रिका च पतिव्रता ।पुष्टिः प्लक्षा श्मशानस्था देवी धनदसेविता ॥ २८॥

patrihastā ca mātaṅgī patrikā ca pativratā |puṣṭiḥ plakṣā śmaśānasthā devī dhanadasevitā || 28||

दयावती दया दूरा दूता निकटवासिनी ।नर्मदाऽनर्मदा नन्दा नाकिनी नाकसेविता ॥ २९॥

dayāvatī dayā dūrā dūtā nikaṭavāsinī |narmadā'narmadā nandā nākinī nākasevitā || 29||

नासा सङ्क्रान्तिरीड्या च भैरवी छिन्नमस्तका ।श्यामा श्यामाम्बरा पीता पीतवस्त्रा कलावती ॥ ३०॥

nāsā saṅkrāntirīḍyā ca bhairavī chinnamastakā |śyāmā śyāmāmbarā pītā pītavastrā kalāvatī || 30||

कौतुकी कौतुकाचारा कुलधर्मप्रकाशिनी ।शाम्भवी गारुडी विद्या गरुडासनसंस्थिता ॥ ३१॥ वर् गारुडीविद्या

kautukī kautukācārā kuladharmaprakāśinī |śāmbhavī gāruḍī vidyā garuḍāsanasaṃsthitā || 31|| var gāruḍīvidyā

विनता वैनतेयेष्टा वैष्णवी विष्णुपूजिता ।वार्तादा वालुका वेत्री वेत्रहस्ता वराङ्गना ॥ ३२॥

vinatā vainateyeṣṭā vaiṣṇavī viṣṇupūjitā |vārtādā vālukā vetrī vetrahastā varāṅganā || 32||

विवेकलोचना विज्ञा विशाला विमला ह्यजा ।विवेका प्रचुरा लुप्ता नौर्नारायणपूजिता ॥ ३३॥

vivekalocanā vijñā viśālā vimalā hyajā |vivekā pracurā luptā naurnārāyaṇapūjitā || 33||

नारायणी (३००) च सुमुखी दुर्जया दुःखहारिणी ।दौर्भाग्यहा दुराचारा दुष्टहन्त्री च द्वेषिणी ॥ ३४॥

nārāyaṇī (300) ca sumukhī durjayā duḥkhahāriṇī |daurbhāgyahā durācārā duṣṭahantrī ca dveṣiṇī || 34||

वाङ्मयी भारती भाषा मषी लेखकपूजिता ।लेखपत्री च लोलाक्षी लास्या हास्या प्रियङ्करी ॥ ३५॥

vāṅmayī bhāratī bhāṣā maṣī lekhakapūjitā |lekhapatrī ca lolākṣī lāsyā hāsyā priyaṅkarī || 35||

प्रेमदा प्रणयज्ञा च प्रमाणा प्रत्ययाङ्किता ।वाराही कुब्जिका कारा काराबन्धनमोक्षदा ॥ ३६॥

premadā praṇayajñā ca pramāṇā pratyayāṅkitā |vārāhī kubjikā kārā kārābandhanamokṣadā || 36||

उग्रा चोग्रतरोग्रेष्टा नृमान्या नरसिंहिका ।नरनारायणस्तुत्या नरवाहनपूजिता ॥ ३७॥

ugrā cogratarogreṣṭā nṛmānyā narasiṃhikā |naranārāyaṇastutyā naravāhanapūjitā || 37||

नृमुण्डा नूपुराढ्या च नृमाता त्रिपुरेश्वरी ।दिव्यायुधोग्रतारा च त्र्यक्षा त्रिपुरमालिनी ॥ ३८॥

nṛmuṇḍā nūpurāḍhyā ca nṛmātā tripureśvarī |divyāyudhogratārā ca tryakṣā tripuramālinī || 38||

त्रिनेत्रा कोटराक्षी च षट्चक्रस्था क्रीमीश्वरी ।क्रिमिहा क्रिमियोनिश्च कला चन्द्रकला चमूः ॥ ३९॥

trinetrā koṭarākṣī ca ṣaṭcakrasthā krīmīśvarī |krimihā krimiyoniśca kalā candrakalā camūḥ || 39||

चमाम्बग च चार्वङ्गी चञ्चलाक्षी च भद्रदा ।भद्रकाली सुभद्रा च भद्राङ्गी प्रेतवाहिनी ॥ ४०॥

camāmbaga ca cārvaṅgī cañcalākṣī ca bhadradā |bhadrakālī subhadrā ca bhadrāṅgī pretavāhinī || 40||

सुषमा स्त्रीप्रिया कान्ता कामिनी कुटिलालका ।कुशब्दा कुगतिर्मेधा मध्यमाङ्का च काश्यपी ॥ ४१॥

suṣamā strīpriyā kāntā kāminī kuṭilālakā |kuśabdā kugatirmedhā madhyamāṅkā ca kāśyapī || 41||

