काकिनीकवचम् Kakini Kavacham

अथ षष्ठसप्ततितमः पटलःश्रीआनन्दभैरवी उवाचकथयामि महाकाल! चात्यन्ताद्भुतसाधनम् ।कवचं काकिनीदेव्या अष्टोत्तरशताक्षरम् ॥ ७६१॥

atha ṣaṣṭhasaptatitamaḥ paṭalaḥśrīānandabhairavī uvācakathayāmi mahākāla! cātyantādbhutasādhanam |kavacaṃ kākinīdevyā aṣṭottaraśatākṣaram || 761||

यस्य गेहे करे शीर्षे कण्ठे च चित्तमध्यके ।भुजमध्ये च कट्यां वा धारयित्वा महीतले ॥ ७६२॥

yasya gehe kare śīrṣe kaṇṭhe ca cittamadhyake |bhujamadhye ca kaṭyāṃ vā dhārayitvā mahītale || 762||

किं न सिद्धिं करोत्येव साधको योगिनीपतिः ।योगसिद्धिः क्रियासिद्धिः शिवासिद्धिस्तथा परा ॥ ७६३॥

kiṃ na siddhiṃ karotyeva sādhako yoginīpatiḥ |yogasiddhiḥ kriyāsiddhiḥ śivāsiddhistathā parā || 763||

महासिद्धिः खेचरी च सुषुम्णासिद्धिरेव च ।फलसिद्धिः कालसिद्धिः क्रियासिद्धिः शिवाम्बिका ॥ ७६४॥

mahāsiddhiḥ khecarī ca suṣumṇāsiddhireva ca |phalasiddhiḥ kālasiddhiḥ kriyāsiddhiḥ śivāmbikā || 764||

जङ्घासिद्धिः परासिद्धिः खड्गसिद्धिः सुसूक्ष्मगा ।अणिमाद्यष्टसिद्धिश्च करे तस्य स्थिरा भवेत् ॥ ७६५॥

jaṅghāsiddhiḥ parāsiddhiḥ khaḍgasiddhiḥ susūkṣmagā |aṇimādyaṣṭasiddhiśca kare tasya sthirā bhavet || 765||

कवचं काकिनीदेव्याः सर्वसिद्धिप्रदायकम् ।अकाले वा सुकाले वा पठनाद् धर्मसञ्चयम् ॥ ७६६॥

kavacaṃ kākinīdevyāḥ sarvasiddhipradāyakam |akāle vā sukāle vā paṭhanād dharmasañcayam || 766||

जयी धर्मसञ्चयेन जयो यत्र शिवस्ततः ।यत्र शिवा तत्र शिवः कवचात्मा द्वयं प्रियौ ॥ ७६७॥

jayī dharmasañcayena jayo yatra śivastataḥ |yatra śivā tatra śivaḥ kavacātmā dvayaṃ priyau || 767||

कर्तारौ तौ सदा तारौ पार्वतीपरमेश्वरौ ।कार्यकारणस्रष्टारौ उभौ तत्र परात्परौ ॥ ७६८॥

kartārau tau sadā tārau pārvatīparameśvarau |kāryakāraṇasraṣṭārau ubhau tatra parātparau || 768||

कवचात्मकमूर्त्तौ च स्थातारौ प्रभवात्मकौ ।तस्य नामाक्षरं वक्ष्ये शृष्णुष्व भैरवेश्वर ॥ ७६९॥

kavacātmakamūrttau ca sthātārau prabhavātmakau |tasya nāmākṣaraṃ vakṣye śṛṣṇuṣva bhairaveśvara || 769||

भैरवी भीमरूपा च विरूपा रूपवर्जिता ।सूक्ष्मातिसूक्ष्मरूपा च स्वप्रकाशा च शाकिनी ॥ ७६१०॥

bhairavī bhīmarūpā ca virūpā rūpavarjitā |sūkṣmātisūkṣmarūpā ca svaprakāśā ca śākinī || 7610||

