दत्तात्रेयस्तोत्रम् ०६ Shri Datta Stotram 6

बालार्कप्रभमिन्द्रनीलजटिलं भस्माङ्गरागोज्वलंशान्तं नादविलीनचित्तपवनं शार्दूलचर्माम्बरम् ।ब्रह्मज्ञैः सनकादिभिः परिवृतं सिद्धैः समाराधितंआत्रेयं समुपास्महे हृदि मुदा ध्येयं सदा योगिभिः ॥ १॥

bālārkaprabhamindranīlajaṭilaṃ bhasmāṅgarāgojvalaṃśāntaṃ nādavilīnacittapavanaṃ śārdūlacarmāmbaram |brahmajñaiḥ sanakādibhiḥ parivṛtaṃ siddhaiḥ samārādhitaṃātreyaṃ samupāsmahe hṛdi mudā dhyeyaṃ sadā yogibhiḥ || 1||

दिगम्बरं भस्मविलेपिताङ्गं चक्रं त्रिशूलं डमरुं गदां च ।पद्मासनस्थं शशिसूर्यनेत्रं दत्तात्रेयं ध्येयमभीष्टसिद्।ह्ध्यै ॥ २॥

digambaraṃ bhasmavilepitāṅgaṃ cakraṃ triśūlaṃ ḍamaruṃ gadāṃ ca |padmāsanasthaṃ śaśisūryanetraṃ dattātreyaṃ dhyeyamabhīṣṭasid|hdhyai || 2||

ॐ नमः श्रीगुरुं दत्तं दत्तदेवं जगद्गुरुम् ।निष्कलं निर्गुणं वन्दे दत्तात्रेयं नमाम्यहम् ॥ ३॥

oṃ namaḥ śrīguruṃ dattaṃ dattadevaṃ jagadgurum |niṣkalaṃ nirguṇaṃ vande dattātreyaṃ namāmyaham || 3||

ब्रह्म लोकेश भूतेश शङ्खचक्रगदाधरम् ।पाणिपात्रधरं देवं दत्तात्रेयं नमाम्यहम् ॥ ४॥

brahma lokeśa bhūteśa śaṅkhacakragadādharam |pāṇipātradharaṃ devaṃ dattātreyaṃ namāmyaham || 4||

सुरेशवन्दितं देवं त्रैलोक्य लोकवन्दितम् ।हरिहरात्मकं देवं दत्तात्रेयं नमाम्यहम् ॥ ५॥

sureśavanditaṃ devaṃ trailokya lokavanditam |hariharātmakaṃ devaṃ dattātreyaṃ namāmyaham || 5||

निर्मलं नीलवर्णं च सुन्दरं श्यामशोभितम् ।सुलोचनं विशालाक्षं दत्तात्रेयं नमाम्यहम् ॥ ६॥

nirmalaṃ nīlavarṇaṃ ca sundaraṃ śyāmaśobhitam |sulocanaṃ viśālākṣaṃ dattātreyaṃ namāmyaham || 6||

त्रिशूलं डमरुं मालां जटामुकुटमण्डितम् ।मण्डितं कुण्डलं कर्णे दत्तात्रेयं नमाम्यहम् ॥ ७॥

triśūlaṃ ḍamaruṃ mālāṃ jaṭāmukuṭamaṇḍitam |maṇḍitaṃ kuṇḍalaṃ karṇe dattātreyaṃ namāmyaham || 7||

विभूतिभूषितदेहं हारकेयूरशोभितम् ।अनन्तप्रणवाकारं श्रीदत्तात्रेयं नमाम्यहम् ॥ ८॥

vibhūtibhūṣitadehaṃ hārakeyūraśobhitam |anantapraṇavākāraṃ śrīdattātreyaṃ namāmyaham || 8||

प्रसन्नवदनं देवं भुक्तिमुक्तिप्रदायकम् ।जनार्दनं जगत्त्राणं दत्तात्रेयं नमाम्यहम् ॥ ९॥

prasannavadanaṃ devaṃ bhuktimuktipradāyakam |janārdanaṃ jagattrāṇaṃ dattātreyaṃ namāmyaham || 9||

राजराजं मिताचारं कार्तवीर्यवरप्रदम् ।सुभद्रं भद्रकल्याणं दत्तात्रेयं नमाम्यहम् ॥ १०॥

rājarājaṃ mitācāraṃ kārtavīryavarapradam |subhadraṃ bhadrakalyāṇaṃ dattātreyaṃ namāmyaham || 10||

अनसूयाप्रियकरं अत्रिपुत्रं सुरेश्वरम् ।विख्यातयोगिनां मोक्षं दत्तात्रेयं नमाम्यहम् ॥ ११॥

anasūyāpriyakaraṃ atriputraṃ sureśvaram |vikhyātayogināṃ mokṣaṃ dattātreyaṃ namāmyaham || 11||

