दत्तात्रेयाष्टोत्तरशतनामस्तोत्रम् २ Shri Dattatreya Ashtottarashata Namastotram 2

अस्य श्रीदत्तात्रेयाष्टोत्तरशतनामस्तोत्रमहामन्त्रस्य\,ब्रह्मविष्णुमहेश्वरा ऋषयः । श्रीदत्तात्रेयो देवता । अनुष्टुप्छन्दः ।श्रीदत्तात्रेयप्रीत्यर्थे नामपरायणे विनियोगः ।ॐ द्रां द्रीं द्रूं द्रैं द्रौं द्रः ।इति करहृदयादिन्यासौ ।ध्यानम्दिगम्बरं भस्मविलोपिताङ्गं चक्रं त्रिशूलं डमरुं गदां च ।पद्माननं योगिमुनीन्द्र वन्द्यं ध्यायामि तं दत्तमभीष्टसिद्।ह्ध्यै ॥लमित्यादि पञ्चपूजाः ।ॐ अनसूयासुतो दत्तो ह्यत्रिपुत्रो महामुनिः ।योगीन्द्रः पुण्यपुरुषो देवेशो जगदीश्वरः ॥ १॥

asya śrīdattātreyāṣṭottaraśatanāmastotramahāmantrasya\,brahmaviṣṇumaheśvarā ṛṣayaḥ | śrīdattātreyo devatā | anuṣṭupchandaḥ |śrīdattātreyaprītyarthe nāmaparāyaṇe viniyogaḥ |oṃ drāṃ drīṃ drūṃ draiṃ drauṃ draḥ |iti karahṛdayādinyāsau |dhyānamdigambaraṃ bhasmavilopitāṅgaṃ cakraṃ triśūlaṃ ḍamaruṃ gadāṃ ca |padmānanaṃ yogimunīndra vandyaṃ dhyāyāmi taṃ dattamabhīṣṭasid|hdhyai ||lamityādi pañcapūjāḥ |oṃ anasūyāsuto datto hyatriputro mahāmuniḥ |yogīndraḥ puṇyapuruṣo deveśo jagadīśvaraḥ || 1||

परमात्मा परं ब्रह्म सदानन्दो जगद्गुरुः ।नित्यतृप्तो निर्विकारो निर्विकल्पो निरञ्जनः ॥ २॥

paramātmā paraṃ brahma sadānando jagadguruḥ |nityatṛpto nirvikāro nirvikalpo nirañjanaḥ || 2||

गुणात्मको गुणातीतो ब्रह्मविष्णुशिवात्मकः ।नानारूपधरो नित्यः शान्तो दान्तः कृपानिधिः ॥ ३॥

guṇātmako guṇātīto brahmaviṣṇuśivātmakaḥ |nānārūpadharo nityaḥ śānto dāntaḥ kṛpānidhiḥ || 3||

भक्तप्रियो भवहरो भगवान्भवनाशनः ।आदिदेवो महादेवः सर्वेशो भुवनेश्वरः ॥ ४॥

bhaktapriyo bhavaharo bhagavānbhavanāśanaḥ |ādidevo mahādevaḥ sarveśo bhuvaneśvaraḥ || 4||

वेदान्तवेद्यो वरदो विश्वरूपोऽव्ययो हरिः ।सच्चिदानन्दः सर्वेशो योगीशो भक्तवत्सलः ॥ ५॥

vedāntavedyo varado viśvarūpo'vyayo hariḥ |saccidānandaḥ sarveśo yogīśo bhaktavatsalaḥ || 5||

दिगम्बरो दिव्यमूतिर्दिव्यभूतिविभूषणः ।अनादिसिद्धः सुलभो भक्तवाच्छितदायकः ॥ ६॥

digambaro divyamūtirdivyabhūtivibhūṣaṇaḥ |anādisiddhaḥ sulabho bhaktavācchitadāyakaḥ || 6||

एकोऽनेको ह्यद्वितीयो निगमागमपण्डितः ।भुक्तिमुक्तिप्रदाता च कार्तवीर्यवरप्रदः ॥ ७॥

eko'neko hyadvitīyo nigamāgamapaṇḍitaḥ |bhuktimuktipradātā ca kārtavīryavarapradaḥ || 7||