चपला चञ्चला भीमा चन्द्रदेवी परापरा ।कमलाक्षी देवमाता खड्गकपालधारिणी ॥ ७६११॥

capalā cañcalā bhīmā candradevī parāparā |kamalākṣī devamātā khaḍgakapāladhāriṇī || 7611||

गुर्वी गौरी घनच्छाया ओंङ्काराद्या चरुप्रिया ।छाया जया चाञ्जना च ओङ्कारात्मा कलावती ॥ ७६१२॥

gurvī gaurī ghanacchāyā oṃṅkārādyā carupriyā |chāyā jayā cāñjanā ca oṅkārātmā kalāvatī || 7612||

टङ्कारिणी डाकिनी च टक्कादेवी रुणप्रिया ।तारिणी स्थूलपुष्टा च दयाधर्मप्रिया नुतिः ॥ ७६१३॥

ṭaṅkāriṇī ḍākinī ca ṭakkādevī ruṇapriyā |tāriṇī sthūlapuṣṭā ca dayādharmapriyā nutiḥ || 7613||

परमा बुद्धिशक्तिश्च फलदा फाल्गुनी कला ।वसुधारा वासुकी च भद्रकाली भवाभवा ॥ ७६१४॥

paramā buddhiśaktiśca phaladā phālgunī kalā |vasudhārā vāsukī ca bhadrakālī bhavābhavā || 7614||

मनसा मोहिनी माता यशोदा याज्ञिका यशा ।रूपेश्वरी रणप्राणा लक्ष्मीर्लक्षणशोभिता ॥ ७६१५॥

manasā mohinī mātā yaśodā yājñikā yaśā |rūpeśvarī raṇaprāṇā lakṣmīrlakṣaṇaśobhitā || 7615||

वसुप्रिया वसुरता बालरक्षा शशिप्रभा ।षडक्षरी शारदा च हरिद्रा हारमालिनी ॥ ७६१६॥

vasupriyā vasuratā bālarakṣā śaśiprabhā |ṣaḍakṣarī śāradā ca haridrā hāramālinī || 7616||

लावण्यनिरता लङ्का क्षयरोगविनाशिनी ।क्षेत्रपाला च क्षेत्री च क्षत्रिया क्षेमदा क्षमा ॥ ७६१७॥

lāvaṇyaniratā laṅkā kṣayarogavināśinī |kṣetrapālā ca kṣetrī ca kṣatriyā kṣemadā kṣamā || 7617||

क्षुन्निवृत्तिकरी क्षुब्धा क्षालनाख्या क्षराक्षरा ।अनन्ताख्या उमा दुर्गा ऋषभा ईश्वरप्रिया ॥ ७६१८॥

kṣunnivṛttikarī kṣubdhā kṣālanākhyā kṣarākṣarā |anantākhyā umā durgā ṛṣabhā īśvarapriyā || 7618||

ऌकारबीजकूटस्था ऌकारदीर्घजीविका ।एरण्डरणचामुण्डा ऐन्द्री डट्टप्रियान्तरा ॥ ७६१९॥

ḷkārabījakūṭasthā ḷkāradīrghajīvikā |eraṇḍaraṇacāmuṇḍā aindrī ḍaṭṭapriyāntarā || 7619||

तुनुतुण्डा ओषधी च उत्तमाधममध्यमा ।औद्वेषिणी औषधस्था अट्टहासात्मसङ्गता ॥ ७६२०॥

tunutuṇḍā oṣadhī ca uttamādhamamadhyamā |audveṣiṇī auṣadhasthā aṭṭahāsātmasaṅgatā || 7620||

अर्थदा अष्टहस्ता च अर्ककोटिमयूखगा ।अर्धनारीश्वरा अर्च्या अर्बुदास्त्रधरा समा ॥ ७६२१॥

arthadā aṣṭahastā ca arkakoṭimayūkhagā |ardhanārīśvarā arcyā arbudāstradharā samā || 7621||

