काकिन्यष्टोत्तरसहस्रनामस्तोत्रम् Kakinyashtottarasahasranamastotra

श्रीगणेशाय नमः ।श्रीआनन्दभैरव उवाच ।वद कल्याणि कामेशि त्रैलोक्यपरिपूजिते ।ब्रह्माण्डानन्तनिलये कैलासशिखरोज्ज्वले ॥ १ ॥

śrīgaṇeśāya namaḥ |śrīānandabhairava uvāca |vada kalyāṇi kāmeśi trailokyaparipūjite |brahmāṇḍānantanilaye kailāsaśikharojjvale || 1 ||

कालिके कालरात्रिस्थे महाकालनिषेविते ।शब्दब्रह्मस्वरूपे त्वं वक्तुमर्हसि सादरात् ॥ २ ॥

kālike kālarātristhe mahākālaniṣevite |śabdabrahmasvarūpe tvaṃ vaktumarhasi sādarāt || 2 ||

सहस्रनामयोगाख्यम् अष्टोत्तरमनन्तरम् ।अनन्तकोटिब्रह्माण्डं सारं परममङ्गलम् ॥ ३ ॥

sahasranāmayogākhyam aṣṭottaramanantaram |anantakoṭibrahmāṇḍaṃ sāraṃ paramamaṅgalam || 3 ||

ज्ञानसिद्धिकरं साक्षाद् अत्यन्तानन्दवर्धनम् ।सङ्केतशब्दमोक्षार्थं काकिनीश्वरसंयुतम् ॥ ४ ॥

jñānasiddhikaraṃ sākṣād atyantānandavardhanam |saṅketaśabdamokṣārthaṃ kākinīśvarasaṃyutam || 4 ||

परानन्दकरं ब्रह्म निर्वाणपदलालितम् ।स्नेहादभिसुखानन्दादादौ ब्रह्म वरानने ॥ ५ ॥

parānandakaraṃ brahma nirvāṇapadalālitam |snehādabhisukhānandādādau brahma varānane || 5 ||

इच्छामि सर्वदा मातर्जगतां सुरसुन्दरि ।स्नेहानन्दरसोद्रेकसम्बन्धान् कथय द्रुतम् ॥ ६ ॥

icchāmi sarvadā mātarjagatāṃ surasundari |snehānandarasodrekasambandhān kathaya drutam || 6 ||

श्रीआनन्दभैरवी उवाचईश्वर श्रीनीलकण्ठ नागमालाविभूषितः ।नागेन्द्रचित्रमालाढ्य नागाधिपरमेश्वरः ॥ ७ ॥

śrīānandabhairavī uvācaīśvara śrīnīlakaṇṭha nāgamālāvibhūṣitaḥ |nāgendracitramālāḍhya nāgādhiparameśvaraḥ || 7 ||

काकिनीश्वरयोगाढ्यं सहस्रनाम मङ्गलम् ।अष्टोत्तरं वृताकारं कोटिसौदामिनीप्रभम् ॥ ८ ॥

kākinīśvarayogāḍhyaṃ sahasranāma maṅgalam |aṣṭottaraṃ vṛtākāraṃ koṭisaudāminīprabham || 8 ||

आयुरारोग्यजननं शृणुष्वावहितो मम ।अनन्तकोटिब्रह्माण्डसारं नित्यं परात्परम् ॥ ९ ॥

āyurārogyajananaṃ śṛṇuṣvāvahito mama |anantakoṭibrahmāṇḍasāraṃ nityaṃ parātparam || 9 ||

साधनं ब्रह्मणो ज्ञानं योगानां योगसाधनम् ।सार्वज्ञगुह्यसंस्कारं संस्कारादिफलप्रदम् ॥ १० ॥

sādhanaṃ brahmaṇo jñānaṃ yogānāṃ yogasādhanam |sārvajñaguhyasaṃskāraṃ saṃskārādiphalapradam || 10 ||

वाञ्छासिद्धिकरं साक्षान्महापातकनाशनम् ।महादारिद्र्यशमनं महैश्वर्यप्रदायकम् ॥ ११ ॥

vāñchāsiddhikaraṃ sākṣānmahāpātakanāśanam |mahādāridryaśamanaṃ mahaiśvaryapradāyakam || 11 ||

जपेद्यः प्रातरि प्रीतो मध्याह्नेऽस्तमिते रवौ ।नमस्कृत्य जपेन्नाम ध्यानयोगपरायणः ॥ १२ ॥

japedyaḥ prātari prīto madhyāhne'stamite ravau |namaskṛtya japennāma dhyānayogaparāyaṇaḥ || 12 ||

