नृसिंहध्यानम् विंशतिश्लोकी Vimshati Shloki Nrisimha Dhyanam

अथ विंशति श्लोकी ध्यानम् ॥महाचक्रस्य नाभ्यां तु चिन्तयेत् क्षीरसागरम् ।क्षीरसागरमध्यस्थं श्वेतद्वीपं विचिन्तयेत् ॥१॥

atha viṃśati ślokī dhyānam ||mahācakrasya nābhyāṃ tu cintayet kṣīrasāgaram |kṣīrasāgaramadhyasthaṃ śvetadvīpaṃ vicintayet ||1||

तन्मध्ये तु महादिव्यं प्रासादं रत्ननिर्मितम् ।प्रासादमध्ये चन्द्राभं सिंहासनमनुत्तमम् ॥२॥

tanmadhye tu mahādivyaṃ prāsādaṃ ratnanirmitam |prāsādamadhye candrābhaṃ siṃhāsanamanuttamam ||2||

तस्योपरि महाभागं शेषाख्यं फणिमण्डिलम् ।तदासनगतं देवं तत्फणैर्व्याप्तमस्तकम् ॥३॥

tasyopari mahābhāgaṃ śeṣākhyaṃ phaṇimaṇḍilam |tadāsanagataṃ devaṃ tatphaṇairvyāptamastakam ||3||

पूर्णेन्दु कोटिप्रतिभं नीलकण्ठं त्रिलोचनम् ।बालेन्दुमण्डितसटं कुण्डलाभ्यां विराजितम् ॥४॥

pūrṇendu koṭipratibhaṃ nīlakaṇṭhaṃ trilocanam |bālendumaṇḍitasaṭaṃ kuṇḍalābhyāṃ virājitam ||4||

अनेकरत्नखचितं मुकुटेन च शोभितम् ।काञ्च्याङ्गुलीयवलयं नुपुराङ्गदभूषणैः ॥५॥

anekaratnakhacitaṃ mukuṭena ca śobhitam |kāñcyāṅgulīyavalayaṃ nupurāṅgadabhūṣaṇaiḥ ||5||

वरदाभयहस्तं च चक्रहस्तं पिनाकिनम् ।सर्वाङ्गसुन्दरं देवं सर्वाभरणभूषितम् ॥ ६॥

varadābhayahastaṃ ca cakrahastaṃ pinākinam |sarvāṅgasundaraṃ devaṃ sarvābharaṇabhūṣitam || 6||

स्रष्टारं सर्वजगतां त्रातारं सर्वकामदम् ।तारैकाक्षरमध्यस्थं नृसिंहं दिव्यरूपिणं ॥ ७॥

sraṣṭāraṃ sarvajagatāṃ trātāraṃ sarvakāmadam |tāraikākṣaramadhyasthaṃ nṛsiṃhaṃ divyarūpiṇaṃ || 7||

योगपट्टासनस्थं च महामायेश्वरं विभुम् ।वामभागेश्रितां देवीं नीलकुञ्चितमूर्द्धजाः ॥ ८॥

yogapaṭṭāsanasthaṃ ca mahāmāyeśvaraṃ vibhum |vāmabhāgeśritāṃ devīṃ nīlakuñcitamūrddhajāḥ || 8||

हेमारविन्दप्रतिभां मौक्तिकाभरणोज्वलाम् ।दाडिमं सव्यहस्तेन दक्षेनालिङ्ग्य सप्ततिम् ॥ ९॥

hemāravindapratibhāṃ mauktikābharaṇojvalām |dāḍimaṃ savyahastena dakṣenāliṅgya saptatim || 9||

देवस्याभिमुखीं ध्यायेद्भक्ताभीष्टफलप्रदाम् ।लक्ष्म्याद्याः शक्तयो देवं वीजयन्त्यः समन्ततः ॥ १०॥

devasyābhimukhīṃ dhyāyedbhaktābhīṣṭaphalapradām |lakṣmyādyāḥ śaktayo devaṃ vījayantyaḥ samantataḥ || 10||

लावण्यामृततोयेन सिंञ्चित्योऽपि च सर्वशः ॥शक्तिभिर्मदरत्नाभिः सर्वतः परिवारितम् ॥ ११॥

lāvaṇyāmṛtatoyena siṃñcityo'pi ca sarvaśaḥ ||śaktibhirmadaratnābhiḥ sarvataḥ parivāritam || 11||

