पञ्चमकारस्तोत्रम् Jnanamargokta Pancha Makara Stotram

पार्वत्युवाचदेवदेव जगन्नाथ! कृपाकर! मयि प्रभो!आगमोक्तमकारांश्च ज्ञानमार्गेण ब्रूहि मे ॥ १॥

pārvatyuvācadevadeva jagannātha! kṛpākara! mayi prabho!āgamoktamakārāṃśca jñānamārgeṇa brūhi me || 1||

ईश्वर उवाचकलाः सप्तदश प्रोक्ता अमृतं स्राव्यते शशी ।प्रथमा सा विजानीयादितरे मद्यपायिनः ॥ २॥

īśvara uvācakalāḥ saptadaśa proktā amṛtaṃ srāvyate śaśī |prathamā sā vijānīyāditare madyapāyinaḥ || 2||

कर्माकर्मपशून् हत्वा ज्ञानखड्गेन चैव हि ।द्वितीयं विन्दते येन इतरे मांसभक्षकाः ॥ ३॥

karmākarmapaśūn hatvā jñānakhaḍgena caiva hi |dvitīyaṃ vindate yena itare māṃsabhakṣakāḥ || 3||

मनोमीनं तृतीयं च हत्वा सङ्कल्पकल्पनाः ।स्वरूपाकार वृत्तिश्च शुद्धं मीनं तदुच्यते ॥ ४॥

manomīnaṃ tṛtīyaṃ ca hatvā saṅkalpakalpanāḥ |svarūpākāra vṛttiśca śuddhaṃ mīnaṃ taducyate || 4||

चतुर्थं भक्ष्यभोज्यं न भक्ष्यमिन्द्रियनिग्रहम् ।सा चतुर्थी विजानीयादितरे भ्रष्टकारकाः ॥ ५॥

caturthaṃ bhakṣyabhojyaṃ na bhakṣyamindriyanigraham |sā caturthī vijānīyāditare bhraṣṭakārakāḥ || 5||

हंसः सोऽहं शिवः शक्तिर्द्राव आनन्दनिर्मलाः ।विज्ञेया पञ्चमीतीदमितरे तिर्यगामिनेः ॥ ६॥

haṃsaḥ so'haṃ śivaḥ śaktirdrāva ānandanirmalāḥ |vijñeyā pañcamītīdamitare tiryagāmineḥ || 6||

स द्रावश्चक्षुःपात्रेण पूज्यते यत्र उन्मनी ।दिद्युल्लेखाशिवैकेमां साध्यन्ते दैवसाधकाः ॥ ७॥

sa drāvaścakṣuḥpātreṇa pūjyate yatra unmanī |didyullekhāśivaikemāṃ sādhyante daivasādhakāḥ || 7||

पूजकस्तन्मयानन्दः पूज्यपूजकवर्जितः ।स्वसंवेद्यमहानन्दस्तन्मयं पूज्यते सदा ॥ ८॥

pūjakastanmayānandaḥ pūjyapūjakavarjitaḥ |svasaṃvedyamahānandastanmayaṃ pūjyate sadā || 8||

इति श्रीरुद्रयामले उमामहेश्वरसंवादे पञ्चमकारस्तोत्रं सम्पूर्णम् ।

iti śrīrudrayāmale umāmaheśvarasaṃvāde pañcamakārastotraṃ sampūrṇam |