शाश्वताङ्गो विशुद्धात्मा विश्वात्मा विश्वतो मुखः ।सर्वेश्वरः सदातुष्टः सर्वमङ्गलदायकः ॥ ८॥

śāśvatāṅgo viśuddhātmā viśvātmā viśvato mukhaḥ |sarveśvaraḥ sadātuṣṭaḥ sarvamaṅgaladāyakaḥ || 8||

निष्कलङ्को निराभासो निर्विकल्पो निराश्रयः ।पुरुषोत्तमो लोकनाथः पुराणपुरुषोऽनघः ॥ ९॥

niṣkalaṅko nirābhāso nirvikalpo nirāśrayaḥ |puruṣottamo lokanāthaḥ purāṇapuruṣo'naghaḥ || 9||

अपारमहिमाऽनन्तो ह्याद्यन्तरहिताकृतिः ।संसारवनदावाग्निर्भवसागरतारकः ॥ १०॥

apāramahimā'nanto hyādyantarahitākṛtiḥ |saṃsāravanadāvāgnirbhavasāgaratārakaḥ || 10||

श्रीनिवासो विशालाक्षः क्षीराब्धिशयनोऽच्युतः ।सर्वपापक्षयकरस्तापत्रयनिवारणः ॥ ११॥

śrīnivāso viśālākṣaḥ kṣīrābdhiśayano'cyutaḥ |sarvapāpakṣayakarastāpatrayanivāraṇaḥ || 11||

लोकेशः सर्वभूतेशो व्यापकः करुणामयः ।ब्रह्मादिवन्दितपदो मुनिवन्द्यः स्तुतिप्रियः ॥ १२॥

lokeśaḥ sarvabhūteśo vyāpakaḥ karuṇāmayaḥ |brahmādivanditapado munivandyaḥ stutipriyaḥ || 12||

नामरूपक्रियातीतो निःस्पृहो निर्मलात्मकः ।मायाधीशो महात्मा च महादेवो महेश्वरः ॥ १३॥

nāmarūpakriyātīto niḥspṛho nirmalātmakaḥ |māyādhīśo mahātmā ca mahādevo maheśvaraḥ || 13||

व्याघ्नचर्माम्बरधरो नागकुण्डभूषणः ।सर्वलक्षणसम्पूर्णः सर्वसिद्धिप्रदायकः ॥ १४॥

vyāghnacarmāmbaradharo nāgakuṇḍabhūṣaṇaḥ |sarvalakṣaṇasampūrṇaḥ sarvasiddhipradāyakaḥ || 14||

सर्वज्ञः करुणासिन्धुः सर्पहारः सदाशिवः ।सह्याद्रिवासः सर्वात्मा भवबन्धविमोचनः ॥ १५॥

sarvajñaḥ karuṇāsindhuḥ sarpahāraḥ sadāśivaḥ |sahyādrivāsaḥ sarvātmā bhavabandhavimocanaḥ || 15||

विश्वम्भरो विश्वनाथो जगन्नाथो जगत्प्रभुः ।नित्यं पठति यो भक्त्या सर्वपापैः प्रमुच्यते ॥ १६॥

viśvambharo viśvanātho jagannātho jagatprabhuḥ |nityaṃ paṭhati yo bhaktyā sarvapāpaiḥ pramucyate || 16||

सर्वदुःखप्रशमनं सर्वारिष्टनिवारणम् ।भोगमोक्षप्रदं नृणां दत्तसायुज्यदायकम् ॥ १७॥

sarvaduḥkhapraśamanaṃ sarvāriṣṭanivāraṇam |bhogamokṣapradaṃ nṛṇāṃ dattasāyujyadāyakam || 17||

पठन्ति ये प्रयत्नेन सत्यं सत्यं वदाम्यहम् ।इति ब्रह्माण्डपुराणे ब्रह्मनारदसंवादेश्रीदत्तात्रेयाष्टोत्तरशतनामस्तोत्रम् ।इति श्रीदत्तात्रेयाष्टोत्तरशतनामस्तोत्रं (२) सम्पूर्णम् ।

paṭhanti ye prayatnena satyaṃ satyaṃ vadāmyaham |iti brahmāṇḍapurāṇe brahmanāradasaṃvādeśrīdattātreyāṣṭottaraśatanāmastotram |iti śrīdattātreyāṣṭottaraśatanāmastotraṃ (2) sampūrṇam |