नृसिंहध्यानश्लोकाः Shri Nrisimha Dhyanashlokah

गोखण्डं वारुणाण्डं परि विटि विटित दर्पणाण्डं मृणाण्डम् ।डीण्डींश्च डीण्डीं डहमपि डह मैः झुम्प्र झुम्प्रैश्च झुम्प्रैःस्तैल्यास्तैल्यास्तु स्तैल्याः कुकुकुकुकक्कुमां कुङ्कुमां कुङ्कुमाङ्कंएतत्ते पादपद्मं वहतु गहतु मां पातु मां नारसिंहः ॥सत्यज्ञानसुखस्वरूपममलं क्षीराब्धिमध्ये स्थितंयोगारूढमतिप्रसन्नवदनं भूषासहस्रोज्ज्वलम् ।त्र्यक्षं चक्रपिनाकसाभयकरान् बिभ्राणमर्कच्छविंछत्रीभूतफणीन्द्रमिन्दुधवलं लक्ष्मीनृसिंहं भजे ॥ १॥

gokhaṇḍaṃ vāruṇāṇḍaṃ pari viṭi viṭita darpaṇāṇḍaṃ mṛṇāṇḍam |ḍīṇḍīṃśca ḍīṇḍīṃ ḍahamapi ḍaha maiḥ jhumpra jhumpraiśca jhumpraiḥstailyāstailyāstu stailyāḥ kukukukukakkumāṃ kuṅkumāṃ kuṅkumāṅkaṃetatte pādapadmaṃ vahatu gahatu māṃ pātu māṃ nārasiṃhaḥ ||satyajñānasukhasvarūpamamalaṃ kṣīrābdhimadhye sthitaṃyogārūḍhamatiprasannavadanaṃ bhūṣāsahasrojjvalam |tryakṣaṃ cakrapinākasābhayakarān bibhrāṇamarkacchaviṃchatrībhūtaphaṇīndramindudhavalaṃ lakṣmīnṛsiṃhaṃ bhaje || 1||

उपास्महे नृसिंहाख्यं ब्रह्मवेदान्तगोचरम् ।भूयोलालितसंसारच्छेदहेतुं जगद्गुरुम् ॥ २॥

upāsmahe nṛsiṃhākhyaṃ brahmavedāntagocaram |bhūyolālitasaṃsāracchedahetuṃ jagadgurum || 2||

कोपादालोलजिह्वं विवृतनिजमुखं सोमसूर्याग्निनेत्रंपादादानाभिरक्तप्रभमुपरिसितं भिन्नदैत्येन्द्रगात्रम् ।शङ्खश्चक्रश्च पाशाङ्कुशकुलिशगदादारुणान् युद्धहन्तंभीमं तीक्ष्णाग्रदंष्ट्रं मणिमयविविधाकल्पमीडे नृसिंहम् ॥ ३॥

kopādālolajihvaṃ vivṛtanijamukhaṃ somasūryāgninetraṃpādādānābhiraktaprabhamuparisitaṃ bhinnadaityendragātram |śaṅkhaścakraśca pāśāṅkuśakuliśagadādāruṇān yuddhahantaṃbhīmaṃ tīkṣṇāgradaṃṣṭraṃ maṇimayavividhākalpamīḍe nṛsiṃham || 3||

गर्जन्तं गर्जयन्तं निजभुजपटलं स्फोटयन्तं हरन्तंरूप्यन्तं तापयन्तं दिविभुवि दितिजं क्षेपयन्तं शिरोऽन्तम् ।क्रन्दन्तं रोषयन्तं दिशि दिशि सततं सरभन्तं हरन्तंवीक्षन्तं घूर्णयन्तं करनिकरशतैर्दिव्यसिंहं नमामि ॥ ४॥

garjantaṃ garjayantaṃ nijabhujapaṭalaṃ sphoṭayantaṃ harantaṃrūpyantaṃ tāpayantaṃ divibhuvi ditijaṃ kṣepayantaṃ śiro'ntam |krandantaṃ roṣayantaṃ diśi diśi satataṃ sarabhantaṃ harantaṃvīkṣantaṃ ghūrṇayantaṃ karanikaraśatairdivyasiṃhaṃ namāmi || 4||

