विष्णुस्तुतिः श्रीनृसिंहस्तोत्रम् Shri Vishnustavan by Markendeya in Narasimhapurana (3)
viṣṇustutiḥ śrīnṛsiṃhastotram
Shri Vishnustavan by Markendeya in Narasimhapurana (3) (विष्णुस्तुतिः श्रीनृसिंहस्तोत्रम्): a hymn of praise (stuti) to Daśāvatāra, from the ṇarasimhapurana. 9 verses in Sanskrit with Devanagari and IAST.
- Stotra
- Stuti
- Daśāvatāra
- ṇarasimhapurana
विष्णुस्तुतिः श्रीनृसिंहस्तोत्रम्
1 / 9
मार्कण्डेय उवाचनरं नृसिंहं नरनाथमच्युतं प्रलम्बबाहुं कमलायतेक्षणम् ।क्षितीश्वरैरर्चितपादपङ्कजं नमामि विष्णुं पुरुषं पुरातनम् ॥ १॥
mārkaṇḍeya uvācanaraṃ nṛsiṃhaṃ naranāthamacyutaṃ pralambabāhuṃ kamalāyatekṣaṇam |kṣitīśvarairarcitapādapaṅkajaṃ namāmi viṣṇuṃ puruṣaṃ purātanam || 1||
जगत्पतिं क्षीरसमुद्रमन्दिरं तं शार्ङ्गपाणिं मुनिवृन्दवन्दितम् ।श्रियः पतिं श्रीधरमीशमीश्वरं नमामि गोविन्दमनन्तवर्चसम् ॥ २॥
jagatpatiṃ kṣīrasamudramandiraṃ taṃ śārṅgapāṇiṃ munivṛndavanditam |śriyaḥ patiṃ śrīdharamīśamīśvaraṃ namāmi govindamanantavarcasam || 2||
अजं वरेण्यं जनदुःखनाशनं गुरुं पुराणं पुरुषोत्तमं प्रभुम् ।सहस्रसूर्यद्युतिमन्तमच्युतं नमामि भक्त्या हरिमाद्यमाधवम् ॥ ३॥
ajaṃ vareṇyaṃ janaduḥkhanāśanaṃ guruṃ purāṇaṃ puruṣottamaṃ prabhum |sahasrasūryadyutimantamacyutaṃ namāmi bhaktyā harimādyamādhavam || 3||
पुरस्कृतं पुण्यवतां परां गतिं क्षितीश्वरं लोकपतिं प्रजापतिम् ।परं पराणामपि कारणं हरिं नमामि लोकत्रयकर्मसाक्षिणम् ॥ ४॥
puraskṛtaṃ puṇyavatāṃ parāṃ gatiṃ kṣitīśvaraṃ lokapatiṃ prajāpatim |paraṃ parāṇāmapi kāraṇaṃ hariṃ namāmi lokatrayakarmasākṣiṇam || 4||
भोगे त्वनन्तस्य पयोदधौ सुरः पुरा हि शेते भगवाननादिकृत् ।क्षीरोदवीचीकणिकाम्बुनोक्षितं तं श्रीनिवासं प्रणतोऽस्मि केशवम् ॥ ५॥
bhoge tvanantasya payodadhau suraḥ purā hi śete bhagavānanādikṛt |kṣīrodavīcīkaṇikāmbunokṣitaṃ taṃ śrīnivāsaṃ praṇato'smi keśavam || 5||
यो नारसिंहं वपुरास्थितो महान् सुरो मुरारिर्मधुकैटभान्तकृत् ।समस्तलोकार्तिहरं हिरण्यकं नमामि विष्णुं सततं नमामि तम् ॥ ६॥
yo nārasiṃhaṃ vapurāsthito mahān suro murārirmadhukaiṭabhāntakṛt |samastalokārtiharaṃ hiraṇyakaṃ namāmi viṣṇuṃ satataṃ namāmi tam || 6||
अनन्तमव्यक्तमतीन्द्रियं विभुं स्वे स्वे हि रूपे स्वयमेव संस्थितम् ।योगेश्वरैरेव सदा नमस्कृतं नमामि भक्त्या सततं जनार्दनम् ॥ ७॥
anantamavyaktamatīndriyaṃ vibhuṃ sve sve hi rūpe svayameva saṃsthitam |yogeśvaraireva sadā namaskṛtaṃ namāmi bhaktyā satataṃ janārdanam || 7||
आनन्दमेकं विरजं विदात्मकं वृन्दालयं योगिभिरेव पूजितम् ।अणोरणीयांसमवृद्धिमक्षयं नमामि भक्तप्रियमीश्वरं हरिम् ॥ ८॥
ānandamekaṃ virajaṃ vidātmakaṃ vṛndālayaṃ yogibhireva pūjitam |aṇoraṇīyāṃsamavṛddhimakṣayaṃ namāmi bhaktapriyamīśvaraṃ harim || 8||
इति ।अध्याय १० श्लोक ८१५, अध्याय श्लोक संख्या ५२श्रीनरसिंहपुराणे मार्कण्डेयचरित्रे दशमोऽध्यायः ॥ १०॥
iti |adhyāya 10 śloka 815, adhyāya śloka saṃkhyā 52śrīnarasiṃhapurāṇe mārkaṇḍeyacaritre daśamo'dhyāyaḥ || 10||
॥ इति विष्णुस्तुतिः श्रीनृसिंहस्तोत्रम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shri Vishnustavan by Markendeya in Narasimhapurana (3)?
Shri Vishnustavan by Markendeya in Narasimhapurana (3) has 9 verses on this page, each shown with its number, Devanagari text and transliteration, and meaning where available.
Can I read Shri Vishnustavan by Markendeya in Narasimhapurana (3) in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shri Vishnustavan by Markendeya in Narasimhapurana (3)?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