दक्षिणाकालिका काली कालभैरवपूजिता ।क्लीङ्कारी कुमतिर्वाणी बाणासुरनिसूदिनी ॥ ४२॥

dakṣiṇākālikā kālī kālabhairavapūjitā |klīṅkārī kumatirvāṇī bāṇāsuranisūdinī || 42||

निर्ममा निर्ममेष्टा च निरयोनिर्निराश्रया । वर् निरर्योनिर्निराश्रयानिर्विकारा निरीहा च निलया नृपपुत्रिणी ॥ ४३॥

nirmamā nirmameṣṭā ca nirayonirnirāśrayā | var niraryonirnirāśrayānirvikārā nirīhā ca nilayā nṛpaputriṇī || 43||

नृपसेव्या विरिञ्चीष्टा विशिष्टा विश्वमातृका ।मातृकाऽर्णविलिप्ताङ्गी मधुस्त्राता मधुद्रवा ॥ ४४॥

nṛpasevyā viriñcīṣṭā viśiṣṭā viśvamātṛkā |mātṛkā'rṇaviliptāṅgī madhustrātā madhudravā || 44||

शुक्रेष्टा शुक्रसन्तुष्टा शुक्रस्नाता कृशोदरी ।वृषा वृष्टिरनावृष्टिर्लभ्या लोभविवर्जिता ॥ ४५॥

śukreṣṭā śukrasantuṣṭā śukrasnātā kṛśodarī |vṛṣā vṛṣṭiranāvṛṣṭirlabhyā lobhavivarjitā || 45||

अब्धिश्च (४००) ललना लक्ष्या लक्ष्मी रामा रमा रतिः ।रेवा रम्भोर्वशी वश्या वासुकिप्रियकारिणी ॥ ४६॥

abdhiśca (400) lalanā lakṣyā lakṣmī rāmā ramā ratiḥ |revā rambhorvaśī vaśyā vāsukipriyakāriṇī || 46||

शेषा शेषरता श्रेष्ठा शेषशायिनमस्कृता ।शय्या शर्वप्रिया शस्ता प्रशस्ता शम्भुसेविता ॥ ४७॥

śeṣā śeṣaratā śreṣṭhā śeṣaśāyinamaskṛtā |śayyā śarvapriyā śastā praśastā śambhusevitā || 47||

आशुशुक्षणिनेत्रा च क्षणदा क्षणसेविता ।क्षुरिका कर्णिका सत्या सचराचररूपिणी ॥ ४८॥

āśuśukṣaṇinetrā ca kṣaṇadā kṣaṇasevitā |kṣurikā karṇikā satyā sacarācararūpiṇī || 48||

चरित्री च धरित्री च दितिर्दैत्येन्द्रपूजिता ।गुणिनी गुणरूपा च त्रिगुणा निर्गुणा घृणा ॥ ४९॥

caritrī ca dharitrī ca ditirdaityendrapūjitā |guṇinī guṇarūpā ca triguṇā nirguṇā ghṛṇā || 49||

घोषा गजाननेष्टा च गजाकारा गुणिप्रिया ।गीता गीतप्रिया तथ्या पथ्या त्रिपुरसुन्दरी ॥ ५०॥

ghoṣā gajānaneṣṭā ca gajākārā guṇipriyā |gītā gītapriyā tathyā pathyā tripurasundarī || 50||

पीनस्तनी च रमणी रमणीष्टा च मैथुनी ।पद्मा पद्मधरा वत्सा धेनुर्मेरुधरा मघा ॥ ५१॥

pīnastanī ca ramaṇī ramaṇīṣṭā ca maithunī |padmā padmadharā vatsā dhenurmerudharā maghā || 51||

मालती मधुरालापा मातृजा मालिनी तथा ।वैश्वानरप्रिया वैद्या चिकित्सा वैद्यपूजिता ॥ ५२॥

mālatī madhurālāpā mātṛjā mālinī tathā |vaiśvānarapriyā vaidyā cikitsā vaidyapūjitā || 52||

वेदिका वारपुत्री च वयस्या वाग्भवी प्रसूः ।क्रीता पद्मासना सिद्धा सिद्धलक्ष्मीः सरस्वती ॥ ५३॥

vedikā vāraputrī ca vayasyā vāgbhavī prasūḥ |krītā padmāsanā siddhā siddhalakṣmīḥ sarasvatī || 53||

सत्त्वश्रेष्ठा सत्त्वसंस्था सामान्या सामवायिका ।साधकेष्टा च सत्पत्नी सत्पुत्री सत्कुलाश्रया ॥ ५४॥

sattvaśreṣṭhā sattvasaṃsthā sāmānyā sāmavāyikā |sādhakeṣṭā ca satpatnī satputrī satkulāśrayā || 54||

