अनघाकवचाष्टकम् Shri Anagha Kavacha Ashtakam

शिरो मे अनघा पातु भालं मे दत्तभामिनी ।भ्रूमध्यं योगिनी पातु नेत्रे पातु सुदर्शिनी ॥ १॥

śiro me anaghā pātu bhālaṃ me dattabhāminī |bhrūmadhyaṃ yoginī pātu netre pātu sudarśinī || 1||

नासारन्ध्रद्वये पातु योगिशी भक्तवत्सला ॥मुखं मे मधुवाक्पातु दत्तचित्तविहारिणी ॥ २॥

nāsārandhradvaye pātu yogiśī bhaktavatsalā ||mukhaṃ me madhuvākpātu dattacittavihāriṇī || 2||

त्रिकण्ठी पातु मे कण्ठं वाचं वाचस्पतिप्रिया ।स्कन्धौ मे त्रिगुणा पातु भुजौ कमलधारिणी ॥ ३॥

trikaṇṭhī pātu me kaṇṭhaṃ vācaṃ vācaspatipriyā |skandhau me triguṇā pātu bhujau kamaladhāriṇī || 3||

करौ सेवारता पातु हृदयं मन्दहासिनी ।उदरं अन्नदा पातु स्वयञ्जा नाभिमण्डलम् ॥ ४॥

karau sevāratā pātu hṛdayaṃ mandahāsinī |udaraṃ annadā pātu svayañjā nābhimaṇḍalam || 4||

कमनिया कटि पातु गुह्यं गुह्येश्वरी सदा ।ऊरु मे पातु जम्भघ्नी जानुनी रेणुकेष्टदा ॥ ५॥

kamaniyā kaṭi pātu guhyaṃ guhyeśvarī sadā |ūru me pātu jambhaghnī jānunī reṇukeṣṭadā || 5||

पादौ पादस्थिता पातु पुत्रदा वै खिलं वपुः ।वामगा पातु वामाङ्गं दक्षाङ्ग गुरुगामिनी ॥ ६॥

pādau pādasthitā pātu putradā vai khilaṃ vapuḥ |vāmagā pātu vāmāṅgaṃ dakṣāṅga gurugāminī || 6||

गृहं मे दत्तगृहिणी बाह्ये सर्वात्मिकाऽवतु ।त्रिकाले सर्वदा रक्षेत् पतिशुश्रुणोत्सुका ॥ ७॥

gṛhaṃ me dattagṛhiṇī bāhye sarvātmikā'vatu |trikāle sarvadā rakṣet patiśuśruṇotsukā || 7||

जाया मे दत्तवामाङ्गी अष्टपुत्रा सुतोऽवतु ।गोत्रमत्रि स्नुषा रक्षेदनघा भक्तरक्षणी ॥ ८॥

jāyā me dattavāmāṅgī aṣṭaputrā suto'vatu |gotramatri snuṣā rakṣedanaghā bhaktarakṣaṇī || 8||

यः पठेदनघाकवचं नित्यं भक्तियुतो नरः ।तस्मै भवत्यनघाम्बा वरदा सर्वभाग्यदा ॥इति श्री अनघाकवचाष्टकं सम्पूर्णम् ।

yaḥ paṭhedanaghākavacaṃ nityaṃ bhaktiyuto naraḥ |tasmai bhavatyanaghāmbā varadā sarvabhāgyadā ||iti śrī anaghākavacāṣṭakaṃ sampūrṇam |