माणिक्यादिसमप्रभं निजरुचा सन्त्रस्तरक्षोगणंजानुन्यस्तकराम्बुजं त्रिनयनं रत्नोल्लसद्भूषणम् ।बाहुभ्यां धृतशङ्खचक्रमनिशं दंष्ट्राग्रवक्त्रोल्लसज्ज्वालाजिह्वमुदग्रकेशनिचयं वन्दे नृसिंहं विभुम् ॥ ५॥

māṇikyādisamaprabhaṃ nijarucā santrastarakṣogaṇaṃjānunyastakarāmbujaṃ trinayanaṃ ratnollasadbhūṣaṇam |bāhubhyāṃ dhṛtaśaṅkhacakramaniśaṃ daṃṣṭrāgravaktrollasajjvālājihvamudagrakeśanicayaṃ vande nṛsiṃhaṃ vibhum || 5||

क्षीराब्धौ वसुमुख्यदेवनिकरैरग्रादिसंवेष्टितःशङ्खं चक्रगदाम्बुजं निजकरैर्बिभ्रंस्त्रिनेत्रः सितःसर्पाधीशफणातपत्रलसितः पीताम्बरालङ्कृतोलक्ष्म्याश्लिष्टकलेवरो नरहरि स्तन्नीलकण्ठो मुदे ॥ ६॥

kṣīrābdhau vasumukhyadevanikarairagrādisaṃveṣṭitaḥśaṅkhaṃ cakragadāmbujaṃ nijakarairbibhraṃstrinetraḥ sitaḥsarpādhīśaphaṇātapatralasitaḥ pītāmbarālaṅkṛtolakṣmyāśliṣṭakalevaro narahari stannīlakaṇṭho mude || 6||

उदयरविसहस्रद्योतितं रूक्षवीक्षंप्रलयजलधिनादं कल्पकृद्वह्निवक्त्रम् ।सुरपतिरिपुवक्षच्छेदरक्तोक्षिताङ्गंप्रणतभयहरं तं नारसिंहं नमामि ॥ ७॥

udayaravisahasradyotitaṃ rūkṣavīkṣaṃpralayajaladhinādaṃ kalpakṛdvahnivaktram |surapatiripuvakṣacchedaraktokṣitāṅgaṃpraṇatabhayaharaṃ taṃ nārasiṃhaṃ namāmi || 7||

ऊर्ध्वाभ्यामान्त्रमले तदनुदरमरिं खड्गखेटौ वहन्तंचापं बाणं दधानं मुसलमपि गदां पाशमप्यङ्कुशं चऊर्वौ निक्षिप्य दैत्यं तदुदरकुहरं दारयन्तं च दोर्भ्यांरक्तज्ज्वालावमन्तं ज्वरभयसमये चिन्तयेदुग्रसिंहम् ॥ ८॥

ūrdhvābhyāmāntramale tadanudaramariṃ khaḍgakheṭau vahantaṃcāpaṃ bāṇaṃ dadhānaṃ musalamapi gadāṃ pāśamapyaṅkuśaṃ caūrvau nikṣipya daityaṃ tadudarakuharaṃ dārayantaṃ ca dorbhyāṃraktajjvālāvamantaṃ jvarabhayasamaye cintayedugrasiṃham || 8||

लक्ष्मीशोभितवामभागममलं सिंहासने सुन्दरंसव्ये चक्रधरं च निर्भयकरं वामेन चापं वरम् ।सर्पाधीशकृतान्तपत्रममलं श्रीवत्सवक्षस्थलंवन्दे देवमुनीन्द्रवन्दितपदं लक्ष्मीनृसिंहं विभुम् ॥ ९॥

lakṣmīśobhitavāmabhāgamamalaṃ siṃhāsane sundaraṃsavye cakradharaṃ ca nirbhayakaraṃ vāmena cāpaṃ varam |sarpādhīśakṛtāntapatramamalaṃ śrīvatsavakṣasthalaṃvande devamunīndravanditapadaṃ lakṣmīnṛsiṃhaṃ vibhum || 9||

