नृसिंहभुजङ्गप्रयातस्तोत्रम् २ Shri Nrisimhabhujangaprayata Stotram

ॐ नमः सर्वगीर्वाणकोटीरकोटिस्फुरद्रननिर्यलनीराजिताम् ।शरच्चन्द्रकोटिप्रभाभासुराङ्गं नमस्कुर्महे वीरलक्ष्मीनृसिंहम् ॥ १॥

oṃ namaḥ sarvagīrvāṇakoṭīrakoṭisphuradrananiryalanīrājitām |śaraccandrakoṭiprabhābhāsurāṅgaṃ namaskurmahe vīralakṣmīnṛsiṃham || 1||

सभास्तम्भनिर्भेदनाविर्भवन्तं ध्वनिस्तम्भिताशेषदं भोलिकेलिम् ।प्रचण्डस्फुरत्काण्डचण्डाट्टहासं नमस्कुर्महे वीरलक्ष्मीनृसिंहम् ॥ २॥

sabhāstambhanirbhedanāvirbhavantaṃ dhvanistambhitāśeṣadaṃ bholikelim |pracaṇḍasphuratkāṇḍacaṇḍāṭṭahāsaṃ namaskurmahe vīralakṣmīnṛsiṃham || 2||

हिरण्याक्षवक्षोगणाध्यक्षवक्षो शिला क्षोददक्षोग्रजायं नखाग्रम् ।प्रतिस्पर्धिदैत्येन्द्रमत्तेभसिंहं नमस्कुर्महे वीरलक्ष्मीनृसिंहम् ॥ ३॥

hiraṇyākṣavakṣogaṇādhyakṣavakṣo śilā kṣodadakṣograjāyaṃ nakhāgram |pratispardhidaityendramattebhasiṃhaṃ namaskurmahe vīralakṣmīnṛsiṃham || 3||

किराटान्तसद्रत्नदैदीप्यमानं ज्वलत्तारहारावलिं चारुकण्ठम् ।क्वणत्कङ्कणोदारकेयूरहारं नमस्कुर्महे वीरलक्ष्मीनृसिंहम् ॥ ४॥

kirāṭāntasadratnadaidīpyamānaṃ jvalattārahārāvaliṃ cārukaṇṭham |kvaṇatkaṅkaṇodārakeyūrahāraṃ namaskurmahe vīralakṣmīnṛsiṃham || 4||

चलच्चञ्चलाकारचेचित्कराग्रं ज्वलत्कीलकालानलाभीमनेत्रम् ।महोदग्रदंष्ट्राकरालोग्रवक्त्रं नमस्कुर्महे वीरलक्ष्मीनृसिंह ॥ ५॥

calaccañcalākāracecitkarāgraṃ jvalatkīlakālānalābhīmanetram |mahodagradaṃṣṭrākarālogravaktraṃ namaskurmahe vīralakṣmīnṛsiṃha || 5||

रमावक्त्रपूर्णेदुसन्दर्शनैकं प्रशान्तोद्भटाटोपकोपावलेयम् ।समस्तागमस्तोमसंस्तूयमानं नमस्कुर्महे वीरलक्ष्मीनृसिंहम् ॥ ६॥

ramāvaktrapūrṇedusandarśanaikaṃ praśāntodbhaṭāṭopakopāvaleyam |samastāgamastomasaṃstūyamānaṃ namaskurmahe vīralakṣmīnṛsiṃham || 6||

त्रयीमस्तकन्यस्तसीमन्तरत्नं महायोगिहृत्पुण्डरीकान्तनेत्रम् ।परित्राणलोकत्रयं देवरनं नमस्कुर्महे वीरलक्ष्मीनृसिंहम् ॥ ७॥

trayīmastakanyastasīmantaratnaṃ mahāyogihṛtpuṇḍarīkāntanetram |paritrāṇalokatrayaṃ devaranaṃ namaskurmahe vīralakṣmīnṛsiṃham || 7||

नमस्ते नमस्ते सदाभक्तबन्धो नमस्ते नमस्ते कृपासारसिन्धो ।नमस्ते नमस्ते सदावीरलक्ष्मीनृसिंहामराधीश देव प्रसीद ॐ ॥ ८॥

namaste namaste sadābhaktabandho namaste namaste kṛpāsārasindho |namaste namaste sadāvīralakṣmīnṛsiṃhāmarādhīśa deva prasīda oṃ || 8||

भुजङ्गप्रयादष्टकं त्विष्टकामं पठन् श्रीनृसिंहाङ्कितस्तोत्रमेतत् ।सतीत्वार्थवद्वारराशीसमग्रं समग्रायुरारोग्यमैश्वर्यमेति ॥ ९॥

bhujaṅgaprayādaṣṭakaṃ tviṣṭakāmaṃ paṭhan śrīnṛsiṃhāṅkitastotrametat |satītvārthavadvārarāśīsamagraṃ samagrāyurārogyamaiśvaryameti || 9||

इति श्रीमच्छङ्कराचार्यविरचितं नृसिंहभुजङ्गप्रयातस्तोत्रं सम्पूर्णम् ।

iti śrīmacchaṅkarācāryaviracitaṃ nṛsiṃhabhujaṅgaprayātastotraṃ sampūrṇam |