लक्ष्मीनृसिंहकरुणारस करावलम्बस्तोत्रम् करुणावलम्बस्तोत्रम् Shankaras Lakshmi-nrisinha Kharunarasa Or Kharavalamba Shtotra

श्रीमत्पयोनिधिनिकेतनचक्रपाणेभोगीन्द्रभोगमणिराजितपुण्यमूर्ते ।योगीश शाश्वत शरण्य भवाब्धिपोतलक्ष्मीनृसिंह मम देहि करावलम्बम् ॥ १॥

śrīmatpayonidhiniketanacakrapāṇebhogīndrabhogamaṇirājitapuṇyamūrte |yogīśa śāśvata śaraṇya bhavābdhipotalakṣmīnṛsiṃha mama dehi karāvalambam || 1||

ब्रह्मेन्द्ररुद्रमरुदर्ककिरीटकोटिसङ्घट्टिताङ्घ्रिकमलामलकान्तिकान्त ।लक्ष्मीलसत्कुचसरोरुहराजहंसलक्ष्मीनृसिंह मम देहि करावलम्बम् ॥ २॥

brahmendrarudramarudarkakirīṭakoṭisaṅghaṭṭitāṅghrikamalāmalakāntikānta |lakṣmīlasatkucasaroruharājahaṃsalakṣmīnṛsiṃha mama dehi karāvalambam || 2||

संसारघोरगहने चरतो मुरारेमारोग्रभीकरमृगप्रचुरार्दितस्य । वर् मृगप्रवरर्धितस्यआर्तस्य मत्सरनिदाघसुदुःखितस्य वर् निधाघनिपीडतस्यलक्ष्मीनृसिंह मम देहि करावलम्बम् ॥ ३॥

saṃsāraghoragahane carato murāremārograbhīkaramṛgapracurārditasya | var mṛgapravarardhitasyaārtasya matsaranidāghasuduḥkhitasya var nidhāghanipīḍatasyalakṣmīnṛsiṃha mama dehi karāvalambam || 3||

संसारकूपमतिघोरमगाधमूलंसम्प्राप्य दुःखशतसर्पसमाकुलस्य ।दीनस्य देव कृपया पदमागतस्य वर् शरणागतस्यलक्ष्मीनृसिंह मम देहि करावलम्बम् ॥ ४॥

saṃsārakūpamatighoramagādhamūlaṃsamprāpya duḥkhaśatasarpasamākulasya |dīnasya deva kṛpayā padamāgatasya var śaraṇāgatasyalakṣmīnṛsiṃha mama dehi karāvalambam || 4||

संसारसागरविशालकरालकालनक्रग्रहग्रसितनिग्रहविग्रहस्य । वर् ग्रहग्रसनव्यग्रस्य रागनिचयोर्मिनिपीडितस्य वर् रागलसदूर्नमिनिलक्ष्मीनृसिंह मम देहि करावलम्बम् ॥ ५॥

saṃsārasāgaraviśālakarālakālanakragrahagrasitanigrahavigrahasya | var grahagrasanavyagrasya rāganicayorminipīḍitasya var rāgalasadūrnaminilakṣmīnṛsiṃha mama dehi karāvalambam || 5||

संसारवृक्षमघबीजमनन्तकर्मशाखायुतं करणपत्रमनङ्गपुष्पम् ।आरुह्य दुःखफलितं चकितं दयालो वर् दुःखजलधौ पततोलक्ष्मीनृसिंह मम देहि करावलम्बम् ॥ ६॥

saṃsāravṛkṣamaghabījamanantakarmaśākhāyutaṃ karaṇapatramanaṅgapuṣpam |āruhya duḥkhaphalitaṃ cakitaṃ dayālo var duḥkhajaladhau patatolakṣmīnṛsiṃha mama dehi karāvalambam || 6||