समदा प्रमदा श्रान्ता परलोकगतिः शिवा ।घोररूपा घोररावा मुक्तकेशी च मुक्तिदा ॥ ५५॥

samadā pramadā śrāntā paralokagatiḥ śivā |ghorarūpā ghorarāvā muktakeśī ca muktidā || 55||

मोक्षदा बलदा पुष्टिर्मुक्तिर्बलिप्रियाऽभया ।तिलप्रसूननासा च प्रसूना कुलशीर्षिणी ॥ ५६॥

mokṣadā baladā puṣṭirmuktirbalipriyā'bhayā |tilaprasūnanāsā ca prasūnā kulaśīrṣiṇī || 56||

परद्रोहकरी (५००) पान्था पारावारसुता भगा ।भर्गप्रिया भर्गशिखा हेला हैमवतीश्वरी ॥ ५७॥

paradrohakarī (500) pānthā pārāvārasutā bhagā |bhargapriyā bhargaśikhā helā haimavatīśvarī || 57||

हेरुकेष्टा वटुस्था च वटुमाता वटेश्वरी ।नटिनी त्रोटिनी त्राता स्वसा सारवती सभा ॥ ५८॥

herukeṣṭā vaṭusthā ca vaṭumātā vaṭeśvarī |naṭinī troṭinī trātā svasā sāravatī sabhā || 58||

सौभाग्या भाग्यदा भाग्या भोगदा भूः प्रभावती ।चन्द्रिका कालहत्रीं च ज्योत्स्नोल्काऽशनिराह्निका ॥ ५९॥

saubhāgyā bhāgyadā bhāgyā bhogadā bhūḥ prabhāvatī |candrikā kālahatrīṃ ca jyotsnolkā'śanirāhnikā || 59||

ऐहिकी चौष्मिकी चोष्मा ग्रीष्मांशुद्युतिरूपिणी ।ग्रीवा ग्रीष्मानना गव्या कैलासाचलवासिनी ॥ ६०॥

aihikī cauṣmikī coṣmā grīṣmāṃśudyutirūpiṇī |grīvā grīṣmānanā gavyā kailāsācalavāsinī || 60||

मल्ली मार्तण्डरूपा च मानहर्त्री मनोरमा ।मानिनी मानकर्त्री च मानसी तापसी तुटिः ॥ ६१॥ वर् त्रुटिः

mallī mārtaṇḍarūpā ca mānahartrī manoramā |māninī mānakartrī ca mānasī tāpasī tuṭiḥ || 61|| var truṭiḥ

पयःस्था तु परब्रह्मस्तुता स्तोत्रप्रिया तनुः ।तन्वी तनुतरा सूक्ष्मा स्थूला शूरप्रियाऽधमा ॥ ६२॥

payaḥsthā tu parabrahmastutā stotrapriyā tanuḥ |tanvī tanutarā sūkṣmā sthūlā śūrapriyā'dhamā || 62||

उत्तमा मणिभूषाढ्या मणिमण्डपसंस्थिता ।माषा तीक्ष्णा त्रपा चिन्ता मण्डिका चर्चिका चला ॥ ६३॥

uttamā maṇibhūṣāḍhyā maṇimaṇḍapasaṃsthitā |māṣā tīkṣṇā trapā cintā maṇḍikā carcikā calā || 63||

चण्डी चुल्ली चमत्कारकर्त्री हर्त्री हरीश्वरी ।हरिसेव्या कपिश्रेष्ठा चर्चिता चारुरूपिणी ॥ ६४॥

caṇḍī cullī camatkārakartrī hartrī harīśvarī |harisevyā kapiśreṣṭhā carcitā cārurūpiṇī || 64||

चण्डीश्वरी चण्डरूपा मुण्डहस्ता मनोगतिः ।पोता पूता पवित्रा च मज्जा मेध्या सुगन्धिनी ॥ ६५॥

caṇḍīśvarī caṇḍarūpā muṇḍahastā manogatiḥ |potā pūtā pavitrā ca majjā medhyā sugandhinī || 65||

सुगन्धा पुष्पिणी पुष्पा प्रेरिता पवनेश्वरी ।प्रीता क्रोधाकुला न्यस्ता न्यक्कारा सुरवाहिनी ॥ ६६॥

sugandhā puṣpiṇī puṣpā preritā pavaneśvarī |prītā krodhākulā nyastā nyakkārā suravāhinī || 66||

स्रोतस्वती मधुमती देवमाता सुधाम्बरा (६००) ।मत्स्या मत्स्येन्द्रपीठस्था वीरपाना मदातुरा ॥ ६७॥ वर् भत्स्या

srotasvatī madhumatī devamātā sudhāmbarā (600) |matsyā matsyendrapīṭhasthā vīrapānā madāturā || 67|| var bhatsyā

