वराहपञ्चकम् Varahapanchakam

प्रह्लादाह्लादहेतुं सकलगुणगणं सच्चिदानन्दमात्रंसैंह्यासह्योग्रमूर्तिं सदभयमरिशङ्खौ रमां बिभ्रतं च ।अंहस्संहारदक्षं विधिभवविहगेन्द्रेन्द्रचन्द्रादिवन्द्यंरक्षोवक्षोविदारोल्लसदमलदृशं नौमि लक्ष्मीनृसिंहम् ॥ १॥

prahlādāhlādahetuṃ sakalaguṇagaṇaṃ saccidānandamātraṃsaiṃhyāsahyogramūrtiṃ sadabhayamariśaṅkhau ramāṃ bibhrataṃ ca |aṃhassaṃhāradakṣaṃ vidhibhavavihagendrendracandrādivandyaṃrakṣovakṣovidārollasadamaladṛśaṃ naumi lakṣmīnṛsiṃham || 1||

वामाङ्कस्थधराकराञ्जलिपुटप्रेमातिहृष्टान्तरंसीमातीतगुणं फणीन्द्रफणगश्रीमान्यपादाम्बुजम् ।कामाद्याकरचक्रशङ्खसुवरोद्दामाभयोद्यत्करंसामादीड्यवराहरूपममलं हे मानसे संस्मर ॥ २॥

vāmāṅkasthadharākarāñjalipuṭapremātihṛṣṭāntaraṃsīmātītaguṇaṃ phaṇīndraphaṇagaśrīmānyapādāmbujam |kāmādyākaracakraśaṅkhasuvaroddāmābhayodyatkaraṃsāmādīḍyavarāharūpamamalaṃ he mānase saṃsmara || 2||

कोलाय लसदाकल्पजालाय वनमालिने ।नीलाय निजभक्तौघपालाय हरये नमः ॥ ३॥

kolāya lasadākalpajālāya vanamāline |nīlāya nijabhaktaughapālāya haraye namaḥ || 3||

धात्रीं शुभगुणपात्रीमादायाशेषविबुधमादाय ।शेषे तमिममदोषे धातुं हातुं च शङ्किनं शङ्के ॥ ४॥

dhātrīṃ śubhaguṇapātrīmādāyāśeṣavibudhamādāya |śeṣe tamimamadoṣe dhātuṃ hātuṃ ca śaṅkinaṃ śaṅke || 4||

नमोऽस्तु हरये युक्तिगिरये निर्जितारये ।समस्तगुरवे कल्पतरवे परवेदिनाम् ॥ ५॥

namo'stu haraye yuktigiraye nirjitāraye |samastagurave kalpatarave paravedinām || 5||

इति श्रीमद्वादिराजपूज्यचरणविरचितं श्रीवराहपञ्चकंसम्पूर्णम् ।भारतीरमणमुख्यप्राणान्तर्गत श्रीकृष्णार्पणमस्तु ।

iti śrīmadvādirājapūjyacaraṇaviracitaṃ śrīvarāhapañcakaṃsampūrṇam |bhāratīramaṇamukhyaprāṇāntargata śrīkṛṣṇārpaṇamastu |