संसारसर्पविषदिग्धमहोग्रतीव्र वर् (घनवक्त्र)(विषदष्ट)भयोग्रतीव्रदंष्ट्राग्रकोटिपरिदष्टविनष्टमूर्तेः । वर् दंष्ट्राकरालविषदग्धनागारिवाहन सुधाब्धिनिवास शौरेलक्ष्मीनृसिंह मम देहि करावलम्बम् ॥ ७॥

saṃsārasarpaviṣadigdhamahogratīvra var (ghanavaktra)(viṣadaṣṭa)bhayogratīvradaṃṣṭrāgrakoṭiparidaṣṭavinaṣṭamūrteḥ | var daṃṣṭrākarālaviṣadagdhanāgārivāhana sudhābdhinivāsa śaurelakṣmīnṛsiṃha mama dehi karāvalambam || 7||

संसारदावदहनाकरभीकरोग्र वर् दावदहनातुरभीकरोरुज्वालावलीभिरतिदग्धतनूरुहस्य । वर् अभिदग्धत्वत्पादपद्मसरसीरुहमागतस्य वर् सरसीं शरणागतस्य\, रुहमस्तकस्यलक्ष्मीनृसिंह मम देहि करावलम्बम् ॥ ८॥

saṃsāradāvadahanākarabhīkarogra var dāvadahanāturabhīkarorujvālāvalībhiratidagdhatanūruhasya | var abhidagdhatvatpādapadmasarasīruhamāgatasya var sarasīṃ śaraṇāgatasya\, ruhamastakasyalakṣmīnṛsiṃha mama dehi karāvalambam || 8||

संसारजालपतितस्य जगन्निवाससर्वेन्द्रियार्थबडिशाग्रझषोपमस्य । वर् बडिशश्वझषात्मनश्चप्रोत्कम्पितप्रचुरतालुकमस्तकस्य वर् प्रोत्तम्बितलक्ष्मीनृसिंह मम देहि करावलम्बम् ॥ ९॥

saṃsārajālapatitasya jagannivāsasarvendriyārthabaḍiśāgrajhaṣopamasya | var baḍiśaśvajhaṣātmanaścaprotkampitapracuratālukamastakasya var prottambitalakṣmīnṛsiṃha mama dehi karāvalambam || 9||

संसारभीकरकरीन्द्रकराभिघातनिष्पीड्यमानवपुषः सकलार्तिनाश । वर् कलार्धितस्यप्राणप्रयाणभवभीतिसमाकुलस्यलक्ष्मीनृसिंह मम देहि करावलम्बम् ॥ १०॥

saṃsārabhīkarakarīndrakarābhighātaniṣpīḍyamānavapuṣaḥ sakalārtināśa | var kalārdhitasyaprāṇaprayāṇabhavabhītisamākulasyalakṣmīnṛsiṃha mama dehi karāvalambam || 10||

अन्धस्य मे हृतविवेकमहाधनस्यचोरैर्महाबलिभिरिन्द्रियनामधेयैः ।मोहान्धकारकुहरे विनिपातितस्यलक्ष्मीनृसिंह मम देहि करावलम्बम् ॥ ११॥

andhasya me hṛtavivekamahādhanasyacorairmahābalibhirindriyanāmadheyaiḥ |mohāndhakārakuhare vinipātitasyalakṣmīnṛsiṃha mama dehi karāvalambam || 11||

लक्ष्मीपते कमलनाभ सुरेश विष्णोवैकुण्ठ कृष्ण मधुसूदन पुष्कराक्ष ।(पाठभेद यज्ञेश यज्ञ मधुसूदन विश्वरूप ।)ब्रह्मण्य केशव जनार्दन वासुदेवदेवेश देहि कृपणस्य करावलम्बम् ॥ १२॥

lakṣmīpate kamalanābha sureśa viṣṇovaikuṇṭha kṛṣṇa madhusūdana puṣkarākṣa |(pāṭhabheda yajñeśa yajña madhusūdana viśvarūpa |)brahmaṇya keśava janārdana vāsudevadeveśa dehi kṛpaṇasya karāvalambam || 12||

यन्माययार्जितवपुःप्रचुरप्रवाहमग्नार्थमत्र निवहोरुकरावलम्बम् ।लक्ष्मीनृसिंहचरणाब्जमधुव्रतेनस्तोत्रं कृतं सुखकरं भुवि शङ्करेण ॥ १३॥

yanmāyayārjitavapuḥpracurapravāhamagnārthamatra nivahorukarāvalambam |lakṣmīnṛsiṃhacaraṇābjamadhuvratenastotraṃ kṛtaṃ sukhakaraṃ bhuvi śaṅkareṇa || 13||