सिद्धगन्धर्वनागैश्च विद्याधरवधूगणैः ॥चामरैवीराज्यमानं च लक्ष्म्याद्याभिश्च शक्तिभिः ॥ १२॥

siddhagandharvanāgaiśca vidyādharavadhūgaṇaiḥ ||cāmaraivīrājyamānaṃ ca lakṣmyādyābhiśca śaktibhiḥ || 12||

गायन्तीभिस्तुवन्तीभिर्निषेवितम् ।सनकाद्यैयगिवरैर्ब्रह्मेशाद्यैः सुरोत्तमैः ॥ १३।

gāyantībhistuvantībhirniṣevitam |sanakādyaiyagivarairbrahmeśādyaiḥ surottamaiḥ || 13|

दक्षेतिग्मद्युतिं चैव हिमांशुं वामतः स्थितम् ।वेदैः साङ्गैर्मन्त्रवरैस्तूयमानं मुदान्वितम् ॥ १४॥

dakṣetigmadyutiṃ caiva himāṃśuṃ vāmataḥ sthitam |vedaiḥ sāṅgairmantravaraistūyamānaṃ mudānvitam || 14||

गीयमानं सुदेवेशं सामगैर्ब्रह्मवादिभिः ।आयुधप्रवरैश्चैव मूर्तिमद्भिरुपासितम् ॥ १५॥

gīyamānaṃ sudeveśaṃ sāmagairbrahmavādibhiḥ |āyudhapravaraiścaiva mūrtimadbhirupāsitam || 15||

षभिः सुदर्शनैरन्तर्मायया समलङ्कृतम् ।अष्टद्वादशपत्रस्थैः सेवितं परम मुदा ॥ १६॥

ṣabhiḥ sudarśanairantarmāyayā samalaṅkṛtam |aṣṭadvādaśapatrasthaiḥ sevitaṃ parama mudā || 16||

नारायणैर्वासुदेवैर्वेष्टितं ब्राह्ममायया ।मातृकाभिः षोडशभिस्तयान्तर्मायेयावृतम् ॥ १७॥

nārāyaṇairvāsudevairveṣṭitaṃ brāhmamāyayā |mātṛkābhiḥ ṣoḍaśabhistayāntarmāyeyāvṛtam || 17||

द्वात्रिंशद्भिः नृसिंहैश्च वेष्टितं बाह्ममायया ।वसुभीर्रुद्रैरादित्यैर्विश्वेदेवैर्यथाक्रमं ॥ १८॥

dvātriṃśadbhiḥ nṛsiṃhaiśca veṣṭitaṃ bāhmamāyayā |vasubhīrrudrairādityairviśvedevairyathākramaṃ || 18||

सर्वापत्तारकं चक्रं कालानलसमप्रभम् ।एवं नृसिहं चक्रस्थं सकृत्ध्यायालि यो नरः ॥ १९॥

sarvāpattārakaṃ cakraṃ kālānalasamaprabham |evaṃ nṛsihaṃ cakrasthaṃ sakṛtdhyāyāli yo naraḥ || 19||

आचष्टे तारकं ब्रह्म कृपालुः परमेश्वरः ।सर्वापभ्दयो विमुच्यते मृत्युं जयति दुस्तरम् ॥ २०॥

ācaṣṭe tārakaṃ brahma kṛpāluḥ parameśvaraḥ |sarvāpabhdayo vimucyate mṛtyuṃ jayati dustaram || 20||

ऐहिकामुष्मिकान्भोगान्प्राप्नोत्यव्यहतान्नरः ॥य इदं परमं गुह्यं नृसिंहं ध्यानमुत्तमम् ॥पठत्यनुदिनं भक्त्या नृसिंहत्वमवाप्नुयात् ॥ २१॥

aihikāmuṣmikānbhogānprāpnotyavyahatānnaraḥ ||ya idaṃ paramaṃ guhyaṃ nṛsiṃhaṃ dhyānamuttamam ||paṭhatyanudinaṃ bhaktyā nṛsiṃhatvamavāpnuyāt || 21||

इति शेषभगवत्कृतं विंशती श्लोकी ध्यानं समाप्तम् ॥

iti śeṣabhagavatkṛtaṃ viṃśatī ślokī dhyānaṃ samāptam ||