पृथिवी तैजसी तृप्तिर्मूलाधारा प्रभा पृथुः ।नागपाशधराऽनन्ता पाशहस्ता प्रबोधिनी ॥ ६८॥ वर् नागपाशधरानन्ता

pṛthivī taijasī tṛptirmūlādhārā prabhā pṛthuḥ |nāgapāśadharā'nantā pāśahastā prabodhinī || 68|| var nāgapāśadharānantā

प्रसादना कलिङ्गाख्या मदनाशा मधुद्रवा ।मधुवीरा मदान्धा च पावनी वेदना स्मृतिः ॥ ६९॥

prasādanā kaliṅgākhyā madanāśā madhudravā |madhuvīrā madāndhā ca pāvanī vedanā smṛtiḥ || 69||

बोधिका बोधिनी पूषा काशी वाराणसी गया ।कौशी चोज्जयिनी धारा काश्मीरी कुङ्कुमाकुला ॥ ७०॥

bodhikā bodhinī pūṣā kāśī vārāṇasī gayā |kauśī cojjayinī dhārā kāśmīrī kuṅkumākulā || 70||

भूमिः सिन्धुः प्रभासा च गङ्गा गोरी शुभाश्रया ।नानाविद्यामयी वेत्रवती गोदावरी गदा ॥ ७१॥

bhūmiḥ sindhuḥ prabhāsā ca gaṅgā gorī śubhāśrayā |nānāvidyāmayī vetravatī godāvarī gadā || 71||

गदहर्त्री गजारूढा इन्द्राणी कुलकौलिनी ।कुलाचारा कुरूपा च सुरूपा रूपवर्जिता ॥ ७२॥

gadahartrī gajārūḍhā indrāṇī kulakaulinī |kulācārā kurūpā ca surūpā rūpavarjitā || 72||

चन्द्रभागा च यमुना यामी यमक्षयङ्करी ।काम्भोजी सरयूश्चित्रा वितस्तैरावती झषा ॥ ७३॥

candrabhāgā ca yamunā yāmī yamakṣayaṅkarī |kāmbhojī sarayūścitrā vitastairāvatī jhaṣā || 73||

चषिका पथिका तन्त्री वीणा वेणुः प्रियंवदा ।कुण्डलिनी निर्विकल्पा गायत्री नरकान्तका ॥ ७४॥

caṣikā pathikā tantrī vīṇā veṇuḥ priyaṃvadā |kuṇḍalinī nirvikalpā gāyatrī narakāntakā || 74||

कृष्णा सरस्वती तापी पयोर्णा शतरुद्रिका ।कावेरी शतपत्राभा शतबाहुः शतह्रदा ॥ ७५॥

kṛṣṇā sarasvatī tāpī payorṇā śatarudrikā |kāverī śatapatrābhā śatabāhuḥ śatahradā || 75||

रेवती रोहिणी क्षिप्या क्षीरपा क्षोणी क्षमा क्षया । वर् क्षिप्राक्षान्तिर्भ्रान्तिर्गुरुर्गुवी गरिष्ठा गोकुला नदी ॥ ७६॥

revatī rohiṇī kṣipyā kṣīrapā kṣoṇī kṣamā kṣayā | var kṣiprākṣāntirbhrāntirgururguvī gariṣṭhā gokulā nadī || 76||

नादिनी कृषिणी कृष्या सत्कुटी भूमिका (७००) भ्रमा ।विभ्राजमाना तीर्थ्या च तीर्था तीर्थफलप्रदा ॥ ७७॥

nādinī kṛṣiṇī kṛṣyā satkuṭī bhūmikā (700) bhramā |vibhrājamānā tīrthyā ca tīrthā tīrthaphalapradā || 77||

तरुणी तामसी पाशा विपाशा प्राशधारिणी ।पशूपहारसन्तुष्टा कुक्कुटी हंसवाहना ॥ ७८॥

taruṇī tāmasī pāśā vipāśā prāśadhāriṇī |paśūpahārasantuṣṭā kukkuṭī haṃsavāhanā || 78||

मधुरा विपुलाऽकाङ्क्षा वेदकाण्डी विचित्रिणी ।स्वप्नावती सरित् सीताधारिणी मत्सरी च मुत् ॥ ७९॥

madhurā vipulā'kāṅkṣā vedakāṇḍī vicitriṇī |svapnāvatī sarit sītādhāriṇī matsarī ca mut || 79||

शतद्रूर्भारती कद्रूरनन्तानन्तशाखिनी । वर् कद्रूरनन्ताऽनन्तशाखिनीवेदना वासवी वेश्या पूतना पुष्पहासिनी ॥ ८०॥

śatadrūrbhāratī kadrūranantānantaśākhinī | var kadrūranantā'nantaśākhinīvedanā vāsavī veśyā pūtanā puṣpahāsinī || 80||

त्रिशक्तिः शक्तिरूपा चाक्षरमाता क्षुरी क्षुधा ।मन्दा मन्दाकिनी मुद्रा भूता भूतपतिप्रिया ॥ ८१॥

triśaktiḥ śaktirūpā cākṣaramātā kṣurī kṣudhā |mandā mandākinī mudrā bhūtā bhūtapatipriyā || 81||

