महोग्रतारास्तुतिः Mahogratara Stuti

ॐ नमः श्री उग्रतारायै ।प्रकटविकटदंष्ट्रा घोररुद्राट्टहासानरशिरकृतमाला मेघगम्भीररावा ।त्रिभुवनजनधात्री खड्गविन्यस्तहस्ताकरकरतिकपाला पातु व उग्रतारा ॥घोररूपे महारावे सर्वशत्रुक्षयङ्करि ।भक्तेभ्यो वरदे देवि त्राहि मां शरणागतम् ॥ १॥

oṃ namaḥ śrī ugratārāyai |prakaṭavikaṭadaṃṣṭrā ghorarudrāṭṭahāsānaraśirakṛtamālā meghagambhīrarāvā |tribhuvanajanadhātrī khaḍgavinyastahastākarakaratikapālā pātu va ugratārā ||ghorarūpe mahārāve sarvaśatrukṣayaṅkari |bhaktebhyo varade devi trāhi māṃ śaraṇāgatam || 1||

सुरासुरार्चिते देवि सिद्धगन्धर्वसेविते ।जाड्यपापहरे देवि त्राहि मां शरणागतम् ॥ २॥

surāsurārcite devi siddhagandharvasevite |jāḍyapāpahare devi trāhi māṃ śaraṇāgatam || 2||

सर्वमण्डल(मध्यस्थे) सर्वसत्त्वहितेऽनघे ।सिद्धानां पूजिते देवि त्राहि मां शरणागतम् ॥ ३॥

sarvamaṇḍala(madhyasthe) sarvasattvahite'naghe |siddhānāṃ pūjite devi trāhi māṃ śaraṇāgatam || 3||

घोररूपस्थिते देवि सर्वप्राणहरे स्तुते ।उग्रतारे नमो नित्यं त्राहि मां शरणागतम् ॥ ४॥

ghorarūpasthite devi sarvaprāṇahare stute |ugratāre namo nityaṃ trāhi māṃ śaraṇāgatam || 4||

जटाजूटसमायुक्ते ललज्जिह्वोर्ध्वकारिणि ।द्रुतबुद्धिप्रदे देवि त्राहि मां शरणागतम् ॥ ५॥

jaṭājūṭasamāyukte lalajjihvordhvakāriṇi |drutabuddhiprade devi trāhi māṃ śaraṇāgatam || 5||

सोमरूपे कोट्टरूपे चन्द्ररूपे नमोऽस्तु ते ।शक्तिरूपे नमस्तुभ्यं त्राहि मां शरणागतम् ॥ ६॥

somarūpe koṭṭarūpe candrarūpe namo'stu te |śaktirūpe namastubhyaṃ trāhi māṃ śaraṇāgatam || 6||

जडोऽहं शक्तिहीनोऽहं न तवाधिगमे क्षमः ।मन्दो मन्दमतिश्चाहं त्राहि मां शरणागतम् ॥ ७॥

jaḍo'haṃ śaktihīno'haṃ na tavādhigame kṣamaḥ |mando mandamatiścāhaṃ trāhi māṃ śaraṇāgatam || 7||

स्नाने दाने तथा जाप्ये बलिदाने तथा क्रतौ ।प्रस्थाने च न शक्तोऽहं त्राहि मां शरणागतम् ॥ ८॥

snāne dāne tathā jāpye balidāne tathā kratau |prasthāne ca na śakto'haṃ trāhi māṃ śaraṇāgatam || 8||

शक्तिहीनमनाथं च सर्वपापसमन्वितम् ।त्वां विना न गतिर्यस्य त्राहि मां शरणागतम् ॥ ९॥

śaktihīnamanāthaṃ ca sarvapāpasamanvitam |tvāṃ vinā na gatiryasya trāhi māṃ śaraṇāgatam || 9||

गौरी लक्ष्मीर्महामाया उमा देवी सरस्वती ।सर्वास्त्वमेव हे मातस्त्राहि मां शरणागतम् ॥ १०॥

gaurī lakṣmīrmahāmāyā umā devī sarasvatī |sarvāstvameva he mātastrāhi māṃ śaraṇāgatam || 10||

गन्धपुष्पादिद्रव्यैश्च वन्धनादिभिरेव च ।देवीं सम्पूज्य यत्नेन लभते वाञ्छितं फलम् ॥ ११॥

gandhapuṣpādidravyaiśca vandhanādibhireva ca |devīṃ sampūjya yatnena labhate vāñchitaṃ phalam || 11||

अष्टम्यां च चतुर्दश्यां नवम्यां यः पठेन्नरः ।परमां सिद्धिमाप्नोति नात्र कार्या विचारणा ॥ १२॥

aṣṭamyāṃ ca caturdaśyāṃ navamyāṃ yaḥ paṭhennaraḥ |paramāṃ siddhimāpnoti nātra kāryā vicāraṇā || 12||

मोक्षार्थी लभते मोक्षं धनार्थी लभते धनम् ।विद्यार्थी लभते विद्यां तर्कव्याकरणादिकाम् ॥ १३॥

mokṣārthī labhate mokṣaṃ dhanārthī labhate dhanam |vidyārthī labhate vidyāṃ tarkavyākaraṇādikām || 13||

इदं स्तोत्रं पठित्वा तु सङ्ग्रामे प्रविशेन्नरः ।तस्य शत्रुः क्षयं याति सदा प्रज्ञा प्रजायते ॥ १४॥

idaṃ stotraṃ paṭhitvā tu saṅgrāme praviśennaraḥ |tasya śatruḥ kṣayaṃ yāti sadā prajñā prajāyate || 14||

पीडायामथ सन्धाने विपदायां तथा भये ।य इदं पठते स्तोत्रं शुभं तस्य न संशयः ॥ १५॥

pīḍāyāmatha sandhāne vipadāyāṃ tathā bhaye |ya idaṃ paṭhate stotraṃ śubhaṃ tasya na saṃśayaḥ || 15||

इति श्रीमहोग्रतारास्तुतिः समाप्ता ॥

iti śrīmahogratārāstutiḥ samāptā ||