छेदिन्याःस्तवः Chedinyastavah

अथ वक्ष्ये महादेव्याः छेदिन्याः स्तवमुत्तमम् ।छेत्ता त्वं सर्वग्रन्थीनां मत्प्रसादाद् यतीश्वरः ॥ ३१२४॥

atha vakṣye mahādevyāḥ chedinyāḥ stavamuttamam |chettā tvaṃ sarvagranthīnāṃ matprasādād yatīśvaraḥ || 3124||

यत्प्रसादादनन्तो हि योगी संसारमण्डले ॥ ३१२५॥

yatprasādādananto hi yogī saṃsāramaṇḍale || 3125||

देशानन्दा सकलगुणदा छेदिनी छेदनस्थाहव्यस्था सा विभवनिरता या निधिस्था निशायाम् ।सा मे नित्यं कुलकमलगा गोपनीया विधिज्ञाश्रीवागेशी गगनवसना सर्वयोगं प्रपायात् ॥ ३१२६॥

deśānandā sakalaguṇadā chedinī chedanasthāhavyasthā sā vibhavaniratā yā nidhisthā niśāyām |sā me nityaṃ kulakamalagā gopanīyā vidhijñāśrīvāgeśī gaganavasanā sarvayogaṃ prapāyāt || 3126||

कामानन्दा मदननिरता भाविता भावसिन्धौकामानन्दोद्भवरसवती योगियोगस्थधात्री ।सा मे धौतं प्रकुरु वपुषोधर्मपुञ्जं प्रपायात् ॥ ३१२७॥

kāmānandā madananiratā bhāvitā bhāvasindhaukāmānandodbhavarasavatī yogiyogasthadhātrī |sā me dhautaṃ prakuru vapuṣodharmapuñjaṃ prapāyāt || 3127||

कालाकालं कमलकलिकावासिनी कालिका मेग्रन्थिच्छेदं स्थिरगृहगता गात्रनाडीपथस्था ।वक्त्राम्भोजे वचनमधुरं धारयन्ती जनानाम् ।सा मे रन्ध्रं मम रुचिरतनोः पातु पञ्चानना या ॥ ३१२८॥

kālākālaṃ kamalakalikāvāsinī kālikā megranthicchedaṃ sthiragṛhagatā gātranāḍīpathasthā |vaktrāmbhoje vacanamadhuraṃ dhārayantī janānām |sā me randhraṃ mama ruciratanoḥ pātu pañcānanā yā || 3128||

योगाङ्गस्था स्थितिलयविभवा लोमकूपाम्बुजस्थामाता गौरी गिरिपतिसुता भासुरास्त्रप्रदीप्ता ।सम्पायान्मे हृदयविवरं छेदिनीमूलपूरेकैलासस्था मममनुगिरिं पातु रुद्रप्रसादा ॥ ३१२९॥

yogāṅgasthā sthitilayavibhavā lomakūpāmbujasthāmātā gaurī giripatisutā bhāsurāstrapradīptā |sampāyānme hṛdayavivaraṃ chedinīmūlapūrekailāsasthā mamamanugiriṃ pātu rudraprasādā || 3129||

नादान्तःस्था मनगुणधरणासन्नसिद्धान्तपाराभोगानन्दा भगनगबिले काशयन्ती जनानाम् ।विद्याविद्या विविधगगना छेदिनी छन्नरूपा ।सा सर्वान्तःकरणनिलया लाकिनी प्रेमभावा ॥ ३१३०॥

nādāntaḥsthā managuṇadharaṇāsannasiddhāntapārābhogānandā bhaganagabile kāśayantī janānām |vidyāvidyā vividhagaganā chedinī channarūpā |sā sarvāntaḥkaraṇanilayā lākinī premabhāvā || 3130||

योगं स्वर्गेऽर्पयसि मनसि प्रेमभावं परेशेया या यात्रा त्रिविधकरणा कारणा सर्वजन्तोः ।माता ज्ञात्री गणेशे गृहिगणसदया सर्वकर्त्री मनो मेरक्षा रक्षाक्षरगतकला केवला निष्कला या ॥ ३१३१॥

yogaṃ svarge'rpayasi manasi premabhāvaṃ pareśeyā yā yātrā trividhakaraṇā kāraṇā sarvajantoḥ |mātā jñātrī gaṇeśe gṛhigaṇasadayā sarvakartrī mano merakṣā rakṣākṣaragatakalā kevalā niṣkalā yā || 3131||

सा योगेन्द्रा समवतु मुदा मे गुदं कुण्डलिन्यांजह्नोः कन्या कमलनिलया राकिणी प्रेमभावान् ।मोक्षप्राणान् तपनरहिता पातु मे वेदवक्त्रासिद्धा मूलाम्बुजदलगता पावनी पातु तुण्डम् ॥ ३१३२॥

sā yogendrā samavatu mudā me gudaṃ kuṇḍalinyāṃjahnoḥ kanyā kamalanilayā rākiṇī premabhāvān |mokṣaprāṇān tapanarahitā pātu me vedavaktrāsiddhā mūlāmbujadalagatā pāvanī pātu tuṇḍam || 3132||

हेरम्बाज्ञा प्रलयघटिता काकिनी क्रोधरूपा ॥ ३१३३॥

herambājñā pralayaghaṭitā kākinī krodharūpā || 3133||

यदि भजति कुलीनः कामिनीं क्रोधविद्यांस भवति परयोगी छेदिनीस्तोत्रपाठात् ।सकलदुरितनाशः क्षालनादिप्रसिद्धिःसकलजनवशः स्यात् तस्य नित्यं सुराज्यम् ॥ ३१३४॥

yadi bhajati kulīnaḥ kāminīṃ krodhavidyāṃsa bhavati parayogī chedinīstotrapāṭhāt |sakaladuritanāśaḥ kṣālanādiprasiddhiḥsakalajanavaśaḥ syāt tasya nityaṃ surājyam || 3134||

एतत् स्तोत्रं पठेद्विद्वान् महासंयमतत्परः ।मूले मनः स्थिरो याति सर्वानिष्टविनाशनः ॥ ३१३५॥

etat stotraṃ paṭhedvidvān mahāsaṃyamatatparaḥ |mūle manaḥ sthiro yāti sarvāniṣṭavināśanaḥ || 3135||

सर्वसिद्धिः करे तस्य यो भावं समुपाश्रयेत्शृणुष्व परमानन्द रससागरसम्भव ॥ ३१३६॥

sarvasiddhiḥ kare tasya yo bhāvaṃ samupāśrayetśṛṇuṣva paramānanda rasasāgarasambhava || 3136||

इति श्रीरुद्रयामले उत्तरतन्त्रे महातन्त्रोद्दीपने षट्चक्रप्रकाशेसिद्धिमन्त्रप्रकरणे भैरवभैरवीसंवादे एकत्रिंशः पटलेछेदिन्याः स्तवः समाप्तः ॥ ३१॥

iti śrīrudrayāmale uttaratantre mahātantroddīpane ṣaṭcakraprakāśesiddhimantraprakaraṇe bhairavabhairavīsaṃvāde ekatriṃśaḥ paṭalechedinyāḥ stavaḥ samāptaḥ || 31||

ऱुद्रयमल उत्तरतन्त्र।

rudrayamala uttaratantra|