काकिनीश्वरसंयोगं ध्यानं ध्यानगुणोदयम् ।आदौ ध्यानं समाचर्य निर्मलोऽमलचेतसा ॥ १३ ॥

kākinīśvarasaṃyogaṃ dhyānaṃ dhyānaguṇodayam |ādau dhyānaṃ samācarya nirmalo'malacetasā || 13 ||

ध्यायेद् देवीं महाकालीं काकिनीं कालरूपिणीम् ।परानन्दरसोन्मत्तां श्यामां कामदुघां पराम् ॥ १४ ॥

dhyāyed devīṃ mahākālīṃ kākinīṃ kālarūpiṇīm |parānandarasonmattāṃ śyāmāṃ kāmadughāṃ parām || 14 ||

चतुर्भुजां खड्गचर्मवरपद्मधरां हराम् ।शत्रुक्षयकरीं रत्नाऽलङ्कारकोटिमण्डिताम् ॥ १५ ॥

caturbhujāṃ khaḍgacarmavarapadmadharāṃ harām |śatrukṣayakarīṃ ratnā'laṅkārakoṭimaṇḍitām || 15 ||

तरुणानन्दरसिकां पीतवस्त्रां मनोरमाम् ।केयूरहारललितां ताटङ्कद्वयशोभिताम् ॥ १६ ॥

taruṇānandarasikāṃ pītavastrāṃ manoramām |keyūrahāralalitāṃ tāṭaṅkadvayaśobhitām || 16 ||

ईश्वरीं कामरत्नाख्यां काकचञ्चुपुटाननाम् ।सुन्दरीं वनमालाढ्यां चारुसिंहासनस्थिताम् ॥ १७ ॥

īśvarīṃ kāmaratnākhyāṃ kākacañcupuṭānanām |sundarīṃ vanamālāḍhyāṃ cārusiṃhāsanasthitām || 17 ||

हृत्पद्मकर्णिकामध्याकाशसौदामिनीप्रभाम् ।एवं ध्यात्वा पठेन्नाममङ्गलानि पुनः पुनः ॥ १८ ॥

hṛtpadmakarṇikāmadhyākāśasaudāminīprabhām |evaṃ dhyātvā paṭhennāmamaṅgalāni punaḥ punaḥ || 18 ||

ईश्वरं कोटिसूर्याभं ध्यायेद्धृदयमण्डले ।चतुर्भुजं वीररूपं लावण्यं भावसम्भवम् ॥ १९ ॥

īśvaraṃ koṭisūryābhaṃ dhyāyeddhṛdayamaṇḍale |caturbhujaṃ vīrarūpaṃ lāvaṇyaṃ bhāvasambhavam || 19 ||

श्यामं हिरण्यभूषाङ्गं चन्द्रकोटिसुशीतलम् ।अभयं वरदं पद्मं महाखड्गधरं विभुम् ॥ २० ॥

śyāmaṃ hiraṇyabhūṣāṅgaṃ candrakoṭisuśītalam |abhayaṃ varadaṃ padmaṃ mahākhaḍgadharaṃ vibhum || 20 ||

किरीटिनं महाकायं स्मितहास्यं प्रकाशकम् ।हृदयाम्बुजमध्यस्थं नूपुरैरुपशोभितम् ॥ २१ ॥

kirīṭinaṃ mahākāyaṃ smitahāsyaṃ prakāśakam |hṛdayāmbujamadhyasthaṃ nūpurairupaśobhitam || 21 ||

कोटिकालानलं दीप्तं काकिनीदक्षिणस्थितम् ।एवं विचिन्त्य मनसा योगिनं परमेश्वरम् ॥ २२ ॥

koṭikālānalaṃ dīptaṃ kākinīdakṣiṇasthitam |evaṃ vicintya manasā yoginaṃ parameśvaram || 22 ||

ततः पठेत् सहस्राख्यं वदामि शृणु तत्प्रभो ॥ २३ ॥

tataḥ paṭhet sahasrākhyaṃ vadāmi śṛṇu tatprabho || 23 ||

अस्य श्रीकाकिनीश्वरसहस्रनामस्तोत्रस्य ब्रह्माऋषि \,गायत्रीच्छन्दः \, जगदीश्वर काकिनी देवता \,निर्वाणयोगार्थ सिद्धयर्थे जपे विनियोगः ।ॐ ईश्वरः काकिनीशान ईशान कमलेश्वरी ।ईशः काकेश्वरीशानी ईश्वरीशः कुलेश्वरी ॥ २४ ॥

asya śrīkākinīśvarasahasranāmastotrasya brahmāṛṣi \,gāyatrīcchandaḥ \, jagadīśvara kākinī devatā \,nirvāṇayogārtha siddhayarthe jape viniyogaḥ |oṃ īśvaraḥ kākinīśāna īśāna kamaleśvarī |īśaḥ kākeśvarīśānī īśvarīśaḥ kuleśvarī || 24 ||

