दुर्गाप्रातःस्मरणस्तोत्रम् Shri Durgapratahsmaranastotram

प्रातः स्मरन्निदमहं गिरिराजकन्यामार्त्तार्त्तिमोचनचणस्मरणां विनीतः ।आवेदयामि करुणामृतपूरवर्षैराप्लावयाशु जनमार्त्तमिमं प्रपन्नम् ॥ १॥

prātaḥ smarannidamahaṃ girirājakanyāmārttārttimocanacaṇasmaraṇāṃ vinītaḥ |āvedayāmi karuṇāmṛtapūravarṣairāplāvayāśu janamārttamimaṃ prapannam || 1||

प्रातर्नमन्निदमहं विनिवेदयामिश्रीमेनकेक्षणचकोरसुधांशुलेखाम् ।शिष्टान्यहानि मम सन्तु पवित्रितानित्वत्पादचिन्तनसमाहितहृद्विलासैः ॥ २॥

prātarnamannidamahaṃ vinivedayāmiśrīmenakekṣaṇacakorasudhāṃśulekhām |śiṣṭānyahāni mama santu pavitritānitvatpādacintanasamāhitahṛdvilāsaiḥ || 2||

प्रातर्भजन्नहमवाप्तसमस्तकामांकामान्तकारिमहिलां महितां हिताय ।मातर्जहीहि मम वाञ्छितसंविधानेऽवज्ञां कृताञ्जलिरिदं विनिवेदयामि ॥ ३॥

prātarbhajannahamavāptasamastakāmāṃkāmāntakārimahilāṃ mahitāṃ hitāya |mātarjahīhi mama vāñchitasaṃvidhāne'vajñāṃ kṛtāñjaliridaṃ vinivedayāmi || 3||

श्लोकत्रयं विरचितं यमिना प्रबोधानन्देन नन्दयतु शश्वदिदं प्रसन्नम् ।श्रीमन्महेशनयनोन्मदभृङ्गमालालास्यास्पदाम्बुजमुखीकरुणैकपात्रान् ॥ ४॥

ślokatrayaṃ viracitaṃ yaminā prabodhānandena nandayatu śaśvadidaṃ prasannam |śrīmanmaheśanayanonmadabhṛṅgamālālāsyāspadāmbujamukhīkaruṇaikapātrān || 4||

इति श्रीमत्परमहंसपरिव्राजकाचार्यस्वामिप्रकाशानन्दपुरीविरचितंदुर्गाप्रातःस्मरणस्तोत्रं सम्पूर्णम् ॥

iti śrīmatparamahaṃsaparivrājakācāryasvāmiprakāśānandapurīviracitaṃdurgāprātaḥsmaraṇastotraṃ sampūrṇam ||