जगन्मङ्गलस्तोत्रम् Jaganmangalastotram

वीणावादनतत्पराङ्गुलि नदल्लोलाञ्चितैः किङ्किणीजालैः शोभितकङ्कणे शशिमुखे बालेन्दुचूडामणे ।हेलाराजितचारुनेत्रयुगले ग्रैवेयशोभाञ्चितेबाले पालय पापसंहतितमस्तारे जगन्मङ्गले ॥ १॥

vīṇāvādanatatparāṅguli nadallolāñcitaiḥ kiṅkiṇījālaiḥ śobhitakaṅkaṇe śaśimukhe bālenducūḍāmaṇe |helārājitacārunetrayugale graiveyaśobhāñcitebāle pālaya pāpasaṃhatitamastāre jaganmaṅgale || 1||

कुक्षौ ते बहुजीवलोकसमितेः कोचिं चिरं बिभ्रतीकल्पादौ त्रिपुरे सृजस्यवसि तान् सर्वास्ववस्थास्वहो ।अन्ते तानखिलान्विनाशयसि सर्वं भो विलासस्तवबाले पालय पापसंहतितमस्तारे जगन्मङ्गले ॥ २॥

kukṣau te bahujīvalokasamiteḥ kociṃ ciraṃ bibhratīkalpādau tripure sṛjasyavasi tān sarvāsvavasthāsvaho |ante tānakhilānvināśayasi sarvaṃ bho vilāsastavabāle pālaya pāpasaṃhatitamastāre jaganmaṅgale || 2||

लोके नीरधराग्निवायुगगनाः सर्वे भवल्लीलयामातः सञ्चलिता हि तारकगणाः सूर्यादिसर्वे ग्रहाः ।सर्वं खल्विह ते स्वरूपमपि च त्वं चोदयित्री सदाबाले पालय पापसंहतितमस्तारे जगन्मङ्गले ॥ ३॥

loke nīradharāgnivāyugaganāḥ sarve bhavallīlayāmātaḥ sañcalitā hi tārakagaṇāḥ sūryādisarve grahāḥ |sarvaṃ khalviha te svarūpamapi ca tvaṃ codayitrī sadābāle pālaya pāpasaṃhatitamastāre jaganmaṅgale || 3||

मायामेयविकासमात्रविभवा मातस्तवेयं कृतिर्गेया सर्वगुणान्विता च बहुधा मेयापि वेद्या नहि ।ध्येया ज्ञानविशारदैश्च विविधैः शास्त्रैर्विलोक्यापि वैबाले पालय पापसंहतितमस्तारे जगन्मङ्गले ॥ ४॥

māyāmeyavikāsamātravibhavā mātastaveyaṃ kṛtirgeyā sarvaguṇānvitā ca bahudhā meyāpi vedyā nahi |dhyeyā jñānaviśāradaiśca vividhaiḥ śāstrairvilokyāpi vaibāle pālaya pāpasaṃhatitamastāre jaganmaṅgale || 4||

नेत्रैः श्वेतविनीलशोणरुचिभिः पूर्णानुकम्पान्वितैःपापानां मम भञ्जनाय गिरिजे पूरत्रयाणामिव ।तीर्थानामुपसङ्गमस्य नयसीत्येतद्ध्रुवं मां तथाबाले पालय पापसंहतितमस्तारे जगन्मङ्गले ॥ ५॥

netraiḥ śvetavinīlaśoṇarucibhiḥ pūrṇānukampānvitaiḥpāpānāṃ mama bhañjanāya girije pūratrayāṇāmiva |tīrthānāmupasaṅgamasya nayasītyetaddhruvaṃ māṃ tathābāle pālaya pāpasaṃhatitamastāre jaganmaṅgale || 5||

मातस्ते दरलोलशीतविमलैर्नेत्रैः शिवे पश्य मांदुःखात्यन्तविपाकदीनवदनं शीघ्रं दयार्द्रैर्यतः ।ग्रामे वा विपिनेऽपि वा हिमकरो ज्योत्स्नानिपातैः समंबाले पालय पापसंहतितमस्तारे जगन्मङ्गले ॥ ६॥

mātaste daralolaśītavimalairnetraiḥ śive paśya māṃduḥkhātyantavipākadīnavadanaṃ śīghraṃ dayārdrairyataḥ |grāme vā vipine'pi vā himakaro jyotsnānipātaiḥ samaṃbāle pālaya pāpasaṃhatitamastāre jaganmaṅgale || 6||

वेदानां शिखराणि पादयुगली धत्ते तवाम्बान्वहंपाद्यं तद्धरमौलिजूटतटिनीलाक्षाङ्कितो रागिमा ।श्रीविष्णोर्हि किरीटरत्नसुषमा यस्यास्तु वन्देतरांबाले पालय पापसंहतितमस्तारे जगन्मङ्गले ॥ ७॥

vedānāṃ śikharāṇi pādayugalī dhatte tavāmbānvahaṃpādyaṃ taddharamaulijūṭataṭinīlākṣāṅkito rāgimā |śrīviṣṇorhi kirīṭaratnasuṣamā yasyāstu vandetarāṃbāle pālaya pāpasaṃhatitamastāre jaganmaṅgale || 7||

या शम्भोश्चरितामृतेन चलिता रोषा च गङ्गाहृदेया सख्यां परमादरा शिवगले या सङ्गता सर्वदा ।दृष्ट्या ते शशिशीतया च दिशती सन्मङ्गलं सन्ततंबाले पालय पापसंहतितमस्तारे जगन्मङ्गले ॥ ८॥

yā śambhoścaritāmṛtena calitā roṣā ca gaṅgāhṛdeyā sakhyāṃ paramādarā śivagale yā saṅgatā sarvadā |dṛṣṭyā te śaśiśītayā ca diśatī sanmaṅgalaṃ santataṃbāle pālaya pāpasaṃhatitamastāre jaganmaṅgale || 8||

वाग्देवीं चतुराननस्य गृहिणीमाहुर्विधिज्ञा नराःश्रीविष्णोर्गृहिणीं सुधाब्धितनयां श्रीकण्ठपत्नीमुमाम् ।मातः का भवती विलासचतुरा माया परा देवताबाले पालय पापसंहतितमस्तारे जगन्मङ्गले ॥ ९॥

vāgdevīṃ caturānanasya gṛhiṇīmāhurvidhijñā narāḥśrīviṣṇorgṛhiṇīṃ sudhābdhitanayāṃ śrīkaṇṭhapatnīmumām |mātaḥ kā bhavatī vilāsacaturā māyā parā devatābāle pālaya pāpasaṃhatitamastāre jaganmaṅgale || 9||

इति श्रीजगन्मङ्गलास्तोत्रं सम्पूर्णम् ॥

iti śrījaganmaṅgalāstotraṃ sampūrṇam ||