नृसिंहाष्टकम् ५ Shri Nrisimha Ashtakam 5
nṛsiṃhāṣṭakam 5
Shri Nrisimha Ashtakam 5 (नृसिंहाष्टकम् ५): an eight-verse hymn (aṣṭaka) to Daśāvatāra, by vAsudevAnandasarasvatI TembesvAmi. 9 verses in Sanskrit with Devanagari and IAST.
- Stotra
- Aṣṭakam
- Daśāvatāra
- Ashtaka
नृसिंहाष्टकम् ५
1 / 9
यं ध्यायसे स क्व तवास्ति देव इत्युक्त ऊचे पितरं सशस्त्रम् ।प्रह्लाद आस्तेऽखिलगो हरिः स लक्ष्मीनृसिंहोऽवतु मां समन्तात् ॥ १॥
yaṃ dhyāyase sa kva tavāsti deva ityukta ūce pitaraṃ saśastram |prahlāda āste'khilago hariḥ sa lakṣmīnṛsiṃho'vatu māṃ samantāt || 1||
तदा पदाताडयदादिदैत्यः स्तम्भो ततोऽह्नाय घुरूरुशब्दम् ।चकार यो लोकभयङ्करं स लक्ष्मीनृसिंहोऽवतु मां समन्तात् ॥ २॥
tadā padātāḍayadādidaityaḥ stambho tato'hnāya ghurūruśabdam |cakāra yo lokabhayaṅkaraṃ sa lakṣmīnṛsiṃho'vatu māṃ samantāt || 2||
स्तम्भं विनिर्भिद्य विनिर्गतो यो भयङ्कराकार उदस्तमेघः ।जटानिपातैः स च तुङ्गकर्णो लक्ष्मीनृसिंहोऽवतु मां समन्तात् ॥ ३॥
stambhaṃ vinirbhidya vinirgato yo bhayaṅkarākāra udastameghaḥ |jaṭānipātaiḥ sa ca tuṅgakarṇo lakṣmīnṛsiṃho'vatu māṃ samantāt || 3||
पञ्चाननास्यो मनुजाकृतिर्यो भयङ्करस्तीक्ष्णनखायुधोऽरिम् ।धृत्वा निजोर्वोर्विददार सोऽसौ लक्ष्मीनृसिंहोऽवतु मां समन्तात् ॥ ४॥
pañcānanāsyo manujākṛtiryo bhayaṅkarastīkṣṇanakhāyudho'rim |dhṛtvā nijorvorvidadāra so'sau lakṣmīnṛsiṃho'vatu māṃ samantāt || 4||
वरप्रदोक्तेरविरोधतोऽरिं जघान भृत्योक्तमृतं हि कुर्वन् ।स्रग्वत्तदन्त्रं निदधौ स्वकण्ठे लक्ष्मीनृसिंहोऽवतु मां समन्तात् ॥ ५॥
varapradokteravirodhato'riṃ jaghāna bhṛtyoktamṛtaṃ hi kurvan |sragvattadantraṃ nidadhau svakaṇṭhe lakṣmīnṛsiṃho'vatu māṃ samantāt || 5||
विचित्रदेहोऽपि विचित्रकर्मा विचित्रशक्तिः स च केसरीह ।पापं च तापं विनिवार्य दुःखं लक्ष्मीनृसिंहोऽवतु मां समन्तात् ॥ ६॥
vicitradeho'pi vicitrakarmā vicitraśaktiḥ sa ca kesarīha |pāpaṃ ca tāpaṃ vinivārya duḥkhaṃ lakṣmīnṛsiṃho'vatu māṃ samantāt || 6||
प्रह्लादः कृतकृत्योऽभूद्यत्कृपालेशतोऽमराः ।निष्कण्टकं स्वधामापुः श्रीनृसिंहः स पाति माम् ॥ ७॥
prahlādaḥ kṛtakṛtyo'bhūdyatkṛpāleśato'marāḥ |niṣkaṇṭakaṃ svadhāmāpuḥ śrīnṛsiṃhaḥ sa pāti mām || 7||
दंष्ट्राकरालवदनो रिपूणां भयकृद्भयम् ।इष्टदो हरति स्वस्य वासुदेवः स पातु माम् ॥ ८॥
daṃṣṭrākarālavadano ripūṇāṃ bhayakṛdbhayam |iṣṭado harati svasya vāsudevaḥ sa pātu mām || 8||
इति श्रीवासुदेवानन्दसरस्वतीविरचितं श्रीलक्ष्मीनृसिहाष्टकं समाप्तम् ।
iti śrīvāsudevānandasarasvatīviracitaṃ śrīlakṣmīnṛsihāṣṭakaṃ samāptam |
॥ इति नृसिंहाष्टकम् ५ सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shri Nrisimha Ashtakam 5?
Shri Nrisimha Ashtakam 5 has 9 verses on this page, each shown with its number, Devanagari text and transliteration, and meaning where available.
Can I read Shri Nrisimha Ashtakam 5 in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shri Nrisimha Ashtakam 5?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Shri Nrisimha Ashtakam 5?
vAsudevAnandasarasvatI TembesvAmi.