भूतेष्टा पञ्चभूतघ्नी स्वक्षा कोमलहासिनी ।वासिनी कुहिका लम्भा लम्बकेशी सुकेशिनी ॥ ८२॥

bhūteṣṭā pañcabhūtaghnī svakṣā komalahāsinī |vāsinī kuhikā lambhā lambakeśī sukeśinī || 82||

ऊर्ध्वकेशी विशालाक्षी घोरा पुण्यपतिप्रिया ।पांसुला पात्रहस्ता च खर्परी खर्परायुधा ॥ ८३॥

ūrdhvakeśī viśālākṣī ghorā puṇyapatipriyā |pāṃsulā pātrahastā ca kharparī kharparāyudhā || 83||

केकरी काकिनी कुम्भी सुफला केकराकृतिः ।विफला विजया श्रीदा श्रीदसेव्या शुभङ्करी ॥ ८४॥

kekarī kākinī kumbhī suphalā kekarākṛtiḥ |viphalā vijayā śrīdā śrīdasevyā śubhaṅkarī || 84||

शैत्या शीतालया शीधुपात्रहस्ता कृपावती ।कारुण्या विश्वसारा च करुणा कृपणा कृपा ॥ ८४॥

śaityā śītālayā śīdhupātrahastā kṛpāvatī |kāruṇyā viśvasārā ca karuṇā kṛpaṇā kṛpā || 84||

प्रज्ञा ज्ञाना च षड्वर्गा षडास्या षण्मुखप्रिया ।क्रौञ्ची क्रौञ्चाद्रिनिलया दान्ता दारिद्र्यनाशिनी ॥ ८६॥

prajñā jñānā ca ṣaḍvargā ṣaḍāsyā ṣaṇmukhapriyā |krauñcī krauñcādrinilayā dāntā dāridryanāśinī || 86||

शाला चाभासुरा साध्या साधनीया च सामगा ।सप्तस्वरा सप्तधरा सप्तसप्तिविलोचना ॥ ८७॥

śālā cābhāsurā sādhyā sādhanīyā ca sāmagā |saptasvarā saptadharā saptasaptivilocanā || 87||

स्थितिः क्षेमङ्करी स्वाहा वाचाली (८००) विविषाम्बरा ।कलकण्ठी घोषधरा सुग्रीवा कन्धरा रुचिः ॥ ८८॥

sthitiḥ kṣemaṅkarī svāhā vācālī (800) viviṣāmbarā |kalakaṇṭhī ghoṣadharā sugrīvā kandharā ruciḥ || 88||

शुचिस्मिता समुद्रेष्टा शशिनी वशिनी सुदृक् ।सर्वज्ञा सर्वदा शारी सुनासा सुरकन्यका ॥ ८९॥

śucismitā samudreṣṭā śaśinī vaśinī sudṛk |sarvajñā sarvadā śārī sunāsā surakanyakā || 89||

सेना सेनासुता शृङ्गी शृङ्गिणी हाटकेश्वरी ।होटिका हारिणी लिङ्गा भगलिङ्गस्वरूपिणी ॥ ९०॥

senā senāsutā śṛṅgī śṛṅgiṇī hāṭakeśvarī |hoṭikā hāriṇī liṅgā bhagaliṅgasvarūpiṇī || 90||

भगमाता च लिङ्गाख्या लिङ्गप्रीतिः कलिङ्गजा ।कुमारी युवती प्रौढा नवोढा प्रौढरूपिर्णा ॥ ९१॥

bhagamātā ca liṅgākhyā liṅgaprītiḥ kaliṅgajā |kumārī yuvatī prauḍhā navoḍhā prauḍharūpirṇā || 91||

रम्या रजोवती रज्जु रजोली राजसी घटी ।कैवर्ती राक्षसी रात्री रात्रिञ्चरक्षयङ्करी ॥ ९२॥

ramyā rajovatī rajju rajolī rājasī ghaṭī |kaivartī rākṣasī rātrī rātriñcarakṣayaṅkarī || 92||

महोग्रा मुदिता भिल्ली भल्लहस्ता भयङ्करी ।तिलाभा दारिका द्वाःस्था द्वारिका मध्यदेशगा ॥ ९३॥

mahogrā muditā bhillī bhallahastā bhayaṅkarī |tilābhā dārikā dvāḥsthā dvārikā madhyadeśagā || 93||

चित्रलेखा वसुमती सुन्दराङ्गी वसुन्धरा ।देवता पर्वतस्था च परभूः परमाकृतिः ॥ ९४॥

citralekhā vasumatī sundarāṅgī vasundharā |devatā parvatasthā ca parabhūḥ paramākṛtiḥ || 94||

