भुवनसुन्दर्याः वर्णनम् Bhuvanasundaryah Varnanam

(देवीभागवतः)राजोवाचभगवन्ब्रूहि मे तस्याः स्वरूपं बलमुत्तमम् ॥ ५३॥

(devībhāgavataḥ)rājovācabhagavanbrūhi me tasyāḥ svarūpaṃ balamuttamam || 53||

उत्पत्तिकारणं वापि स्थानं परमकं च यत् ।ऋषिरुवाचन चोत्पत्तिरनादित्वान्नृप तस्याः कदाचन ॥ ५४॥

utpattikāraṇaṃ vāpi sthānaṃ paramakaṃ ca yat |ṛṣiruvācana cotpattiranāditvānnṛpa tasyāḥ kadācana || 54||

नित्यैव सा परा देवी कारणानां च कारणम् ।वर्तते सर्वभूतेषु शक्तिः सर्वात्मना नृप ॥ ५५॥

nityaiva sā parā devī kāraṇānāṃ ca kāraṇam |vartate sarvabhūteṣu śaktiḥ sarvātmanā nṛpa || 55||

शववच्छक्तिहीनस्तु प्राणी भवति सर्वथा ।चिच्छक्तिः सर्वभूतेषु रूपं तस्यास्तदेव हि ॥ ५६॥

śavavacchaktihīnastu prāṇī bhavati sarvathā |cicchaktiḥ sarvabhūteṣu rūpaṃ tasyāstadeva hi || 56||

आविर्भावतिरोभावौ देवानां कार्यसिद्धये ।यदा स्तुवन्ति तां देवा मनुजाश्च विशाम्पते ॥ ५७॥

āvirbhāvatirobhāvau devānāṃ kāryasiddhaye |yadā stuvanti tāṃ devā manujāśca viśāmpate || 57||

प्रादुर्भवति भूतानां दुःखनाशाय चाम्बिका ।नानारूपधरा देवी नानाशक्तिसमन्विता ॥ ५८॥

prādurbhavati bhūtānāṃ duḥkhanāśāya cāmbikā |nānārūpadharā devī nānāśaktisamanvitā || 58||

आविर्भवति कार्यार्थं स्वेच्छया परमेश्वरी ।दैवाधीना न सा देवी यथा सर्वे सुरा नृप ॥ ५९॥

āvirbhavati kāryārthaṃ svecchayā parameśvarī |daivādhīnā na sā devī yathā sarve surā nṛpa || 59||

न कालवशगा नित्यं पुरुषार्थप्रवर्तिनी ।अकर्ता पुरुषो द्रष्टा दृश्यं सर्वमिदं जगत् ॥ ६०॥

na kālavaśagā nityaṃ puruṣārthapravartinī |akartā puruṣo draṣṭā dṛśyaṃ sarvamidaṃ jagat || 60||

दृश्यस्य जननी सैव देवी सदसदात्मिका ।पुरुषं रञ्जयत्येका कृत्वा ब्रह्माण्डनाटकम् ॥ ६१॥

dṛśyasya jananī saiva devī sadasadātmikā |puruṣaṃ rañjayatyekā kṛtvā brahmāṇḍanāṭakam || 61||

रञ्जिते पुरुषे सर्वं संहरत्यतिरंहसा ।तया निमित्तभूतास्ते ब्रह्मविष्णुमहेश्वराः ॥ ६२॥

rañjite puruṣe sarvaṃ saṃharatyatiraṃhasā |tayā nimittabhūtāste brahmaviṣṇumaheśvarāḥ || 62||

कल्पिताः स्वस्वकार्येषु प्रेरिता लीलया त्वमी ।स्वांशं तेषु समारोप्य कृतास्ते बलवत्तराः ॥ ६३॥

kalpitāḥ svasvakāryeṣu preritā līlayā tvamī |svāṃśaṃ teṣu samāropya kṛtāste balavattarāḥ || 63||

दत्ताश्च शक्तयस्तेभ्यो गीर्लक्ष्मीर्गिरिजा तथा ।ते तां ध्यायन्ति देवेशा पूजयन्ति परां मुदा ॥ ६४॥

dattāśca śaktayastebhyo gīrlakṣmīrgirijā tathā |te tāṃ dhyāyanti deveśā pūjayanti parāṃ mudā || 64||

ज्ञात्वासर्वेश्वरीं शक्तिंसृष्टिस्थितिविनाशिनीम् ।एतत्ते सर्वमाख्यातं देवीमाहात्म्यमुत्तमम् ।मम बुद्।ह्ध्यनुसारेण नान्तं जानामि भूपते ॥ ६५॥

jñātvāsarveśvarīṃ śaktiṃsṛṣṭisthitivināśinīm |etatte sarvamākhyātaṃ devīmāhātmyamuttamam |mama bud|hdhyanusāreṇa nāntaṃ jānāmi bhūpate || 65||

इति देवीभागवते पञ्चमस्कन्धे त्रयस्त्रिंशाध्यायान्तर्गतंदेवीमाहात्म्यवर्णनं समाप्तम् ।

iti devībhāgavate pañcamaskandhe trayastriṃśādhyāyāntargataṃdevīmāhātmyavarṇanaṃ samāptam |