संसारसागरनिमज्जनमुह्यमानंदीनं विलोकय विभो करुणानिधे माम् ।प्रह्लादखेदपरिहारपरावतारलक्ष्मीनृसिंह मम देहि करावलम्बम् ॥ १४॥

saṃsārasāgaranimajjanamuhyamānaṃdīnaṃ vilokaya vibho karuṇānidhe mām |prahlādakhedaparihāraparāvatāralakṣmīnṛsiṃha mama dehi karāvalambam || 14||

बद्ध्वा गले यमभटा बहु तर्जयन्तःवर् भद्वाकशैर्यनुभटाबहुभर्तृयन्तिकर्षन्ति यत्र भवपाशशतैर्युतं माम् ।वर् कर्षन्ति यत्र पथि पाशशतैर्यथा माम्एकाकिनं परवशं चकितं दयालोलक्ष्मीनृसिंह मम देहि करावलम्बम् ॥ १५॥

baddhvā gale yamabhaṭā bahu tarjayantaḥvar bhadvākaśairyanubhaṭābahubhartṛyantikarṣanti yatra bhavapāśaśatairyutaṃ mām |var karṣanti yatra pathi pāśaśatairyathā māmekākinaṃ paravaśaṃ cakitaṃ dayālolakṣmīnṛsiṃha mama dehi karāvalambam || 15||

एकेन चक्रमपरेण करेण शङ्खमन्येन सिन्धुतनयामवलम्ब्य तिष्ठन् ।वामेतरेण वरदाभयपद्मचिह्नं वर् वरदाभयहस्तमुद्रांलक्ष्मीनृसिंह मम देहि करावलम्बम् ॥ १६॥

ekena cakramapareṇa kareṇa śaṅkhamanyena sindhutanayāmavalambya tiṣṭhan |vāmetareṇa varadābhayapadmacihnaṃ var varadābhayahastamudrāṃlakṣmīnṛsiṃha mama dehi karāvalambam || 16||

प्रह्लादनारदपराशरपुण्डरीकव्यासादिभागवतपुङ्गवहृन्निवास ।वर् व्यासाम्बरीष शुकशौनक हृन्निवासभक्तानुरुक्तपरिपालनपारिजातलक्ष्मीनृसिंह मम देहि करावलम्बम् ॥ १७॥

prahlādanāradaparāśarapuṇḍarīkavyāsādibhāgavatapuṅgavahṛnnivāsa |var vyāsāmbarīṣa śukaśaunaka hṛnnivāsabhaktānuruktaparipālanapārijātalakṣmīnṛsiṃha mama dehi karāvalambam || 17||

संसारयूथ गजसंहतिसिंहदंष्ट्राभीतस्य दुष्टमैदैत्य भयङ्करेण ।प्राणप्रयाण भवभीति निवारणेनलक्ष्मीनृसिंह मम देहि करावलम्बम् ॥ १८॥

saṃsārayūtha gajasaṃhatisiṃhadaṃṣṭrābhītasya duṣṭamaidaitya bhayaṅkareṇa |prāṇaprayāṇa bhavabhīti nivāraṇenalakṣmīnṛsiṃha mama dehi karāvalambam || 18||

लक्ष्मीनृसिंहचरणाब्जमधुव्रतेनस्तोत्रं कृतं शुभकरं भुवि शङ्करेण ।ये तत्पठन्ति मनुजा हरिभक्तियुक्तास्ते यान्ति तत्पदसरोजमखण्डरूपम् ॥ १९॥

lakṣmīnṛsiṃhacaraṇābjamadhuvratenastotraṃ kṛtaṃ śubhakaraṃ bhuvi śaṅkareṇa |ye tatpaṭhanti manujā haribhaktiyuktāste yānti tatpadasarojamakhaṇḍarūpam || 19||

आद्यन्तशून्यमजमव्ययमप्रमेयमादित्यरुद्रनिगमादिनुतप्रभावम् ।त्वाम्भोधिजास्य मधुलोलुपमत्तभृङ्गींलक्ष्मीनृसिंह मम देहि करावलम्बम् ॥ २०॥