अष्टैश्वर्यप्रदा अर्घा अम्भस्था चाप्यरुन्धती ।अर्पणाख्या अर्कमुनी अर्पणा अस्खलस्थिता ॥ ७६२२॥

aṣṭaiśvaryapradā arghā ambhasthā cāpyarundhatī |arpaṇākhyā arkamunī arpaṇā askhalasthitā || 7622||

अर्चनाढ्या अर्चनास्था अराती अरुणाधरा ।अष्टोत्तराख्यममृतं पठित्वा कवचं पठेत् ॥ ७६२३॥

arcanāḍhyā arcanāsthā arātī aruṇādharā |aṣṭottarākhyamamṛtaṃ paṭhitvā kavacaṃ paṭhet || 7623||

तदा फलसमृद्धिः स्यादायुरारोग्यसाधनम् ।शाकिनीकवचस्यास्य सदाशिव ऋषिः स्मृतः ॥ ७६२४॥

tadā phalasamṛddhiḥ syādāyurārogyasādhanam |śākinīkavacasyāsya sadāśiva ṛṣiḥ smṛtaḥ || 7624||

गायत्रीच्छन्द एवापि शाकिनी देहदेवता ।ॐ श्रीं क्लीं मे शिरः पातु ब्लूँ ह्लूँ मे ललाटकम् ॥ ७६२५॥

gāyatrīcchanda evāpi śākinī dehadevatā |oṃ śrīṃ klīṃ me śiraḥ pātu blūm̐ hlūm̐ me lalāṭakam || 7625||

चक्षुषी खेचरी पातु कर्णौ मे शिवशाकिनी ।गण्डयुग्मं सदा पातु देवशाकम्भरी रमा ॥ ७६२६॥

cakṣuṣī khecarī pātu karṇau me śivaśākinī |gaṇḍayugmaṃ sadā pātu devaśākambharī ramā || 7626||

स्वाहा पातु युग्मनासां ओष्ठाऽधरं शिरोऽवतु ।द्रीं ह्रीं श्रीं मे दन्तपङ्क्तिं जिह्वाग्रं देहदेवता ॥ ७६२७॥

svāhā pātu yugmanāsāṃ oṣṭhā'dharaṃ śiro'vatu |drīṃ hrīṃ śrīṃ me dantapaṅktiṃ jihvāgraṃ dehadevatā || 7627||

चिबुकं कमला देवी वाग्दात्री मे कपालकम् ।वदनं कालिका पातु शब्दबीजात्मिका गलम् ॥ ७६२८॥

cibukaṃ kamalā devī vāgdātrī me kapālakam |vadanaṃ kālikā pātu śabdabījātmikā galam || 7628||

कण्ठदेवी शाकिनी च पातु मे कण्ठपङ्कजम् ।सुरादेवी सदा पातु हृत्पद्मं कामरूपिणी ॥ ७६२९॥

kaṇṭhadevī śākinī ca pātu me kaṇṭhapaṅkajam |surādevī sadā pātu hṛtpadmaṃ kāmarūpiṇī || 7629||

कलावती कामकामा काममाला विशुद्धकम् ।सदाशिवपथं पातु लक्ष्मीर्मे नाभिपङ्कजम् ॥ ७६३०॥

kalāvatī kāmakāmā kāmamālā viśuddhakam |sadāśivapathaṃ pātu lakṣmīrme nābhipaṅkajam || 7630||

उल्कामुखी सदा पातु देवमाता षडक्षरम् ।सदा पातु विष्णुपद्मं राकिणी पातु मे दलम् ॥ ७६३१॥

ulkāmukhī sadā pātu devamātā ṣaḍakṣaram |sadā pātu viṣṇupadmaṃ rākiṇī pātu me dalam || 7631||

कटिदेशं सदा पातु भोगदा ज्ञानमोक्षदा ।मूलाधारं सदा पातु काकिनी परमेश्वरी ॥ ७६३२॥

kaṭideśaṃ sadā pātu bhogadā jñānamokṣadā |mūlādhāraṃ sadā pātu kākinī parameśvarī || 7632||