दिगम्बरतनुं श्रेष्ठं ब्रह्मचर्यव्रते स्थितम् ।हंसं हंसात्मकं नित्यं दत्तात्रेयं नमाम्यहम् ॥ १२॥

digambaratanuṃ śreṣṭhaṃ brahmacaryavrate sthitam |haṃsaṃ haṃsātmakaṃ nityaṃ dattātreyaṃ namāmyaham || 12||

कदा योगी कदा भोगी बाललीलाविनोदकः ।दशनैः रत्नसङ्काशैः दत्तात्रेयं नमाम्यहम् ॥ १३॥

kadā yogī kadā bhogī bālalīlāvinodakaḥ |daśanaiḥ ratnasaṅkāśaiḥ dattātreyaṃ namāmyaham || 13||

भूतबाधा भवत्रासः ग्रहपीडा तथैव च ।दरिद्रव्यसनध्वंसी दत्तात्रेयं नमाम्यहम् ॥ १४॥

bhūtabādhā bhavatrāsaḥ grahapīḍā tathaiva ca |daridravyasanadhvaṃsī dattātreyaṃ namāmyaham || 14||

चतुर्दश्यां बुधे वारे जन्ममार्गशिरे शुभे ।तारकं विपुलं वन्दे दत्तात्रेयं नमाम्यहम् ॥ १५॥

caturdaśyāṃ budhe vāre janmamārgaśire śubhe |tārakaṃ vipulaṃ vande dattātreyaṃ namāmyaham || 15||

रक्तोत्पलदलपादं सर्वतीर्थे समुद्भवम् ।वन्दितं योगिभिः सर्वैः दत्तात्रेयं नमाम्यहम् ॥ १६॥

raktotpaladalapādaṃ sarvatīrthe samudbhavam |vanditaṃ yogibhiḥ sarvaiḥ dattātreyaṃ namāmyaham || 16||

ज्ञानदाता प्रभुः साक्षाद्गतिर्मोक्षप्रदायकः ।आत्मभूरीश्वरः कृष्णः दत्तात्रेयं नमाम्यहम् ॥ १७॥

jñānadātā prabhuḥ sākṣādgatirmokṣapradāyakaḥ |ātmabhūrīśvaraḥ kṛṣṇaḥ dattātreyaṃ namāmyaham || 17||

भृगुविरचितमिदं दत्तात्रेय पारायणान्वितम् ।साक्षाद्यद्वत्स्वयं ब्रह्मा दत्तात्रेयं नमाम्यहम् ॥ १८॥

bhṛguviracitamidaṃ dattātreya pārāyaṇānvitam |sākṣādyadvatsvayaṃ brahmā dattātreyaṃ namāmyaham || 18||

प्राणिनां सर्वजन्तूनां कर्मपाशप्रभञ्जनम् ।दत्तात्रेयगुरुस्तोत्रं सर्वान्कामानवाप्नुयात् ॥ १९॥

prāṇināṃ sarvajantūnāṃ karmapāśaprabhañjanam |dattātreyagurustotraṃ sarvānkāmānavāpnuyāt || 19||

अपुत्रो लभते पुत्रं धनधान्यसमन्वितः ।राजमान्यो भवेल्लक्ष्मीं अप्राप्यं प्राप्नुयात् नरः ॥ २०॥

aputro labhate putraṃ dhanadhānyasamanvitaḥ |rājamānyo bhavellakṣmīṃ aprāpyaṃ prāpnuyāt naraḥ || 20||

त्रिसन्ध्यं जपमानस्तु दत्तात्रेयस्तुतिं सदा ।तस्य रोगभयं नास्ति दीर्घायुर्विजयी भवेत् ॥ २१॥

trisandhyaṃ japamānastu dattātreyastutiṃ sadā |tasya rogabhayaṃ nāsti dīrghāyurvijayī bhavet || 21||

कूष्माण्डडाकिनीपक्षपिशाचब्रह्मराक्षसाः ।स्तोत्रस्य श्रुतमात्रेण गच्छन्त्यत्र न संशयः ॥ २२॥

kūṣmāṇḍaḍākinīpakṣapiśācabrahmarākṣasāḥ |stotrasya śrutamātreṇa gacchantyatra na saṃśayaḥ || 22||

एतद्विंशतिश्लोकानां आवृत्तिं कुरु विंशतिम् ।तस्यावृत्तिसहस्रेण दर्शनं नात्र संशयः ॥ २३॥

etadviṃśatiślokānāṃ āvṛttiṃ kuru viṃśatim |tasyāvṛttisahasreṇa darśanaṃ nātra saṃśayaḥ || 23||

इति श्रीभृगुविरचितं दत्तस्तोत्रं सम्पूर्णम् ॥

iti śrībhṛguviracitaṃ dattastotraṃ sampūrṇam ||