नृसिंहाष्टकम् ६ Shri Nrisimha Ashtakam

(मत्तमयूरीवृत्तम्)सद्रूपेणादौ विलसन्तं श्रुतिगानम् ।पूर्णब्रह्मानन्दमनादि विगतानम् ।पश्चात्तं मायागुणयुक्तं सृजनेऽहम् ।वन्दे भक्तामरवृक्षं नरसिंहम् ॥ १॥ ध्रु\। ॥

(mattamayūrīvṛttam)sadrūpeṇādau vilasantaṃ śrutigānam |pūrṇabrahmānandamanādi vigatānam |paścāttaṃ māyāguṇayuktaṃ sṛjane'ham |vande bhaktāmaravṛkṣaṃ narasiṃham || 1|| dhru\| ||

प्रेम्णा पद्मालालितपादं भगवन्तम् ।ब्रह्मेन्द्राद्यैः सिद्धमुनीन्द्रैर्नतदेहम् । वन्दे ॥ २॥

premṇā padmālālitapādaṃ bhagavantam |brahmendrādyaiḥ siddhamunīndrairnatadeham | vande || 2||

विद्युद्दस्त्रं पङ्कजनेत्रं स्मितहास्यंविश्वाधारं पूतचरित्रं द्युडुपास्यम् ।मेघश्यामं सर्वगरुत्मत्प्रतिवाहंवन्दे भक्तामरवृक्षं नरसिंहम् । वन्दे ॥ ३॥

vidyuddastraṃ paṅkajanetraṃ smitahāsyaṃviśvādhāraṃ pūtacaritraṃ dyuḍupāsyam |meghaśyāmaṃ sarvagarutmatprativāhaṃvande bhaktāmaravṛkṣaṃ narasiṃham | vande || 3||

त्रस्तैर्देवैर्दानवभीत्यानुतपादंयोविर्भूत्वा मोदं कृतवान् सुरवृन्दम् ।प्रह्लादार्थं संसदि स्तम्भे धृतदेहंवन्दे भक्तामरवृक्षं नरसिंहम् । वन्दे ॥ ४॥

trastairdevairdānavabhītyānutapādaṃyovirbhūtvā modaṃ kṛtavān suravṛndam |prahlādārthaṃ saṃsadi stambhe dhṛtadehaṃvande bhaktāmaravṛkṣaṃ narasiṃham | vande || 4||

उग्रं रूपं यो धृतवान्वै सुभीष्मंभासाल्लुतं सुर्यजतेजः खलु ग्रेष्मम् ।हर्यक्षास्यं दुर्जनचित्तोधृतमोहंवन्दे भक्तामरवृक्षं नरसिंहम् । वन्दे ॥ ५॥

ugraṃ rūpaṃ yo dhṛtavānvai subhīṣmaṃbhāsāllutaṃ suryajatejaḥ khalu greṣmam |haryakṣāsyaṃ durjanacittodhṛtamohaṃvande bhaktāmaravṛkṣaṃ narasiṃham | vande || 5||

ऊरौ धृत्वा पाणिजभिन्नासुरपालंनिष्कास्यान्त्रान् कन्धरदेशे कृतमालम् ।रौद्रदृश्यान्याशितमांसादि समूहंवन्दे भक्तामरवृक्षं नरसिंहम् । वन्दे ॥ ६॥

ūrau dhṛtvā pāṇijabhinnāsurapālaṃniṣkāsyāntrān kandharadeśe kṛtamālam |raudradṛśyānyāśitamāṃsādi samūhaṃvande bhaktāmaravṛkṣaṃ narasiṃham | vande || 6||

दूरस्थैर्नखैः सुनृतं सुरपालंभक्त्या तुष्टालिङ्गितवान्यो रिपुबालम् ।शान्त कान्तं पालितसद्यं पददेहंवन्दे भक्तामरवृक्षं नरसिंहम् । वन्दे ॥ ७॥

dūrasthairnakhaiḥ sunṛtaṃ surapālaṃbhaktyā tuṣṭāliṅgitavānyo ripubālam |śānta kāntaṃ pālitasadyaṃ padadehaṃvande bhaktāmaravṛkṣaṃ narasiṃham | vande || 7||

मायातीतं सर्वसुपूज्यं कमलेशंस्वान्तारामं ध्यानसुगम्यं परमेशम् ।भीमातीरे सङ्गमदेशे कृतगेहंवन्दे भक्तामरवृक्षं नरसिंहम् । वन्दे ॥ ८॥

māyātītaṃ sarvasupūjyaṃ kamaleśaṃsvāntārāmaṃ dhyānasugamyaṃ parameśam |bhīmātīre saṅgamadeśe kṛtagehaṃvande bhaktāmaravṛkṣaṃ narasiṃham | vande || 8||

दत्तात्रेयं पालय दीनं भवभीतंप्रेम्णान्धिप्रान्तेऽर्पितवाणिं यतचित्तम् ।सौख्यं दत्वा ते नय मां त्वं निजदेहंवन्दे भक्तामरवृक्षं नरसिंहम् । वन्दे ॥ ९॥

dattātreyaṃ pālaya dīnaṃ bhavabhītaṃpremṇāndhiprānte'rpitavāṇiṃ yatacittam |saukhyaṃ datvā te naya māṃ tvaṃ nijadehaṃvande bhaktāmaravṛkṣaṃ narasiṃham | vande || 9||

इति श्रीनृसिंहाष्टकं सम्पूर्णम् ।

iti śrīnṛsiṃhāṣṭakaṃ sampūrṇam |