परमूतिर्मुण्डमाला नागयज्ञोपवीतिनी ।श्मशानकालिका श्मश्रुः प्रलयात्मा प्रलोपिनी ॥ ९५॥

paramūtirmuṇḍamālā nāgayajñopavītinī |śmaśānakālikā śmaśruḥ pralayātmā pralopinī || 95||

प्रस्थस्था प्रस्थिनी प्रस्था धूम्रार्चिर्धूम्ररूपिणी ।धूम्राङ्गी धूम्रकेशा च कपिला कालनाशिनी ॥ ९६॥

prasthasthā prasthinī prasthā dhūmrārcirdhūmrarūpiṇī |dhūmrāṅgī dhūmrakeśā ca kapilā kālanāśinī || 96||

कङ्काली कालरूपा च कालमाता मलिम्लुची ।शर्वाणी रुद्रपत्नी च रौद्री रुद्रस्वरूपिणी ॥ ९७॥

kaṅkālī kālarūpā ca kālamātā malimlucī |śarvāṇī rudrapatnī ca raudrī rudrasvarūpiṇī || 97||

सन्ध्या त्रिसन्ध्या सम्पूज्या सर्वैश्वर्यप्रदायिनी ।कुलजा सत्यलोकेशा सत्यवाक् सत्यवादिनी ॥ ३८॥

sandhyā trisandhyā sampūjyā sarvaiśvaryapradāyinī |kulajā satyalokeśā satyavāk satyavādinī || 38||

सत्यस्वरा सत्यमयी हरिद्वारा हरिन्मयी ।हरिद्रतन्मयी राशि (९००) र्ग्रहतारातिथितनुः ॥ ९९॥

satyasvarā satyamayī haridvārā harinmayī |haridratanmayī rāśi (900) rgrahatārātithitanuḥ || 99||

तुम्बुरुस्त्रुटिका त्रोटी भुवनेशी भयापहा ।राज्ञी राज्यप्रदा योग्या योगिनी भुवनेश्वरी ॥ १००॥

tumburustruṭikā troṭī bhuvaneśī bhayāpahā |rājñī rājyapradā yogyā yoginī bhuvaneśvarī || 100||

तुरी तारा महालक्ष्मीर्भीडा भार्गी भयानका ।कालरात्रिर्महारात्रिर्महाविद्या शिवालया ॥ १०१॥

turī tārā mahālakṣmīrbhīḍā bhārgī bhayānakā |kālarātrirmahārātrirmahāvidyā śivālayā || 101||

शिवासङ्गा शिवस्था च समाधिरग्निवाहना ।अग्नीश्वरी महाव्याप्तिर्बलाका बालरूपिणी ॥ १०२॥ वर् महीव्याप्ति

śivāsaṅgā śivasthā ca samādhiragnivāhanā |agnīśvarī mahāvyāptirbalākā bālarūpiṇī || 102|| var mahīvyāpti

बटुकेशी विलासा च सदसत्पुरभैरवी ।विघ्नहा खलहा गाथा कथा कन्था शुभाम्बरा ॥ १०३॥

baṭukeśī vilāsā ca sadasatpurabhairavī |vighnahā khalahā gāthā kathā kanthā śubhāmbarā || 103||

क्रतुहा ॠतुजा क्रान्ता माधवी चामरावती ।अरुणाक्षी विशालाक्षी पुण्यशीला विलासिनी ॥ १०४॥

kratuhā ṝtujā krāntā mādhavī cāmarāvatī |aruṇākṣī viśālākṣī puṇyaśīlā vilāsinī || 104||

सुमाता स्कन्दमाता च कृत्तिका भरणी बलिः ।जिनेश्वरी सुकुशला गोपी गोपतिपूजिता ॥ १०५॥

sumātā skandamātā ca kṛttikā bharaṇī baliḥ |jineśvarī sukuśalā gopī gopatipūjitā || 105||

गुप्ता गोप्यतरा ख्याता प्रकटा गोपितात्मिका ।कुलाम्नायवती कीला पूर्णा स्वर्णाङ्गदोत्सुका ॥ १०६॥

guptā gopyatarā khyātā prakaṭā gopitātmikā |kulāmnāyavatī kīlā pūrṇā svarṇāṅgadotsukā || 106||

उत्कण्ठा कलकण्ठी च रक्तपा पानपाऽमला ।सम्पूर्णचन्द्रवदना यशोदा च यशस्विनी ॥ १०७॥

utkaṇṭhā kalakaṇṭhī ca raktapā pānapā'malā |sampūrṇacandravadanā yaśodā ca yaśasvinī || 107||

आनन्दा सुन्दरी सर्वानन्दा नन्दात्मजा लया ।विद्युत् खद्योतरूपा च सादरा जविका जविः ॥ १०८॥ वर् जीवका

ānandā sundarī sarvānandā nandātmajā layā |vidyut khadyotarūpā ca sādarā javikā javiḥ || 108|| var jīvakā