ईशमोक्षः कामधेनुः कपर्दीशः कपर्दिनी ।कौलः कुलीनान्तरगा कविः काव्यप्रकाशिनी ॥ २५ ॥

īśamokṣaḥ kāmadhenuḥ kapardīśaḥ kapardinī |kaulaḥ kulīnāntaragā kaviḥ kāvyaprakāśinī || 25 ||

कलादेशः सुकविता कारणः करुणामयी ।कञ्जपत्रेक्षणः काली कामः कोलावलीश्वरी ॥ २६ ॥

kalādeśaḥ sukavitā kāraṇaḥ karuṇāmayī |kañjapatrekṣaṇaḥ kālī kāmaḥ kolāvalīśvarī || 26 ||

किरातरूपी कैवल्या किरणः कामनाशना ।कार्णाटेशः सकर्णाटी कलिकः कालिकापुटा ॥ २७ ॥

kirātarūpī kaivalyā kiraṇaḥ kāmanāśanā |kārṇāṭeśaḥ sakarṇāṭī kalikaḥ kālikāpuṭā || 27 ||

किशोरः कीशुनमिता केशवेशः कुलेश्वरी ।केशकिञ्जल्ककुटिलः कामराजकुतूहला ॥ २८ ॥

kiśoraḥ kīśunamitā keśaveśaḥ kuleśvarī |keśakiñjalkakuṭilaḥ kāmarājakutūhalā || 28 ||

करकोटिधरः कूटा क्रियाक्रूरः क्रियावती ।कुम्भहा कुम्भहन्त्री च कटकच्छकलावती ॥ २९ ॥

karakoṭidharaḥ kūṭā kriyākrūraḥ kriyāvatī |kumbhahā kumbhahantrī ca kaṭakacchakalāvatī || 29 ||

कञ्जवक्त्रः कालमुखी कोटिसूर्यकरानना ।कम्रः कलपः समृद्धिस्था कुपोऽन्तस्थः कुलाचला ॥ ३० ॥

kañjavaktraḥ kālamukhī koṭisūryakarānanā |kamraḥ kalapaḥ samṛddhisthā kupo'ntasthaḥ kulācalā || 30 ||

कुणपः कौलपाकाशा स्वकान्तः कामवासिनी ।सुकृतिः शाङ्करी विद्या कलकः कलनाश्रया ॥ ३१ ॥

kuṇapaḥ kaulapākāśā svakāntaḥ kāmavāsinī |sukṛtiḥ śāṅkarī vidyā kalakaḥ kalanāśrayā || 31 ||

कर्कन्धुस्थः कौलकन्या कुलीनः कन्यकाकुला ।कुमारः केशरी विद्या कामहा कुलपण्डिता ॥ ३२ ॥

karkandhusthaḥ kaulakanyā kulīnaḥ kanyakākulā |kumāraḥ keśarī vidyā kāmahā kulapaṇḍitā || 32 ||

कल्कीशः कमनीयाङ्गी कुशलः कुशलावती ।केतकीपुष्पमालाढ्यः केतकीकुसुमान्विता ॥ ३३ ॥

kalkīśaḥ kamanīyāṅgī kuśalaḥ kuśalāvatī |ketakīpuṣpamālāḍhyaḥ ketakīkusumānvitā || 33 ||

कुसुमानन्दमालाढ्यः कुसुमामलमालिका ।कवीन्द्रः काव्यसम्भूतः काममञ्जीररञ्जिनी ॥ ३४ ॥

kusumānandamālāḍhyaḥ kusumāmalamālikā |kavīndraḥ kāvyasambhūtaḥ kāmamañjīrarañjinī || 34 ||

कुशासनस्थः कौशल्याकुलपः कल्पपादपा ।कल्पवृक्षः कल्पलता विकल्पः कल्पगामिनी ॥ ३५ ॥

kuśāsanasthaḥ kauśalyākulapaḥ kalpapādapā |kalpavṛkṣaḥ kalpalatā vikalpaḥ kalpagāminī || 35 ||

कठोरस्थः काचनिभा करालः कालवासिनी ।कालकूटाश्रयानन्दः कर्कशाकाशवाहिनी ॥ ३६ ॥

kaṭhorasthaḥ kācanibhā karālaḥ kālavāsinī |kālakūṭāśrayānandaḥ karkaśākāśavāhinī || 36 ||

