अम्बिकास्तवनम् Shri Ambikastavanam

महामात्यश्रीवस्तुपालविरचितंपुण्ये गिरीशशिरसि प्रथितावतारामासूत्रितत्रितजगतीदुरिनापहाराम् ।दौर्गत्यपातिजनताजनितावलम्वामम्वामहं महिमहैमवतीं ! महेयम् ॥ १॥

mahāmātyaśrīvastupālaviracitaṃpuṇye girīśaśirasi prathitāvatārāmāsūtritatritajagatīdurināpahārām |daurgatyapātijanatājanitāvalamvāmamvāmahaṃ mahimahaimavatīṃ ! maheyam || 1||

यद्वक्त्रकुञ्जरहरोदूगतसिंहनादोऽप्युन्मादिविघ्नकरियूथकधाममाथम् ।कृऽष्माण्डि खण्डयतु दुर्विनयेन कण्ठः कण्ठीरवः सतव भक्तिनतेषु भीतिम् ॥ २॥

yadvaktrakuñjaraharodūgatasiṃhanādo'pyunmādivighnakariyūthakadhāmamātham |kṛ'ṣmāṇḍi khaṇḍayatu durvinayena kaṇṭhaḥ kaṇṭhīravaḥ satava bhaktinateṣu bhītim || 2||

कृष्माण्डि ! मण्डनमभूत्तव पादपद्मयुग्मं यदीयहृदयावनिमण्डलस्य ।पद्मालया नवनिवासविशेपलाभलुब्धा न धावति कुतोऽपि ततः परेण ॥ ३॥

kṛṣmāṇḍi ! maṇḍanamabhūttava pādapadmayugmaṃ yadīyahṛdayāvanimaṇḍalasya |padmālayā navanivāsaviśepalābhalubdhā na dhāvati kuto'pi tataḥ pareṇa || 3||

दारिद्र्यदुर्दमतमःशमनप्रदीपाः सन्तानकाननघनाघनवारिधाराः ।दुःखोपतप्तजनबालमृणालदण्डाः कृष्माण्डि ! पातु पदपद्मनस्वांशवस्ते ॥ ४॥

dāridryadurdamatamaḥśamanapradīpāḥ santānakānanaghanāghanavāridhārāḥ |duḥkhopataptajanabālamṛṇāladaṇḍāḥ kṛṣmāṇḍi ! pātu padapadmanasvāṃśavaste || 4||

देवि ! प्रकाशयति सन्ततमेष कामं वामेतरस्तव करश्चरणानतानाम् ।कुर्वन् पुरः प्रगुणितां सहकारलुम्बिमम्बे ! विलम्बविकलस्य फलस्य लाभम् ॥ ५॥

devi ! prakāśayati santatameṣa kāmaṃ vāmetarastava karaścaraṇānatānām |kurvan puraḥ praguṇitāṃ sahakāralumbimambe ! vilambavikalasya phalasya lābham || 5||

हन्तुं जनस्य दुरितां त्वरिता त्वमेव निन्ये त्वमेव जिनशासनरक्षणाय ।देवि ! त्वमेव पुरुषोत्तममाननीया कामं विभासि विभया सभया त्वमेव ॥ ६॥

hantuṃ janasya duritāṃ tvaritā tvameva ninye tvameva jinaśāsanarakṣaṇāya |devi ! tvameva puruṣottamamānanīyā kāmaṃ vibhāsi vibhayā sabhayā tvameva || 6||

तेषां मृगेश्वरगरज्वरमारिवैरिदुर्वार्वारणजलज्वलनोद्भवा भीः ।उच्छुरङ्खलं न खलु खेलति येषु धत्सेवात्सल्यपल्लवितमम्बकमम्बिके ! त्वम् ॥ ७॥

teṣāṃ mṛgeśvaragarajvaramārivairidurvārvāraṇajalajvalanodbhavā bhīḥ |ucchuraṅkhalaṃ na khalu khelati yeṣu dhatsevātsalyapallavitamambakamambike ! tvam || 7||

देवि ! त्वदूर्जितजितप्रतिपन्थितीर्थयात्राविधौ बुधजनाननरङ्गसङ्गि ।एतत्वयि स्तुतिनिभाद्भुतकल्पवल्लीहल्लीसकं सकलसङ्घमनोमुदेऽस्तु ॥ ८॥

devi ! tvadūrjitajitapratipanthitīrthayātrāvidhau budhajanānanaraṅgasaṅgi |etatvayi stutinibhādbhutakalpavallīhallīsakaṃ sakalasaṅghamanomude'stu || 8||

वरदे ! कल्पवल्लि ! त्वं स्तुतिरूपे ! सरस्वति !।पादाग्रानुगतं भक्तं लम्भयस्वातुलैः फलैः ॥ ९॥

varade ! kalpavalli ! tvaṃ stutirūpe ! sarasvati !|pādāgrānugataṃ bhaktaṃ lambhayasvātulaiḥ phalaiḥ || 9||

स्तोत्रं श्रोत्ररसायनं श्रुतसरस्वानम्बिकायाः पुरश्चक्रे गूर्जरचक्रवर्तिसचिवः श्रीवस्तुपालः कविः ।प्राप्तः प्रातरधीयमानमनघं यच्चित्तवृत्तिं सतामाधत्ते विभुतां च ताण्डवयति श्रेयःश्रियं पुष्यति ॥ १०॥

stotraṃ śrotrarasāyanaṃ śrutasarasvānambikāyāḥ puraścakre gūrjaracakravartisacivaḥ śrīvastupālaḥ kaviḥ |prāptaḥ prātaradhīyamānamanaghaṃ yaccittavṛttiṃ satāmādhatte vibhutāṃ ca tāṇḍavayati śreyaḥśriyaṃ puṣyati || 10||

इति महामात्यश्रीवस्तुपालविरचिता अम्बिकास्तुतिः सम्पूर्णा ।

iti mahāmātyaśrīvastupālaviracitā ambikāstutiḥ sampūrṇā |