दत्तगुरुपञ्चकम् Shri Dattaguru Panchakam

सुनीलमणिभासुरादृतसुरातवार्ता सुरासुरावितदुराशरावितनरावराशाम्बरा ।वरादरकरा कराक्षणधरा धरापादरादरारवपरा परा तनुरिमां स्मराम्यादरात् ॥ १॥

sunīlamaṇibhāsurādṛtasurātavārtā surāsurāvitadurāśarāvitanarāvarāśāmbarā |varādarakarā karākṣaṇadharā dharāpādarādarāravaparā parā tanurimāṃ smarāmyādarāt || 1||

सदादृतपदा पदाहृतपदा सदाचारदासदानिजहृदास्पदा शुभरदा मुदासम्मदा ।मदान्तकपदा कदापि तव दासदारिद्रहावदान्यवरदास्तु मेऽन्तर उदारवीरारिहा ॥ २॥

sadādṛtapadā padāhṛtapadā sadācāradāsadānijahṛdāspadā śubharadā mudāsammadā |madāntakapadā kadāpi tava dāsadāridrahāvadānyavaradāstu me'ntara udāravīrārihā || 2||

जयाजतनयाभया सदुदया दयार्द्राशयाशयात्तविजयाजया तव तनुस्तया हृत्स्थया ।नयादरदया दयाविशदया वियोगोनयातयाश्रय न मे हृदास्तु शुभया भया भातया ॥ ३॥

jayājatanayābhayā sadudayā dayārdrāśayāśayāttavijayājayā tava tanustayā hṛtsthayā |nayādaradayā dayāviśadayā viyogonayātayāśraya na me hṛdāstu śubhayā bhayā bhātayā || 3||

चिदात्यय उरुं गुरुं यमृषयोऽपि चेरुर्गुरुःस्वशान्तिविजितागुरुः समभवत्स पृथ्वीगुरुः ।अजं भवरुजं हरन्तमुषिजं नरा अत्रिजंभजन्तु तमधोक्षजं सुमनसाऽनसूयात्मजम् ॥ ४॥

cidātyaya uruṃ guruṃ yamṛṣayo'pi cerurguruḥsvaśāntivijitāguruḥ samabhavatsa pṛthvīguruḥ |ajaṃ bhavarujaṃ harantamuṣijaṃ narā atrijaṃbhajantu tamadhokṣajaṃ sumanasā'nasūyātmajam || 4||

नमोऽस्तु गुरवे स्वकल्पतरवेऽत्र सर्वोरवेरवेरधिरुचे शुचे मलिनभक्तहृत्कारवे ।अवेहि तव किङ्करं शिरसि धेहि मे शङ्करंकरं तव वरं वरं न च परं वृणे शङ्करम् ॥ ५॥

namo'stu gurave svakalpatarave'tra sarvoraveraveradhiruce śuce malinabhaktahṛtkārave |avehi tava kiṅkaraṃ śirasi dhehi me śaṅkaraṃkaraṃ tava varaṃ varaṃ na ca paraṃ vṛṇe śaṅkaram || 5||

इति श्रीवासुदेवानन्दसरस्वतीविरचितं श्रीदत्तगुरुपञ्चकं सम्पूर्णम् ।

iti śrīvāsudevānandasarasvatīviracitaṃ śrīdattagurupañcakaṃ sampūrṇam |