जननी जनहर्त्री च खर्परा खञ्जनेक्षणा ।जीर्णा जीमूतलक्ष्या च जटिनी जयवर्धिनी ॥ १०९॥

jananī janahartrī ca kharparā khañjanekṣaṇā |jīrṇā jīmūtalakṣyā ca jaṭinī jayavardhinī || 109||

जलस्था च जयन्ती च जम्भारिवरदा तथा ।सहस्रनामसम्पूर्णा देवी ज्वालामुखी स्मृता (१०००) ॥ ११०॥

jalasthā ca jayantī ca jambhārivaradā tathā |sahasranāmasampūrṇā devī jvālāmukhī smṛtā (1000) || 110||

इति नाम्नां सहस्रं तु ज्वालामुख्याः शिवोदितम् ।चतुर्वर्गप्रदं नित्यं बीजत्रयप्रकाशितम् ॥ १११॥

iti nāmnāṃ sahasraṃ tu jvālāmukhyāḥ śivoditam |caturvargapradaṃ nityaṃ bījatrayaprakāśitam || 111||

मोक्षैकहेतुमतुलं भुक्तिमुक्तिप्रदं नृणाम् ।स्तुत्यं च साधनीयं च सर्वस्वं सारमुत्तमम् ॥ ११२॥

mokṣaikahetumatulaṃ bhuktimuktipradaṃ nṛṇām |stutyaṃ ca sādhanīyaṃ ca sarvasvaṃ sāramuttamam || 112||

महामन्त्रमयं विद्यामयं विद्याप्रदं परम् ।परब्रह्मस्वरूपं च साक्षादमृतरूपणम् ॥ ११३॥

mahāmantramayaṃ vidyāmayaṃ vidyāpradaṃ param |parabrahmasvarūpaṃ ca sākṣādamṛtarūpaṇam || 113||

अद्वैतरूपणं नाम्नां सहस्रं भैरवोदितम् ।यः पठेत् पाठयेद्वापि शृणोति श्रावयेदपि ॥ ११४॥

advaitarūpaṇaṃ nāmnāṃ sahasraṃ bhairavoditam |yaḥ paṭhet pāṭhayedvāpi śṛṇoti śrāvayedapi || 114||

भक्त्या युतो महादेवि स भवेद्भैरवोपमः ।शिवरात्र्यां च सङ्क्रान्तौ ग्रहणे जन्मवासरे ॥ ११५॥

bhaktyā yuto mahādevi sa bhavedbhairavopamaḥ |śivarātryāṃ ca saṅkrāntau grahaṇe janmavāsare || 115||

भैरवस्य बलिं दत्त्वा मूलमन्त्रेण मान्त्रिकः ।पठेन्नामसहस्रं च ज्वालामुख्याः सुदुर्लभम् ॥ ११६॥

bhairavasya baliṃ dattvā mūlamantreṇa māntrikaḥ |paṭhennāmasahasraṃ ca jvālāmukhyāḥ sudurlabham || 116||

अनन्तफलदं गोप्यं त्रिसन्ध्यं यः पठेत् सुधीः ।अणिमादिविभूतीनामीयरो धार्मिको भवेत् ॥ ११७॥

anantaphaladaṃ gopyaṃ trisandhyaṃ yaḥ paṭhet sudhīḥ |aṇimādivibhūtīnāmīyaro dhārmiko bhavet || 117||

अर्धरात्रे समुत्थाय शून्यगेहे पठेदिदम् ।नाम्नां सहस्रकं दिव्यं त्रिवारं साधकोत्तमः ॥ ११८॥

ardharātre samutthāya śūnyagehe paṭhedidam |nāmnāṃ sahasrakaṃ divyaṃ trivāraṃ sādhakottamaḥ || 118||

कर्मणा मनसा वाचा ज्वालामुख्याः सुतो भवेत् ।मध्याह्ने प्रत्यहं गत्वा प्रेतभूमि विधानवित् ॥ ११९॥

karmaṇā manasā vācā jvālāmukhyāḥ suto bhavet |madhyāhne pratyahaṃ gatvā pretabhūmi vidhānavit || 119||

नरमांसवलिं दत्त्वा पठेत् सहस्रनामकम् ।दिव्यदेहधरो भूत्वा विचरेद्भुवनत्रयम् ॥ १२०॥

naramāṃsavaliṃ dattvā paṭhet sahasranāmakam |divyadehadharo bhūtvā vicaredbhuvanatrayam || 120||

शनिवारे कुजेऽष्टम्यां पठेन्नामसहस्रकम् ।दत्त्वा क्षीरबलिं तस्यै करस्थाः सर्वसिद्धयः ॥ १२१॥

śanivāre kuje'ṣṭamyāṃ paṭhennāmasahasrakam |dattvā kṣīrabaliṃ tasyai karasthāḥ sarvasiddhayaḥ || 121||

