आर्याष्टकम् Shri Arya Ashtakam

करस्थकदलीचूतपनसेष्टकमोदकम् ।बालसूर्यप्रतीकाशं वन्दे बालगणाधिपम् ॥ १॥

karasthakadalīcūtapanaseṣṭakamodakam |bālasūryapratīkāśaṃ vande bālagaṇādhipam || 1||

आर्यां कात्यायनीं देवीमभीष्टफलदायिनीम् ।देहि विद्यां महादेवि नमामि त्वां महेश्वरीम् ॥ २॥

āryāṃ kātyāyanīṃ devīmabhīṣṭaphaladāyinīm |dehi vidyāṃ mahādevi namāmi tvāṃ maheśvarīm || 2||

महादेवप्रियां कालीं महायोगेश्वरेश्वरीम् ।महालक्ष्मीं शिवां गौरीं देहि विद्यां महेश्वरि ॥ ३॥

mahādevapriyāṃ kālīṃ mahāyogeśvareśvarīm |mahālakṣmīṃ śivāṃ gaurīṃ dehi vidyāṃ maheśvari || 3||

उमां हैमवतीं शुभ्रां कोमलाङ्गी शुभप्रियाम् ।नमामि शुभ्रवक्त्रां त्वां देहि विद्यां शिवप्रिये ॥ ४॥

umāṃ haimavatīṃ śubhrāṃ komalāṅgī śubhapriyām |namāmi śubhravaktrāṃ tvāṃ dehi vidyāṃ śivapriye || 4||

पद्महस्तां सहस्राक्षीं सहस्रानललोचनाम् ।नौमि दुर्गा भगवतीं देहि विद्यां सुरेश्वरि ॥ ५॥

padmahastāṃ sahasrākṣīṃ sahasrānalalocanām |naumi durgā bhagavatīṃ dehi vidyāṃ sureśvari || 5||

पद्ममन्दिरमध्यस्थां योगिवृन्दैर्निषेविताम् ।नौमि विश्वमयीं वाणीं देहि विद्यां सुलोचने ॥ ६॥

padmamandiramadhyasthāṃ yogivṛndairniṣevitām |naumi viśvamayīṃ vāṇīṃ dehi vidyāṃ sulocane || 6||

लक्ष्मीं क्षमां शिवां धात्रीं कल्याणगुणवर्धनीम् ।वन्दे त्वां प्रणतार्तिघ्नीं देहि विद्यां सुरेश्वरि ॥ ७॥

lakṣmīṃ kṣamāṃ śivāṃ dhātrīṃ kalyāṇaguṇavardhanīm |vande tvāṃ praṇatārtighnīṃ dehi vidyāṃ sureśvari || 7||

विधिरूपां हंसवाहां ब्रह्मध्यानपरायणाम् ।वरदाभयकरां विद्यां देहि (त्वं) परमेश्वरि ॥ ८॥

vidhirūpāṃ haṃsavāhāṃ brahmadhyānaparāyaṇām |varadābhayakarāṃ vidyāṃ dehi (tvaṃ) parameśvari || 8||

चारुप्रसन्नमदनां चन्द्रशेखरवल्लभाम् ।विद्यां देहि महामाये वन्दे त्वां वृषवाहिनीम् ॥ ९॥

cāruprasannamadanāṃ candraśekharavallabhām |vidyāṃ dehi mahāmāye vande tvāṃ vṛṣavāhinīm || 9||

आर्याष्टकमिदं पुण्यं यः पठेत् सततं नरः ।महादेवीप्रसादेन षण्मासात स कविर्भवेत् ॥ १०॥

āryāṣṭakamidaṃ puṇyaṃ yaḥ paṭhet satataṃ naraḥ |mahādevīprasādena ṣaṇmāsāta sa kavirbhavet || 10||

इति श्री आर्याष्टकं सम्पूर्णम् ।

iti śrī āryāṣṭakaṃ sampūrṇam |