नृसिंहपञ्चकम् Nrisimha Panchakam

(नृसिंहस्तुतीपरसुभाषितानि नित्यपाठ)सुरासुरशिरोरत्नकान्तिविच्छुरिताङ्घ्रयेनमस्त्रिभुवनेशाय हरये सिंहरूपिणे ॥ १॥

(nṛsiṃhastutīparasubhāṣitāni nityapāṭha)surāsuraśiroratnakāntivicchuritāṅghrayenamastribhuvaneśāya haraye siṃharūpiṇe || 1||

शत्रौः प्राणालिः पञ्च वयं दश जयोऽत्रकःइति कोपा दिवा ताम्राः पान्तु वो नृहरेर्नखाः ॥ २॥

śatrauḥ prāṇāliḥ pañca vayaṃ daśa jayo'trakaḥiti kopā divā tāmrāḥ pāntu vo nṛharernakhāḥ || 2||

वपुर्दलन सम्भ्रमात्स्वनखरं प्रविष्टे रिपौकृपाय इति विस्मयात्प्रहितलोचनः सर्वतः ।वृथेति करताडनान्निपतितं पुरो दानवंनिरीक्ष्य भुवि रेणुवज्जयति जातहासो हरिः ॥ ३॥

vapurdalana sambhramātsvanakharaṃ praviṣṭe ripaukṛpāya iti vismayātprahitalocanaḥ sarvataḥ |vṛtheti karatāḍanānnipatitaṃ puro dānavaṃnirīkṣya bhuvi reṇuvajjayati jātahāso hariḥ || 3||

सोमार्धायितनिष्पिधानदशमः सन्ध्यायितान्तर्मुखोबालर्कायितलोचनः सुरधनुर्लेखायितभ्रूलतः ।अन्तर्नादनिरोधपीवरगलत्त्वक्कूप निर्यत्तडित्तारस्फारसटावरुद्धगगनः पायान्नृसिंहः स वः ॥ ४॥

somārdhāyitaniṣpidhānadaśamaḥ sandhyāyitāntarmukhobālarkāyitalocanaḥ suradhanurlekhāyitabhrūlataḥ |antarnādanirodhapīvaragalattvakkūpa niryattaḍittārasphārasaṭāvaruddhagaganaḥ pāyānnṛsiṃhaḥ sa vaḥ || 4||

आदित्याः किं दर्शयन्ते प्रलयभयकृतः स्वीकृताकाशदेशाःकिं वोल्कामण्डलानि त्रिभुवनदहनायोद्यतानीति भीतैः ।पायासु नरसिंहं वपुरमरगणैर्बिभ्रतः शार्ङ्गगपाणेर्हष्टाहप्तासुरोरस्थलदरणगलद्रवतरवतरनखा वः ॥ ५॥

ādityāḥ kiṃ darśayante pralayabhayakṛtaḥ svīkṛtākāśadeśāḥkiṃ volkāmaṇḍalāni tribhuvanadahanāyodyatānīti bhītaiḥ |pāyāsu narasiṃhaṃ vapuramaragaṇairbibhrataḥ śārṅgagapāṇerhaṣṭāhaptāsurorasthaladaraṇagaladravataravataranakhā vaḥ || 5||

इति नृसिंहपञ्चकं सम्पूर्णम् ।

iti nṛsiṃhapañcakaṃ sampūrṇam |