शत्रुमर्दनम् षट्कर्मणां कवचम् Shatkarmanam Kavacham Shatrumardanam

श्रीदेव्युवाचश्रुतं वटुकमाहात्म्यं पूर्णविस्मयकारकम् ।इदानीं श्रोतुमिच्छामि कवचं वै षट्कर्मणाम् ॥ १॥

śrīdevyuvācaśrutaṃ vaṭukamāhātmyaṃ pūrṇavismayakārakam |idānīṃ śrotumicchāmi kavacaṃ vai ṣaṭkarmaṇām || 1||

श्री ईश्वर उवाचशृणु देवि प्रवक्ष्यामि यन्मां त्वं परिपृच्छसि ।श्रवणात् पठनाद्वापि शत्रुनाशाय तत्क्षणात् ॥ २॥

śrī īśvara uvācaśṛṇu devi pravakṣyāmi yanmāṃ tvaṃ paripṛcchasi |śravaṇāt paṭhanādvāpi śatrunāśāya tatkṣaṇāt || 2||

श्रीदेव्युवाचत्रैलोक्यमोहनार्थं तु कवचं मे प्रकाशय ।त्रैलोक्यशत्रु संहन्तु नाशितं यत्क्षमं भवेत् ॥ ३॥

śrīdevyuvācatrailokyamohanārthaṃ tu kavacaṃ me prakāśaya |trailokyaśatru saṃhantu nāśitaṃ yatkṣamaṃ bhavet || 3||

एवमुक्तो महादेवः क्रुद्धो भूत्वा जगत्पतिः ।देवीं प्रबोधयामास वाक्येनामृतवर्षिणा ॥ ४॥

evamukto mahādevaḥ kruddho bhūtvā jagatpatiḥ |devīṃ prabodhayāmāsa vākyenāmṛtavarṣiṇā || 4||

श्रीमहादेव उवाचपरानिष्टे महादेवि कुतस्ते जायते मतिः ॥ ५॥

śrīmahādeva uvācaparāniṣṭe mahādevi kutaste jāyate matiḥ || 5||

श्रीदेव्युवाचजिघांसन्तं जिघांसीयान्न तेन ब्रह्महा भवेत् ।ये यथा मां प्रपद्यन्ते श्रुतिरस्ति पुरातनी ॥ ६॥

śrīdevyuvācajighāṃsantaṃ jighāṃsīyānna tena brahmahā bhavet |ye yathā māṃ prapadyante śrutirasti purātanī || 6||

यदि ते वर्तते देव दया हि कथ्यतां मयि ।शत्रूणां प्राणनाशार्थभुच्चाटनवशीकृतौ ॥ ७॥

yadi te vartate deva dayā hi kathyatāṃ mayi |śatrūṇāṃ prāṇanāśārthabhuccāṭanavaśīkṛtau || 7||

तेषां हि बलनाशार्थं सर्वदा प्रयता नराः ॥ ८॥

teṣāṃ hi balanāśārthaṃ sarvadā prayatā narāḥ || 8||

ईश्वर उवाचशृणु देवि महाभागे कालाग्निप्राणवल्लभे ।यस्य धारणमात्रेण शत्रूणां नाशनं भवेत् ॥ ९॥

īśvara uvācaśṛṇu devi mahābhāge kālāgniprāṇavallabhe |yasya dhāraṇamātreṇa śatrūṇāṃ nāśanaṃ bhavet || 9||

धृत्वा तु पादमूलेन स्पृष्ट्वा दास इवाकरोत् ।शरणागतमात्रन्तु नाशितुं नैव शक्यते ॥ १०॥

dhṛtvā tu pādamūlena spṛṣṭvā dāsa ivākarot |śaraṇāgatamātrantu nāśituṃ naiva śakyate || 10||

शृणु देवि महाभागे सावधानावधारय ।शत्रूणां प्राणनाशार्थं कुपितः काल एव सः ॥ ११॥

śṛṇu devi mahābhāge sāvadhānāvadhāraya |śatrūṇāṃ prāṇanāśārthaṃ kupitaḥ kāla eva saḥ || 11||