उग्रं तं नारसिंहं विवृतभयमुखं रक्तनेत्राधरोष्ठंतेजोभिः प्रज्वलन्तं हुतवहसदृशं दुर्निरीक्ष्यं सुरेन्द्रैः ।भिन्नौ दिव्यैर्नखाग्रैर्गजमदमलिनैर्दानवेन्द्रो हिरण्यः ।सोऽयं नः पातु नित्यं त्रिभुवनविजयी सिंहरूपेण विष्णुः ॥ १०॥

ugraṃ taṃ nārasiṃhaṃ vivṛtabhayamukhaṃ raktanetrādharoṣṭhaṃtejobhiḥ prajvalantaṃ hutavahasadṛśaṃ durnirīkṣyaṃ surendraiḥ |bhinnau divyairnakhāgrairgajamadamalinairdānavendro hiraṇyaḥ |so'yaṃ naḥ pātu nityaṃ tribhuvanavijayī siṃharūpeṇa viṣṇuḥ || 10||

अरुणकनकवर्णं नीलकण्ठं त्रिनेत्रंरथचरणपिनाकाभीत्यभीष्टाग्रहस्तम् ।अमृतलहरिगौरं शेषभोगे शयानंप्रणमतशशिचूडं योगरूढं नृसिंहम् ॥ ११॥

aruṇakanakavarṇaṃ nīlakaṇṭhaṃ trinetraṃrathacaraṇapinākābhītyabhīṣṭāgrahastam |amṛtalaharigauraṃ śeṣabhoge śayānaṃpraṇamataśaśicūḍaṃ yogarūḍhaṃ nṛsiṃham || 11||

नमननमोऽस्तु नारायण नारसिंह नमोऽस्तु नारायण वीरसिंह ।नमोऽस्तु नारायण क्रूरसिंह नमोऽस्तु नारायण दिव्यसिंह ॥नमोऽस्तु नारायण व्याघ्रसिंह नमोऽस्तु नारायण पुच्छसिंह ।नमोऽस्तु नारायण पूर्णसिंह नमोऽस्तु नारायण रौद्रसिंह ।नमो नमो भीषण भद्रसिंह नमो नमो विव्ह्वलनेत्रसिंह ।नमो नमो बृंहितभूतसिंह नमो नमो निर्मलचित्रसिंह ॥नमो नमो निर्जितकालसिंह नमो नमः कल्पितकल्पसिंह ।नमो नमः कामद कामसिंह नमो नमस्ते भुवनैकसिंह ।नमो नमस्ते जयसिंहरूप नमो नमस्ते नरसिंहरूप ।नमो नमस्ते रणसिंहरूप नमो नमस्ते नरसिंहरूप ।इति श्रीनृसिंहध्यानश्लोकाः सम्पूर्णा ।

namananamo'stu nārāyaṇa nārasiṃha namo'stu nārāyaṇa vīrasiṃha |namo'stu nārāyaṇa krūrasiṃha namo'stu nārāyaṇa divyasiṃha ||namo'stu nārāyaṇa vyāghrasiṃha namo'stu nārāyaṇa pucchasiṃha |namo'stu nārāyaṇa pūrṇasiṃha namo'stu nārāyaṇa raudrasiṃha |namo namo bhīṣaṇa bhadrasiṃha namo namo vivhvalanetrasiṃha |namo namo bṛṃhitabhūtasiṃha namo namo nirmalacitrasiṃha ||namo namo nirjitakālasiṃha namo namaḥ kalpitakalpasiṃha |namo namaḥ kāmada kāmasiṃha namo namaste bhuvanaikasiṃha |namo namaste jayasiṃharūpa namo namaste narasiṃharūpa |namo namaste raṇasiṃharūpa namo namaste narasiṃharūpa |iti śrīnṛsiṃhadhyānaślokāḥ sampūrṇā |