एकरूपा सदा पातु लिङ्गाधारं विरूपिणी ।मार्कण्डपूजिता देवी मृकुण्डा मूलवासिनी ॥ ७६३३॥

ekarūpā sadā pātu liṅgādhāraṃ virūpiṇī |mārkaṇḍapūjitā devī mṛkuṇḍā mūlavāsinī || 7633||

सदा मे पातु देवेशि अभया चारुदेशकम् ।दर्शनाख्या महादेवी लिङ्गाधारं पदान्तरम् ॥ ७६३४॥

sadā me pātu deveśi abhayā cārudeśakam |darśanākhyā mahādevī liṅgādhāraṃ padāntaram || 7634||

पातु देवी हिरण्याक्षी सर्वाङ्गं सर्वदेवता ।विधात्री सूक्ष्मरूपस्था स्थूलाङ्गी च कृशोदरी ॥ ७६३५॥

pātu devī hiraṇyākṣī sarvāṅgaṃ sarvadevatā |vidhātrī sūkṣmarūpasthā sthūlāṅgī ca kṛśodarī || 7635||

सर्वत्र सर्वदा पातु देवी शाकम्भरी मम ।हृत्कालिका सदा पातु सर्वाङ्गं सर्वदेशके ॥ ७६३६॥

sarvatra sarvadā pātu devī śākambharī mama |hṛtkālikā sadā pātu sarvāṅgaṃ sarvadeśake || 7636||

इति ते कथितं नाथ कवचं देवदुर्लभम् ।पठित्वा सिद्धिप्राप्नोति राजत्वं लभते नरः ॥ ७६३७॥

iti te kathitaṃ nātha kavacaṃ devadurlabham |paṭhitvā siddhiprāpnoti rājatvaṃ labhate naraḥ || 7637||

अकस्मात् सूर्यतुल्यः स्यात् कामजेता स्वयं भवेत् ।धारणाद् देहवृद्धिः स्यादायुरारोग्यसम्पदम् ॥ ७६३८॥

akasmāt sūryatulyaḥ syāt kāmajetā svayaṃ bhavet |dhāraṇād dehavṛddhiḥ syādāyurārogyasampadam || 7638||

वायुसिद्धिकरं साक्षादमृतानन्दविग्रहम् ।अग्निस्तम्भं जलस्तम्भं वायुस्तम्भं करोति हि ॥ ७६३९॥

vāyusiddhikaraṃ sākṣādamṛtānandavigraham |agnistambhaṃ jalastambhaṃ vāyustambhaṃ karoti hi || 7639||

खेचरो योगजेता स्यादाशाक्षयकरो भवेत् ।ततः पठेत् काममन्त्रं तदन्ते ध्यानमाचरेत् ॥ ७६४०॥

khecaro yogajetā syādāśākṣayakaro bhavet |tataḥ paṭhet kāmamantraṃ tadante dhyānamācaret || 7640||

ॐश्रीश्च ते लक्ष्मीश्च पत्न्यावहोरात्रे पार्श्वेनक्षत्राणि रूपमश्विनौ व्यात्तम् । इष्णन्निषाणामुम्म इषाण सर्वलोकम्म इषाण ॥ ७६४१॥

oṃśrīśca te lakṣmīśca patnyāvahorātre pārśvenakṣatrāṇi rūpamaśvinau vyāttam | iṣṇanniṣāṇāmumma iṣāṇa sarvalokamma iṣāṇa || 7641||

जपित्वा काममन्त्रं हि सर्वकामफलं लभेत् ।ततो ध्यात्वा च कवचं ध्यायेद्यः शाकिनीशिवम् ॥ ७६४२॥

japitvā kāmamantraṃ hi sarvakāmaphalaṃ labhet |tato dhyātvā ca kavacaṃ dhyāyedyaḥ śākinīśivam || 7642||