दशवक्त्रा दशभुजा दशपादाञ्जनप्रभा ।कोटिसूर्यप्रभा काली मम शत्रून् विनाशय ।नाशयित्वा क्षणं देवि अन्यशत्रून् विनाशय ॥ १२॥

daśavaktrā daśabhujā daśapādāñjanaprabhā |koṭisūryaprabhā kālī mama śatrūn vināśaya |nāśayitvā kṣaṇaṃ devi anyaśatrūn vināśaya || 12||

क्रीं क्रीं क्रीं उग्रप्रभे विकटदंष्ट्रे परपक्षं मोहय मोहय पचपच मथ मथ दह दह हन हन मारय मारय ये मां हिंसितुमुद्यतायोगिनीचक्रैस्तान् वारय वारय छिन्धि छिन्धि भिन्धि भिन्धि करालिनिगृह्णगृह्ण ओं क्रीं क्रीं क्रीं क्रीं स्फूर स्फूर पूर पूर पून पूनचूल्व चूल्व धक धक धम धम मारय मारय सर्वजगद्वशमानयॐ नमः स्वाहा ।इति ते कवचं देवि भद्रकाल्या प्रचोदितम् ।भूर्जे विलिखितञ्चैतत् स्वर्णस्थं धारयेद्यदि ॥ १३॥

krīṃ krīṃ krīṃ ugraprabhe vikaṭadaṃṣṭre parapakṣaṃ mohaya mohaya pacapaca matha matha daha daha hana hana māraya māraya ye māṃ hiṃsitumudyatāyoginīcakraistān vāraya vāraya chindhi chindhi bhindhi bhindhi karālinigṛhṇagṛhṇa oṃ krīṃ krīṃ krīṃ krīṃ sphūra sphūra pūra pūra pūna pūnacūlva cūlva dhaka dhaka dhama dhama māraya māraya sarvajagadvaśamānayaoṃ namaḥ svāhā |iti te kavacaṃ devi bhadrakālyā pracoditam |bhūrje vilikhitañcaitat svarṇasthaṃ dhārayedyadi || 13||

शिखायां दक्षिणे बाहौ कण्ठे वा धारयेद्यदि ।त्रैलोक्यं मोहयेत्क्रोधात्त्रैलोक्यं चूर्णयेत्क्षणात् ॥ १४॥

śikhāyāṃ dakṣiṇe bāhau kaṇṭhe vā dhārayedyadi |trailokyaṃ mohayetkrodhāttrailokyaṃ cūrṇayetkṣaṇāt || 14||

पुत्रवान्धनवान्धीमान् नानाविद्यानिधिर्भवेत् ।ब्रह्माखादीनि शस्त्राणि तद्गात्रस्पर्शनात्ततः ॥ १५॥

putravāndhanavāndhīmān nānāvidyānidhirbhavet |brahmākhādīni śastrāṇi tadgātrasparśanāttataḥ || 15||

शत्रवो नाशमायान्ति रजतेन प्रघारितम् ।मासमात्रेण शत्रूणां महविपदकारणम् ॥ १६॥

śatravo nāśamāyānti rajatena praghāritam |māsamātreṇa śatrūṇāṃ mahavipadakāraṇam || 16||

यं यं शत्रुं स्मरन्मर्त्यः कवचं पठति ध्रुवम् ।तं तं नाशयते सद्यस्तथ्यं ते तद्वदाम्यहम् ॥ १७॥

yaṃ yaṃ śatruṃ smaranmartyaḥ kavacaṃ paṭhati dhruvam |taṃ taṃ nāśayate sadyastathyaṃ te tadvadāmyaham || 17||

धारणे भजते शत्रुः कण्ठशोचं सदा भवेत् ।हत्कम्पो जायते तावद्यावत्तस्य कृपा न चेत् ॥ १८॥

dhāraṇe bhajate śatruḥ kaṇṭhaśocaṃ sadā bhavet |hatkampo jāyate tāvadyāvattasya kṛpā na cet || 18||

इति क्रियोड्डीशे महातन्त्रराजे देवीश्वरसंवादे षट्कर्मणां कवचं समाप्तम् ।चतुर्दशः पटलः

iti kriyoḍḍīśe mahātantrarāje devīśvarasaṃvāde ṣaṭkarmaṇāṃ kavacaṃ samāptam |caturdaśaḥ paṭalaḥ