अनसूयास्तोत्रम् Anasuya Stotram

पतिव्रताशिरोरत्नभूता सुदंरविग्रहा ।सुचरित्रा दिव्यतेजा सर्वलोकनमस्कृतः ॥ १॥

pativratāśiroratnabhūtā sudaṃravigrahā |sucaritrā divyatejā sarvalokanamaskṛtaḥ || 1||

विष्णुप्रपौत्री कपौत्री सती कर्दमपुत्रिका ।देवहूतिसमुत्पन्ना सुमुखी कपिलस्वसा ॥ २॥

viṣṇuprapautrī kapautrī satī kardamaputrikā |devahūtisamutpannā sumukhī kapilasvasā || 2||

अत्रिपत्नी महाभागा दयाक्षान्त्यादिभूषिता ।अनसूया वेदगेया निजधर्मजिताखिला ॥ ३॥

atripatnī mahābhāgā dayākṣāntyādibhūṣitā |anasūyā vedageyā nijadharmajitākhilā || 3||

श्रीदत्तात्रेयजननी चन्द्रमाता मनस्विनी ।दुर्वासोजनयित्रीशा जगत्सङ्कटवारिणी ॥ ४॥

śrīdattātreyajananī candramātā manasvinī |durvāsojanayitrīśā jagatsaṅkaṭavāriṇī || 4||

चतुर्विंशतिनामानि मङ्गलानि पराणि च ।पावन्यान्यनुसूयाया दत्तमातुः पठेन्नरः ॥ ५॥

caturviṃśatināmāni maṅgalāni parāṇi ca |pāvanyānyanusūyāyā dattamātuḥ paṭhennaraḥ || 5||

त्रिकालमेककालं वा श्रद्धाभक्तिसमन्वितः ।तस्य धर्मे रुचिर्दत्ते भक्तिमुक्ति क्रमाद्भवेत् ॥ ६॥

trikālamekakālaṃ vā śraddhābhaktisamanvitaḥ |tasya dharme rucirdatte bhaktimukti kramādbhavet || 6||

इति श्रीवासुदेवानन्दसरस्वतीविरचितं अनसूयास्तोत्रं सम्पूर्णम् ।

iti śrīvāsudevānandasarasvatīviracitaṃ anasūyāstotraṃ sampūrṇam |