महिषमर्दिनीकवचम् २ Mahishamardini Kavacham 2

(श्यामारहस्ये)भैरव उवाच ।शृणु देवि ! प्रवक्ष्यामि मर्दिन्याः कवचं शुभम् ।यस्याराधनमात्रेण महाभैरवतां व्रजेत् ॥ १॥

(śyāmārahasye)bhairava uvāca |śṛṇu devi ! pravakṣyāmi mardinyāḥ kavacaṃ śubham |yasyārādhanamātreṇa mahābhairavatāṃ vrajet || 1||

देवैर्देवत्वविषये सिद्धैः खेचरसिद्धये ।पन्नगेराक्षसैर्मत्त्यैर्मुनिभिः सेवितं सदा ॥ २॥

devairdevatvaviṣaye siddhaiḥ khecarasiddhaye |pannagerākṣasairmattyairmunibhiḥ sevitaṃ sadā || 2||

अस्याः कवचं महापुण्यं स्वयं वक्त्राद्विनिःसृतम् ।(ॐ) भूप्रदेशे समे शुद्धे पुष्पप्रकरसङ्कुले ।कल्पयेदासनं धीमान् कोमलं कम्बलासनम् ॥ ३॥

asyāḥ kavacaṃ mahāpuṇyaṃ svayaṃ vaktrādviniḥsṛtam |(oṃ) bhūpradeśe same śuddhe puṣpaprakarasaṅkule |kalpayedāsanaṃ dhīmān komalaṃ kambalāsanam || 3||

वामे गुरुं पुनर्नत्वा दक्षिणे च गणाधिपम् ।मध्ये तु मर्दिनीं नत्वा सर्वे रक्षन्तु मां सदा ॥ ४॥

vāme guruṃ punarnatvā dakṣiṇe ca gaṇādhipam |madhye tu mardinīṃ natvā sarve rakṣantu māṃ sadā || 4||

आग्नेय्यां नैरॄते पातु चैशान्यां वायवे तथा ।उत्तरे पातु ललिता जिह्वाललनभीषण ॥ ५॥

āgneyyāṃ nairṝte pātu caiśānyāṃ vāyave tathā |uttare pātu lalitā jihvālalanabhīṣaṇa || 5||

कौमारी पश्चिमे पातु धनदा च दिशो दशः ।शाकिनी डाकिनी पातु मर्दिनी पातु सर्वदा ॥ ६॥

kaumārī paścime pātu dhanadā ca diśo daśaḥ |śākinī ḍākinī pātu mardinī pātu sarvadā || 6||

कल्पवृक्षः सदा पातु विघ्न च रक्तदन्तिका ।एतास्तु वरयोगिन्यो रक्षन्तु साधकाग्रतः ॥ ७॥

kalpavṛkṣaḥ sadā pātu vighna ca raktadantikā |etāstu varayoginyo rakṣantu sādhakāgrataḥ || 7||

पठित्वा पाठयित्वा च कवचं सिद्धिदायकम् ।पठेन्मासत्रयं मन्त्रो वारमेकं तथा निशि ॥ ८॥

paṭhitvā pāṭhayitvā ca kavacaṃ siddhidāyakam |paṭhenmāsatrayaṃ mantro vāramekaṃ tathā niśi || 8||

रात्रौ वारत्रयं जप्त्वा नाशयेद्विघ्नमेव च ।जपन्मासत्रयं विद्यां राजानं वशमानयेत् ॥ ९॥

rātrau vāratrayaṃ japtvā nāśayedvighnameva ca |japanmāsatrayaṃ vidyāṃ rājānaṃ vaśamānayet || 9||

भीतो भयात् प्रमुच्येत देवि ! सत्यं न संशयः ।अप्रकाश्यमिदं गुह्यं न देयं यस्य कस्यचित् ॥ १०॥

bhīto bhayāt pramucyeta devi ! satyaṃ na saṃśayaḥ |aprakāśyamidaṃ guhyaṃ na deyaṃ yasya kasyacit || 10||

सत्कुलीनाय शान्ताय सुजने दम्भवर्जिते ।दद्यात्स्तोत्रमिदं पुण्यं सर्वकर्मफलप्रदम् ॥ ११॥

satkulīnāya śāntāya sujane dambhavarjite |dadyātstotramidaṃ puṇyaṃ sarvakarmaphalapradam || 11||

कवचं यो न जानाति जपेन्महिषमर्दिनीम् ।दारिद्र्यत्वं भवेत्तस्य सत्यं सत्यं वदाम्यहम् ॥ १२॥

kavacaṃ yo na jānāti japenmahiṣamardinīm |dāridryatvaṃ bhavettasya satyaṃ satyaṃ vadāmyaham || 12||

अनया सदृशी विद्या नास्ति तन्त्रेषु गोपिता ॥ १३॥

anayā sadṛśī vidyā nāsti tantreṣu gopitā || 13||

इति श्यामारहस्ये भैरवदेवीसंवादे महिषमर्दिन्याः कवचं सम्पूर्णम् ।॥ श्यामारहस्यम् । त्रयोदशः परिच्छेदः ॥– ॥ श्यामारहस्यम् । त्रयोदशः परिच्छेदः ॥

iti śyāmārahasye bhairavadevīsaṃvāde mahiṣamardinyāḥ kavacaṃ sampūrṇam ||| śyāmārahasyam | trayodaśaḥ paricchedaḥ ||– || śyāmārahasyam | trayodaśaḥ paricchedaḥ ||