ādyantaśūnyamajamavyayamaprameyamādityarudranigamādinutaprabhāvam |tvāmbhodhijāsya madhulolupamattabhṛṅgīṃlakṣmīnṛsiṃha mama dehi karāvalambam || 20||

वाराहरामनरसिंहरमादिकान्ताक्रीडाविलोलविधिशूलिसूरप्रवन्द्य! ।हंसात्मकं परमहंस विहारलीलंलक्ष्मीनृसिंह मम देहि करावलम्बम् ॥ २१॥

vārāharāmanarasiṃharamādikāntākrīḍāvilolavidhiśūlisūrapravandya! |haṃsātmakaṃ paramahaṃsa vihāralīlaṃlakṣmīnṛsiṃha mama dehi karāvalambam || 21||

स्वामी नृसिंहः सकलं नृसिंहःमाता नृसिंहश्च पिता नृसिंहः ।भ्राता नृसिंहश्च सखा नृसिंहःलक्ष्मीनृसिंह मम देहि करावलम्बम् ॥ २२॥

svāmī nṛsiṃhaḥ sakalaṃ nṛsiṃhaḥmātā nṛsiṃhaśca pitā nṛsiṃhaḥ |bhrātā nṛsiṃhaśca sakhā nṛsiṃhaḥlakṣmīnṛsiṃha mama dehi karāvalambam || 22||

प्रह्लादमानससरोजवासभृङ्ग!गङ्गातरङ्गधवळाङ्ग रमास्थिताङ्क! ।शृङ्गार सुन्दरकिरीटलसद्वराङ्गलक्ष्मीनृसिंह मम देहि करावलम्बम् ॥ २३॥

prahlādamānasasarojavāsabhṛṅga!gaṅgātaraṅgadhavaḷāṅga ramāsthitāṅka! |śṛṅgāra sundarakirīṭalasadvarāṅgalakṣmīnṛsiṃha mama dehi karāvalambam || 23||

श्री शङ्करार्य रचितं सततं मनुष्यःस्तोत्रं पठेदिह तु सर्वगुणप्रपन्नम् ।सद्योविमुक्तकलुषो मुनिवर्यगण्योलक्ष्मीनृसिंह मम देहि करावलम्बम् ॥ २४॥

śrī śaṅkarārya racitaṃ satataṃ manuṣyaḥstotraṃ paṭhediha tu sarvaguṇaprapannam |sadyovimuktakaluṣo munivaryagaṇyolakṣmīnṛsiṃha mama dehi karāvalambam || 24||

श्रीमन् नृसिंह विभवे गरुडध्वजायतापत्रयोपशमनाय भवौषधाय ।तृष्णादिवृश्चिकजलाग्निभुजङ्गरोगक्लेशव्ययाम हरये गुरवे नमस्ते ॥ २५॥

śrīman nṛsiṃha vibhave garuḍadhvajāyatāpatrayopaśamanāya bhavauṣadhāya |tṛṣṇādivṛścikajalāgnibhujaṅgarogakleśavyayāma haraye gurave namaste || 25||

इति श्रीमत्परमहंसपरिव्राजकाचार्यस्यश्रीगोविन्दभगवत्पूज्यपादशिष्यस्यश्रीमच्छङ्करभगवतः कृतौलक्ष्मीनृसिंहकरुणारसस्तोत्रं अथवालक्ष्मीनृसिंहकरावलम्बस्तोत्रं सम्पूर्णम् ॥सङ्कष्टनाशनं लक्ष्मीनृसिंहस्तोत्रम् (नृसिम्हकोश २ ३७८)

iti śrīmatparamahaṃsaparivrājakācāryasyaśrīgovindabhagavatpūjyapādaśiṣyasyaśrīmacchaṅkarabhagavataḥ kṛtaulakṣmīnṛsiṃhakaruṇārasastotraṃ athavālakṣmīnṛsiṃhakarāvalambastotraṃ sampūrṇam ||saṅkaṣṭanāśanaṃ lakṣmīnṛsiṃhastotram (nṛsimhakośa 2 378)