चोरशैलाष्टकम् Chorashaila Ashtakam

नाभौ सन्नतमुन्नतं कुचभरे नानायुधोद्यद्भुजंसौभाग्यावधिमुग्धवक्त्रकमलं सर्वाभिरामाकृति ।पारेबद्धपयोधि भासुरतरं चोराचलाधीश्वरंदूरे दुर्गतिजृम्भितानि भवतां धूनोतु दौर्गं महः ॥ १॥

nābhau sannatamunnataṃ kucabhare nānāyudhodyadbhujaṃsaubhāgyāvadhimugdhavaktrakamalaṃ sarvābhirāmākṛti |pārebaddhapayodhi bhāsurataraṃ corācalādhīśvaraṃdūre durgatijṛmbhitāni bhavatāṃ dhūnotu daurgaṃ mahaḥ || 1||

व्यामीलन्महिषासुरत्रिकतटीविन्यस्तपादाम्बुजाश्यामीभूतशशाङ्कबिम्बरचनासम्भाव्यवक्त्राम्बुजा ।सीमोल्लङ्घनशङ्कया श्रुतिपथे विश्रान्तनेत्राम्बुजाश्रीमच्चोरगिरीश्वरी गिरिसुता श्रेयांसि पुष्णातु वः ॥ २॥

vyāmīlanmahiṣāsuratrikataṭīvinyastapādāmbujāśyāmībhūtaśaśāṅkabimbaracanāsambhāvyavaktrāmbujā |sīmollaṅghanaśaṅkayā śrutipathe viśrāntanetrāmbujāśrīmaccoragirīśvarī girisutā śreyāṃsi puṣṇātu vaḥ || 2||

लीलालीनलुलायकण्ठकदलीकाण्डाग्रनालीगलत्कीलालद्रवकर्दमद्रुतगतिक्रीडाकृताध्वश्रमा ।हेलावल्गितहृद्यखड्गलतिकाखास्कारवीरोद्धताबाला मण्डितचोरशैलगहना मथ्नातु वो वैरिणः ॥ ३॥

līlālīnalulāyakaṇṭhakadalīkāṇḍāgranālīgalatkīlāladravakardamadrutagatikrīḍākṛtādhvaśramā |helāvalgitahṛdyakhaḍgalatikākhāskāravīroddhatābālā maṇḍitacoraśailagahanā mathnātu vo vairiṇaḥ || 3||

निस्त्रिंशप्रकटत्रुटद्गळगळन्नीरन्ध्ररक्तच्छटाविस्तारस्तबकान्तरव्यतिरटद्वेताळमालावृता ।विष्टभ्याङ्घ्रितलेन माहिषमहादैत्यं मुहुर्मथ्नतीपक्षान् मङ्क्षु भवद्द्विषां विशसतात् पाटच्चराद्रीश्वरा ॥ ४॥

nistriṃśaprakaṭatruṭadgaḷagaḷannīrandhraraktacchaṭāvistārastabakāntaravyatiraṭadvetāḷamālāvṛtā |viṣṭabhyāṅghritalena māhiṣamahādaityaṃ muhurmathnatīpakṣān maṅkṣu bhavaddviṣāṃ viśasatāt pāṭaccarādrīśvarā || 4||

बल्गत्खड्गभुजङ्गफूत्कृतधुतप्रध्वस्तदैत्यायुतंनृत्यद्दृतमहालुलायकलहक्रीडत्कृपाणीतलम् ।तृप्यत्स्वर्पतिर्दिव्यवन्दिवदनप्रक्रान्तजैत्रारवंगर्जद्द्विट्छदभर्जनं भवतु वश्चोराद्र्यमाद्यं महः ॥ ५॥

balgatkhaḍgabhujaṅgaphūtkṛtadhutapradhvastadaityāyutaṃnṛtyaddṛtamahālulāyakalahakrīḍatkṛpāṇītalam |tṛpyatsvarpatirdivyavandivadanaprakrāntajaitrāravaṃgarjaddviṭchadabharjanaṃ bhavatu vaścorādryamādyaṃ mahaḥ || 5||

सेवानम्रसुरेन्द्रवीरपृतनामाणिक्यमौलिच्छटाखेलोद्धट्टघणद्धणत्कृतमणिक्षोणीमहामण्डपे ।नानारागमरीचिवीचिविभवप्रोन्निद्रभद्रासनेवीरास्थानवहा मलिम्लुचगिरेर्नाथैव नाथास्तु वः ॥ ६॥

sevānamrasurendravīrapṛtanāmāṇikyamaulicchaṭākheloddhaṭṭaghaṇaddhaṇatkṛtamaṇikṣoṇīmahāmaṇḍape |nānārāgamarīcivīcivibhavapronnidrabhadrāsanevīrāsthānavahā malimlucagirernāthaiva nāthāstu vaḥ || 6||

आनन्दद्रवदिव्यसिन्धुलहरीवर्षाभिवर्षं दृशामायामी यमिनां मनोभिरनिशालेह्यो नवाह्यो रसः ।नीरन्ध्राभरणप्रभानिरवधिखादु द्रुतं पातु वश्चोराद्रेर्मणिदीपधाम जगतां माता सहः पातु वः ॥ ७॥

ānandadravadivyasindhulaharīvarṣābhivarṣaṃ dṛśāmāyāmī yamināṃ manobhiraniśālehyo navāhyo rasaḥ |nīrandhrābharaṇaprabhāniravadhikhādu drutaṃ pātu vaścorādrermaṇidīpadhāma jagatāṃ mātā sahaḥ pātu vaḥ || 7||

धारावर्षि धनं धनप्रणयिनामाराधनीयं परंवीराणां मरुतां विपत्सु शरणं वाग्वैभवं वाग्मिनाम् ।धीराणां द्रुतनिवृतिः सुकृतिनां नेत्रे सुधास्खादिमाचोराद्रेर्मणिदीपथाम जगतां माता महः पातु वः ॥ ८॥

dhārāvarṣi dhanaṃ dhanapraṇayināmārādhanīyaṃ paraṃvīrāṇāṃ marutāṃ vipatsu śaraṇaṃ vāgvaibhavaṃ vāgminām |dhīrāṇāṃ drutanivṛtiḥ sukṛtināṃ netre sudhāskhādimācorādrermaṇidīpathāma jagatāṃ mātā mahaḥ pātu vaḥ || 8||

इति तदिदमष्टकं पुष्टभूषा परंजगदभिमतश्रियाम्प्यधाराधकम् । (नव्यधाराधरम् ।)श्रवणयुगळे मुहुः शीतगीतामृ तैर्वहतु भुवनेश्वरा चोरशैलेश्वरा ॥ ९॥

iti tadidamaṣṭakaṃ puṣṭabhūṣā paraṃjagadabhimataśriyāmpyadhārādhakam | (navyadhārādharam |)śravaṇayugaḷe muhuḥ śītagītāmṛ tairvahatu bhuvaneśvarā coraśaileśvarā || 9||

ख़ल्लर्कोद् नेअर् आल्लेप्पेय्)इति चोरशैलाष्टकं सम्पूर्णम् ।

ख़llarkod near ālleppey)iti coraśailāṣṭakaṃ sampūrṇam |