कटधूमाकृतिच्छायो विकटासनसंस्थिता ।कायधारी कूपकरी करवीरागतः कृषी ॥ ३७ ॥

kaṭadhūmākṛticchāyo vikaṭāsanasaṃsthitā |kāyadhārī kūpakarī karavīrāgataḥ kṛṣī || 37 ||

कालगम्भीरनादान्ता विकलालापमानसा ।प्रकृतीशः सत्प्रकृतिः प्रकृष्टः कर्षिणीश्वरी ॥ ३८ ॥

kālagambhīranādāntā vikalālāpamānasā |prakṛtīśaḥ satprakṛtiḥ prakṛṣṭaḥ karṣiṇīśvarī || 38 ||

भगवान् वारुणीवर्णा विवर्णो वर्णरूपिणी ।सुवर्णवर्णो हेमाभो महान् महेन्द्रपूजिता ॥ ३९ ॥

bhagavān vāruṇīvarṇā vivarṇo varṇarūpiṇī |suvarṇavarṇo hemābho mahān mahendrapūjitā || 39 ||

महात्मा महतीशानी महेशो मत्तगामिनी ।महावीरो महावेगा महालक्ष्मीश्वरो मतिः ॥ ४० ॥

mahātmā mahatīśānī maheśo mattagāminī |mahāvīro mahāvegā mahālakṣmīśvaro matiḥ || 40 ||

महादेवो महादेवी महानन्दो महाकला ।महाकालो महाकाली महाबलो महाबला ॥ ४१ ॥

mahādevo mahādevī mahānando mahākalā |mahākālo mahākālī mahābalo mahābalā || 41 ||

महामान्यो महामान्या महाधन्यो महाधनी ।महामालो महामाला महाकाशो महाकाशा ॥ ४२ ॥

mahāmānyo mahāmānyā mahādhanyo mahādhanī |mahāmālo mahāmālā mahākāśo mahākāśā || 42 ||

महायशो महायज्ञा महाराजो महारजा ।महाविद्यो महाविद्या महामुख्यो महामखी ॥ ४३ ॥

mahāyaśo mahāyajñā mahārājo mahārajā |mahāvidyo mahāvidyā mahāmukhyo mahāmakhī || 43 ||

महारात्रो महारात्रिर्महाधीरो महाशया ।महाक्षेत्रो महाक्षेत्रा कुरुक्षेत्रः कुरुप्रिया ॥ ४४ ॥

mahārātro mahārātrirmahādhīro mahāśayā |mahākṣetro mahākṣetrā kurukṣetraḥ kurupriyā || 44 ||

महाचण्डो महोग्रा च महामत्तो महामतिः ।महावेदो महावेदा महोत्साहो महोत्सवा ॥ ४५ ॥

mahācaṇḍo mahogrā ca mahāmatto mahāmatiḥ |mahāvedo mahāvedā mahotsāho mahotsavā || 45 ||

महाकल्पो महाकल्पा महायोगो महागतिः ।महाभद्रो महाभद्रा महासूक्ष्मो महाचला ॥ ४६ ॥

mahākalpo mahākalpā mahāyogo mahāgatiḥ |mahābhadro mahābhadrā mahāsūkṣmo mahācalā || 46 ||

महावाक्यो महावाणी महायज्वा महाजवा ।महामूर्तीर्महाकान्ता महाधर्मो महाधना ॥ ४७ ॥

mahāvākyo mahāvāṇī mahāyajvā mahājavā |mahāmūrtīrmahākāntā mahādharmo mahādhanā || 47 ||

महामहोग्रो महिषी महाभोग्यो महाप्रभा ।महाक्षेमो महामाया महामाया महारमा ॥ ४८ ॥

mahāmahogro mahiṣī mahābhogyo mahāprabhā |mahākṣemo mahāmāyā mahāmāyā mahāramā || 48 ||

महेन्द्रपूजिता माता विभालो मण्डलेश्वरी ।महाविकालो विकला प्रतलस्थललामगा ॥ ४९ ॥

mahendrapūjitā mātā vibhālo maṇḍaleśvarī |mahāvikālo vikalā pratalasthalalāmagā || 49 ||

कैवल्यदाता कैवल्या कौतुकस्थो विकर्षिणी ।वालाप्रतिर्वालपत्नी बलरामो वलाङ्गजा ॥ ५० ॥

kaivalyadātā kaivalyā kautukastho vikarṣiṇī |vālāpratirvālapatnī balarāmo valāṅgajā || 50 ||