स वेदपारमायाति शाकिनीध्यानयोगतः ॥ ७६४३॥

sa vedapāramāyāti śākinīdhyānayogataḥ || 7643||

प्राणाख्यां शुक्लपद्मे निरवधिनिलयां शाकिनीं पीतवस्त्रांसूक्ष्मां भूषातिरुद्रोद्भवतनुचपलां चञ्चलां सिद्धिलोलाम् ।हस्तैः पद्मैश्चतुर्भिः सुनयनकमलैर्भासमानां शिवाढ्यांपद्माभीतिप्रचण्डासिचसहितां शाकमातां भजामि ॥ ७६४४॥

prāṇākhyāṃ śuklapadme niravadhinilayāṃ śākinīṃ pītavastrāṃsūkṣmāṃ bhūṣātirudrodbhavatanucapalāṃ cañcalāṃ siddhilolām |hastaiḥ padmaiścaturbhiḥ sunayanakamalairbhāsamānāṃ śivāḍhyāṃpadmābhītipracaṇḍāsicasahitāṃ śākamātāṃ bhajāmi || 7644||

ध्यात्वा योगी श्मशाने गिरिवरकुहरे डाकिनीदेशमध्येशून्ये गर्तेवने वा गगनगृहतले शून्यगेहे सुप्रवासे ।ज्ञानात्मा यो वशी वा पठति च सततं शाकिनीदेहयोगंगङ्गायां स्वीयगर्भे कवचमभयदं सर्वदं याति सिद्धिम् ॥ ७६४५॥

dhyātvā yogī śmaśāne girivarakuhare ḍākinīdeśamadhyeśūnye gartevane vā gaganagṛhatale śūnyagehe supravāse |jñānātmā yo vaśī vā paṭhati ca satataṃ śākinīdehayogaṃgaṅgāyāṃ svīyagarbhe kavacamabhayadaṃ sarvadaṃ yāti siddhim || 7645||

कवचं कारणैर्देवीं पूजयित्वा यथाविधि ।अकस्मात् कायसिद्धिः स्यादष्टैश्वर्यसमन्वितः ॥ ७६४६॥

kavacaṃ kāraṇairdevīṃ pūjayitvā yathāvidhi |akasmāt kāyasiddhiḥ syādaṣṭaiśvaryasamanvitaḥ || 7646||

मोक्षमाप्नोति भावेन सुखं तस्य पदे पदे ।म्रियन्तु बालका यस्याः काकवन्ध्या च या भवेत् ॥ ७६४७॥

mokṣamāpnoti bhāvena sukhaṃ tasya pade pade |mriyantu bālakā yasyāḥ kākavandhyā ca yā bhavet || 7647||

धारयित्वा त्विमां विद्यामेतैर्दोषैर्न लिप्यते ।कण्ठे यो धारयेदेतां समरे काण्डधारिणीम् ॥ ७६४८॥

dhārayitvā tvimāṃ vidyāmetairdoṣairna lipyate |kaṇṭhe yo dhārayedetāṃ samare kāṇḍadhāriṇīm || 7648||

अक्षयत्वमवाप्नोति जीवमात्रः सदाशिवः ।गोरोचनाकुङ्कुमेन कालागुरुहरिद्रया ॥ ७६४९॥

akṣayatvamavāpnoti jīvamātraḥ sadāśivaḥ |gorocanākuṅkumena kālāguruharidrayā || 7649||

लाक्षारसैर्लेखयित्वा धारयित्वाऽमृतं लभेत् ॥ ७६५०॥

lākṣārasairlekhayitvā dhārayitvā'mṛtaṃ labhet || 7650||

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणेषट्चक्रप्रकाशे भैरवभैरवीसंवादे शाकिनीकवचं नामषष्ठसप्ततितमः पटलः ॥ ७६॥

iti śrīrudrayāmale uttaratantre mahātantroddīpane siddhamantraprakaraṇeṣaṭcakraprakāśe bhairavabhairavīsaṃvāde śākinīkavacaṃ nāmaṣaṣṭhasaptatitamaḥ paṭalaḥ || 76||

ऱुद्रयमल उत्तरतन्त्र।

rudrayamala uttaratantra|