नरहर्यष्टकम् Narahari Ashtakam

यद्धितं तव भक्तानामस्माकं नृहरे हरे ।तदाशु कार्यं कार्यज्ञ प्रळयार्कायुतप्रभ ॥ १॥

yaddhitaṃ tava bhaktānāmasmākaṃ nṛhare hare |tadāśu kāryaṃ kāryajña praḷayārkāyutaprabha || 1||

रटत्सटोग्र भ्रुकुटीकठोरकुटिलेक्षण ।नृपञ्चास्य ज्वलज्ज्वालोज्ज्वलास्यारीन्हरे हर ॥ २॥

raṭatsaṭogra bhrukuṭīkaṭhorakuṭilekṣaṇa |nṛpañcāsya jvalajjvālojjvalāsyārīnhare hara || 2||

उन्नद्धकर्णविन्यास विवृतानन भीषण ।गतदूषण मे शत्रून् हरे नरहरे हर ॥ ३॥

unnaddhakarṇavinyāsa vivṛtānana bhīṣaṇa |gatadūṣaṇa me śatrūn hare narahare hara || 3||

हरे शिखिशिखोद्भास्वदुरः क्रूरनखोत्कर ।अरीन् संहर दंष्ट्रोग्रस्फुरज्जिह्व नृसिंह मे ॥ ४॥

hare śikhiśikhodbhāsvaduraḥ krūranakhotkara |arīn saṃhara daṃṣṭrograsphurajjihva nṛsiṃha me || 4||

जठरस्थजगज्जाल करकोट्युद्यतायुध ।कटिकल्पतटित्कल्पवसनारीन् हरे हर ॥ ५॥

jaṭharasthajagajjāla karakoṭyudyatāyudha |kaṭikalpataṭitkalpavasanārīn hare hara || 5||

रक्षोध्यक्षबृहद्वक्षोरुक्षकुक्षिविदारण ।नरहर्यक्ष मे शत्रुपक्षकक्षं हरे दह ॥ ६॥

rakṣodhyakṣabṛhadvakṣorukṣakukṣividāraṇa |naraharyakṣa me śatrupakṣakakṣaṃ hare daha || 6||

विधिमारुतशर्वेन्द्रपूर्वगीर्वाणपुङ्गवैः ।सदा नतांङ्घ्रिद्वन्द्वारीन् नरसिंह हरे हर ॥ ७॥

vidhimārutaśarvendrapūrvagīrvāṇapuṅgavaiḥ |sadā natāṃṅghridvandvārīn narasiṃha hare hara || 7||

भयङ्करोर्वलङ्कार वरहुङ्कारगर्जित ।हरे नरहरे शत्रून्मम संहर संहर ॥ ८॥

bhayaṅkarorvalaṅkāra varahuṅkāragarjita |hare narahare śatrūnmama saṃhara saṃhara || 8||

वादिराजयतिप्रोक्तं नरहर्यष्टकं नवम् ।पठन्नृसिंहकृपया रिपून् संहरति क्षणात् ॥ ९॥

vādirājayatiproktaṃ naraharyaṣṭakaṃ navam |paṭhannṛsiṃhakṛpayā ripūn saṃharati kṣaṇāt || 9||

इति श्रीमद्वादिराजपूज्यचरणविरचितंनरहर्यष्टकं सम्पूर्णम् ।भारतीरमणमुख्यप्राणान्तर्गत श्रीकृष्णार्पणमस्तु ।

iti śrīmadvādirājapūjyacaraṇaviracitaṃnaraharyaṣṭakaṃ sampūrṇam |bhāratīramaṇamukhyaprāṇāntargata śrīkṛṣṇārpaṇamastu |