अपीतकुचाम्बास्तवः Apitakuchamba Stavah

आनन्दसिन्धुलहरीममृतांशुमौलेरासेविनाममृतनिर्मितवर्तिमक्ष्णोः ।आनन्दवल्लिविततेरमृतार्द्रगुच्छंअम्ब स्मराम्यहमपीतकुचे वपुस्ते ॥ १॥

ānandasindhulaharīmamṛtāṃśumaulerāsevināmamṛtanirmitavartimakṣṇoḥ |ānandavallivitateramṛtārdragucchaṃamba smarāmyahamapītakuce vapuste || 1||

निर्निद्रकोकनदकोमलकान्तमम्बनित्यं सुधानिकरवर्षि पदं त्वदीयम् ।मूर्छाकरज्वररुजा मम तापितस्यमूर्ध्नि क्षणं सकृदपीतकुचे निधेहि ॥ २॥

nirnidrakokanadakomalakāntamambanityaṃ sudhānikaravarṣi padaṃ tvadīyam |mūrchākarajvararujā mama tāpitasyamūrdhni kṣaṇaṃ sakṛdapītakuce nidhehi || 2||

शीतांशुकोटि सुषमाशिशिरैः कटाक्षैःअव्याजभूतकरुणारसपूरपूर्णैः ।कर्पूरधूलिमिव दिक्षु समाकिरद्भिःअम्ब क्षणं स्नपय मामरुणाद्रिमान्ये ॥ ३॥

śītāṃśukoṭi suṣamāśiśiraiḥ kaṭākṣaiḥavyājabhūtakaruṇārasapūrapūrṇaiḥ |karpūradhūlimiva dikṣu samākiradbhiḥamba kṣaṇaṃ snapaya māmaruṇādrimānye || 3||

आविर्भव क्षणमपीतकुचे पुरस्तात्अम्ब ज्वरेण महता मम तापितस्य ।येन त्वदङ्घ्रिरुचिजालसुधाप्रवाहेमग्नस्तदैव तनुतापममुं त्यजेयम् ॥ ४॥

āvirbhava kṣaṇamapītakuce purastātamba jvareṇa mahatā mama tāpitasya |yena tvadaṅghrirucijālasudhāpravāhemagnastadaiva tanutāpamamuṃ tyajeyam || 4||

नानाविधैर्नलिनजातलिपिप्रकॢप्तैःआनीतमूर्छमधिकं क्षुभितैर्ज्वराद्यैः ।आश्वासय क्षणमपीतकुचे कराग्रक्रीडाकनत्कनकहल्लकसौरभेण ॥ ५॥

nānāvidhairnalinajātalipiprakḷptaiḥānītamūrchamadhikaṃ kṣubhitairjvarādyaiḥ |āśvāsaya kṣaṇamapītakuce karāgrakrīḍākanatkanakahallakasaurabheṇa || 5||

कण्ठे विषं विषमुचो भुजगाः कपर्देपार्श्वे च भूतपतयः प्रमथाश्च भीमाः ।शोणाचलेशमुपसृत्य भजेत को वान स्यात्तवाम्ब सविधे यदि सन्निधानम् ॥ ६ ॥

kaṇṭhe viṣaṃ viṣamuco bhujagāḥ kapardepārśve ca bhūtapatayaḥ pramathāśca bhīmāḥ |śoṇācaleśamupasṛtya bhajeta ko vāna syāttavāmba savidhe yadi sannidhānam || 6 ||

शक्तिर्जगज्जननपालनभञ्जनेषुभोगेषु दिव्यमहिषी तरुणेन्दुमौलेः ।सिद्धिः करप्रणयिनी तव सन्निधानंयन्नासि तस्य तदपीतकुचे न जाने ॥ ७॥

śaktirjagajjananapālanabhañjaneṣubhogeṣu divyamahiṣī taruṇendumauleḥ |siddhiḥ karapraṇayinī tava sannidhānaṃyannāsi tasya tadapītakuce na jāne || 7||

त्वं साक्षिणी प्रलयभैरवताण्डवानांत्वं शेषिणी सहरिधातृ चराचराणाम् ।त्वं मोचिनी सकलसंसृतिजालकानांत्वां ब्रह्मसंविदमपीतकुचे नमामि ॥ ८॥

tvaṃ sākṣiṇī pralayabhairavatāṇḍavānāṃtvaṃ śeṣiṇī saharidhātṛ carācarāṇām |tvaṃ mocinī sakalasaṃsṛtijālakānāṃtvāṃ brahmasaṃvidamapītakuce namāmi || 8||

॥ श्री अप्पय्यदीक्षितेन्द्रैः कृतःअपीतकुचाम्बास्तवः सम्पूर्णः ॥

|| śrī appayyadīkṣitendraiḥ kṛtaḥapītakucāmbāstavaḥ sampūrṇaḥ ||