विना नैवेद्यमात्रेण न रक्ष्यं साधकोत्तमैः ।कुजवारे सदा देवि दत्त्वाऽऽसवबलिं नरः ॥ १२२॥ वर् दत्त्वासवबलिं

vinā naivedyamātreṇa na rakṣyaṃ sādhakottamaiḥ |kujavāre sadā devi dattvā''savabaliṃ naraḥ || 122|| var dattvāsavabaliṃ

पठेत् साधक एवाशु लभेद् दर्शनमुत्तमम् ।शनिवारे सदा विद्यां जप्त्वा दत्त्वा बलिं प्रिये ॥ १२३॥

paṭhet sādhaka evāśu labhed darśanamuttamam |śanivāre sadā vidyāṃ japtvā dattvā baliṃ priye || 123||

कपोतस्य महेशानि पठेन्नामसहस्रकम् ।तद्गृहे वर्धते लक्ष्मीर्गोकर्णमिव नित्यशः ॥ १२४॥

kapotasya maheśāni paṭhennāmasahasrakam |tadgṛhe vardhate lakṣmīrgokarṇamiva nityaśaḥ || 124||

शतावर्तं चरेद्रात्रौ साधको दर्शनं लभेत् ।वन्ध्या वा काकवन्ध्या वा कुङ्कुमेन लिखेदिदम् ॥ १२५॥

śatāvartaṃ caredrātrau sādhako darśanaṃ labhet |vandhyā vā kākavandhyā vā kuṅkumena likhedidam || 125||

स्वस्तन्येन च शुक्रेण भूर्जे नामसहस्रकम् ।गले वा वामबाहौ वा धारयेत् प्रत्यहं प्रिये ॥ १२६॥

svastanyena ca śukreṇa bhūrje nāmasahasrakam |gale vā vāmabāhau vā dhārayet pratyahaṃ priye || 126||

वन्ध्याऽपि लभते पुत्रात्र्शूरान् विद्याधरोपमान् । वर् वन्ध्यापिइदं धृत्वा सव्यबाहौ गत्वा रणधरां प्रति ॥ १२७॥

vandhyā'pi labhate putrātrśūrān vidyādharopamān | var vandhyāpiidaṃ dhṛtvā savyabāhau gatvā raṇadharāṃ prati || 127||

निर्जित्य शत्रुसङ्घातान् सुखी याति स्वकं गृहम् ।वारत्रयं पठेन्नित्यं शत्रुनाशाय पार्वति ॥ १२८॥

nirjitya śatrusaṅghātān sukhī yāti svakaṃ gṛham |vāratrayaṃ paṭhennityaṃ śatrunāśāya pārvati || 128||

बारद्वयं पठेल्लक्ष्म्यै मुक्त्यै तु शतधा पठेत् ।वश्यार्थे दशधा नित्यं मारणार्थे च विंशतिम् ॥ १२९॥

bāradvayaṃ paṭhellakṣmyai muktyai tu śatadhā paṭhet |vaśyārthe daśadhā nityaṃ māraṇārthe ca viṃśatim || 129||

स्तम्भनार्थे पठेन्नित्यं सप्तधा मान्त्रिकोत्तमः ।भूम्यर्थे त्रिंशतिं देवि पठेन्नामसहस्रकम् ॥ १३०॥

stambhanārthe paṭhennityaṃ saptadhā māntrikottamaḥ |bhūmyarthe triṃśatiṃ devi paṭhennāmasahasrakam || 130||

प्रत्यहमेकवारं तु मृतो मोक्षमवाप्नुयात् ।अप्रकाश्यमदातव्यमवक्तव्यमभक्तिषु ॥ १३१॥

pratyahamekavāraṃ tu mṛto mokṣamavāpnuyāt |aprakāśyamadātavyamavaktavyamabhaktiṣu || 131||

अशाक्तायाकुलीनाय कुपुत्राय दुरात्मने ।गुरुभक्तिविहीनाय दीक्षाहीनाय पार्वति ॥ १३२॥

aśāktāyākulīnāya kuputrāya durātmane |gurubhaktivihīnāya dīkṣāhīnāya pārvati || 132||

दत्त्वा कुष्ठी भवेल्लोके परत्र नरकं व्रजेत् ।श्रद्धायुक्ताय भक्ताय साधकाय महात्मने ।साचाराय सुशीलाय दत्त्वा मोक्षमवाप्नुयात् ॥ १३३॥

dattvā kuṣṭhī bhavelloke paratra narakaṃ vrajet |śraddhāyuktāya bhaktāya sādhakāya mahātmane |sācārāya suśīlāya dattvā mokṣamavāpnuyāt || 133||

॥ इति श्रीरुद्रयामले तन्त्रे दशविद्यारहस्येश्रीज्वालामुखीसहस्रनामस्तोत्रं समाप्तम् ॥

|| iti śrīrudrayāmale tantre daśavidyārahasyeśrījvālāmukhīsahasranāmastotraṃ samāptam ||